code 1 title Iwe Orikwera, Mukama Ruhanga *1 Iwe Orikwera, Mukama Ruhanga, Ku buba nibwaba, tukweshongorera, Ob’ Omunyambabazi, kandi ogir’ esaasi, Tataitw’, Omwana, kandi n’Omwoyo. *2 Iwe Orikwera, boona bakutiina, Abari omu iguru na baamaraika boona; Naitw’ ab’aha nsi tukwatanisa nabo Kukusiima n’okukuhimbisa. *3 Iw’ ori Ruhanga, tiharih’ ondiijo; Turi omu kizima, titukureeba gye. Niiw’ ogir’ amaani, rukundo n’okwera Ebitangaaza boon’ ab’ omu nsi. *4 Iwe Orikwera, niiwe Nyamuhanga, Byon’ ebi waahangire nibikuhimbisa; Niiwe Orikwera, Omunyambabazi, Tataitw’, Omwana kandi n’Omwoyo. === code 2 title Ka tuhimbise Ruhanga *1 Ka tuhimbise Ruhanga waitu, Tumusiim’ ahabw’ okukunda kwe; Niwe Ngabo yaitu owa ira ryona, Obutoosh’ otuur’ ain’ ekitiinisa. *2 Ka tweshongor’ eby’embabazi ze, Tumanyis’ abantu eby’amaani ge Eihunga ritworek’ ekiniga kye, Kandi n’emihanda ye temanywa gye. *3 Ens’ egi yoona n’ebigirimu Akabihangis’ Ekigambo kye; Yaaragiir’ enyanja, kugyeziguza Okub’ emyatano yaay’ ehamire. *4 Ka nikirema kutondoora gye Embabazi za Ruhanga waitu; Atuh’ omushan’, enjura n’orume, Biguma nibitwerez’ eby’okurya. *5 Itw’ ab’ens’ egi turi abeeremwa, Niiwe twesiga, Iw’ otaremwa; Embabazi zaawe tizirihwaho; Niiwe Mucunguzi, Munywani waitu. *6 Niiwe Mukama okund’ abantu; Na baamaraika bakusingiza; N’obu turemwa kukusiima nkaba, Kwonk’ omu mazima nikyo tukunda. === code 3 title Ka nsiime Mukama waitu *1 Ka nsiime Mukama waitu Owansaasiir’ ebibi, Akancungur’, akanjuna; Nikyo mmuhimbisiza. Ka tusiime, ka tusiime Mukam’ otarihwaho. *2 Baatatenkuriitw’ aba ira Bakagir’ obusaasi, Yaabagirir’ embabazi; Ka tuzimusiimire. Ka tusiime, ka tusiime Mukam’ otarihwaho. *3 Niwe Tataitw’ omurungi, Otumany’ obweremwa, Otubangir’ obutoosha, Otujun’ abazigu. Ka tusiime, ka tusiime Mukam’ otusaasira. *4 Naimwe baamaraika mwena Abareebana nawe, Mumuramye, mumusiime Hamwe naitw’ ab’omu nsi. Ka tusiime, ka tusiime Ruhang’ ow’embabazi. === code 4 title Kansiime Mukam’ Omuhangi *1 Ka nsiime Mukam’ Omuhangi w’ebintu byona, Ahakuba niwe Mujuni w’amagara gangye; B’eishe-emwe ’mwe, mwije twirire haihi Tumuramye tumusiime. *2 Ka nsiime Mukam’ otegyeka byon’ eby’omu nsi, Kand’ obumbatir’ abantu b’ omu mapapa ge; Mumanye gye, ku niw’ atuheereza Byon’ ebi turikwetenga. *3 Ka nsiime Mukam’ ompwer’ omu murimo gwangye, Akandinda gye n’embabazi z’ ezitahwaho; Nimureebe! Ow’obushoboorozi Ku akor’ eby’okutangaaza. *4 Ka nsiime Mukama n’amagara gangye goona, Ebiin’ omwitsyo byona bigume bimuramye; Abantu be boona ka beeshongore, Basiime Mukama waitu. === code 5 title Imwe bantu ’mw’ *1 Imwe bantu ’mw’ ab’omu nsi, Mweshongorere Mukama, Mugume mumuheereze Nimumushemererwa. *2 Mukama niwe Ruhanga Owaatuhangire wenka; Turi abe, turi entaama ze, Kandi turi omu busyo bwe. *3 Mutaah’ omu marembo ge N’okushemererwa kwingi, Mumuhimbis’ obutoosha, Ahabw’okuba kihikire. *4 Ahabw’enki? We ni murungi, Agir’ embabazi nyingi; Atuur’ ari ow’amazima Okuhitsy’ ebiro byona. *5 Itwe na byon’ eby’omu nsi, Tusiime Ruhanga waitu, Tataitw’, Omwana n’Omwoyo, Ahabw’emigisha ye yoona. === code 6 title Ka tusiime Ruhanga *1 Ka tusiime Ruhanga Nitumweshongorera, *ref Ahabw’embabazi ze Ez’ebiro n’ebiro. *2 Ka tusiim’ amaani ge Agaahangir’ eizooba, *3 Akahanga n’okwezi Kutwakira nyekiro, *4 Tumusiimir’ enjura Etumerez’ embibo, *5 N’ahabw’okushaaruura Eby’okury’ ebi tweza, *6 Kand’ okukira byona Habw’okufa kwa Yesu, *7 Ebihangirwe byona Bihimbise Mukama, tataitwe n’Omwana we N’Omwoyo w’ Orikwera. === code 7 title Ka nsiime Ruhang’ *1 Ka nsiime Ruhang’ ahabw’ebikuru, Ebi yaatukoreir’ obu yaatuha Omwana we Yesu kutucungura N’okutwigurir’ eirembo ry’amagara. *ref Aleluya! Tumusiime, itw’abari omu nsi; Aleluya! Tumusiime, twena tunanukye! Mbwenu twije twena, atuhitsy’ Ishe, Tumusiim’ ahabw’ebi yaatukoreire. *2 Yesu akancunguz’ eshagama ye, Obu yambambirw’ aha musharaba; Omugomi weena ku amwikiriza, Ahonaaho ajunwa, kand’ asaasirwa. *3 Akakora bikuru, tumuhimbise Ahabw’ebirungi ebi yaatuhaire, Kwonka twena ku turimwereebera, Titurimany, oku turimusiima. === code 8 title Isaaya nabi owa ira *1 Isaaya nabi owa ira Akareeb’ okworekwa, Baamaraik’ ab’omu iguru Nibaramya Ruhanga. *2 Yaahurir’ ekyeshongoro Ky’okuhimbis’ Eiziina Rya Mukama w’ensi yoona, Nibeeshongora bati: *3 Reeb’, ekitiinisa kyawe Kiijwir’ eiguru n’ensi; Niiwe wenka Orikwera, Orikwera, Mukama. *4 Naitwe twen’ abari omu nsi Tukwatanise nabo, Nitugira nkabo tuti, Niiwe Rukira-boona. === code 9 title Tuhimbise Mukama waitu *1 Tuhimbise Mukama waitu Twin’ amashemererwa, *ref Habw’okub’ embabazi ze Tizigira bugarukiro. *2 Ka tubuzye hoon’ eiziina rye, Ruhanga Nyamuhanga, *3 Ahabw’obushoboorozi bwe Akatuh’ omushana; *4 Yaataho n’okwezi nyekiro N’enyonyoozi obukumi; *5 Kand’ itwe n’ebi yaahangire Niw’ atugaburira; *6 N’ahabw’ekyo tumuhimbise Twin’ amashemererwa; === code 10 title Ruhang' otareebwa kand' otahwaho *1 Ruhang’ otareebwa kand’ otahwaho, Mukam’ ow’ Obushoboorozi bwona, Ori owa iranaira, Rukira-boona, Kandi nituhimbis’ Eiziina ryawe. *2 Toruha, tohuumur’ ebiro byona; Otegyeka byona n’amaani gaawe; Amazima gaawe nigarangaanwa, Niiw’ okomookwamu ebirungi byona. *3 Niiw’ oh’ ebi waahangir’ amagara; Tukura, tubengyeya, nk’amababi, Bwanyima tuhonga, tukunkumuka; Kwonk’ Iwe, tohinduk’ ebiro byona. *4 Tataitw’ omukur’ ow’ekitiinisa, Baamaraika baawe nibakuramya; Naitwe nitukuhimbis’ obutoosha, Otuur’ omu mushan’ ogutahikwa. === code 11 title Tusisiimukye, tusisiimukye, *1 Tusisiimukye, tusisiimukye, Tukor’ emirimo yaitu, Twehey’ ahari Mukama, Tubone kumuheereza. *2 Mbwenu ka tweteekateekye Obund’ akaija nka hati; Ku yaakwij’ aga maguru, Ashanga tutegyereize. *3 Reka tub’ ab’amazima Kand’ abataine buryarya; Ruhanga naamanya byona, Tasherekwa mibonano. *4 Ka tujwe nk’omushana gwe, Twakire bagyenzi baitu, Tumanyis’ okujuna kwe Omu kuhimbisa kwaitu. *5 Tusisiimukye, tusisiimukye, Itwe n’abantu be boona, Abamuh’ ekitiinisa Ab’omu iguru n’omu nsi. *6 Tusisiimukye, tusisiimukye, Twijur’ Omwoyo we twena, Atwezirikise hati, Tugume tumuheereze. === code 12 title N'tukuhimbisa, Ruhanga *1 N’tukuhimbisa, Ruhanga; Oturinzir’ eki kiro, Nitukushab’ oturinde Omuri eri izooba ryona. *2 Oturo tuba nk’okufa, Titumanya by’eruguru; Kwonk’ ahabw’amaani gaawe Tukwet’ okugwejegyera. *3 Abandi bantu bafiire Abagwejegyeire nkaitwe, Kwonk’ itwe turinzirwe gye, Titwamarwa rufu nkabo. *4 Emirimo yaitu yoona Ei turaakore hati Esiimis’ eiziina ryawe, Nk’oku kirishemereire. === code 13 title Ku oraimuky’ omu kasheeshe *1 Ku oraimuky’ omu kasheeshe, Otabanz’ emirimo, Banz’ oshom’ omu Kitabo Kirikwera Baibuli. Gum’ otsimb’ amaju gaawe Omu maisho ga Yesu, Naija kukuh’ omugisha, Omugambire byona. *2 Ekihikiirizi kyona Ku kiraakuhikyeho, Kyakushang’ ori omuriwe, Tikirikukubaasa Yesu niw’ arikubaasa Kukutebeekanisa; Mbwen’ ogum’ oij’ ahariwe, Omugambire byona. *3 Noija kutung’ obusingye Kand’ otungye n’amaani, Obone kuhwer’ abandi Abataine kihwera. Oimutsye boon’ abagwire, Kand’ ohwer’ enshoberwa; Kwonk’ ebi oraakore byona Obigambire Yesu. *4 Ku oraahurir’ oburuhe Nari ebyosyo by’Omubi, Waahurir’ ori omu kabi, Oin’ obweremwa bwingi, Takira Yes’ Omujuni, Naija kukuh’ amaani; Noija kugir’ obusingye, Ku oraabimugambire. === code 14 title Eri izooba n'eryawe *1 Eri izooba n’eryawe, Ka turikuhe, Yesu; Byon’ ebiraaribemu Titurikubimanya; Kwonk’ Iwe wenka noija Kubitubaasisa gye. *2 Yaaba busingye bwonka, Yaaba bihikiirizi, Byona ka bitegyekwe Rukundo yaawe, Yesu. Ekiraabirugyemu Kib’ okutacumura. *3 Okumanya ni kukye Ahabw’obweremwa bwaitu; Kwonk’ Iwe noobumanya, N’ekiraazaarukyemu, N’akabi aku turimu, Otatunagiirira. *4 Ekyetengo kya boona Niiwe okutusiima Ahabw’ebi tukora, N’ebi tuteekateeka; Nyentsya ku origaruka, Oshangye twetegwire. === code 15 title Ruhanga, otuhaire *1 Ruhanga otuhaire Obusheesh’ oburungi; Obutoosh’ eizooba ryawe Ritushang’ omu ns’ egi, Ryorek’ amaani gaawe Agatari g’abantu. *2 Obutungi bw’abantu Tibubaasa na kakye Kuseesa kiro kyona, Nari kurenzy’ eizooba; Ebihuriire byona Bisiim’ amaani gaawe. *3 Omu bushema bwaitu Tweyet’ abanyabwengye; Twenda kukor’ ebyaitu, Kandi nabyo birema. Mbwenu otuh’ amaani Agarug’ ahariiwe. *4 Ka turwane mashaija Okuhitsya nyekiro; Nibwo turaaremuure, Ruhang’ akatusiima Ahabw’okurwanisa Omuzigu Sitaane. === code 16 title Ekiro kyasheesha *1 Ekiro kyasheesha, Yes’, onyebembere; Hati ninkushaba Onyangis’ ekibi; Habw’ amaani gaawe Nkor’ ebishemeire. *2 Ngirir’ embabazi Eri izooba ryona, Guma noompabura Omuhanda gwawe; Byon’ ebi ndaakore, Bibemu rukundo. *3 Oturinzire gye Omuri eki kiro; Mbwen’ obu bwasheesha. Ai Yes’ Omujuni, Ninkweshengyereza, Nary’ orindabyemu. *4 Ku ndaagw’ omu kibi, Ompe kukyeteisa, Haza nshemezibwe Eshagama yaawe. Obutoosha bwona Ngyender’ omuriiwe. === code 17 title Mukama n’engabo yaitu *1 Mukama n’engabo yaitu, N’Omushana gw’ensi; Niwe aseeses’ ekiro, Kand’ aiza n’obwire. *2 Reka tutamb’ ebitambo By’okusiima kwaitu, Nitumushab’ aturinde, Atwiriz’ obwire. *3 Tusaasir’ ebi twashiisha, Itw’ abantu-buntu; Tum’ Omwoy’ ow’embabazi, Agum’ omuriitwe. === code 18 title Ruhanga ninkuhimbisa *1 Ruhanga ninkuhimbisa Ahabw’emigish’ ei ompa; Obutoosha niiw’ ondinda Ahari butandu yoona. *2 Ekiro nkiki, kyahika, Hoona niiwe ndikushaba Kunsaasir’ ebicumuro Ebi naashoby’ eri izooba. *3 Ongumy’ omutima, ndekye Kutiin’ okufa na kakye, Nyin’ amatsiko kuzooka Aha kiro ky’aha mperu. *4 Amagara gangye gaija Kuhuumurir’ omuriiwe; Ongwejegyeze kurungi, Mbone kwimuka n’amaani. *5 Hati ku ndaabur’ oturo, Naaraara niinyehindura, Nteekateekyes’ ebirungi, Mmanye ku ndi hamwe naiwe. *6 Itwe na byon’ eby’omu nsi Mwije tusiime Tataitwe, N’Omwana kandi n’Omwoyo Ahabw’emigish’ ei atuha. === code 19 title Eizooba ryarenga *1 Eizooba ryarenga Obwire bwaira, Omwirima gwaija, Naaza kubyama. *2 Boona abarwaire N’abaruhire, Yesu, n’tukushaba Obah’ oturo. *3 Kand’ abaana bato Obeeyorekye; N’abagyenzi boona Obeebembere. *4 Abarikushaba Obahuumuze; N’enaama z’ababi Ozizibire. *5 Kandi omu kasheeshe Onyimutsye gye, Nsiibe ndi orikwer’ omu maisho gaawe. *6 Tataitwe aheebwe Ekitiinisa, N’Omwana kandi n’Omwoy’ Orikwera. === code 20 title Hat’ obwire bwaira *1 Hat’ obwire bwaira, Ka twij’ ahariiwe, Mukama wait’, otwakire, Itw’ abaana baawe. *2 Otaturugaho, Oturinde twena, Otuh’ okuhuumura gye, Tutaine kwekanga. *3 Titukahikire Mu nsi yaawe nungi, Ahu baamaraika baawe Bakuhimbisiza. *4 Eizooba ryarenga, Haabah’ omwirima; Iwe, Omushana gw’ensi, Jwer’ abantu baawe. === code 21 title Hat’ eizooba nirirengarenga *1 Hat’ eizooba nirirengarenga, Ka ntamb’ ekitambo eky’omu mwabazyo. *2 Krist’ obu yaabambwa ahabwaitu, Akahay’ amagar’ omu mikono ya Ishe. *3 Naanye nikwo ndikwenda kumwehongyera, Ahakuba niwe abaisaho abantu. *4 Mbwenu ka mpuumure ntaine bwoba; N’obu kyakub’ ekiteekateeko kibi. *5 Kureka haakir’ eki arikwenda Kibe nikyo kyonka kyakorw’ omuriinye. *6 Tinkiri nyow’ ori, kureka Kristo; Niw’ ari omuriinye n’amaani ge goona. *7 Ruhanga Triniiti n’omwe wenka! Ka mb’ ow’ obutoosha, nawe ab’ owangye. === code 22 title Mukama, niiwe mushana gwangye *1 Mukama, niiwe mushana gwangye, Ku ob’ ori naanye, tingira kiro; Tindikwenda bintu by’ensi Kunkingira ngu ntakureeba. *2 Kandi ku ngir’ oturo turungi, Naagwejegyera gye, naaruhuuka, Nyijuka ngu, ku ndihika Omu iguru, ndyakwegamira. *3 Guma naanye buri izooba ryona; Ah’otari, timbaasa kubaho; Na nyekir’ ogume naanye; Ku ob’ otariho, ntiin’ okufa. *4 Ku haraabeh’ omugomi weena Owaacumur’ akakurugaho, Omugirir’ embabazi, Abone kweteis’, agarukye. *5 Kand’ abarwair’ ogum’ obareebe, Oh’ abakyen’ emigisha mingi, Kand’ abafeereirw’ abaabo, Bahuumure gy’, obah’ oturo, *6 Omu kasheeshe tutakagiire Aha mirim’, otuh’ omugisha; Tugume twin’ amatsiko G’okuhik’ owaaw’ omu iguru. === code 23 title Guma naanye, eizooba ryarenga *1 Guma naanye, eizooba ryarenga, Kand’ omwirima gwaba ndindindi; Tiinyine muntu ween’ ondi haihi; Ka nyegumire naiwe, Mujuni. *2 Amagar’ agu twine ni busha, Eby’egi nsi nibihwaho juba; Byona biguma nibihinduka; Iw’ otahinduka, guma naanye. *3 Ninkwetenga buri kaanya koona, Niiwe wenk’ onsinguza Sitaane; Ondiijo n’oha owaakundwanaho Omu bunaku burungi n’obubi? *4 Ku ob’ oriho, tingira muzigu, Ebihikiirizi timbyetaho, Empango ya rufu eb’ ecwekire, Ahakuba mba ndi hamwe naiwe. *5 Ku ndiba ndembir’, onyeyorekye, Butaagurikane ndi omu iguru; Ndugy’ omuri egi nsi y’omwirima, Kandi n’omu kuf’ ogume naanye. === code 24 title Yesu, hat’ obwire bwaira *1 Yesu, hat’ obwire bwaira, twaija kukuhimbisa, Nk’omu kasheeshe ka hati, bwanyima tuhuumure. *2 Aha eizooba nirirenga, ahandi nibusheesha; Buri kaany’ abantu baawe baguma nibareeba. *3 Omu kasheeshe nibwaba, omushekye gujuguta; Haz’ omwirima gubingwa, ensi zoona zihweza. *4 Obwo habah’ amaraka g’abarikukushaba, N’abarikukuhimbisa; boona tibaceceka. *5 Obukama bwawe, Yesu, tiburi bw’okuhwaho; Buryabug’ omu nsi zoona, boona bakwehongyere. === code 25 title Mukama waitu Yes’ Omujuni *1 Mukama waitu Yes’ Omujuni, Hati twemereire kukusiima; N’tukushaba tutakashohoire, Oturagis’ ekigambo kyawe. *2 Tuh’ obusingye n’tutaah’ omu ka, Tubyame tukiri hamwe naiwe; Itw’ abari aha nitukuramya, Oturinde turekye kushiisha. *3 Tuh’ obusingy’ omuri eki kiro, Twakiz’ omushan’ omu mwirima, Ogum’ oturind’ akabi koona, Ahakuba niiwe Murinzi waitu. *4 Kand’ ogum’ obutuh’ obutoosha, Ku turaagir’ emirabanamu; Kandi ku turihez’ orugamba, Otuh’ obusingy’ obutahwaho. === code 26 title Obukama bwawe *1 Obukama bwawe Ai Mukama, bwije, Cwa n’amaani gaawe Obuhuuku bw’ekibi. *2 Tweteng’ obusingye Hamwe n’okukunda, Marah’ obwangani Oburi omu bantu. *3 Obunaku bwawe Bu waaraganiise Buryahika ryari, Okaihaho engamba? *4 Imuka, Mukama, Tukutegyereize, Hat’ amaisho gaitu Gagwir’ omu nkiro. *5 Ihah’ omwirima, Kanyis’ omushana, Garur’ obusingye, Bing’ ekibi kyona. *6 Turi omu mwirima; Ij’, otutambire, Omushana gwawe Gugume nigujwa. === code 27 title Yesu Tukutegyereize *1 Yesu, tukutegyereize, Ij’ otuh’ obusingye, Otukiz’ obwoba bwona, Otuh’ okuhuumura. *2 Niiwe matsiko g’abantu Abari omu nsi zoona, Amahanga goona goona Gakwetenga, Mukama. *3 Bakakwet’ eiziina Yesu Omujuni w’abantu; Okazaarwa nk’akeereere, Haz’ ori Nyamuhanga. *4 Ahabw’Omwoy’ orikwera Yes’, ij’ otutegyekye; Guma naitw’, otuh’ amaani, Otuhitsy’ omu iguru. === code 28 title Mushemererwe mwena *1 Mushemererwe mwena, Entoore za Yesu, Muhemb’ amatabaaza, Gagume nigaaka; Many’ ekiro kiri haihi, Mukama waitu naija; Musisiimukye mwena, Murugy’ omu turo. *2 Amatabaaza gaanyu Mugacume, geere; Mugaijuz’ amajuta, Gaaky’ omu mwirima; Haza mureeb’ okujunwa Ku kwabahika haihi, Mugyende nimwesiima, Mumutangirire. *3 Imw’ abaishiki mwena Abain’ omutima, Mweshongore munonga Nka baamaraika. Kishwer’ ari hakye kwija, Yaafundize buzima; Mumuhimby’, ashemuukye Omu bugyenyi bwe. *4 Ai Yesu, rahuk’ oije, Mucunguzi waitu; Oturuky’, Iw’ eizooba Ry’okuhikiirira. Otuhindur’ emitima, Nitukweshengyereza, Tureeb’ okwija kwawe Okw’ekitiinisa. === code 29 title Yesu naija, nimuhurir’ *1 Yesu naija, nimuhurir’ akaari k’okushemererwa, Abantu boona bamwakiire nibamweshongorera. *2 Yaija, kubohooror’ embohe ezibohirwe Sitaane, Acw’ enjegyer’ ezigumire, haz’ ahab’ obusingye. *3 Yaija kushemb’ abahutaazibwe Sitaan’ omu mitima, N’okutambir’ abooro boona, ahabw’embabazi ze. *4 Mbwenu, Mukama w’obusingye, ka tukuramize kimwe, Nitusingiz’ eiziina ryawe hamwe n’ab’omu iguru. === code 30 title Yes’ owaatufeereir’ ira *1 Yes’ owaatufeereir’ ira Aryaij areetw’ omu bicu, Kand’ aryaij ashagatiirwe Abarikwera be baingi. Aleluya, Kristo aryaija, Ategyeky’ egi nsi yoona. *2 Aryareebw’ abantu boona Ain’ ekitiinisa kingi; Abaamwangire butunu Bakamubamb’ aha Muti, Boona baryamureeba, baboroogye, Bamany’ eki baakozire. *3 Enkojo z’emisomaari Obw’ aryagaruk’ akiziine, Haz’ abaacungwirwe boona Baryazishemerererwa; Kandi naitwe ku turizireeba, Ziryatushemeza twesiime. *4 Yesu, hati n’tukureeba Ori aha kitebe kyawe; Ij’ oz’ aha ngoma yaawe, Otegyeky’ egi nsi yoona. Aleluya! Aleluya! Niiw’ oba Mukama wenka. === code 31 title Yesu, ori haihi kwija *1 Yesu, ori haihi kwija Iwe Mukama waitu, Oin’ ekitiinisa kingi Eki tutakareebaga, Eki orikwija nakyo. Oryaija nk’omushekye Ogurikujuguta; Na hati tuhuriire Amakondere gaawe. *2 Eizoob’ eri oriiziraho Turyakutangirira; Abakwikiriize twena Turyayesiima munonga, Mujuni waitu Yesu. Turyakweshongorera, Kandi tukusingize; Eby’okukunda kwaitu Tubimareyo byona. *3 Yesu, ori haihi kwija, Kandi ku tuteerana Kuriir’ aha Meeza yaawe Eby’okukwijukiraho, Okuhitsy’ obu oriija, Okufa kwawe, Yesu, Tikwo twijuka kwonka, Tutaho n’okwijuka Okugaruka kwawe. *4 Ku turikureeba, Yesu, Ori aha ngoma yaawe, Okushemererwa kwaitu N’okw’ab’omu ns’ egi yoona Obwo kuryaba kwingi. Mbwenu Mukama waitu Kandi omucunguzi, Tukwiniir’ ekihika; Ija jub’, otutegyekye. === code 32 title Mukama Yesu aryaija *1 Mukama Yesu aryaija Ain’ ekitiinisa kingi, Abarikwera be boona Baije bamweshongorere, Bat’, Ija, Nyakusinga Mukama, Otegyeky’ egi nsi yoona. *2 Abaamwikiriize boona, Bakakor’ ebi arikwenda, Baryayesiima munonga, Ku ariba yaagarukire; Obwo baryaza kutangirira Omucunguzi waab’ ogwo. *3 Bwanyim’ abantu ab’omu nsi Aryabacwer’ orubanja; Kandi n’abaamugayire Bakamubamb’ aha muti, Baryarira, baboroogye munonga, Baareeb’ ou baabambire. *4 Yesu, tukutegyereize, N’twenda ku ogaruka juba Oin’ ekitiinisa kingi Eki tutakareebaga. Mukam’, oij’ otwar’ engoma yaawe, Ogitegyekyere kimwe. === code 33 title Mukama Yesu ku ariija *1 MUKAMA Yesu ku ariija Kuheebw’ Obukama, Abamwikiriize boona Baryamureeba. *ref Baryayaka nk’enyonyoozi Ezaak’ omu iguru, Babe nk’amahunde g’aha kirunga kye. *2 Aryateeranira hamwe Abaana be boona, Abant’ abaashemeziibwe N’eshagama ye. *3 Abakunda Yesu boona Abu yaacungwire N’amahunde g’obuguzi a- ha kirunga kye. === code 34 title Ai Mukama waitu Emanueli *1 Ai Mukama waitu Emanueli, Itw’ abari enkwatwa za Sitaane, Nituganya twin’ ekihika Ky’Okwija kw’Omwana wa Ruhanga; *ref Imwe mwena, nimushemererwe, Ahakub’ Emanueli ogwo naija. *2 Ai Mukama, Omwana wa Daudi, Otujun’ itw’ abari omu kabi Omu buhuuku bwa Sitaane, Otubohooror’ omu nkomo ze. *3 Ai Mukama wait’, Iw’ Omushana, Tutuur’ omu mwirima ndindindi, Kandi n’omu kizima ky’okufa; Mbwen’ otujwer’, otumurikire. *4 Ai Mukam’ Omuramuzi waitu, Owaatuhair’ ir’ ebiragiro, Ogaruky’ oij’ obwa kabiri N’ekitiinisa kingi munonga. === code 35 title Abariisa ku baabaire *1 Abariisa ku baabaire Nibarind’ entaama, Ekyo kiro Maraika yaija, Yaababonekyera. *2 Ku baamureebire bati, Bagwa kihuumura, Maraik’ ogwo yaabagira Ati, “Muhuumure! *3 "Mbwenu hati mbareeteir' a-makuru marungi; Omu rurembo rwa Daudi Haazaarw' Omujuni. *4 Nimwija kureeb’ Omwan’ o- Mu nju y’amatungo, Abyami omu bwato bwago Ashwekirw’ otwenda." *5 Ahonaaho haij’ Omutwe Gwa Baamaraika, Nibeeshongora n’amaani Nibagira bati: *6 "Ruhanga ahimbisibw’ a- haigur’ omu iguru, N’omu ns’ abantu be boona Bagir’ obusingye." === code 36 title Abakristaayo mwen’ ab’omu nsi *1 Abakristaayo mwen’ ab’omu nsi, Nimwimukye n’okushemererwa, Muhimbise owaabajunire Owaazaariirwe Betelehemu; Baamaraika nibo baabandize Kuhimbis’ Omwan’ ogw’ owaazairwe. *2 Kandi baaba nibo baagambira Abariisa b’entaama nyekiro, Bati, Mutatiina, ahabw’okuba Haazaarwa Yes’ Omujuni waanyu; Eki Ruhanga yaaraganiise, Hat’ eri izooba kyahikiirira. *3 Ahonaaho haij’ eihe rihango Rya baamaraika nibeeshongora Ahabw’okugir’ amashemererwa G’okurang’ okuzaarwa kwa Yesu N’okukunda kwa Ruhanga waitu Okwamureeteire kumutuha. === code 37 title Mwena nimwije n’okushemererwa *1 MWENA nimwije n’okushemererwa, Tugyende tuze Betelehemu Kureeb’ Omwana owaazaarw’ ahabwaitu *ref Nimwije tumuramye, Nimwije tumuramye, Nimwije tumuramye, Mukama Yesu. *2 Niwe Ruhanga waitu Nyamuhanga, Kwonka taragayire nda y’omwishiki; Rukira-boona, kand’ otarahangirwe; *3 Baamaraika, nimumweshongorere, Naimw’ Abarikwera, mumuhimbise, Muti, “Ruhanga tumuh’ ekitiinisa. *4 Yesu Kristo, nitukutangirira Er’ izooba ry’okukwijukiraho; Niiwe Mukama orikwetw’ Emanueli. === code 38 title Bantu ’mwe, mutegy’ amatu *1 Bantu ’mwe, mutegy’ amatu Ekyeshongoro kyaitu Eky’okuhimbisa Yesu Omwana wa Ruhanga. Akazaarwa nk’er’ izooba Omwishiki oshugaine, Baamaraika baabuzya Amakuru g’okuzaarwa kwe. *ref Twena ka tuhimbise Yes’ ozairw’ ari Omukama. *2 Krist’ osiimw’ ab’omu iguru, Nyakusing’ otahwaho, Waikiriza kwecureeza N’okuzaarw’ omwishiki. Ori Ruhanga buzima, Kand’ ori omuntu nyabuntu, Waija kutuura naitwe Nooyetw’ eiziin’ Emanueli. *3 Ai Mukama w’obusingye, Okarug’ omu iguru, Waikiriza kutsigaho Ekitiinisa kyawe. Ahabw’okukund’ abantu Waahinduk’ omuntu nkaitwe, Ngu obone kutujuna Omu bibi byaitu byona. *4 Iw’ ori Omushana gw’ensi Gw’okujwer’ amahanga, Ngu garugy’ omu mwirima, Gaije gakwehongyere. Obusingye bub’ omu nsi Ahabw’okuzaarwa kwawe; Mbwenu ka tukuramye, Yes’ omucunguzi waitu. === code 39 title Ir’ omu rurembo rw’Omugabe *1 Ir’ omu rurembo rw’Omugabe Hakaba harimu eka y’ente; Nimw’ omukazi yaatair’ omwana Murungi ou yaajigaizire. Maryamu niryo iziina rye, N’ery’Omwana ni Yesu Kristo. *2 Yes’ Omuhangi w’abantu boona Akaija naarug’ omu iguru; Kand’ akazaarirw’ omu ka y’ente Ahabw’okubur’ ahandi omwanya. Akab’ akund’ abanaku Boon’ abataine kitiinisa. *3 Kand’ obu yaabair’ akiri muto, Akab’ atiin’ abazaire be; Aboorober’ obutoosha bwona, Akor’ ebi bamugambira Naitw’ abaan’ abakristaayo Ka tugume tworobe nkawe. *4 Niwe ky’okureeberaho kyaitu Eky’emicwe y’abaana bato; Naamanya gy’ obusaasi bw’abaana, N’ebibah’ okushemererwa. Ku tushaasha, naw’ ashaasha; Ku tuba gye, naw’ ayesiima. *5 Nyentsy’ obunaku butari obu Turyamwereebera n’amaisho, Ahabw’okub’ ogwo Mwana muto Niwe Mukama w’omu iguru, Kand’ Omwebembezi waitu Orituhitsy’ omu bukama bwe. *6 Okwo niyo turiguma nawe, Ei atuur’ omu kitiinisa, Ari aha rubaju rwa Ruhanga Kuguma naatutonganira. Turyamwehinguririza Tugume nitumuhimbisa. === code 40 title Yes’ akazaarirwa Betelehemu *1 Yes’ akazaarirwa Betelehemu, Baamubyamy’ omu nju y’amatungo. Ekyamureetsir’ aha nsi n’enki? Akaij’ ahabwangye. Yes’ akaij’ ahabwangye; Yes’ akaij’ ahabwangye; Ka nikitangaaza Yesu kwija! Akaij’ ahabwangye. *2 Yes’ akeekorer’ ebibi byaitu, Obu yaafeer’ aha Musharaba. Mbenu noogira ngu akafeer’ oha? Niinye yaafeereire. Ka niinye yaafeereire! Ka niinye yaafeereire! Mbwenu noogira ngu akafeer’ oha? Niinye yaafeereire. *3 Yesu naakunda kujun’ abantu Abahabiir’ omu micwe mibi; Naatweta twen’ omu mbabazi ze, Naanye ga naanyeta; Nangwa naanye naanyeta; Nangwa naanye naanyeta. Naatweta twen’ omu mbabazi ze; Naanye ga naanyeta. *4 Bwanyima Yes’ ogw’aryagaruka; Nikwo yaaraganiis’ abeegi be; Ndamureeba naarug’ omu iguru, Aizire kuntwara. Yes’ aryaija kuntwara, Yes’ aryaija kuntwara. Ndyamureeba naarug’ omu iguru, Aizire kuntwara. === code 41 title Yes’ okatsigaho ekitiinisa kyawe *1 Yes’ okatsigaho ekitiinisa kyawe, Obu waija kutucungura; Kwonk’ obu waazaarirwa Betelehemu, Toratungire gye mwanya. *ref Yes’, ij’ omu mutima gwangye; Naagukuha, Mukama wangye; Ij’ otaah’ omu mutima gwangye, Omwanya gwawe gurimu. *2 Baamaraika bakaba bakuramya, Obu waabair’ ori omu iguru; Kwonk’ obu waazaarw’ omu ns’, okeecureeza, Waazaarirw’ omu nju y’ente. *3 Enyonyi zoona zigir’ ah’okwarika, Na zaamuha zigir’ amaaya; Kwonk’ Iw’ okab’ obur’ ah’okut’ omutwe, Ei waabair’ oza yoona. *4 Kand’ ekyakureetsire n’okwih’ abantu Omu buhuuku bwa Sitaane; Kwonka bo bakakwanga, baakwita kubi Nibakubamb’ aha Muti. *5 Kwonka ku origaruka kutegyek ensi, Twena turyakweshongorera, Tukuhimbise turi omu myanya yaitu, Ei waatubonereize. === code 42 title Omwan’ Akazaarirwa *1 Omwan’ akazaarirwa Omu rurembo rwa Daudi; Niwe Mukama waitu Owaizir’ ahabwaitu. *ref Nitusiim’ eryo izooba, Eri yaazaariirweho; Ka tugambire boona Ku Omujuni yaizire. *2 Ekyo kiro abariisa Baareeba Maraika, Baagir’ obwoba bwingi, Naw’ ati, “Mutatiina.” *3 Mbwen’ Omuhangi waitu Owaahangire byona Nimwija kumureeba Abyami omu ka y’ente. *4 Abariisa baagyenda Baahika Betelehemu; Ku baareebire Yesu, Boona baashemererwa. *5 Iw’ Omwan’ Orikwera, Hati naitwe twizire Kukuh’ ekitiinisa Ekikushemereire. === code 43 title Imw’ Abakristaayo mwena, *1 Imw’ Abakristaayo mwena, Mugume mushemererwe; Amakuru ngaga G’okuzaarwa kwa Yesu. Hati ari omu ka y’ente, Kand’ abyami omu bwato; Yaazaarw’ er’ izooba, Mukama waitu. *2 Imw’ Abakristaayo mwena, Mugume mushemererwe; Orwigi rw’omu iguru Yes’ akarwiguraho, Ngu tubon’ omuhanda Ogw’okutuhitsya gye Omu bukama bwa Ishe Obutahwaho. *3 Imw’ Abakristaayo mwena, Mugume mushemererwe; Mbwenu mutatiina, Rufu terikubaasa, Ahabw’okuba Yesu Ain’ obushoboorozi. Eki yaazaariirwe N’okutujuna. === code 44 title Imwe baamaraika ’mwe mwena, *1 Imwe baamaraika ’mwe mwena, Nimwije mweshongorere Yesu, Omwana wa Ruhanga, Owaaturaganisiibwe. *ref Mwije mwena, mweshongorer’ Omukamu waitu; Er’ izooba yaazaarwa, Niwe Yesu Kristo. Mwije mwena mweshongorer’ Omukama waitu; Er’ izooba yaazaarwa, Niwe Mukama Kristo. *2 Naimwe bariisa b’entaama ’mwe, Nimuze Betelehemu, Mureeb’ ogwo Mwana waazaarwa Kub’ Omujuni w’abantu. *3 Imwe banyabwengye ’mwe mwena, Mureebir’ enyonyoozi ye, Nimwirooko musherur’ Ogwo, Ou amahanga geetenga. *4 Naimw’ abarikwera be mwena, Abatuura n’amatsiko G’okureeb’ Omujuni w’ensi; Mbwenu yaazaarw’ er’ izooba. === code 45 title Ira hakaba hariho abantu *1 Ira hakaba hariho abantu Bariisize nyekiro; Haij’ omutwe gwa baamaraika Nibeeshongora munonga, Bat’, Ekitiinisa kiheebwe Ruhanga waitu, N’omu nsi habemu obusingye Aha bantu baamwe boona. *2 Kandi na hati baamaraik’ abo Nibakyeshongorera Ab’omuri egi ns’ eruhire Ebigambo by’obusingye. Baturi haihi nibareeb’ obusaasi bwaitu, Amaraka gaabo marungi Nigagwisa gy’ ensi yoona. *3 Kwonk’ ensi yait’ emazir’emyaka Enkum’ ebiri zoona, Ein’ empaka nyingi n’engamba Kandi n’emirabanamu. Abantu bahugireho nibarwana kwonka; Mbwenu muhurikize mwena Amaraka gaabo marungi. *4 Ai Mukam’ omuhi w’obusingye, Nitukweshengyereza, Orahutsy’ ekyo kiro kyawe Eki origarukiraho, Kand’ eryo izoob’ ensi yoon’ eryagir’ obusingye; Obwo biryahikiirira. === code 46 title Abariis’ aba ira bakaba bariisize *1 Abariis’ aba ira bakaba bariisize Amasyo gaab’ omu nsi ya Buyudaaya, Ei baabaire bariisiiz’ entaama nyekiro, Baahur’ra maraika naayeshongor’ ati, *ref Noël, Noël, Noël, Noël, Haazaarw’ omugabe w’Israeli. *2 Bwanyima hakaij’ abanyabwengye, baaruga Oburugwa-izooba nibakuratira Enyonyoozi ei baareebeir’ omu nsi yaabo, Bain’ ekihika ky’okureeb’ ogwo Mugabe. *3 Enyonyoozi yaabeebembera, yaabahitsya Betelehemu ah’ omwana yaazaariirwe, Yaayemererer’ ahu Yesu yaabair’ abyami Omu nju ya bagyenyi ey’amatungo. *4 Abo bantu boona bakaija kumuramya N’okumutoijer’ emitoijo mirungi; Mbwenu naitwe ka tumuh’ emitima yaitu, Tumuramye, tumuhimbis’ obutoosha. === code 47 title Niiw’ oba Ruhanga waitu *1 Niiw’ oba Ruhanga waitu Okwiha ira ryona; Oryaguma nooturinda Obutwire bwona. *2 Okabeer’ abantu baawe Engab’ egumire; Naitwe, omukono gwawe Nigwo guturinda. *3 Ens’ egi etakahangirwe N’ebirimu byona, Obwo Iw’ okab’ oriho, Kandi torihwaho. *4 Ahariiw’ emyaka rukumi Ni nk’ekiro kimwe; Omu maisho gaawe byombi N’ebitakirana. *5 Kwonk’ abantu nyabuntu bo Baba nk’omutunga; Beeba juba nk’ekirooto Eki omuntu aroota. *6 Ruhanga kandi Tataitwe, Amatsiko gaitu, Gum’ oturind’ obutoosh’ okuhitsy’ aha kufa. === code 48 title Tataitwe, nituhayo *1 Tataitwe, nituhayo Ogu mwaka musya Omu mikono yaawe Gub’ ogw’omugisha; Byon’ ebiritubaho Ebirungi n’ebibi Oku biriba kwona Bikuhimbisise. *2 Tihaine mwana n’omwe Oyesherurira Obutaaho n’ebintu Eby’okumutunga; Rukundo ya ishe yonka Niy’ esherurira Omwana w’ ebirungi Ebimushemereire. *3 Ku orisiima ngu nye- korer’ omusharaba, Kandi naaferwa byona Ebyakungasiire, Ka nyijuky’ oku Yesu Yaagumisiriize Ari aha musharaba Ahabw’okutujuna. *4 Shan’ omuri ogu mwaka Embabazi zaawe Ziryampais’ emigisha, Ei ntakatungaga. N’ekyo ku kiribaho Mpwera ntarikwebwa, Nkuhimbis’ obutoosha, Tataitw’ orikwera. === code 49 title Kasingye Nyamuhanga *1 Kasingye Nyamuhanga, Okutuhitsya twena Omu mwak’ ogu omusya. Ai Yes’, otuhurire. *2 Omu bweremwa bwaitu Guma nootuh’ amaani, Twaba tuteishukire; Mukam’, otuhabure. *3 Kandi ku turihika Aha ncwamba za rufu, Twehimbagirize Aha nkoni yaawe, Yesu. *4 Oturind’ obutoosha, Tub’ abeesigwa baawe, Kand’ abashemereire Kuheebw’ ekitiinisa. *5 Omu rurembo rwawe Turyateer’ enanga nsya; Turyakwemurikira, Mukama w’abakama. === code 50 title Abanyabwengye aba ira *1 Abanyabwengye aba ira Bakareeb’ enyonyoozi, Baimuka, baagikurata Bain’ okushemererwa. Naitwe, Mukama waitu, Nitwenda kukureeba. *2 Baagyenda bain’ ekihika Ky’okureeb’ ogwo Mwana, Mukama w’abantu boona; Baamutsimbir’ amaju. Naimwe mwije tugyende Tusherur’ Omujuni. *3 Bakaija bain’ ebiconco Eby’obuguzi bwingi, Eby’okutoijer’ Omwana Omukama w’eiguru. Naitwe tukore tutyo, Tukuh’ ebyaitu byona. *4 Yes’ Orikwer’, oturinde Tugum’ omu muhanda Gw’okututwar’ omu iguru, Ei otuura nooreebwa, Okwo turyareeba gye Ekitiinisa kyawe. *5 Okw’omuri egyo nsi yaawe Tibeetenga tabaaza; Niiw’ ob’ Omushana gwayo N’eizoob’ eritarenga. Mukama’, otuhitsyeyo, Tweshongor’ Aleluya. === code 51 title Iw’ okeebember’ aba ira *1 Iw’ okeebember’ aba ira N’enyonyoozi yaawe, Baarugaho, baahik’ aha Mwana waawe Yesu. *2 Kwonka hati omu bir’ ebi Omwoy’ Orikwera Niwe muhabuzi waitu Otwebembera gye. *3 Nitukumanyaho kakye, Kwonka nitwesiga, Ku ab’emitim’ eshemeire Nibo bakureeba. *4 Mbwenu Yes’, otushemeze Nyentsya tukureebe, Tubone kutuura naiwe Nitushemererwa. === code 52 title Twena turi abasiisi *1 Twena turi abasiisi Abain’ ebibi bingi, Kwonka niiw’ otujuna, Yes’ owaatubambiirwe. *2 Ebi tukora byona Tiharimu karungi; Nootumanyira kimwe, Yes’ owaatubambiirwe. *3 Titubaasa kutwaza Nk’oku waakutwendeize; Otubaasise byona, Yes’ owaatubambiirwe. *4 Tukakomwa Sitaane, Yaatut’ omu nkomo ye; Mbwen’ otukomoorore, Yes’ owaatubambiirwe. *5 Iw’ otuur’ omu iguru Nootweshengyerereza, Twirize haihi naiwe, Yes’ owaatubambiirwe. *6 Okutongana kwawe Oku otutonganira Kutusaasiz’ ebibi, Yes’ owaatubambiirwe. === code 53 title Mbwenu ebibi binduhiize kimwe *1 Mbwenu ebibi binduhiize kimwe, Nkaabaasibwa okuhuumura, Yesu, niiwe buruhuukiro bwangye, Tindyehwa matsiko, haz’ oriho; Kand’ eshagama yaawe, Mucunguzi, Niy’ enyozy’ ebibi byangye byona. *2 Rukundo yaawe ni nyingi munonga Okukir’ ebyo bibi byangye; Ka nyij’ ahariiwe, Yes’ Omujuni, Onyakiire, mbwenu ntakwakwa; Nyowe omubi, onyehitsye haihi, Kand’ onyozye n’eshagama yaawe. *3 Onyebember’ omu muhanda gwawe, Onkores ebi orikukunda; Ompuzye, ndeky’ ebibi by’ensi byona, Ebirikuntaanisa naiwe; Kand’ ebiteekateeko byangye byona Bigumir’ ahariiw’ obutoosha. *4 Nyow’ omwiru waawe, omp’omutima Ogurikwang’ ekibi kyona, Ngume mpurir’ ebiragiro byawe, Ndekye kuguma nincumura; Mbwenu ninkweheera kimwe, mb’ owaawe, Mukama wangye Yes’ Omujuni. === code 54 title Omu biro bibi Yes’ onyijukye *1 Omu biro bibi Yes’ Onyijukye, Ntakaakurugaho, nkakwehakana, Ku ndaagir’ obwoba, Mukam’, ongumye, Kand’ omp’ emikono, ndekye kukwakwa. *2 Eby’ensi ku birantwar’ omutima, Naabeihwabeihwa n’obutungi bwabyo, Gum’ onyijutsy’ ebya Gesesemaane, N’ebya Gologosa, ei waabambiirwe. *3 Ai Mukama, ku orampanise rukundo, Okwo kuhana kumpais’ omugisha. Omp’ amaani gaawe, haza nkwesigye, Onyakiire ntaah’ owaaw’ omu iguru. === code 55 title Ai Mukama Yesu, ncaaka *1 Ai Mukama Yesu, ncaaka Omany’ ebi nkora, Onyoreky’ ebitareebwa Eby’omu mutima. *ref Oncaaky’ ebiteekateeko Ebisherekirwe; Ahakuba niiwe wenka Orikummanya gye. *2 Omuriky’ omu mutima Ahatarikureebwa; Omutima gwangye, Yesu, Ogutamis’ ekibi. *3 Kand’ ocaaky’ enaama zangye N’ahi zikomooka, Onyoreky’ ebibi byona Ebirikuntegyeka. *4 Caaka n’orumuri rwawe Oburugu bwona, Okuhitsy’ obu ebibi byona Biraayeteisibwe. *5 Ont’ omu iziiko, Mukama, Onjugutirire, Ommaremu enkamba zoona, Haza nkuheereze. === code 56 title Yes’ omunyambabazi *1 Yes’ omunyambabazi Owaabambiirw’ abantu, Twizire kukuramya; Otuhur’re, Yesu. *2 Ahabw’obusaasi bwawe N’okutuutuka kwingi Omuri Gesesemaani; Otuhur’re, Yesu. *3 Ahabw’okwitwa kubi Abantu abaakwangire, Okagum’ ocureire; Otuhur’re, Yesu. *4 Ahabw’okwashwa kwingi N’ekirunga ky’amahwa Eki baakujwekire; Otuhur’re, Yesu. *5 Ahabw’okwehayo kwita N’okubambw’ aha muti, Okaf’ orufu rubi; Otuhur’re, Yesu. *6 Ahabw’eshagama yaawe Etuhais’ amagara, N’okubambwa n’ababi; Otuhur’re, Yesu. *7 Iw’ owaayehaireyo Ngu tuhinduky’ emanzi; Omu kutegwa kwaitu Otuhur’re, Yesu. === code 57 title Okwih’ iranaira ryona *1 Okwih’ iranaira ryona Yes’ akab’ ari omu iguru, Yaarugayo, yaij’ omu nsi Okujun’ abanyabibi. *2 Ku yaizire, yaatandika Kubuurir’ abant’ Engiri, Ebigambo by’okujunwa N’eby’okukunda kwe kwingi. *3 Akab’ agyenda naakora Eby’embabaz’ omu bantu, Naatambir’ abain’ endwara Ez’emiring’ etari emwe. *4 Akab’ ahumuur’ empumi, Agyendes’ abaremaire, Kand’ akiza n’ababembe, N’abafiire abazoora. *5 Kwonk’ abazigu be boona Bakanga kumwikiriza; Baamugirira n’eihari, Baamucwer’ orw’okumwita. *6 Aha Musharaba gw’enshoni Niho Yesu yaabambirwe, Bakateer’ emisomari Omu ngaro z’ ez’embabazi *7 Nikwo yaatufeereir’ atyo Ahabw’ ebicumuro byaitu, Akaitw’ omu mwanya gwaitu Ahabw’okukunda kwingi. *8 Mbwen’ orikwij’ ahariwe, Naamwakiira n’embabazi, Ahakub’ akagir’ ati, Tindimubinga na kakye. === code 58 title Ku bwabaire nibuza kwira, *1 Ku bwabaire nibuza kwira, Yesu, bakakureetera Abantu b’endwara nyingi, Waabatambirira kimwe. *2 Abo bantu bu waatambiire Endwar’ ezitari zimwe, Bakagyenda nibeesiima N’okushemererwa kwingi. *3 Naitwe niiwe otureetsire, Iwe Mutambi w’enaku; Mukama w’eiguru n’ensi, Nooreeb’ amaganya gaitu. *4 Ai Kristo, Omujuni waitu, Otujune hati mbwenu; Kand’ otuh’ obunanukye, Tugume tushemereirwe. *5 Abantu bamwe bain’ endwara. Kandi abandi bafeereirwe, Abandi bain’ amaganya, Tibakumanya ku ojuna. *6 Abandi basherur’ eby’ensi, Haza bitaine mutambo; Ensi n’okwetenga kwayo Bibakingir’ okujunwa. *7 Mukama waitu Yesu Kristo, Naiwe okab’ ori omuntu; Okarab’ omu busaasi, Noomanya byon’ eby’obuntu. *8 Gum’ otworeky’ amaani gaawe, Na rukundo yaaw’ eya ira; Hat’ obandiz’ omuriitwe, Otusaasir’, otukize. === code 59 title Ai Yesu Krist’ Omwana w’omuntu *1 Ai Yesu Krist’ Omwana w’omuntu, Iw’ owaizir’ omuri egi nsi, Okahinduk’ omuntu nyabuntu Habw’okutukund’ itw’ abantu; *ref Ija, Mujuni wangye, Omu mutima gwangye, Ija, Mujuni wangye, Otaah’ omu mutima gwangye. *2 Ai Yesu Krist’ Omwana gw’entaama, Iw’ owaagumisiririize Enaku ezitakareebwaga, Obusaasi kandi n’okufa. *3 Ai Yesu Mukama w’amagara, Iw’ owaacwire rufu amaryo, Hati ori omu iguru nootegyeka, Oin’ obushoboorozi bwona. *4 Ai Yesu Ruhanga kand’ omuntu, Iwe Mukama w’eiguru n’ensi, Gum’ onyeze kand’ omp omugisha Habw’okukunda kwawe kwingi, === code 60 title Omukaz’ Owaabair’ Amazir’ *1 Omukaz’ owaabair’ amazir’ emyaka mingi arwire Akakor’ aha kijwaro kya Yesu Kristo, yaakira. *ref Kor’ aha kijwaro kya Yesu, okirire kimwe; Amaani ge gakuh’ amagar’ agatarihwaho. *2 Akamureetw’ enyim’ ain’ obwoba bwingi naatetema; Ku yaamukozireho, yaahurir’ endwara yaakira. *3 Yaamugir’ ati, Mwana wangye, huumura, otatiina; Okwikiriza kwawe nikwo kwakukiriza kimwe. === code 61 title Omufumu waitu Yesu *1 Omufumu waitu Yesu Ari aha hamwe naitwe, Kand’ abain’ endwara boona Niw’ abamar’ obwoba. *ref Eryo iziina rye rirungi Nimwije turyeshongore; Nirikir’ agandi goona, Yesu! Yesu! Yesu! *2 Muhur’r’ eiraka rya Yesu, Naagamba n’embabazi, At’, Ebibi byanyu byona Mwabiihirwaho kimwe. *3 Eryo iziina rye rirungi Nimwije turyeshongore; Nirikir’ agandi goona, Yesu! Yesu! Yesu! *4 Nimugyende n’obusingye, Mugarukyey’ owaanyu, Mubagambir’ ebikuru Yes’ ebi abakoreire. *5 Eryo iziina rye rirungi Nimwije turyeshongore; Nirikir’ agandi goona, Yesu! Yesu! Yesu! *6 Ku turihik’ omu iguru, Turyaguma na Yesu, Tugume nitweshongora Eryo iziina rye, Yesu. *7 Ku turihik’ omu iguru, Turyaguma na Yesu, Tugume nitweshongora Eryo iziina rye, Yesu. === code 62 title Omwan’ owaazaariirwe *1 Omwan’ owaazaariirwe Betelehemu n’oha? *ref Ni Mukama waitu Yesu, Kand’ Omugabe rugambwa, Tumuh’ ekitiinisa. *2 Owaayesiibizekwo Ari omu ihamba n’oha? *3 Owaabair’ atambira Abashobeirwe n’oha? *4 Owaaririire Lazaaro Akamuzoora n’oha? *5 Owaizir’ omu rurembo N’ekitiinisa n’oha? *6 Owaaraire naashaba Gesesemaani n’oha? *7 Ogw’ owaatubambiirwe Ha Musharaba n’oha? *8 Owaasingwire rufu Kand’ akazooka n’oha? *9 Owaagiir’ aha ngoma Kutegyek’ ensi n’oha? === code 63 title Hosana, Nyakusinga, *ref Hosana, Nyakusinga, Mukama w’eiguru, Omucunguzi waitu, owaatufeereire; Abaana bakeshongora, nibakuhimbisa, Obu waabaire nootaah’ omuri Yerusaalemu. *1 Hosana, Nyakusinga, Mukama w’eiguru, Omucunguzi waitu, owaatufeereire. *2 Niiwe Mwana wa Daudi Omugabe rugambwa Kand’ owaizir’ omu Iziina rya Rukira-boona. *3 Baamaraika n’abantu boon’ ab’omu iguru Hati nibakusingiza hamwe n’ab’omu nsi. *4 Ir’ Abaheburaayo bakatem’ enkindo, Baazaarir’ omu muhanda nibakuhimbisa. *5 Naitwe twaij’ er’ izooba kukweshongorera Mbwenu nitukusingiza, Omujuni waitu. === code 64 title Okw’ omu nsi ya Buyudaaya *1 Okw’ omu nsi ya Buyudaaya Niy’ akabungo kari Ahu Yesu yaatubambiirwe Aha Musharaba. *2 Itwe titurikumanya gye Oku yaabonaboine, N’enaku ezi yaareebesiibwe Ahabwaitu abantu. *3 Kwonka nitumanya ngu akafa Ngu tusaasirw’ ebibi, Kandi tuhindukye barungi Ahabw’eshagama ye. *4 Tihariho waakubaasize Kujuna mugyenzi we, N’obu kwakub’ okwecungura Ngu asingy’ orubanja. *5 Mukama niw’ arikubaasa Kutwihah’ orubanja, Akaturaby’ omu irembo rye, Tukaz’ omu iguru. *6 Kitushemereire kukunda Mukama waitu Yesu, Tukaguma nituheereza Owaatufeereire. === code 65 title Mukama waitu Yesu *1 Mukama waitu Yesu Owaahutaaziibwe, Okajwekw’ ekirunga Ky’engata y’amahwa. Okab’ ori omu iguru Oin’ ekitiinisa; Mbwen’ eri ka n’eihano Kufa n’abambuzi! *2 Mbwenu hati nindeeba Noohwamu amaani goona, Noosingurwa na rufu Ahabwait’ abasiisi. Mukama wangye, ndeeba Nyowe ndi omusiisi Otashemerereire Embabazi zaawe. *3 Omu kuhururwa kwawe Mukam’, onyijukye; Ongirir’ embabazi, N’obu ntashemeire. Mbwenu ka mpikye haihi Omusharaba gwawe, Mbone kuguma naiwe Obutoosha bwona. === code 66 title Ku Mba Nindeeb’ Omusharaba *1 Ku mba nindeeb’ Omusharaba, Mukama Yes’ ahu yaafeereire, Ntamw’ ebintu byon’ eby’omu nsi, Mbireeba nk’ebitaine mutambo. *2 Nyowe tinkyenda kwehimbisa Ahabw’ebint’ ebi mbaire ninkunda, Kurek’ ahabw’Omusharaba Gwa Yesu Kristo Mukama wangye. *3 Eshagam’ ei yaaseesire, N’ekirunga ky’amahw’ omu mutwe, Byona byorek’ obusaasi bwe Na rukundo y’ etakareebwaga. *4 N’obu naakugir’ ensi yoona, Nkamuh’ obutungi bwamwo bwona, Nangwa nabyo tibikaabaasa Kuhereza kimwe eibanja ryangye. *5 Kurek’ okukunda kwe kwingi Nikwo kwonka kungyemesereza Kub’ owe n’okumwehongyera, Akagum’ ari Mukama wangye. === code 67 title Rukiri owa iranaira *1 Rukiri owa iranaira, Okaatik’ ahabwangye, Waarugwamu eshagama; Niiwe nyesherekamu, Okantambir’ ebibi N’amaani gaabyo goona. *2 N’obu naakukora nta, Nkeezirika munonga Kuhitsy’ Ebiragiro, Nkarira rikarenga, Byona tibikaabaasa Kuunyihaho rubanja. *3 Tiinyine ki naareeta, Reeba, naij’ engaro nsha Aha Musharaba gwawe, Ogu wanfeereireho; Ndi mubi, Yes’, onyozye, Mujuni, njuna ntafa. *4 Nsaasira nkihuriire, Ondabye n’omu kufa; Ku ndihik’ omu iguru, Naakushangayo, Yesu, Nyeshereky’ omuriiwe, Rukiri owa iranaira. === code 68 title Yes’ agum’ aheebwe *1 Yes’ agum’ aheebwe Ekitiinisa, Ahabw’okusheesha Eshagama ye. *2 Egyo shagama ye Niy’ etuhaisa Amagara masya Agatahwaho. *3 Nikyo kyambu kyaitu Omu twogyera Ebicumuro byona, Tukacungurwa. *4 Kandi ku ehik’ eti Omu mitima, Omuzigu waitu Sitaan’ ahunga. *5 Itw’ ab’omu ns’ egi Tumuhimbise, Nitukwatanisa N’ab’omu iguru. *6 Nimwije turamye Mukama Yesu, Kandi tumusiime a- habw’okufa kwe. === code 69 title Omwana wa Ruhanga *1 Omwana wa Ruhanga Omuntu w’obujune Akanfeer’ aha muti. Tumusiime, n’Omujuni! *2 Akeemera kugaywa N’okuteererw’ enaku, Yaafeer’ abanyabibi. Tumusiime, n’Omujuni! *3 Tiinyine maani goona G’okwerwanaho nyenka; Niwe matsiko gangye. Tumusiime, n’Omujuni! *4 Ku yaabair’ abambirwe, Yaahay’ amagara ge, At’, Eri izooba kyahwa! Tumusiime, n’Omujuni! *5 Kandi ku arigaruka Kututwar’ omu iguru, Turyamusiima tuti, Aleluya! N’Omujuni! === code 70 title Hariho Enshuro Y’eshagama *1 Hariho enshuro y’eshagama Erikwozy’ abain’ ebibi, Kandi ekabeereza kimwe, Bakab’ abarikwera. *ref Ka nkusiime, Mukama Yesu, Ahabw’embabazi zaawe Okunyozyaho ebibi byona N’egyo shagama yaawe. *2 Ogwo mwambuz’ owaabambirwe Hamwe naiw’ aha Musharaba, Ku yaareebir’ at’ egyo nshuro, Yaikiriza, yaajunwa. *3 Iw’ Omwana gw’entaama Yesu, Itwe twena n’tukuhimbisa Ahabw’egyo shagama yaawe Ey’obuguzi bwingi. *4 Eryagum’ ein’ amaani goona Ag’okwez’ emitima yaitu, N’okucungur’ abantu boona Abarikugyesiga. *5 Okwih’ obu naakwikiriza, Kandi nkareeb’ egyo shagama, Ntuura ninkusingiza, Yesu, Habwa rukundo yaawe. === code 71 title N’enki ekyakuunyozya? *1 N’enki ekyakuunyozya? N’eshagama y’Omujuni; Kikammaramu ebibi? N’eshagama y’Omujuni. *ref Egyo shagama ye Niy’ enyereza kimwe, Ha kindi kitambo Kurek’ egyo shagama ye. *2 Ekyakump’ amagara N’eshagama y’Omujuni; Kikambeer’ ekarabo, N’eshagama y’Omujuni. *3 Ha kirungi eki nyine Nk’eshagama y’Omujuni, Ekyakundihiirira, Kurek’ egyo shagama ye. *4 Niiwe matsiko gangye N’eshagama yaawe, Yesu; Omp’ obusingye bwawe Ahabw’eshagama yaawe. === code 72 title Empongano zoona *1 Empongano zoona Z’embuzi n’entaama, Ez’ aba ira baahongire, Tiziine mutambo. *2 Omwana gw’entaama Wa Ruhanga waitu Niwe wenk’ orikubaasa Kutwihaho ebibi. *3 Naat’ engaro zangye Aha mutwe gwa Yesu, Niinyatur’ ebibi byangye, Nimbyeteisizaho. *4 Omutwaro gwangye Yes’ akagwekorera Ari aha Muti gw’eshoni, Ahu yaabambirwe. *5 Yes’ ahimbisibwe Ahabw’okutwihaho Omukyeeno gw’ebibi byona, Ebi twakozire. === code 73 title Yesu, emitwaro ni mingi *1 Yesu, emitwaro ni mingi Eyakwinikire! Okagiibwaho enaku zaitu N’ebihemu byangye; Bakakutwara nk’embaagwa! Tinkiine rubanja! *2 Tukaba turi ab’okunywa Rufu n’omukyeeno; Mbwenu Krist’ ekikopo kyabo Okakitunywera! Rukundo yaaw’ ekakyomya, Kiijwir’ omugisha. *3 Ezo nkoni ezaakunteire Niiwe baaziteire. Ruhanga wait’ akakusaasa Omu mwanya gwangye; Eshagama n’enkojo zaawe Nibyo bintambira. *4 Eihunga n’embeho nyingi Ebyakuunyitsire, Omubiri gwaw’ ogw’enshoni Gukabinkingira! Oburuhe n’enaku zaawe Nibyo bimpuumuza. *5 Rurara ekab’ etyarize Kurezy’ omusiisi; Ahabwangy’ ekakucumita, Yaakucw’ omutima! Wanteerana na Ruhanga, Naatung’ obusingye. *6 Mujuni, okaf’ ahabwangye; Ka ngum’ omuriiwe; Okazooka, waacwanyagura Enjegyere zangye; Hati nindwan’ orugamba, Ntakiine kutiina. === code 74 title Ir’ Abaisraeli bakarumw’ *1 Ir’ Abaisraeli bakarumw’ enjoka Ahabw’ekibi ky’okwetomboita; Musa nikwo kuhanik’ enjok’ aha muti, Ngu abarumirwe bagireebe. Nikwo na Yesu Yaatubambiirw’ aha Musharaba gw’enshoni, Ngu tumwikirize, tukire. *2 Iwe nshoberwa ’we, reeb’ Owaakufeereire, Reeba Yes, ogw’ owaakubambiirwe; Munyabibi ’we, gum’ omuhangir’ amaisho, Omwikiriz’, okire hati. Reeb’ omwesigye; Okujunwa kwawe kuruga Gologosa; Reeba, reeb’ aha Musharaba. *3 N’enki ekyasaasize Omwana wa Ruhanga? N’enki ekyamubambiis’ aha muti, Kand’ ekyamujwekyeis’ ekirunga ky’amahwa? N’ahabwawe n’ebibi byawe. Reeb’ omwesigye; Mbwen’ okufa n’okwe, okukira n’okwawe; Reeba, reeb’ aha Musharaba. *4 Amarira gaawe nari obusaasi bwawe Tibibaasa kukwihaho ebibi; Kurek’ eki oshemereire kukora n’eki, N’okwikiriz’ Omucunguzi. Reeb’ omwesigye; Otakyerererwa, ij’ omuhungireho; Reeba, reeb’ aha Musharaba. *5 Kand’ ahabw’okukor’ emirimo mirungi Tokaabaasa kujunwa na kakye; Ruhanga naagisiima, kwonka yo tebaasa Kukwihah’ orubanja rwawe. Reeb’ omwesigye; Ku oraayesigy’ Owaakubambiirwe, nookira; Reeba, reeb’ aha Musharaba. *6 Ahabw’okufa kwa Yes’ aha Musharaba Turyaguma nawe omu iguru, Nitushemererw’ ahabw’okutucungura, Tukaruga gy’ omuri egi nsi. Reeb’ omwesigye; Ku oraayesigy’ Owaakubambiirwe, nookira; Reeba, reeb’ aha Musharaba. === code 75 title Aha Musharaba gw’enshoni *1 Aha Musharaba gw’enshoni Nih’ Omujuni yambambiirwe, Kand’ akanyihah’ orubanja Ahabw’okunkunda. *ref Mukam’ ahimbisibwe, Mukam’ ahimbisibwe; Asiimw’ ahabw’embabazi ze, Ahabw’okunkunda. *2 Ahansi y’Omusharaba gwe Niho naashabiir’ okujunwa; Haz’ akanyakiira nk’oku ndi, Ahabw’okunkunda. *3 Egyo nshuro y’eshagama ye, Eyaasheeshekir’ ahabwangye, Niy’ enyozyaho ebibi byona, Nkab’ oshemeire. *4 Ij’ ahari egyo nshuro nungi, Iwe musiisi ’w’ oshobeirwe, Obe nimwo waayejabika; Ekushemeze. === code 76 title Nkaba ngyend’ obutoosha *1 Nkaba ngyend’ obutoosha, Ndemirw’ ebibi byangye, Hataine kyakubaasa Kuunyihah’ obusaasi. *ref Ninsiim’ Omusharaba Ninsiim’ ekyo kituuro, Kand’ okukira byona Ninsiim’ Owambambiirwe. *2 Kandi ku naahikire Aha Musharaba gwe, Ahu ntaryebwa bundi, Niho naahuumuriire. *3 Niho naatandikiire Okugir’ obusingye; Nih’ omutwaro gwangye Gw’ebibi gwazikirwe. *4 Yes’ akajw’ eshagama Y’ekyambu ky’amagara, Eyozya emitima, Ekagyereza kimwe. === code 77 title Yesu, gum’ ondindire *1 Yesu, gum’ ondindire Aha Musharaba; Niho harug’ enshuro Eyozy’ abasiisi. *ref Ninsiim’ Omusharaba Okuhitsy’ aha izooba Eri ndyambukiraho Omu nsi ya Kanaani. *2 Nkahikaho nshobeirwe, Nsingirw’ orubanja, Mukama yansaasira, Haza yaanyakira. *3 Yesu, gum’ onyijutsye Ogwo Musharaba, Ngumizemu orugyendo Ngutaireho amaisho. *4 Ku ndanzya Gologosa, Ahu wambambiirwe, Ntaanuukana n’eby’ensi Ebi naabaire nkunda. *5 Haihi n’Omusharaba Ngumeh’ obutoosha, Ntegyereiz’ obunaku Obw’Okwija kwawe. === code 78 title Onyegyes’ amakuru *1 Onyegyes’ amakuru Ag’Omusharaba, N’eby’orubanja rwawe Oru waacwereirwe; Mmany’ eki waahaireyo Kujun’ abasiisi, Kand’ eki waacungwize Enkozi z’ebibi. *2 Onyoreky’ egyo nshuro Y’eshagama yaawe Eyaahimintikire Omu rubaju rwawe. N’obu abantu b’omu nsi Batakusiisire, Naaba ncumwire nyenka, Hoon’ okaabambirwe. *3 Onyegyes’ okukund’ Okutakareebwaga Okujun’ omusiisi Otakiine matsiko; Kuntambir’ obufuki, Ndekye kwesaasira; Onyatsyemu rukundo Yaawe, nkuheereze. *4 Onyegyese, Mukama; Ndi enkozi y’ebibi, Embabazi zaawe zonka Nizo zaakumbaasa. Nyegyesa, ninkwetenga; Niiwe ndikwesiga; Ndi mubi ohinguraine, Ou waafeereire. *5 Mujuni wangye Yesu, Tiinyine rwekwatso; Ahabw’okuba noonyeta, Naayemera kwija; Ahakuba nombaasa. Ka nkusiime, Yesu, Ahabw’okukunda kwawe Okutarihwaho. === code 79 title Ommanyise, Mujuni, *1 Ommanyise, Mujuni, oku wankunzire, Okeemera kwij’ omu nsi habwangy’ omusiisi. *ref Ommanyise, Mujuni, Oku waasaasire Ahabw’ebibi byangye byona, Haz’ Iw’ ori Orikwera. *2 N’enki ekyakugumiise aha Musharaba? Tihariho kindi kureka rukundo yaawe. *3 Okufa kwawe, Yesu, ninkutangaarira, Kundeeter’ okusaasirw’ ebibi byangye byona. *4 Ebibi byangye byona ebirikumanywa, Kandi n’ebi nkorer’ okwo, okabinsaasira. *5 Ai Mujun’, ongomooze rukundo yaaw’ egyo, Mbone kub’ owaawe wenka, onyetegyekyere. === code 80 title Aleluya! Aleluya! Aleluya! Aleluya! *ref Aleluya! Aleluya! Aleluya! Aleluya! Abaana ba Mukama mwena, Nimwije tumweshongorere, Tushemererwe, tunanuky’, ahakuba Amaani ga rufu gahweire. *1 Mbwen’ obwire ku bwaseesire Aha Sabiiti y’okuzooka, Abakazi baaguruka kare, baaza Aha kituuro kya Yesu. *2 Baashanga maraik’ orikwera, Ash’tami aho, yaabagir’ ati, Yes’ ou murikusherura, tari aha, Yaababandiza Galilaaya. *3 Ekyo kiro Mukama yaija, Yaashang’ abeegi bain’ obwoba, Yaabagambir’ ati, Murekye kutiina; Mwena mugir’ obusingye. *4 Kwonka ku baagambiire Tomasi, Owaabaire atari nabo, Yaayangira kimwe kwikiriza byona, Ebi yaagambirw’ abeegi. *5 Aha kindi kiro Yesu yaija, Yaamworek’ enkojo ze zoona Yaamuteis’ ahabw’okutaikiriza kwe, Ati, ob’ oin’ okwikiriza. *6 Tomasi ku yaamureebire, Yaareka kumubanganisaho, Yaamugir’ ati, Niiwe Mukama wangye, Kandi Ruhanga wangye bwona! *7 Yesu yaamureeba n’embabazi, Yaamugambir’ ati, Beitu kwonka Bain’ omugisha abarikwikiriza Bataine ki bareebire. *8 Mbwenu ka tusiime Ruhanga Ahari eki kiro kikuru, Tumusingize, tumuhimbise tuti, Aleluya! Aleluya! === code 81 title Akaraar' okuzimu *1 Akaraar' okuzimu, Mukama waitu; Obw’ ategyereize Ku busheesha. *ref Akazook’ omu bafu, Abazigu yaabasingura; Hati mbwen’ ahuriire naategyeka Hamwe n’abantu b’ abu yaacungwire. Akazooka! Akazooka! Tumusiim’; akazooka. *2 Bakeehendera busha Nibamurinda, Baakingira busha Ekituuro. *3 Rufu tiyaabaasa Mukama waitu, Emirunga y’okufa Yaagigutura. === code 82 title Yes’ akazooka nka hati *1 Yes’ akazooka nka hati, Tumusiime tuti, Aleluya! Mbwenu tumweshongorere, Tumusiime tuti, Aleluya! Ir’ aha Musharaba Niho Yesu yaabonaboneire Kub’ empongano y’ebibi byaitu. Aleluya, mwije tumuhimbise. *2 Yesu Mukama w’eiguru, Tumusiime tuti, Aleluya! Kandi tumweshongorere Ahabw’okub’ Omujuni w’abantu. Akabambwa, yaaziikwa, Yaashuum’ okuzimu omu baafiire, Yaarugayo, asingwir’ Okufa. Aleluya, mwije tumuhimbise. *3 Obusaasi bwa Mukama, Tumusiime tuti, Aleluya! Bukatuhais’ amagara; Tumusiime tuti, Aleluya! Mbwenu ari omu iguru Ha kitebe kya Ishe ky’obukama, Baamaraik’ ei bahimbisiza Mukama Yesu, bati, Aleluya! === code 83 title Aleluya! Aleluya! Aleluya! *1 Aleluya! Aleluya! Aleluya! Yesu Krist’ asingwir’ Okufa; Mbwen’ orugamba ruhweireho; Ka tusiime nitweshongora. Aleluya! *2 Rufu n’amaani gaayo goona Bikamwesiimiran’ afiire; Kwonka Yesu akabibinga. Aleluya! *3 Aha kya kashat’ akazooka, Yaarug’ okuzimu omu bafu; Tugarukye, tuteer’ akaari. Aleluya! *4 Yesu Mukama, tutambire, Otwih’ omu nkomo ya rufu, Tub’ abahuriir’ omuriiwe. Aleluya! === code 84 title Yesu Krist’ akazooka, *1 Yesu Krist’ akazooka, Rufu tekitwits’ obwoba Ahakub’ asingwire, Tituri bahuuku baayo. Aleluya! *2 Mbwenu Yes’ ahuriire; Okuruga hat’ Okufa Kuhindukir’ eirembo Ry’amagar’ agatahwaho. Aleluya! *3 Yesu Krist’ ahuriire, Mbwenu ka tub’ abe wenka Tumuh’ ekitiinisa N’emitim’ eshemeziibwe. Aleluya! *4 Yesu Krist’ ahuriire; Tihariho kintu kyona Eky’okututaanisa N’Ogw’ owaatukunzir’ atyo Aleluya! *5 Yesu Krist’ ahuriire; Ni Mukama w’ensi zoona. Turyategyeka nawe, Tugume naw’ obutoosha. Aleluya! === code 85 title Mbwenu, er’ izooba *1 Mbwenu, er’ izooba N’ery’okushemererwa kwingi munonga; Omujuni waitu Yesu yaasingur’ okufa n’obusaasi. *2 Mbwenu kuri noogira ngu obwo akaherayo, Amatsiko kuri garahi? Kwonka Yes’ akazook’, akazook’, akazook’, akazooka; Mbwenu hati n’ohuriire. *3 Omuntu ween’ ofa Amar’ omwanya muky’ ari omu kituuro, Ategyereiz’ eizooba, Eri abafu boona barizookyeraho. *4 Aha Musharaba Yes’ akasingur’ okufa n’okutiina; Kandi naatukunda, Aryaguma naitwe, tariturugaho. === code 86 title Iwe Nsi ’we, *1 Iwe Nsi ’we, orangye, Ku Yes’ azookire; Niwe Kuhingurwaho Kwait’ owaatambirwe, Kandi niw’ asingwire Ekiina n’Okufa, Akahik’ omu iguru N’okushemererwa. *2 Tweteis’ ebibi byaitu, Tureebe Mukama, Ajwair’ eby’ekitiinisa Eky’Okuzooka kwe; Tuhurir’ ekigambo Ky’okuramutsya kwe, Ati; Mushemererwe! Naasingur’ Okufa. *3 Eiguru ka rihimbise Omujuni Yesu, Ensi zoona zeesiime N’ebirimu byona; Ebirwa n’amayanja, Enshozi n’empita, Byona bishemererwe, Biramye Mukama. === code 87 title Aleluya! Aleluya! *1 Aleluya! Aleluya! Ka tuhimbise Yesu, Owaafeereir’ abasiisi, Tumuh’ ekitiinisa. Owaabambirw’ aha muti Habw’okujun’ abantu, Akazooka nk’er’ izooba, Yaarug’ omu kituuro, *2 Amaani goon’ aga rufu Yes’ akagamaraho, Yaatwigurirah’ orwigi Rw’eirembo ry’amagara. Okwo nikwo yaasingwire, Akarug’ omu bafu, Akaz’ owa Ish’ omu iguru; Naitwe turyahikayo. *3 Aleluya! Aleluya! Ka tusiime Tataitwe, Kandi tusingiz’ Omwana Owaasingwir’ Okufa, Hamwe n’Omwoy’ Orikwera Otuh’ okukundana. Aleluya! Aleluya! Ruhanga Tiriniiti. === code 88 title Aha izooba ry’okuzooka *1 Aha izooba ry’okuzooka Yes’ aryateeranira Emibiri n’emyoyo yait’ omu iguru *2 Hati byataanisibwamu Omubiri gwahuumura Omwoyo gwatwarwa Yes’ omu iguru. *3 Byona nibitegyereza Omushekye kujuguta Ha izooba riri ery’okwija Kwa Yesu. *4 Obw’ omuri obwo bunaku Amaganya n’enaku Biryaba bitakirih’ omuriitwe. *5 Obw’ emibiri n’emyoyo Biryateeranwa hamwe; Turyaba nitushushana Na Yesu. *6 Eshi turyashemererwa, Ku turireeba Yesu N’abu yaacungwire boon’ omu iguru. *7 Mukama wait’, oturabye Omuri byon’ eby’ ensi, Otuhitsye gye buhooro Owaitu. === code 89 title Yes’ owaajwair’ ekirunga *1 Yes’ owaajwair’ ekirunga Ky’amahw’ omu mutwe, Mbwen’ ain’ eky’ekitiinisa Ahabw’ okusingura. *2 Hat’ ashutami omu iguru, Naategyeka byona; N’Omukama w’abakama, Mushana gw’eiguru. *3 Ab’omu iguru n’omu nsi Niw’ abashemeza, Bakamanya rukundo ye, Kandi n’Eiziina rye. *4 Beekorer’ Omusharaba N’okushemererwa Kandi tigubaitsa nshoni, Kureka beesiima. *5 Babonabona na Yesu Bakiri omu ns’ egi; Ku barihik’ omu iguru, Baryayema nawe. *6 Omuri ogwo musharaba Gu yaabambirweho, Nimwo twaihir’ amatsiko Kandi n’amagara. === code 90 title Ka tuhimbis’ eiziina ryawe *1 Ka tuhimbis’ eiziina ryawe, Yesu Mukama waitu; Tukwemeky’, otwetegyekyere, *ref Mukama waitu Yesu, Rukira-boona. *2 Abaitsirw’ ahabw’Eiziina rye Mumuh’ ekitiinisa; Musingiz’ Owaatufeereire, *3 Imwe ruzaaro rw’Adamu ’mwe, Abacungwirwe Yesu, Mweshongorere mwene Daudi, *4 Ka twijuky’ obwo busaasi bwe, Obu yaarabiremu; Tutsimb’ amaj’ omu maisho ge, *5 missing verse *6 Naitwe nitwetenga munonga Kuhik’ ei Yes’ ari, Kuguma nitumuhimbisa, === code 91 title K’ ajwekw’ ekirunga, *1 K’ ajwekw’ ekirunga, Omwana gw’entaama, Mukama wait’ otarihwaho Ow’ekitiinisa. Iwe Mwoyo gwangye, Omweshongorere, Singiza Mukama waawe Owaakufeereire. *2 K’ ajwekw’ ekirunga, Omwana w’omuntu, Kristo Yes’ owaazaariirw’ omuri Betelehemu, Ruhanga Mujuni Owaahikiriize Ebigamb’ ebi baanabi Baamuhanwireho. *3 K’ajwekw’ ekirunga, Omunyarukundo, Enkoju z’omu biganja bye Zoorek’ embabazi. Akagyenda nazo Omu maisho ga Ishe, Ngu zigume nizooreka Eby’okukunda kwe. *4 K’ ajwekw’ ekirunga, Mukama wa boona, Ategyek’ amahanga goona, Ngu engamba zihweho. Omu bukama bwe Tihabamu naku, Batuura bananukire Nibamuhimbisa. *5 K’ajwekw’ ekirunga, Mukam’ otahwaho, Omuhangi w’ebintu byona, Kand’ Okira boona. Singa, Mucunguzi, Ahakub’ okanfeera; Tugume tukuhimbise Obutwire bwona. === code 92 title Nkaabaasibwa ki mmany’ endimi zoona *1 Nkaabaasibwa ki mmany’ endimi zoona, Mbona kuhimbisa Yesu, Haza nguma nimmusingiza gye Ahabw’embabazi ze nyingi. *2 Eiziina rya Yesu Mukama waitu Niryo ritumar’ obwoba, Rireeter’ omusiisi obusingye, Rimuh’ amagara masya. *3 Amaraho amaani g’ebibi byona, Kandi abohooror’ embohe; Eshagama y’ eyogyeza kimwe Eihano ry’omunyabibi. *4 Abaitsirw’ ebibi ku bahurira Eiraka rye ry’embabazi, Besiim’ ahabw’okukir’ enaku, Bagir’ amashemererwa. *5 Bifamatu ’mwe, muhurire Yesu; Mweshongor’, imw’ Ebiteta; Imw’ Ebimuga, nimugurukye; N’Empumi, mureebe Yesu. *6 Mukama wangye, omunyambabazi, Ogum’ ompwere kubuzya Ekitiinisa ky’Eiziina ryawe, Rimanyw’ omu bantu boona. === code 93 title Nkaabaasibwa ki *1 Nkaabaasibwa ki mmany’ endimi zoon’ ez’abantu Ez’okweshongora, nkazihimbisis’ Owancungwire; Niwe Ruhanga wangy’ ow’ekitiinisa, N’omunyambabazi ezitagira bugarukiro, Kand’ ezimp’ obusinguzi. Tenor: Bass. N’omunyambabazi ezitagira bugarukiro Kandi nizo zimp’ obusinguzi. *2 Eiziina rya Mukama waitu Yesu Kristo, Omujuni w’abantu, niryo rihuumuz’ abashobeirwe; Niryo rishemez’ omunyabibi weena, Rikamusaasiza, rikamusaasiz’ ebibi byona, Rikamusaasiz’ ebibi. Tenor: Bass. Rikamusaasiza, rikamusaasiz’ ebibi byona; Buzima rikamusaasiz’ ebibi. *3 Niw’ arikubaasa kumaraho amaani gaabyo, Abu biboohire, akabaih’ omu kihome kyabyo; Kand’ eshagama ye niy’ eyozy’ ababi, Ekabashemeza; nangwa naanye, enkozi y’ebibi Niy’ enyihah’ orubanja. Tenor: Bass. Ekabashemeza; nangwa naanye, enkozi y’ebibi Bingi, niy’ enyihah’ orubanja. *4 Imwe bifamutu ’mwe, nimuhurire Yesu, Naimwe Biteta ’mwe, mwena mweshongorer’ Eiziina rye; Imw’ Empumi mwena, mumuhangy’ amaisho, Omujuni yaija, Omujuni waitu Yesu yaija, Buzim’ Omujuni yaija. Tenor: Bass. Omujuni yaija, Omujuni waitu yaija, Omujuni yaija, Omujuni yaija. *5 Yesu Mukama wangye kandi Ruhanga wangye, Omp’ Omwoyo waawe, mbone kubuzy’ eryo Iziina ryawe, Abantu b’omu mahanga goon’ ag’ensi Boona bakumanye, haza bakuhe n’ekitiinisa, Basingiz’ Eiziina ryawe. Tenor: Bass. Boona bakumanye, bakuhe n’ekitiinisa, Kandi boona basingiz’ Eiziina ryawe. === code 94 title Eiziina Rya Yesu Riryaramibwa *1 Eiziina rya Yesu riryaramibwa Boon’ abatwir’ omu nsi n’abari omu iguru; Tataitwe naayenda ngu endimi zoona Zimwete Mukam’ ow’ekitiinisa. *2 Okwih’ iranaira akab’ ariho, Byon’ ebiri omu ns’ egi bitakabaireho; Baamaraika boona, kandi n’abantu Hamwe n’enyamaishwa, akabihanga. *3 Ku yaizir’ omu ns’ ahabw’abasiisi, Yaakurir’ omu bantu ari omucureezi, Yaatuura nab’ omu ns’ ataine kibi, Yaagaruk’ owa Ish’ ari omusinguzi. *4 Kandi n’obwo buntu yaagyenda nabwo, Akiin’ eryo Iziina rye eriin’ ekitiinisa, Yaahik’ omu iguru owa Isheboona; Mbwen’ okwo niy’ ari aha kitebe kye. *5 Ka tumwemeky’ omu mitima yaitu, Abone kubingamu ebicumuro byona; Ku turaagyezibwe, tumutakire, Atuh’ emikono, atusinguze. *6 Mukama Yes’ ogwo aryagaruka, Aije n’ekitiinisa na baamaraika be; Kandi hati mbwenu ka tumuramye Ahabw’eryo Iziina ry’ekitiinisa. === code 95 title Nimwije tukwatanise *1 Nimwije tukwatanise Na baamaraika boona Kweshongorera Mukama Omwana gw’entaama. *2 Bagira bat’, Ashemereire kuhimbisibw’ atyo; Naitwe n’twikiriza tuti, Eego ashemereire. *3 Ashemereire kuheebw’ obushoboorozi bwona, Ahabw’okub’ akeehayo Kutufeera twena. *4 Abantu boona basiime Eiziina rya Ruhanga, N’ery’Omwana gw’entaama Mukama waitu Yesu. === code 96 title Tusingize Mukama *1 Tusingize Mukama, Omwana wa Daudi, Obunaku buryaija ategyeky’ egi nsi. Abarikuhatwa boona, aryabatambira, Abohooror’ embohe, amareho ebibi. *2 Aryaija kukyenuur’ abakyene n’abooro, Kand’ aije n’okugumya abataine maani; Omu mwanya gw’okutsinda abah’ okweshongora, Abari omu mwirima abah’ omushana. *3 Kand’ aryaij’ omu ns’ egi nk’orutoonyerera, Ah’ ariraba hoona hagir’ obusingye, Agyend’ ayebembeirw’ entumwa z’obusingye, Kand’ ensi yoon’ ebugwemu okuhikiirira. *4 Abagabe baryamuteerer’ omu ngaro Baije bain’ emitoijo y’okumutoijera; Kand’ amahanga goona garyamwehongyera; Obwo bukama bwe bub’ obutarihwaho. *5 Ku ariba yaasingwir’ abazigu be boona, Aryashutam’ aha kitebe ky’obukama, Ategyeky’ ensi yoona omu bwinganisa; Eiziina rye Rukundo tiririhinduka. === code 97 title Aleluya, tuhimbise Yesu, *1 Aleluya, tuhimbise Yesu, Obukama n’obwe wenka; Tumureeb’ ari aha kitebe kye, Ain’ enkoni y’obugabe. Nimwije tumweshongorere Ebyeshongoro by’okuhimbisa. Akatucunguz’ eshagama y’ itw’ abaana be Ab’omu mahanga goona. *2 Aleluya, titukiri fuuzi, Twine Tataitw’ omu iguru; Kandi nituhamya ngu Yes’ ari Hamwe naitw’ ebiro byona. N’obu araabe yaatwairw’ omu iguru, Ei ashutami hamwe na Ishe, Tituribaasa kwebw’ eki yaaraganiis’ ati: Ndyaguma naimw’ obutoosha. *3 Niiw’ ob’ eby’okurya by’amagara Ebitutungis’ amaani, Kandi niiwe buhungiro bwaitu, Itw’ ou tuhungiraho. Iwe Mutonganizi waitu, Kandi Mucunguzi w’ab’omu nsi; Iwe Munywani w’abanyabibi, ontonganire, Nyihweh’ orubanja rwona. *4 N’tukuhimbisa, Mujuni waitu Omukama w’Abakama; Okazaarw’ omwishiki oshugaine, Waij’ omu nsi, waab’ omuntu; Kandi waarab’ omu mukingo, waa- Gyend’ ojwair’ omubiri gwaitu; Hati mbwen’ otuur’ omu iguru ori omu nyamurwa Orikututonganira. === code 98 title Ka tusiime Yes’ Omucunguzi waitu, *1 Ka tusiime Yes’ Omucunguzi waitu, Tubuzye hoon’ eby’okukunda kwe. Naimw’ engabo z’omu iguru, mumusiime, Mumusiim’ ahabw’oburungi bwe. *2 Nk’oku Omuriisa murungi arind’ entaama, Nikwo na Yes’ arind’ abaana be. Ka tusiime Yes’ Omucunguzi waitu, Tumusiime nitushemererwa. *3 Ka tusiime Yes’ Omucunguzi waitu; Akatufeer’ aha Musharaba, Ngu atwiheh’ orubanja rw’ebibi byaitu, Atuh’ amagar’ agatahwaho. *4 Kandi baamujwek’ ekirunga ky’amahwa, Baamuteerer’ enaku, baamwita; Obwo busaasi bwona yaabwemera gye, Ahabwa rukundo etakareebwaga. *5 Ka tusiime Yes’ Omucunguzi waitu; Akazooka, yaatemb’ omu iguru; Hati naasiimw’ abari omu iguru boona Nibamwet’ Ow’obushoboorozi. *6 Mbwen’ itw’ abantu titukitiina rufu, Ahabw’okub’ akagisingura. Ka tusiime Yes’ Omucunguzi waitu, Tumusiime nitushemererwa. === code 99 title Imwe bantu ’mwe, *1 Imwe bantu ’mwe, mureebe Ogwo Muntu w’enaku; Mbwenu hati n’Omusinguzi, Tumutsimbir’ amaju. *ref Tumusiime, tumusiime, Mukama w’abakama. *2 Ababi bakamujweka Ekirunga ky’amahwa; Kwonka hati eki ajwaire Kyo n’eky’ekitiinisa. *3 Mwimutsy’ amaraka gaanyu, Mumuteerer’ akaari; Hat’ ashutami aha kitebe Ky’ekitiinisa kingi. === code 100 title Tushemererwe, Omujuni akaija *1 Tushemererwe, Omujuni akaija Kutucungura, yaafa kandi yaazooka. *ref Mwije tumweshongorere Habw’okutufeera; Aleluya! Ka twesiime! Yes’ akazooka. *2 Tushemererwe, Yesu n’omushana, Hat’ omwirima gwona gwaza kuhwaho. *3 Tushemererw’ ahabw’eshagama ye Eyaaseesirw’ ahabw’ okutucungura. *4 Tushemererwe, akatwihurira Amabanja gaitu goona, yaagamara. *5 Tushemererwe, Omwana gw’entaama Akasingura rufu, hati ahuriire. *6 Tushemererwe, Mukama wa boona Naatutonganir’ aha Muhangi waitu, *7 Tushemererwe, Omujuni waitu Aryagaruka kututwar’ omu iguru. *ref Mwije tumweshongorere Habw’okutufeera; Aleluya! Ka twesiime! Aryagaruka. === code 101 title Abantu ba Yesu boona *1 Abantu ba Yesu boona Bashemerererwa Eiziina ry’ eririkwera Eribashemeza. *2 Omutim’ oguhutaire Niryo rigukiza, Riruhuur’ abaruhire, Rihaazy’ oin’ enjara. *3 Kandi niryo ngabo yangye, N’orukiri rwangye, Niryo bweshereko bwangye, Omu nyeshereka. *4 Yesu, Omuriisa wangye, Omujuni wangye, Ninkusingiza, Mukama, Iwe Nkunzi yangye. *5 Noomany’ obweremwa bwangye Hamwe n’obufuki, Ku binzibir’ obutoosha Kukuhimbisa gye. *6 Kwonka ku ndikwereebera Owaaw’ omu iguru, Ndyakuhimbisiza kimwe, Nk’oku nshemereire. *7 Na mbwenu ndyaguma ngambe Eby’Eiziina ryawe; N’obu ndihik’ aha kufa, riryampuumuriza. === code 102 title Yesu wait’ Omucunguzi *1 Yesu wait’ Omucunguzi N’obu yaagyenzire, Taratutsigire twenka Turi efuuzi. *2 Akooherez’ Omuhwezi, Ngu agum’ omuriitwe, Naatwijuz’ okukunda kwe N’obusingye. *3 Omuhwezi ku yaizire, Yaasherur’ abantu B’emitim’ eyeteisize, Ngu ataahemu. *4 Ka tworober’ eiraka rye, Ritwomesereze, Ritumaremu okutiina, Tuhuumure. *5 Ebibi ebi tusingura, Niw’ atusinguza; Kand’ atukoz’ ebirungi Ebi tukora. *6 Mwoyo murungi, hindura Emitima yaitu, Kand’ ogigir’ enju yaawe, Ogumemu. === code 103 title Omwoyo wa Ruhanga *1 Omwoyo wa Ruhanga Niwe yaatuhabwire, Ku okukunda kukira Ebindi biconco. *2 Okukunda kugira Okugumisiriza, Tikusherura byakwo, Tikwetungura. *3 Obwengye buryaihwaho, N’obunabi buhweho, Kwonka okukunda kwo Kuryagumaho. *4 Kandi n’okwikiriza Obwo tikuribaho; Ekiritsigaraho N’okwo kukunda. *5 Mbwenu hati hariho Okugir’ amatsiko Hamwe n’okwikiriza, N’okwo kukunda. *6 Ebyo byona byonshatu N’ebiconco bikuru; Ahari eby’ ekikuru N’eky’okukunda. === code 104 title Ij’, Omwoy’ Omuhuumuza, *1 Ij’, Omwoy’ Omuhuumuza, Hur’r’ ebi turikushaba, Oij’ otutaayaayire. *2 Niiwe ob’ Ishe w’efuuzi Kand’ Omuhi w’ebiconco Ebi tutunga byona. *3 Niiw’ ohuumuz’ enshoberwa N’abain’ obusaasi bwona, Kandi n’abaruhire. *4 Niiw’ ob’ omushana gwaitu, Ogumarah’ omwirima, Ogu turikutiina. *5 Otaturugaho hati, Okatsiga turi twenka, Tutaine kihuumuza. *6 Ebitashemeire byona Kandi n’ebisiisikaire, Mukam’, obishemeze. *7 Kand’ emitim’ egangaire Niiwe wenk’ orikubaasa Kugyorobeza kimwe. *8 Mbwen’ itw’ abeesiga Yesu, Oturinde, kand’ otuhe Ebitushemereire. *9 Turinde tukiri omu nsi; Ku turihik’ omu iguru, Tugum’ omu busingye. === code 105 title Mwoyo wa Ruhang’, oije hati, *1 Mwoyo wa Ruhang’, oije hati, Otumurikire n’omuriro gwawe Ogurikurug’ omu iguru; Niiwe wenk’ oyetooranir’ abantu, Haz’ okabah’ ebiconco birungi, Ebi otuura nooha boon’ abashaba; Otuh’ ebyo biconco birungi. *2 Omugisha gwaw’ ogu otuha Gureet’ okuhuumura n’amagara masya N’okushashaanur’ emitima; Tujwisiz’ omushan’ ogutagwa, Itw’ abahumire otuhwezese gye, Tuhumuukye, tureeb’ amaisho gaawe, Tujuumuukye, tukureebe wenka. *3 Abahinduriiz’ ahamaisho, Otuhe hati okushemuukira kimwe Okureetw’ embabazi zaawe; Kand’ otuh’ obusingy’ omu maka; Turinde tutaitw’ abazigu baitu; Ha kabi kabaasa kutuhikaho, Waab’ otweyebembereire wenka. *4 Otwegyese, twetegyereze Ku ori Tataitwe n’Omwana n’Omwoyo, Tubone kukweshongorera Obutoosha tutarikuremuura, Tuti, N’tuhimbis’ oburungi bwawe, Nyakusinga Ruhanga Nyamuhanga, Iwe Tataitwe n’Omwana n’Omwoyo. === code 106 title Mwoyo wa Ruhang’ ow’embabazi, *1 Mwoyo wa Ruhang’ ow’embabazi, Ij’, otumurikire, tuhweze gye; Gum’ oturinde, otwebembere Omu muhanda gw’amagara. *2 Kand’ otumanyise nk’oku turi, Ebibi byait’ obitwomesereze; Haz’ otushuuruurire gye Yesu, Tumureebe, Tumusiime. *3 Tworeky’ Omushana gw’amazima, Tumanye gy’ omuhand’ oguhikire; Otwegyes’ okutiina Ruhanga, Turekye kumurugaho *4 N’obu omubazi guraashaarire, Na rurara yaaw’ ekatucumita, Mufumu waitu, nitubyemera; Endwara ziturembize. *5 Mbwenu reeta n’omuriro gwawe, Gugume nigutumaramu enkamba, Amaryo n’eitima n’obugobya, N’ebi Yes’ ayanga byona. *6 Tuh’ embabazi n’amaani gaawe, Obusingye bwingi n’obusinguzi, Tubone kukund’ abantu boona, Okukir’ oku twekunda. === code 107 title Ai Yesu, sheesh’ omuriinye *1 Ai Yesu, sheesh’ omuriinye Okukunda kwawe, Mpamir’ omuriiwe wenka, Ndekye kutengyeta. *2 Omuriro gwa Ruhanga Gwakir’ omuriinye, Gummaremu ebibi byona Ebirikunshiisha. *3 Ija, Mwoyo wa Ruhanga, Nk’omu biro bya ira, Onyomeserez’ ebibi, Mbone kubyeteisa. *4 Omurir’ ogushemeza Gwakir’ omuriinye, Gummaremu enkamba zoona, Mbone kushemera. *5 Ruhang’ Omwoy’ Orikwera, Omp’ amaani gaawe, Obuzy’ amagara gaawe Omu ngingo zangye. === code 108 title Ruhanga Tataitwe *1 Ruhanga Tataitwe Owaatureeteire Omushana, Obingy’ omwirima Ogw’omu nsi yoona, Oreet’ omushana, Tuhweze gye. *2 Ruhang’ Omujuni, Owaatucungwire, Otuhur’re; Obingy’ obushema, Otuh’ okuhamya N’okwetegyereza, Tuhweze gye. *3 Mwoyo wa Ruhanga, Ogir’ okukunda N’amazima; Twakiz’ etabaaza Y’embabazi zaawe, Etumurikire, Tuhweze gye. *4 Ruhang’ otahwaho Ow’ekitiinisa, Tiriniiti, Kanyis’ omushana, Yakir’ ensi yoona, Ab’omu nsi boona. Bakumanye. === code 109 title Tusiime Ruhanga hati tushemereirwe *1 Tusiime Ruhanga hati tushemereirwe; Niw’ atukorera byon’ eby’okutangaaza; Okwih’ omu buto atuh’ emigisha ye N’ebiconco bingi ahabwa rukundo ye. *2 Ruhang’ Omugabi ka tumweshengyereze Omu mbabazi ze agume haihi naitwe, Atebeekanise ebi turikukora, Atuh’ obusingye omu mitima yaitu *3 Okusiimwa kwona kub’ ahari Ruhanga, Tataitwe n’Omwana n’Omwoyo w’ Orikwera, Ruhang’ omwe wenk’ owaabair’ ariho ira, Oriho na hati, kand’ otarihwaho. === code 110 title Mukama, tukuhimbise *1 Mukama, tukuhimbise, Niwe Ruhanga waitu; Obusingye bugirw’ ensi N’embabazi omu bantu. Tukuramye, tukusiime, Iwe Mukama Ruhanga, Tataitw’ okira boona. *2 Naiw’ Omwana wa Ruhanga, Owaazairw’ omwe wenka, Eiziina ryaw’ ori Yesu Omujuni w’abantu. Iw’ oihaho ebibi by’ensi, Itw’ abasiis’ otukuze Ebibi byaitu byona. *3 Ahabwa rukundo yaawe Okaija, waatufeera Ahabw’ eby’okushiisha byaitu; Otusaasire, Yesu. Oshutami aha rubaju orwa buryo rwa Ruhanga, Hur’r’ okushaba kwaitu. *4 Niiwe wenk’ ohikiriire, Niiwe wenka Mukama; Niiwe wenka Yesu Kristo N’Omwoyo wa Ruhanga, Ori ahaiguru munonga omu kitiinisa kingi Kya Ruhanga Tataitwe. === code 111 title Yes’, enjura y’omugisha *1 Yes’, enjura y’omugisha Neegwa hoon’ omu bantu, Kwonka nyowe nyin’ ekyaka, Omp’ orutoonyerera. Naany’ omp’ ogwo mugisha, Onduhuure, Mujuni. *2 Iwe Ruhanga Tataitwe, Kaingi nkucumwireho; Nyin’ ebibi, nsiisikaire, Nsaasira, kand’ onjune. Onjune! Onjune! Nsaasira, kand’ onjune. *3 Mwoy’ Orikwera w’amaani, Niiw’ ohumuur’ empumi; Kores’ ago maani gaawe, Ompumuure, ndeebe gye. Ndi empumi, ndi empumi; Ompumuure, ndeebe gye. *4 Okukunda kwa Ruhanga N’eshagama ya Yesu Kand’ embabazi z’Omwoyo, Byon’ obinkanyiseho. N’ebyawe; n’ebyawe; Byon’ obinkanyiseho. === code 112 title Eizooba rya Ruhanga waitu *1 Eizooba rya Ruhanga waitu Turishemerererwa, Niryo ry’okuhuumuriraho Emirim’ eturusya, Tukeebw’ emirabanamu yaitu N’okushoberwa kwona; Niryo abakuru n’abato Baramizaho Yesu. *2 Niryo Ruhanga Nyamuhanga Yaahereizeho byona, Kandi Mukama waitu Yesu Akarizookyeraho. Kandi niry’ Omwoyo wa Ruhanga Yaiziireho aha Ntumwa, Ayohereziibwe Mukama Kub’ Omuhwezi waitu. *3 Ku tuhik’ ahari eryo izooba, Turiruhuukiraho, Tuba nk’abaahik’ omu iguru Omuri Paradiiso. Kandi ku tuba twitsirw’ eiriho, Obwo tubon’ amaizi, N’ens’ ei twaraganisiibwe Tuba nk’abagirimu. *4 Kand’ obwo ku bateer’ engoma Kwet’ abantu kuramya N’okuteerana kuhurira Ebigambo by’Engiri, Bimurikir’ emitima yoona Y’abari omu mwirima; Kandi bishushana n’amaizi Agahimbuur’ emitima. *5 Mbwenu ka tushabe Ruhanga Atuh’ emigisha ye, Tubone kweteekateekyera Okuz’ omu bukama bwe. Okwo niyo turyeshongorera Twin’ amashemererwa Tataitwe n’Omwana we Yesu N’Omwoyo w’ Orikwera. === code 113 title Yesu Mukama, twaija kukusiima *1 Yesu Mukama, twaija kukusiima Ahabw’abarikwera baawe boona, N’eiziina ryawe kurih’ ekitiinisa Nitugira tuti, Aleluya! *2 Niiwe waabair’ oba Rukiri rwabo, N’Omwebembezi waab’ omu rugamba, Omu mwirima obamurikira gye; Tweshongora tuti, Aleluya! *3 Nk’oku baabaire barwana mashaija, Naitwe turwan’ okurwan’ okurungi, Tugabirw’ ekirunga ky’obusinguzi, Tubone kwesiima, tuti, Aleluya! *4 Omuriiwe tukwatanisa nabo, Ahabw’okuba twena turi abaawe; Mbwenu bo hati bari omu kitiinisa, Nibeeshongora gye, bati, Aleluya! *5 Ku tuba niturwana, twafoobeera, Tuhur’r’ amaraka gaab’ amarungi, Tugarukwamu amaabi g’omu mutima, Tweshongora tuti, Aleluya! *6 Eizooba riri haihi n’okurenga, Tukatabaaruk’ omuri obu bweme, Tukataah’ omu nsi y’oburuhuukiro, Tukateer’ akaari, tuti, Aleluya! *7 Haryabaho ekindi kiro kirungi, Mukama w’ekitiinisa ku ariija Ashagatiirwe boon’ abu yaajunire, Baije nibeesiima, bati, Aleluya! *8 Kand’ aryateeran’ abantu be boona, Naabaih’ omu mbaju zoon’ ez’egi nsi, Nibasingiza Tataitwe n’Omwana we N’Omwoy’ Orikwera, bati, Aleluya! === code 114 title Yesu Kristo naahurura *1 Yesu Kristo naahurura Kurwanis’ ebibi; N’oh’ orikwenda kwehayo Kuhurura nawe? *2 Oyemer’ Omusharaba Ogu yaabambirweho, Akanyw’ aha kikopo kye, Niwe murwani we. *3 Ir’ omushaija Stefano Akaitw’ abangi be, Baamwita nibamutura Yesu Mukama we. *4 Akafa naabashabira, Naareb’ omu iguru, Amaisho g’ agahangire Omujuni Yesu. *5 Eihe rye ry’ekitiinisa Erya baakareebi be Bakagumisiririza Enaku n’enshoni. *6 Bamwe bakaitw’ omuriro, Aband’ enyamaishwa; N’oh’ orikwenda kwehayo Kub’ emanzi nkabo? *7 Eihe rirungi ry’abantu Abakuru n’abato Hati nibasiima Yesu, Batakiine naku. *8 Mbwenu bari omu busingye Nibashemererwa. Ruhang’, otuh’ embabazi Z’okutwaza nkabo. === code 115 title Yesu, twataahibwa hati *1 Yesu, twataahibwa hati Omu Kanisa yaawe, Twabatizibwa n’amaizi, Nk’oku waaturagiire. *2 Hati nitwot’ omushana Ogurug’ ahariiwe, Turugir’ omu mwirima Ogw’omu bukafiiri. *3 Ni bingi ebi twakozire Bikakugwisa kubi; Mbwenu hati twabyeteisa Kutabigarukira; *4 Hati titukiine bwoba, Ahabw’okub’ oin’ amaani G’okusingura Sitaane, Kandi n’okuturinda. *5 Er’ izooba twakwekwatsa Kuguma hamwe naiwe, Niturindw’ amaani gaawe Agasingur’ Obubi *6 Ekitiinisa kiheebwe Tataitwe n’Omwana we Kandi n’Omwoy’ Orikwera Hati n’ebiro byona. === code 116 title Ai Ruhanga, mbwenu hati *1 Ai Ruhanga, mbwenu hati Twaija kukwehongyera, N’okub’ abarwani baawe, Kand’ abarikwesigwa. *2 Mbwenu twacungurwa hati Eshagama ya Yesu; Kandi We hati yaataaha Omu mitima yaitu. *3 Twin’ ak’okureeberaho Ak’omusharaba gwe, Akatuteebwaho hati Twen’ aha buso bwaitu. *4 Titurikukwatwa nshoni Ahab’okwikiriza, N’obu abatakunda Yesu Baritushekyerera. *5 Hati n’tushaba Ruhanga, Atuh’ amaani twena, Tugum’ obutoosha turi Abantu b’ abeesigwa. *6 Ekitiinisa kiheebwe Tataitwe n’Omwana we, Kandi n’Omwoy’ Orikwera Hati n’ebiro byona. === code 117 title Hati Nyin' Enjara N'eiriho *1 Hati nyin’ enjara n’eiriho ringi Ahabw’okuhikiirira kwawe, Niinyenda kuheebw’ Omwoy’ Orikwera, Antungis’ emigisha yoona. *ref Ij’ otaahemu, Mwoy’ Orikwera, Otaah’ omu mutima gwangye; Hat’ otandikye kukor’ omuriinye, Kand’ onsinguz’ ebibi byona. *2 Mpindura hekalu y’Omwoyo waawe, Kand’ onyozyeho ebibi byona; Reet’ eshagama y’Omwana gw’entaama, Onyozye, onyeze tititi. *3 Imwe bantu ’mw’ abain’ eiriho hati, Naimw’ abaremerereirw’ ebibi, Mwehongyere Yesu Omujuni waanyu, Mwehereyo kimw’ ahariwe. === code 118 title Yesu, nkaragaana naiwe *1 Yesu, nkaragaana naiwe Kuguma ndi owaawe, Ongume haihi obutoosha, Ai Mukama wangye. Tinditiina ngamba zoona, Waaba nondwanaho; Kandi tindihaba muhanda, Waaba onyebembeire. *2 Niinyenda kuguma naiwe; Ku ndaabeihwabeihw’ ensi, Yaaguma neenyetayeta Kukuhemukaho; Abazigu bangotsire Nibenda kuunyita; Mbwenu ninkutakira, Yesu, Ondinde batangwisa. *3 Ai Mukam’, eiraka ryawe Rigume niryogamu, Ndekye kuhurir’ agandi Agarikuhabya. Ommaremu obwoba bwona, Ogum’ ontegyekye; Kand’ ogambe naanye, mpurire, Mbone kukuheereza. *4 Abakukuratira, Yes’ Okabaraganisa Kubahitsya gy’omu iguru Owaaw’ ei otuura; Kandi naanye nkaikiriza Kuguma ndi owaawe; Ompwere n’embabazi zaawe, Mukama wangye Yesu. *5 Ai Yesu, ompwere ngyende Omu kirari kyawe; Kandi’ amaani gaawe gonka Nigo ndikwesiga. Gum’ ompabur’ omuhanda, Nkiri omuri egi nsi, Obone kumpitsy’ omu iguru, Mukam’ owankunzire. === code 119 title Imwe mwena, mwije twehereere *1 Imwe mwena, mwije twehereere Omu mwany’ ogutarimu bantu; Emirabanamu ebaruhize, Kandi n’orwari rubakabize. *2 Mutaane n’ebikundw’ ab’egi nsi Haza murond’ ebi batamanya; Mwije mugaaniire hamwe naanye, Muunyirire haihi, mutatiina. *3 Mungambir’ ebirikubasaasa, Ebi mugamba n’ebi mukora; Kandi mummanyis’ ebibarema, Ebimanyw’ Otasherekwa naama. *4 Mumanye ku mukiin’ orugyendo Ruhang’ oru mutarikumanya; Mwije mbah’ entanda y’omuhanda N’amaizi g’amagar’ ag’okunywa. *5 Kandi ku muraaheze kuhaaga, Nimwija kugarukay’ owanyu Mwine n’amaani masy’ ag’ Omwoyo, Mubone kukora gy’ emirimo. === code 120 title Ai Mukama wangy' Ombegyere *1 Ai Mukama wangye, ombegyere Omugaati gwawe gw’amagara; Ninkusherurir’ omu Kitabo, Nkwiniir’ ekihika na rukundo. *2 Kand’ ogwo mugaati Niiwe wenka Omujuni wangye w’amazima. Gum’ omp’ eby’okurya, onyegyese Kukund’ amazima gaawe wenka. *3 Yesu, ninkushab’ Omwoyo waawe; Onyigur’ amaisho, haza mpweze. Onyeshuuruurire, ai Mukama, Nkureeber’ omu Kitabo kyawe. *4 Oh’ ogu mugaati omugisha, Nk’oku waakozire Galilaaya; Haza nkomoororwe omu nkomo Ntungy’ omuriiw’ obusingye bwona. === code 121 title Enjara n’eiriho *1 Enjara n’eiriho Byankwat’; omp’ amaizi Agareet’ amagar’ Agarug’ ahariiwe. *2 Yesu, niiwe Maanu Eyaatutwekyeirwe Kurug’ omu iguru; Ndiisa, ndekye kufa. *3 Niiwe muzaabibu Ogureet’ amagara; Nnywais’ eshande yaawe, Mbone kuhw’ eriho. *4 Obundi ninduha, Nindemw’ orugyendo; Ompwere, kand’ ompitsy’ Owaaw’ omu iguru. *5 Nkiri n’omu ihamba Rihango munonga, Ompwere, ndahukye Okuhik’ ahariiwe. === code 122 title Mwije muheebwe eki kiijutsyo *1 Mwije muheebwe eki kiijutsyo Ky’obusaasi n’okufa kwa Yesu. *ref Boon’ abaikiriz’ ekitamb’ eki Bajunwa byon’ ebi baacumwire. *2 Kand’ Omubiri n’Eshagama ye Bituriisa twaba n’twikiriza. *3 Yesu niwe kucungurwa kwaitu; Hati ari ah’ ahagati yaitu. *4 Twirire haihi n’okwikiriza, Tutungy’ amaani omu myoyo yaitu. *5 Mwije n’emitima y’amazima, Tuteerane hamwe nawe hati. === code 123 title Emitim’ ehamibwa *1 Emitim’ ehamibwa Okugir’ amatsiko Ku Yes’ arigaruka Okututwara omu iguru; Turekye kushoberwa, Buzimazim’ aryaija. *2 Kandi bagyenzi baitu Ku batufah’ omu nsi, Itwe bagyenzi baabo Tutsigaramu n’obusaasi, Turekye kushoberwa; Ku ariija, baryazooka. *3 Ku turaagir’ enaku N’engamba za Sitaane, Ka tugum’ emitima, Ahabw’okub’ ens’ egi ti waitu; Ka tugumisirize Okuhitsy’ obu ariija. *4 Ka tury’ obugyenyi bwe Bwa viinyo n’omugaati; Ekyo nikyo kiijutsyo Ky’okufa kw’ aha Musharaba; Tugume tumwijukye Okuhitsy’ obu ariija. === code 124 title Ai Ruhanga Tataitwe *1 Ai Ruhanga Tataitwe Muhangi wa byona, Obwa ir’ okateerana Adamu na Haawa; Mbwen’ aba baana baawe Obah’ omugisha, Bakwatanisibwe gye Omuriiwe wenka. *2 Yesu Mujuni waitu, Obu waaza Kaana, Okataah’ obugyenyi Bwa bagyenzi baawe; Mbwen’ otaah’ obu bwaitu Obuh’ omugisha, Bamanye ku origuma Nab’ omu ka yaabo. *3 Iw’ Omwoy’ Orikwera, Hwezes’ emitima Ey’aba baana baawe, Bakwetegyereze; Obarinde barekye Kwits’ obumwe bwabo Entongane n’empaka, Bombi bakundane. *4 Ai Mukama Ruhanga, Ij’ obombekyere; Oku kushemererwa Kutabarugaho; Yes’ okukunda kwabo Kurekye kutuuba, Bagume bain’ obumwe Bw’ebiro n’ebiro. === code 125 title Mukama wa rukund’ *1 Mukama wa rukund’ etakareebwaga, N’tushabir’ abagore baitu aba, Obah’ embabazi zaawe, bagire Rukund’ etaine bugarukiro. *2 Mukama w’amagar’ agatahwaho, Ob’ orugo rwab’ orugumire, Kand’ obah’ okugumisiririza Ebihikiirizi n’obusaasi. *3 Obah’ okushemererwa n’obusingye, Ebiihaho empaka zoon’ ez’ensi; Kandi bwanyima y’amagara gaabo Obah’ amagar’ agatahwaho. === code 126 title Bahiiriirwe boona *1 Bahiiriirwe boona Abagwejegyerera Omuri Yesu Kristo Bain’ okushemererwa. *2 Hati bahuumwire Bari omu mikono ye, Nibeeshongorera Ogw’ owaabajunire. *3 Abagwejegyera Bo tibarabanamu; Obusaasi bwabo Buba butakiriho. *4 Yes’ abeebembera, Abahitsy’ omu iguru, Kandi abanywaisa Amaizi g’amagara. *5 Itwe ku tushaasha Ahabw’okuturugaho; Bo bashemererwa Ahabw’okuhuumura. *6 Aha kiro ky’emperu Turyareebana nabo, Tushemerererwe Omu maisho ga Yesu. === code 127 title Abagwejegyera *1 Abagwejegyera boona Nibeesiga Yesu Tibarigaruka kufa N’okureeb’ enaku. *ref Itw’ abateeraniir’ ah’ ahari eki kituro, Tureetsirw’ okuragana Na mugyenzi waitu. *2 Tureky’ amaganya goona Nk’aband’ ab’omu nsi Kureka twesigye Yesu, Amatsiko gaitu. *3 Boon’ abatubandiizeyo, Ku turibareeba, Turyashemererwa nab’ omu maisho ga Yesu. *4 Itwe twen’ abakiriho, Ka tweteekateekye, Turugy’ omu micwe mibi, Tukor’ ebirungi. *5 Ku turaamuheereze gye N’obwesigwa bwona, Aryatujwek’ ekirunga Eky’ekitiinisa. *6 Kandi turyaguma nawe Omu bukama bwe, Okufa kutakiriho, Turi omu busingye. === code 128 title Ku tuhing’ emisiri, *1 Ku tuhing’ emisiri, tubibamu embibo; Kwonk’ Omuhangi niw’ amez’ ezo mbibo zoona, Kand’ atuh’ omushana n’orume n’enjura, Haz’ ens’ agiheheeza ngu ebone kweza gye. *ref Ebirungi byona birug’ ahariwe; Nikyo tumuhimbisiz’ ahabw’okukunda kwe. *2 Niwe Ruhanga waitu, byona bimuhur’ra; Niw’ ariis’ enyonyi kandi n’enyamaishwa zoona; Kand’ okukira byona, atuh’ eby’okurya Ebitushemereir’ ahabw’okukunda kwe. *3 N’tukusiima, Tataitwe, ahabw’ebi otuha Omu ibiba n’omu igyesha kandi n’omu kyanda; Mbwenu tukureeteire emitoijo yaitu; Ikiriz’ okuhayo kw’emitima yaitu. === code 129 title Tugume tubib’ embibo *1 Tugume tubib’ embibo zaitu zoona Omu kasheeshe kandi n’omu mwabazyo, Kandi tutegyerez’ amagyesha gaitu, Okuhitsy’ obu Yes’ arigaruka. *ref Yesu wait’ aryaija, Yesu wait’ aryaija, Naitwe turyareeta ebiba byaitu. *2 Embibo ya Yesu, n’obu tugibiba Omu bunaku bubi, kwonka terifa. Ku turiguma twin’ amatsiko maingi, Turyagyesha twin’ amashemererwa. *3 Mwirooko mugyende, mutwar’ Ekitabo, Ahakuba niyo mbibo y’Omwoyo; Mubib’ ebigamb’ omu mitima yoona, Nimushaba Yesu kubimeza gye. === code 130 title Byon’ eby’ekitiinisa *1 Byon’ eby’ekitiinisa Ebihango n’ebikye Bikahangwa Ruhanga Omuhangi waitu. *2 Ebirabyo by’omu ishwa Niw’ abirabisa, N’enyonyi z’omu mwanya Azih’ amapapa. *3 Kand’ eizooba n’okwezi N’enyonyoozi zoona, Ebyakir’ ab’omu nsi Niw’ abiragiira. *4 Enjura n’omushana Katumba n’ekyanda Bitwereza gy’ emyaka, Tubimusiimira. *5 Ebiti n’obunyaatsi, Kandi n’ebibungo, Obwerere n’enyanja, N’emigyera yoona. *6 Akatuha n’amaisho G’okubireebesa, N’endimi z’okugamba Nitumuhimbisa. === code 131 title Mukama w’eiguru n’ensi *1 Mukama w’eiguru n’ensi Obukuru n’ekitiinisa Bib’ ebyaw’ obutwire bwonak, Iw’ ogaba. *2 Mbwenu tukworekye tuta Okusiima kw’omu mutiima? Ka tukuhe byon’ ebi twine Ebi otuha. *3 Niiw’ otuh’ ebi twereza Omushana hamwe n’enjura; Mbwenu itwe tukusiime tuta, Nyamuhanga? *4 Niiw’ oh’ amak’ obusingye, Amagara n’okukundana; Ka tugarukye tukusiime N’ahabw’ekyo. *5 Toraimire Mwana waawe, Okamuhayo n’okukunda Kutufeer’ aha Musharaba, Ngu atujune. *6 Ahabw’abant’ abacungwirwe, N’ahabw’abaasaasiirw’ ebibi, Mbwenu itwe tukuhe ki, Yesu Omujuni? *7 Niiw’ otuh’ Omwoyo waawe Omuhi w’ebiconco byona; Kand’ otuh’ emigisha yoona Ey’omwoyo. *8 Ebi tweshemeza nabyo Tibiine ki bitugasira, Kwonk’ ebi tukuha bireeta Omugisha. *9 Ebi tukuha, Mukama, Tubigarurirwa n’enshaagi; Ka tubikuhe n’okukunda, Iw’ ogaba. *10 Iw’ okomookwaho byona Ebi tutungir’ omu ns’ egi; Ka tugume tukuheereze, Iw’ ogaba. === code 132 title Hariho ens’ ekir’ egi oburungi *1 Hariho ens’ ekir’ egi oburungi, Ni nungi! Ni nungi! Tiharitaahayo kibi kyona; Egyo nsi ni nungi. Turyaguma nituteer’ enanga Hamwe na baamaraika boona; Ezo nanga zaayo n’ez’ezaabu; Egyo nsi ni nungi. *2 Okwo tiharibayo mwirima; Egyo nsi ni nungi. Kandi tihabayo naku yoona Omu ns’ egy’ enungi. Banyw’ amaiz’ agahais’ amagara, Nibareeba Yes’ Omucunguzi; Niw’ ab’ Omushan’ ogubajwera Omu ns’ egy’ enungi. *3 Mbwen’ itwe twena n’obu turaabe Twin’ ebibi bingi, Kwonk’ Omujuni wait’ akabambwa Ahabw’okutujuna. Twen’ obutoosha tushemezibwa Eshagama ya Mukama waitu; Bwanyima turyategyeka nawe Omu ns’ egy’ enungi. === code 133 title Harih’ orurembo *1 Harih’ orurembo Orw’ekitiinisa, Orutarigiibwamu kintu kyona Ekitashemeire. *2 Yesu, ninkushaba, Mwana wa Ruhanga, Mujuni wangye, onyozye hati Eby’okushiisha byona *3 Ruhanga, mpindura Okuruga hati, Mb’ omwana waawe, ogum, ondinde N’omukono gwawe. *4 Ruhanga, mpindura Okuruga hati, Mb’ omwana waawe, ogum, ondinde N’omukono gwawe. *5 Bwanyim’ oryantaasya N’okushemererwa Omu rurembo kutuura hamwe Naiw’ ebiro byona. === code 134 title Omu nsi ya Yesu *1 Omu nsi ya Yesu y’omu iguru Abarikwera be niyo bari; Nibashemererwa, Nibamweshongorera, Nibah’ Eiziina rye ekitiinisa. *2 Naimw’ abanyabibi, murahukye, Muhikye Mukama, abajune; Turyashemererwa Yesu ku aritujuna Ebibi n’okufa omu iguru *3 Boon’ abatuurayo barinzirwe Ruhanga Tataitwe n’Omwana we. Turwane mashaija Amaisho tugataire Aha Mujuni waitu omu iguru. === code 135 title Omu iguru harimu *1 Omu iguru harimu ens’ eshemeire Ei abajunirwe bakunda; Niyo Ruhang’ atutegyerereize, Ngu abone kutwakirirayo. *ref Ku turizayo twin’ obusingye, Turyateeranirayo nawe; Ku turizayo twin’ obusingye, Turyateeranirayo nawe. *2 Turyaguma nitumweshongorera Ebyeshongoro by’abaana be; Turyaba tutakiine naku z’ensi; Zoona ziryaba zihweireho. *3 Turyaguma tuhimbise Tataitwe, Tumusiimire rukundo ye, N’embabazi z’ ezi yaatugiriire, Ahabw’okutuh’ Omwana we. === code 136 title Saayuuni omu iguru *1 Saayuuni omu iguru Ruhang’ ah’atuura, Ku ndifa, ndyazayo N’okushemererwa; *ref Ruhanga wangy’ ou nkunda Nkwiniir’ orushusho rwingi. *2 Yes’ owaayangirwe Akiri omu ns’ egi, Okwo baamaraika Nibamuhimbisa. *3 Abagyenzi aba ira Abatubandiize Bakatabaaruka, Okwo niyo bari. *4 N’entumwa za Yesu Turyazishangayo, Tugumeyo nazo Nitushemererwa. *5 N’abaitsirw’ ahabwe Bariyo bajwaire Emyend’ erikwera Y’okuhikiirira. === code 137 title Orurembo rwa Ruhanga *1 Orurembo rwa Ruhanga, Orurikuhimbisibwa, Nirwo rurembo Saayuuni Orutaritengyetsibwa; Rukombekwa ira aha Rukiri Orwetw’ orwa iranaira; Abazigu tibarutiinisa, Ahakuba rwin’ orugo rugumire. *2 Reeb’ emigyera y’amaizi Etuura neehimintika, Etambir’ abantu baamwo Eiriho ry’omu mutima. Niky’ abo bantu batabaasiza Kwitw’ eiriho na kakye, Ahabw’okub’ ago maizi N’embabazi za Ruhang’ ohuriire. *3 Ai Yesu Mujuni wangye, Nyowe ndi Omunyasaayuuni; Ensi n’obu eranshekyerere, Ndyaguma ninkuhimbisa. Ekitiinisa n’okweshemeza Eby’ens’ egi bihwaho; Kwonk’ ebintu ebitarihwaho N’eby’ab’omu rurembo rwa Saayuuni. === code 138 title Emyaka ti mingi *1 Emyaka ti mingi Turyagwejegyera Hamwe n’abatubandiize Kuhik’ omu iguru. *ref Ai Mukama wangye, Ontebeekanise, Nshangwe nyeteekateekire, Ku oriija kuntwara. *2 Hakitsigaireyo Agandi mazooba; Ku garirenga, turyaza Ei ritarenga. *3 Hati hakiriho Eihunga ry’egi nsi; Niriija kuhwaho, tuze Ei ritahika. *4 Hati nitutaana, Kandi nituganya; Kwonk’ okw’ ei turikuza, Turyashemererwa. *5 Omwanya ni mukye Ogutsigaireyo; Bwanyim’ oryaij’, otegyekye Naitw’ abaana baawe. === code 139 title Omu ns’ egi twin’ enaku *1 Omu ns’ egi twin’ enaku, Kwonk’ omu nsi y’omu iguru Titurizishangayo. *ref Turyashemerererwayo, Turyashemerererwayo, Turyashemerererwayo, Hatakiriho kuragana. *2 Abakunda Yesu boona Omu bunaku bw’okufa Baryataah’ omu iguru. *3 Ku turireeb’ Omujuni, Turyayesiima munonga Okutakareebwaga. *4 Turyaguma tuhimbise Yesu, tumweshongorere Tutarikuremuura. === code 140 title Ka tuhimbise Ruhanga *1 Ka tuhimbise Ruhanga Ahabw’orurembo rwaitu Orwayombekirwe Yesu Omu nsi y’omu iguru. *2 Kuri nyin’ amapapa Nka baamaraika, Nkaagurukire, nyegiira Omu rurembo Saayuuni. *3 Kand’ amaju gaayo goona Gombekyesiibw’ ezaabu. Nigakira goon’ ag’ensi Agombekirw’ abantu. *4 Yesu, Omukama waarwo Niw’ ategyeka boona; Baamaraika n’abantu Boona bamuheereza. *5 Kand’ amaizi g’amagara Garug’ omu kitebe kye, Nigengyengyetera kimwe Nk’efeez’ eshemeziibwe. *6 Kand’ okwo niyo hashangwa Omuti gw’amagara, Haza, n’amababi gaagwo Nigo gakiz’ abantu. *7 Ka tuhimbise Tataitwe Ahabw’orwo rurembo, Oru yaatubonereize, Oruri omu iguru. *8 Otuhumuur’ amaisho gaitu, Ai Yesu, tukureebe, Tukore byon’ ebi osiima, Ebi waaturagiire. === code 141 title Omu rurembo rwa Ruhanga *1 Omu rurembo rwa Ruhanga Nimwo harug’ omugyera Ogw’amaizi g’amagara, Ogurug’ omu kitebe kye. *ref Turyateeranira hamwe Twen’ ahari ogwo mugyera N’abandi abarikwera, Twin’ okushemererwa kwingi. *2 Yesu Omuriisa waitu Niw’ aritwebembera gye, Akatuhitsy’ omu iguru Ahari ogwo mugyera murungi. *3 Obu tukiri omu ns’ egi, Ka tushabe Nyamuhanga, Atwiheho emitwaro, Tugyende n’okushemererwa. *4 Ebishuba bya Sitaane N’obwangani bw’omu bantu Tibiribaasa kuhika Omuri egyo nsi ya Ruhanga. *5 Abahikiriire boona Nibo bonka barizayo; Tweshengyereze Mukama, Atushemeze, tube nkabo. *6 Obunaku ti buraingwa, Obu turimar’ omu nsi, Tutakagiire mu iguru Kubugabuganayo nabo. === code 142 title Obusaasi bwona ku burihwa *1 Obusaasi bwona ku burihwa, Naahik’ omu nsi ey’ omu iguru, Okuguma na Mukama wangye Ekyo kiryanshemeza munonga. *2 Obwo ndyaba nshemereirwe Nshemereirwe, nshemereirwe; Okumureeba ndi omu maisho ge Ekyo kiryanshemeza munonga. *3 Kandi ku arimp’ omwany’ omu iguru Ahabw’esaasi n’embabazi ze, Okumureeb’ amaisho n’amaisho, Ekyo kiryanshemeza munonga. *4 Banywani bangy’ abambandiizeyo, Ndyashemererwa kubashang’ okwo; Kwonk’ ekirinshemeza munonga N’okureeba Yes’ Omujuni wangye. === code 143 title Omu nsi yaitu y’omu iguru *1 Omu nsi yaitu y’omu iguru Ekiro tikibayo, Emirimo tebarusya, Bakora n’okukunda. *2 Okw’ ei bari tihabayo Naku nari obusaasi; Yesu niw’ abaragaza Amarir’ aha maisho. *3 Omuri egyo nsi yait’ enungi Ekibi tikibayo, Bajwar’ emyend’ erikwera, Bahimbisa Ruhanga. *4 Nangwa n’okufa tikubayo; Abo boon’ abariyo Mukama Yes’ akabah’ amagar’ agatahwaho. *5 Omwebembezi waitu Yesu, Ogum’ otwebembere, Oturaby’ omuri egi nsi, Otuhitsy’ omu iguru. === code 144 title Ku turihurir’ enzamba *1 Ku turihurir’ enzamba ya Mukam’ omu iguru, Ahari eryo izooba ry’aha muheru gw’ensi, Eri abajunirwe boona bariteeraniraho, Obwo haryabah’ okwet’ amaziina goona. *ref Aha izoob’ ery’ obu Yes’ aryeta Amaziina g’abantu be boona, Omu kitab’ eky’ eky’amagara Eryangye naryo riryaba ririmu. *2 Boon’ abafeereir’ omuri Mukama baryazooka, Basingwire rufu nk’oku yaagisingwire, Babugabuganireyo n’abariba bariyo, Haza naanye tindibura kubashangayo. *3 Ka tugume nituheereza Mukama wait’ ogwo, Tweheyo kubuurir’ Engiri y’ omu ns’ egi; Bwanyima ku turiheza kukor’ emirimo ye, Aryatweta, naitwe tumushangy’ omu iguru. === code 145 title Hurir’ eihe ry’ab’omu iguru *1 Hurir’ eihe ry’ab’omu iguru nirihimbisa, Niryeshongor’ ekyeshongor’ eki ekisya; Rit’, ekitiinisa kyona kiheebwe Yesu Owaatukunzir’, akasheesh’ eshagama. *2 Abo boona bakaba bari abasiisi nkaitwe, Mbwenu boona bajwair’ emyend’ erikwera, Bat’, ekitiinisa kyona kiheebwe Yesu Owaatukunzir’, akasheesh’ eshagama. *3 Owaabair’ ari omugomi Yes’ amuhindura, Amugir’ omunyamurw’, amushoroora. Mbwen’ ekitiinisa kyona kiheebwe Yesu Owaatukunzir’, akasheesh’ eshagama. *4 Kuri Yes’ atatukunda, tutakeeteisize, Twena tukaabaire twehweir’ amatsiko. Mbwen’ ekitiinisa kyona kiheebwe Yesu Owaatukunzir’, akasheesh’ eshagama. *5 Mbwenu tugume tuhamye ku yaatujunire, Haz’ abandi babone kumwikiriza; Tut’, ekitiinisa kyona kiheebwe Yesu Owaatukunzir’, akasheesh’ eshagama. === code 146 title Okuguma na Yesu *1 Okuguma na Yesu Obutwire bwona Kireet’ okushemererwa Okutarihwaho. Aha nsi ndi omugyenyi, Tindigigumamu, Kureka ndi omuhinguzi Ninz’ ow’ omu iguru. *2 Okw’ owa Tataitwe Nyowe niyo ndiza; Mbwenu hati nindanzyayo Ahabw’okwikiriza. Ntuura n’ekihika Kuhikayo juba Omu buhunguzi bw’abo Abeesiga Yesu. *3 Kand’ obund’ ebicu Bireet’ omwirima, Mbur’ ah’okuruhuukira Nk’enkombe ya Nowa. Ebingonz’ ahansi, Haigur’emiyaga, Byona bindabanisamu, Binganzya munonga. *4 Bwanyim’ omushana Gugaruka gujwa, Ebingonzi n’emiyaga Byona bicureera. Omuhanganzima Ogw’okumpuumuza Gworekw’ omu maisho gangye, Gungumy’ omutima. *5 Ebiro ti bingi Yes’ ah’ ariizira Kututwara twen’ owaitu, Ei yaashemeize. Hati ntegyereize N’ekihika kingi Kureeb’ Omujuni wangye Ari aha ngoma ye. === code 147 title Yesu niwe Musingi *1 Yesu niwe Musingi ogw’Ekanisa ye’ Niwe Mukama waayo owaagyombekire, Akarug’ omu iguru okugicungura N’eshagama ye wenka, ngu eb’ omugore we. *2 Omu mahanga goona nimwo yaatoorainwe; Ein’ enyikiriz’ emwe n’okujunwa kumwe; Mukama waayo n’omwe, niw’ agirinzire, Niwe matsiko gaitu g’okuz’ omu iguru. *3 Ab’ensi bagigaya, baingi bagihiiga; Obund’ egyo Kanisa eyetaanisamu; Kwonk’ abantu ba Yesu abagirwanaho, Bwanyima y’obusaasi, baryashemererwa. *4 Omu kubonabona n’omu ngamba zaayo Etuur’ etegyereize omuheru gwabyo; Bwanyim’ egyo Kanisa, ku arigisinguza, Eryatung’ obusingye bw’ebiro n’ebiro. *5 N’obu eraab’ eri omu nsi, kwonk’ ekwataniise Na Ruhanga n’abantu abaagwejegyeire. Yesu, nitukushab’, otuhitsy’ omu iguru, Tutuure hamwe naiwe, nk’ab’ abaahuumwire. === code 148 title Mukama, tukunda *1 Mukama, tukunda Nyaruju yaaw’ egi, Ei abantu baawe Bateeraniramu. *2 Nimwo tushabira N’omutima gumwe, Kandi nitumanya, Ku ori hamwe naitwe. *3 Aha ibatirizo Naho tuhakunda; Turagaaniraho Endagaano naiwe. *4 Aha meeza yaawe Niho twijukira Eby’okufa kwawe, Tukashemererwa. *5 Tukund’ Ekigambo Kyaw’ eky’amagara; Ku tukishomerwa, Kitwongyer’ amaani. *6 Tweshongoreramu Ebyeshongoro byaitu; Kwonk’ eby’omu iguru Byo biryabihita. *7 Okukira byona Tube niiwe wenka Twakunda munonga Okuhitsy’ aha kufa. === code 149 title Abarikwera b’omu nsi *1 Abarikwera b’omu nsi Boona beeshongore Hamwe nab’ abaaherize Emirimo yaabo. *2 Ab’ensi n’ab’omu iguru Twena turi eishe-emwe, Ab’Ekanisa ya Yesu Ei yaacungwire. *3 Ekitutaanisa nabo N’ekyambu ky’okufa; Abamwe baakyambukire, Abandi nibambuka. *4 Abamwe bakahuumura, Bari owa Tataitwe; Abandi tutegyereize Kwetwa kutaahayo. *5 Yes’, ogum’ otwebembere, Bwanyim’ otwambutsye; Obunaku ku burihika, Tutaah’ omu iguru. === code 150 title Ekitabo kya Ruhanga *1 Ekitabo kya Ruhanga Ninkikunda munonga, Kingambir’ amazima, Ku ndi omunyabibi. *2 Kinyegyesa rukundo Y’Omucunguzi wangye; Ku ndug’ omu muhanda Gwa Yesu, kimpabura. *3 Ku mba ngwir’ omu kabi, Kintambir’ amaganya; Kimmanyisa gye ku ndi Omuhinguzi omu nsi. *4 Kandi ekyo kitabo Kimmanyisa ngu omuntu Aryasingura rufu Ahabw’okwesiga Yesu. *5 Kingambira ngu omuntu Orikwanga kweteisa, Akafeer’ omu bibi, Aryahwerekyerera. *6 Kwonk’ abarikweteisa Bakaikiriza Yesu, Baryaheebw’ amagara Ag’ebiro n’ebiro. *7 Kand’ eki nkikundira N’okub’ ekya Ruhanga, Eky’obuguzi bwingi Okukir’ ebindi byona. === code 151 title Ekigambo kyawe *1 Ekigambo kyawe, Ai Mukama Ruhanga, Nikyo kituhabura Omuhanda gwawe. *2 Abazigu baitu Ku batwirira haihi, Nikyo kitusinguza Orugamba rwona. *3 Ku habaho eihunga Ery’akagwe n’enaku, Nikyo kituhwezesa Omuhanda gwaitu. *4 Kandi n’omurikyo Abantu b’obutoosha Nimwo bashuuruurirwa Ebirungi byawe. *5 Ekigambo kyawe Kihwer’ abahuriire; N’abari haihi kufa Kibahuumuriza. *6 Ai Mukama waitu, Tuh’ okukishoma gye, Tukukundire kimwe, Tukugume haihi. === code 152 title Gum’ ohamy’ Ekitab’ ekirikwera *1 Gum’ ohamy’ Ekitab’ ekirikwera, N’obu waakunyagw’ ebindi byona; Ebyamwo bib’ eby’obuguzi bwingi, Tibirisiisikara na kakye. *ref Gum’ okihamye! Gum’ okihamye! Gum’ okihamye! Kikwebembere. *2 Hariho abant’ abagwejegyereire Omu turo tw’ebibi byabo; Ebigambo by’omuri ekyo Kitabo Nibyo bibaasa kubasisiimura. *3 Hariho n’abandi abaasiisikaire, Ab’ ekibi kyaburiize kimwe; Ekyo Kitabo nikyo kibahaisa Amagara masy’ agatahwaho. *4 Niyo tabaaz’ emurikir’ obutoosha Ababuriirw’ omuhanda boona; Nikyo kihabur’ abarikunyeeta N’aband’ abataine migwere. *5 Kyehimbagirizibw’ abagurusi Hamwe n’abakaikuru baitu; Omu bitabo byona eby’omu nsi Nikyo kyonka tweta rugambwa. === code 153 title Ensi ka zeeshongore *1 Ensi ka zeeshongore Okumanyisa Obukama bwa Yesu N’oburungi bwe; Abantu boona bahe Eiziina ry’ ekitiinisa. *2 Ensi ka zeeshongore Oburugwa-izooba Ei eizooba rituura Nirituruka; Chaina eyeshongore, Na Buhindi ehurire. *3 Ensi ka zeesiime N’okweshongora, Kandi n’Abaisramu Bamuhimbise; Eby’okurangaanwa kwe Bibugy’ Afrika yoona. *4 Embaju zoon’ ez’ensi Zimwinamire; Abatwir’ omu birwa N’omu bibira, Muhimbis’ eiziina rye Nyomushana na nyekiro *5 Ensi zeeshongorere Yesu Mukama; Hoona-hoona habugye Okuragaanwa kwe. Ka tumuramye wenka Mukama w’obusingye. === code 154 title Yes’ akagir’ entumwa ze *1 Yes’ akagir’ entumwa ze Ati, Mwirooko mugyende, Muz’ omu mahanga goona, Mugamb’ eby’Engiri yangye, Bamany’ eby’Okwija kwangye, Nk’oku naafeereir’ abantu, Nkabacungurira kimwe, Bakarug’ omu buhuuku. *2 Muhurir’ amakondere Nigagamb’ omu nsi zoona, Nigamanyis’ amakuru G’okushemererwa kwingi; Ebi biro by’omwirima Ogutwehinguririize Biryamarwah’ Okwija kwe Obwire ku burisheesha. *3 Itw’ ab’omu Kanisa ye Erikurwan’ orugamba, Twena hamwe n’abaafiire, Abaayogiz’ ebijwaro, Tweshongor’ ebyeshongoro, Tukwatanisiize hamwe, Nitusiim’ Omusinguzi Owaasingwire Sitaane. *4 Mureeb’ Emanueli naija Ajwair’ ebirunga bingi, Mukama w’abarikwera Na baamaraika boona. Iwe Magara g’abantu, Mushana kandi Rukundo, Ekitebe kya Ruhanga N’ekyawe wenk’ obutoosha. === code 155 title Imw’ abairu ba Ruhanga waitu *1 Imw’ abairu ba Ruhanga waitu, Mubuzye hoona ekitiinisa kye, Mumanyise boon’ Eiziina rya Yesu, Kandi ku ari Omukama w’ensi zoona. *2 Ruhanga niwe Rukira-boona, Atuura haihi n’abantu be boona; Ain’ obushoboorozi bw’okujuna Boon’ abatakir’ Eiziina rya Yesu. *3 Ka tusingize Ruhanga waitu, Itw’ ab’omu nsi n’abari omu iguru, Kandi tuhimbise Mukama Yesu Omwana gw’entaam’ owaatufeereire. *4 Nimwije mwena, tumwehongyere, Tumusiimire rukundo ye nyingi; Kandi tumuh’ ekitiinisa kingi, Tataitwe n’Omwana kandi n’Omwoyo. === code 156 title Sher’r’ ababuzire *1 Sher’r’ ababuzire, n’abarikufa Obasaasibwe, obashahure Omu kufa n’omu bibi byabo, Obagambire ku Yes’ akiza. *ref Sher’r’ ababuzire, saasibw’ abasiisi; Yes’ ow’embabazi naabakunda. *2 Kandi na boon’ abarikumushunga Naabategyereza ku beeteisa; Obeeshengyereze, oin’ embabazi; Ku baraikirize, naabajuna. *3 Omu mutima gw’omusiisi weena Habamu ekimukundisa Yesu; Ku okukigambaho, oine rukundo, Akaahurir’ eki orikugamba. *4 Sher’r’ ababuzire; Mukama waitu Naija kukuheerez’ amaani ge; Naiwe otaaruure ebirare byona, Biij’ omu muhand’ ogufunzire. === code 157 title Twar’ omushan’ omuri Afrika *1 Twar’ omushan’ omuri Afrika, Irook’ omaremu omwirima, Gambir’ abantu boon’ abaamwo Yesu ku ar’ Omujuni; oti, naany’ akanjuna. N’Omukama W’abakama Ni Ruhanga otambir’ abain’ ebibi, Itw’ abain’ ebibi. *2 Noomanya ng’ omuri Afrika Harimu omwirima ndindindi, Kandi Yesu niiw’ atumire Ngu ogyend’ obabuurire Omwirima guhwemu. Otatiina Otatiina; Twar’ engiri Obuurir’ abantu baamwo, boona abarimu. *3 Noomany’ Omwana wa Ruhanga Akab’ ari omu iguru na Ishe; Ku yaareebir’ abant’ omu nsi Bari ab’okuhwaho yaija kubacungura; Nikwo kufa Nikwo kufa Ahabwaitu akabambw’ aha Musharaba, Ngu atwih’ omu mwirima. *4 Yesu, ninkushaba ngu ompwere, Omp’ Omwoyo waaw’ Orikwera, Amp’ amaani ge n’obumanzi, Mbone kukuheereza nk’oku ndikubaasa, Obukama bwa Ruhanga Bweyongere bubugy’ omu ns’ egi yoona, omu ns’ egi yoona. === code 158 title Ensi yoon’ ekab’ *1 Ensi yoon’ ekab’ eri omu mwirima; Yesu n’omushana gw’ensi! Bwanyima yaayakirw’ omushana gwe; Yesu n’Omushana gw’ensi! *2 Hat’ ij’ ahari ogwo Mushana, Nimmanya ngu gukanyakira; Nkaba ndi empumi, yampumuura. Yesu n’Omushana gw’ensi. *3 Ori omuriwe tagira mwirima; Yesu n’Omushana gw’ensi; Kurek’ agyender’ omu mushana gwe; Yesu n’Omushana gw’ensi. *4 Imw’ empumi ezituur’ omu mwirima, Yesu n’Omushana gw’ensi; Nimwogy’ omu shagama, muhumuukye; Yesu n’Omushana gw’ensi. *5 Kand’ omu iguru tihabay’ izooba; Yesu n’Omushana gw’ensi! Mukama Yesu niw’ izooba ryayo; Yesu n’Omushana gw’ensi! === code 159 title Abanyabibi boona *1 Abanyabibi boona Abarariire hare, Yesu abaikiriza Ahabw’embabazi ze. *ref Mugume nimu ... kyeshongora, Yesu ku ayakiir’... abanyabibi; Mukishobororere ... abantu boona, Ku ayakiir’ abasiisi. *2 Rahuk’ akuhuumuze, Yesigy’ Ekigambo kye; Okiza boon’ ebibi, Mukama tamubinga. *3 Nyow’ omu maisho gaawe Ndi omusiisi buzima, Kwonka ku nyij’ ah’ori, Embabazi zimpuumuza. *4 Ka nkusingize, Yesu, Ahabw’okuunyakiira, Nyow’ owaakugomeire. Okanyozyaho ebibi. *5 Abafukire mwena, N’abeehweir’ amatsiko, Nimurahukye juba, Yes’ akiin’ embabazi. === code 160 title Imw’ abarikutaataana *1 Imw’ abarikutaataana Mbwenu nimutiina ki? Yesu, ka niwe Muriisa Orikwet’ entaama ze. *2 Nk’oku omuriis’ asherur’ entaama ze zibuzire, Nikwo Yesu abasher’ra, Imwe mwen’ entaama ze. *3 Murekye kugir’ obwoba; Eshagama ya Yesu, Eyaaseesirw’ ahabwaitu, Niy’ etwozyaho ebibi. *4 Mutatiina, ngu ahakuba Muri enkozi z’ebibi; Omujuni waitu Yesu Tagira kimurema. *5 Imwe mwen’ abarikwenda Amagar’ agatahwaho Muteehongyer’ ondi weena, Kureka Yesu wenka. *6 Mwije, mwij’ ahari Yesu, Murekye kweziringa; We naatweta n’okukunda Okutakareebwaga. *7 Nimwija kutunga hati Ebi yaaraganiise; Kandi mushemerererwe Ebi araabahe byona. === code 161 title Mukama nangir’ ati *1 Mukama nangir’ ati, Oin’ amaani makye; Hat’ ij’ onyehongyere Toribaasa kukyena. *ref Yes’ akaihura Amabanja gangye, Yansaasirira kimwe, Naayera tititi. *2 Niwe wenk’ oin’ amaani Kworobeza kimwe Omutima gw’eibaare, N’okukiz’ omubembe. *3 Tiinyine kintu kyona Ky’okweraatiraho; Eshagama ye yonka Niy’ empais’ oburungi. *4 Omu maisho g’ekitebe kye Ndyayemererayo, Nyin’ eminyago yangye, Ngit’ aha bigyere bye. === code 162 title Tuhuriir’ amakuru marungi *1 Tuhuriir’ amakuru marungi munonga, Agarikumanyisa ku Yesu ajuna; Ogabuzy’ omu bantu Ab’omu byaro byona, Kandi n’ab’omu ndembo, Ku Yesu ajuna. *2 Manyis’ abanyabibi ku Yesu ajuna, Kandi n’abashobeirwe, n’ab’ obamanyise, Akasheesh’ eshagama Ir’ obu yaatufeera, Ngu abone kubajuna Batungy’ amagara. *3 Gum’ okyeshongorere omu ns’ egi eruhire, N’obu harimu orwari n’empaka z’abantu. Abari omu mwirima N’abeehweir’ amatsiko, Nabo bakihurire,Ku Yesu ajuna. *4 N’aha izooba ry’enaku ry’okufeerw’ ab’owaitu, Turekye kushoberwa nk’abataine matsiko; Mbwen’ amahanga goona Geesiime nigeeshongora Ahabw’ago makuru,Ku Yesu ajuna. === code 163 title Buri muntu ween’ *1 Buri muntu ween’ oraahurire Ebigambo by’Omucunguzi waitu, Amanyise ween’ oraikirize, Yesu ku ari Omujuni. *ref Orikwenda weena, Orikwenda weena; Imw’ ab’omu nsi zoona, muhurire, Oku Yes’ ayozya n’eshagama ye Ween’ orikumwesiga. *2 Orikwenda ween’ atakyerererwa; Yesu niwe irembo ry’okurabamu, Kandi n’omuhanda ogw’amazima, Ogu yaatucwereire. *3 Eki yaaraganiis’ itw’ abantu be, N’okutuh’ amaizi ag’amagara, Agu aheera bush’ ahabw’ okukunda kwe Ween’ orikwikiriza. === code 164 title Entaama kyenda na mwenda *1 Entaama kyenda na mwenda Zikaba ziri gye, Kwonka ngyenzi yaazo emwe Yaarug’ aha Muriisa, Aha Muriis’ omurungi, Yaahabir’ omu nshozi za hare, Bwanyima yaaburir’ omu ihamba. *2 Mukam’, ezo ntaama zaawe Tizirikukumara? Kwonka yaagarukamu, ati, Tizirikummara gye. Nangwa n’obu haakuba hata, Niinyija kusherur’ egyo ntaama Okuhitsy’ ahu ndaagigwereho. *3 Egyo ntaama teramanyire Bubi bw’omuhand’ ogwo Ah’ Omuriisa yaarabire Atakagiboine Omu byambu ebiijwire, N’omu mahwa mab’ agakwataine, Kandi n’omu mwirima ndindindi. *4 Omuri okwo kusherura Akasheesh’ eshagama, Emikono n’ebigyere bye Byacumitw’ amahwa. Kwonka byona bikamweba, Ku yaareebir’ ati egyo ntaama ye, Kandi yaagiih’ omuri ako kabi. *5 Omuriis’ akashemererwa, Yaayeta banywani be, Ati, Mwije tushemererwe, Entaam’ eri ngiboine, Nikwo Ruhang’ ashemererwa, Omusiisi weena ku ahinduka, Omwan’ ozaahire ku azaahuuka. === code 165 title Ongambir’ ebya Yesu *1 Ongambir’ ebya Yesu Eby’okukunda kwe, Ku yaatsigireh’ obukama bwe Ahabwaitu abasiisi; Gamb’ ebigambo birungi Ebi ndikwetegyereza; Ahakuba ndi nk’omwana muto Otaine bwengye bwingi. *ref Ongambir’ ebyo ebyaira Eby’okushemererwa, Ongambir’ ebya Yesu N’eby’okukunda kwe. *2 Ongambir’ obutoosha Oku yancungwire, Akanjun’ ebibi byangye byona Nyow’ owaamusiisiire; Kand’ ogum’ obingambire, Ahakuba ndahuka kwebwa; Ebi bangambir’ omu kasheeshe Omu ihangwe biinyeba. *3 Ku ndaagir’ obusaasi, Bwammaramu amaani, Ongambir’ ebigambo bya Yesu; Nibyo bimpuumuza gye. Kandi ku ndaabeihwabeihwe Eby’ekitiinisa ky’ensi, Naarug’ ahari Mukama waitu, Garuk’ obingambire. *4 Ku ndiba naahikire Aha ncwamba za rufu, Naakondahirirw’ eby’omu ns’ egi, Naashobeirwe munonga, Kand’ obwo nabw’ ongambire Ebyo bigambo birungi, Ebirikumpuumuz’ omutima, Ku Yes’ ari Omujuni. === code 166 title Reeba, ndi aha rwigi rwawe *1 Reeba, ndi aha rwigi rwawe Niinyiguza; onyigurire. Beit’ ebibi tibikurutsya? Nyigurira! Nyigurira! *ref Orikukwiguza ni Yesu; Hurira, naakwetongyeza, Ati, “Ontaasye, nkuruhuure”. Hati garukamu ot’ “Ija”. *2 Reeba, nkabambw’ ahabwawe; Toijuka ku naakufeereire? Mbwenu k’ otakiine busingye! Nyigurira! Nyigurira! *3 Oreky’ okungangaarira; Yetegyerez’ enkojo zangye; Ka nkugarurir’ obusingye; Mwana wangye, onyesigye. *4 Mwana wangy’, okahemuka, Kandi waagarukay’ enyima; Reka kwebonabones’ otyo; Nyigurira! Nyigurira! *5 Nkakwihurir’ omuhendo Gu otakubaasiz’ ahabwawe, Okumar’ eibanja ry’ekibi; Mwana wangye, nyigurira! *6 Mbwenu nkuhair’ ebiconco Eby’okukunda n’obusingye, N’amagar’ agatarihwaho; Mwana wangye, onyesigye. === code 167 title Yesu akutegyereize *1 Yesu akutegyereize Okukujuna; Obutoosha We naakwet’ ati, Rugayo! *2 Otagomer’ okweta kwe; Akakufeera. Many’ akakubambirwa ngu akucungure. *3 Embabazi z’Omujuni Noozangira ki? Tomwesig’, akakujuna, Okeesiima? *4 K’ omazir’ emyaka mingi Ori omu bibi, Nookoresibwa Sitaane Ebi akunda. *5 Toikiriz’ akakujuna, Haz’ okeesiima, Okeehayo n’okukund’, akakutunga? *6 Obutoosha W’ akworeka Ebi oraakore; Kandi hati naayongyera, Reka kwanga. *7 Otakayang’ okweta kwe, Akakutsiga; Obu n’obunaku bwawe; Omwikirize. *8 Mukama, tinkyeziringa, Naakuhikire; Ompindur’ omwana waawe, Naagomooka. === code 168 title Iw’ ori omu rwari rw’ensi *1 Iw’ ori omu rwari rw’ensi N’omu mirabanamu, Hurira, Yesu naakweta, At’, Ij’, onkuratire. *2 Abajubi bakahur’ra Eiraka rye naabeeta, Baatsigah’ ebyabo byona, Baija, baamwehongyera. *3 Yes’ atweta ngu turekye Kweteng’ eby’omu ns’ egi Aryatumar’ obukyene, Ku turiguma nawe. *4 N’obu turaabe turi gye, Nari turi omu naku, Hoona Yesu naakitweta, Ngu tumukuratire. *5 Mbwenu, Mukam’, otuhwer’ Ahabw’embabazi zaawe, Tukworober’ obutoosha, Kandi tukuheereze. === code 169 title Mpuriire Yesu nangira *1 Mpuriire Yesu nangira At’, Ij’ ahariinye, Nkutuur’ ebikuremire, Mbikwekorerere. Naij’ ah’ari, ndi nk’oku ndi, Nshobeirwe, nduhire, Yambeer’ oburuhuukiro N’okushemererwa. *2 Mpuriire Yesu nangira At’, Iw’ oin’ eiriho, Rugayo, nkuheere bush’ Amaizi g’amagara. Ntyo naij’ ah’ari, naanywa N’okushemererwa, Omutima gwahw’ eiriho, Naagaruka busya. *3 Mpuriire Yesu nangira Ati, Ndi Omushana Ogujwer’ abantu boona; Ndeeba, haz’ ohweze. Naanye ku naamureebire, Yaab’ eizooba ryangye Ry’okuunyakiz’ omushana Okuhitsy’ aha kufa. === code 170 title Ira ku naabaire ngwejegyeire *1 Ira ku naabaire ngwejegyeire Ndi omu turo tw’ebibi bingi, Naahurir’ eiraka ry’Omujuni, Nangir’ ati, Nyiguriraho! *ref Hat’ iguraho orwigi, Yes’ ataahe omuriiwe, Omutima gwawe gushemererwe, Yesu ku araagutaahemu. *2 Yesu yaanyet’ aha bugyenyi bwe, Naabutaaha nyin’ okwesiima, Naashemererwa nk’abarikwera Abambandiiz’ omu iguru. *3 Kand’ omu kurwana na Sitaane Niwe ngabo n’eicumu byangye, Niwe maani gangy’ agatahwaho Agabaas’ abazigu boona. *4 Hati nindiira omu maisho ge, Kandi niinywer’ aha kyambu kye; Bwanyima ku ndihik’ omu iguru, Nibwo ndiigutira kimwe. === code 171 title Ij’ ohur’r’ eiraka *1 Ij’ ohur’r’ eiraka Ery’embabazi, Niryo ry’Omujuni, Naakugir’ ati, *ref Onyehongyere, Nkakubambirwa, Niinye ndikukweta, Ij’ ahariinye. *2 Iwe Omusiisi Ij’ akwiheho Ebibi byawe byona N’eshagama ye. *3 Ku oraabe nooronda Obuhungiro, Ij’ ahari Yesu, Akuhuumuze. *4 Mukama waaw’ ogwo Naakugir’ ati, Ngambir’ obujune Bwawe bwona. === code 172 title Mwena nimwij' ahari Yesu *1 Mwena nimwij’ ahari Yesu, Muteeziringa, murahukye; Hati ayemereir’ omuriitwe, Naayet’ ati; Mwije! *ref Eshi, ku turireeba Yesu, Turyagir’ amashemererwa, Tutaahe naw’ omu bukama bwe Obutarihwaho. *2 Ween’ orikwenda kucungurwa, Arekye kwenda kweshemeza, Ahakuba Yes’ akeehayo, Yaabambw’ ahabwaitu. *3 Mbwenu, ekyaitu n’okwesiga Eshagama y’ ei yaaseesire, Kandi n’okworober’ eiraka rye Eririkutweta. === code 173 title Imw’ abaruhire, nimwije *1 Imw’ abaruhire, nimwije, Imwe mwen’ abashobeirwe, Mukama naabatangirira Abainiire rukundo; Nimwije mwena, mwije mwena, Muhuumure, mutatiina. *2 N’obu muraabe muri babi, Mutatiina; We ain’ embabazi; Eki arikubendeza n’eki, N’okweteisa, mukaikiriza; Mwije mutaine ky’okuhayo, Naija kuboozya n’eshagama ye. *3 Mureeb’ Omwana wa Ruhanga Ori omu Gesesemaani, Kandi ari aha Musharaba Naagamba n’eiraka rihango Naagir’ ati, Kyahwera kimwe! Eki naiziriire kyahwa. *4 Mbwenu mwije, muteeziringa, Murekye kwenda kweshemeza. Timurigira bu mwizire, Ku muraayende kweshemeza. Taraizire kweta barungi, Kurek’ ababi kweteisa. *5 Itw’ abaherize kujunwa Twena turyamutangirira, Ab’omu iguru n’ab’omu nsi Twena tumweshongorere, Tuti! Aleluy’! Aleluya! Niiwe Mujuni w’abantu. === code 174 title Imwe mwen’ abaruhire *1 Imwe mwen’ abaruhire, abaremereirwe, Mwij’ ahari Yesu Kristo, haz’ abahuumuze. *ref Mwesigye Yesu Omujuni Abahuumuze; Mumwikirize, abajune Ebibi byanyu. *2 Akahay’ amagara ge, yaabambw’ aha muti, Kandi yaasheesh’ eshagama, eyozya tititi. *3 Niw’ ab’ Omuhanda gwaitu, kandi n’Amazima; Murahukye kumwesiga, muheebw’ omugisha. *4 Nimwije tukwatanise orugyendo rwaitu, Tutaahe hamw’ omu iguru, omu kushemererwa. === code 175 title Musiisi ’we, tiwaaruha? *1 Musiisi ’we, tiwaaruha? Shanga Kristo! Hurira naakweta, ati, Ij’ oruhuukye. *2 Nyowe nkaamumanyira hi, ku nkumureeba? Many’ ain’ enkojo z’emisomaari omu ngaro. *3 Yes’ ogw’ ajwair’ ekirunga eky’obugabe? Eego, akijwaire; kwonka shi ajwair’ eky’amahwa. *4 Ku ndaamukuratire shi, ningasirwa ki? Noija kugum’ otungy’ obusaasi n’enaku. *5 Ku ndaagume haihi nawe, mbwenu nampa ki? Noija kusingur’ obwo busaasi n’okufa. *6 Ku nkumweshengyereza nti, Yesu, nyakiira, Noogira ngu akaabaasa kunyanga? Rubuuza! *7 Ku ndaagume nimmukunda, namp’ omugisha? Abarikwera boona nibahamya ngu – Eego. === code 176 title Yesu akutegyereize *1 Yesu akutegyereize, Iwe musiisi ’we; Yeteis’ ebibi byawe, Abikusaasire. *ref Rahuk’ oije! Rahuk’ oije! Akutegyereize; Yatur’ ebibi byawe, Haz’ oheebw’ omugisha, Agukuheere busha, Otang’, ogwakiire. *2 Yesu akutegyereize, Ij’ omwikirize, Oyakiir’ amagara Agatarihwaho. *3 Yesu akutegyereize, Otakyerererwa! Ategir’ emikono Kukubumbatira. *4 Yesu akutegyereize; Mbwenu nootiina ki? Ka n’Omujuni waawe Owaakufeereire. === code 177 title Nkararira har’ omu bibi *1 Nkararira har’ omu bibi, Byanyita kubi; Bintegyekir’ emyaka mingi; Mbwenu naija. *ref Ka nyije, ka nyije; Naanug’ ebibi; Nyemera, kand’ onsaasire; Yes’ onyaakiire. *2 Nkafiisa bush’ emyaka mingi, Mbwenu nduhire; Ninkwetongyeza, Yes’ onjune; Mbwenu naija. *3 Ebibi byangye bindembize; Naija ninkooza; Naayesig’ embabazi zaawe, Yesu onyakiire. *4 Yes’ owansheesheir’ eshagama Ha Musharaba, Ikiriza kuginyogyesa; Mbwenu naija. *5 Ai Mukama, naakwetuurira, Hat’ ontambire, Kand’ ongarurir’ amatsiko; Mbwenu naija. === code 178 title Naija hati, Yesu, *1 Naija hati, Yesu, nk’oku ndi, Ntaine ky’okwetonganira, Kurek’ ahabw’embabazi zaawe, Mucunguzi, naija. *2 Tindikubaasa kweyihaho Kabara na kamwe k’ekibi, Kureka niinyesig’ eshagama, Ku enyogyeza kimwe. *3 N’obu ndaabe ninfa kubi, Nkabangaanisa, nkatiina Ahabw’okugir’ engamba nyingi, Kwonka Yesu, naija. *4 Mukama, naija nk’oku ndi, Ndi empumi, nyeshobeire; Naakwetuurir’, ontambire, Mucunguzi, naija. *5 Okaragaanisa kuunyakiira, Kunsaasira n’okuntunga; Ahabw’okwesig’ ebi ogamba, Mucunguzi, naija. *6 Rukundo yaaw’ etakareebwaga Yammaramu obugangaazi; Mbwenu hati naakwehongyera; Mucunguzi, naija. === code 179 title Tiinyine kigambo kyon’ ekirungi *1 Tiinyine kigambo kyon’ ekirungi Eky’okwetonganir’ ah’ori, Kurek’ okwesig’ eshagama yaawe; Hati naija, naija, Mukama. *2 Mbwenu tinkyesiibyayo, ngu nkaatuubya Ha by’okushiisha byangye byona, Kureka niinyesig’ egyo shagama; Hati naija, naija, Mukama. *3 N’obu ndaabe nimbungabunga hati, Ahabw’obwoba bw’omu mutima, Orugamba ruunyehinguririize; Yesu, hati naija nk’oku ndi. *4 Nyowe nk’oku ndi empumi n’omunaku, Ninshang’ omuriiw’ okuhweza, Obutungi bwona n’okutambirwa; Hati naija, naija, Mukama. *5 Mukama wangye, nyakiira nk’oku ndi, Onsaasire kandi onyozye; Ebi ogamba naabyesigira kimwe; Yesu, hati naija nk’oku ndi. *6 Okukunda kwawe kw’okutangaaza Kwasheeny’ ebyangy’ ebigumire; Mbwenu naihamu okub’ owaawe wenka; Hati naija, naija, Mukama. === code 180 title Mpuriir’ eiraka ryawe *1 Mpuriir’ eiraka ryawe Ry’ embabazi, Yesu, Noonyeta kushemezibwa Eshagama yaawe. *ref Naija, Mukama, Naij’ ahariiwe; Onyozye, onshemeze N’eshagama yaawe. *2 Mukama, naayereeba, Nyin’ ebibi bingi; Nikyo naizir’ ahariiwe, Ngu obinjune byona. *3 Mukama, ninkushaba Omutima musya, Ogwijwir’ okwikiriza N’obusingye bwingi. *4 Ai Mukam’, onyongyere Emigisha yaawe, Naanye mbone kwezirika Kukuheereza gye. === code 181 title Mukama, Ninkutakira *1 Mukama, ninkutakira, Orahukye oij’ onjune; N’obu ndi otashemereire, Nyakiira, nk’oku ndi. *ref Nyakiira, Mukama, Nyakiira, Mukama; N’obu ndi otashemereire, Nyakiira, nk’oku ndi. *2 Ndi mubi orengyesereize, Kandi nommanyira kimwe; Ompindur’ omuntu musya, Mbe nk’oku orikwenda. *3 Okweshemeza kundemire, Amaani gangye ni makye; Kwonk’ ahabw’Eiziina ryawe, Onjune, nk’oku ndi. *4 Reeba, ninkweshengyereza, Ongire, nk’oku orikwenda; Byon’ ebi orankorere, Obihikiirize. === code 182 title Ebibi byangye, Yesu *1 Ebibi byangye, Yesu Akabyekorera. Omwana wa Ruhanga Otagira kibi Akarug’ omu iguru Akaija, yaarug’ omu iguru Ahabw’okukunda kwe Okuunyozyaho ebibi Okuunyogyeza kimw’ ebibi Omu shagama ye. *2 Byon’ ebirikundusya Mbimwegyekyereire, Kandi n’endwara zangye Niw’ azintambira. Tihain’ ondiijo weena Tihain’ ondiij’ otari Yesu, Owakubyemera; Kand’ akashaasha naitwe Akasaasira hamwe naitwe Omu naku zaitu. *3 Ampuumuz’ omutima Gwaba gushobeirwe; Kandi ku nteer’ entsibo, Ankwat’ omukono. Nyowe nkund’ Eiziina rye Ninkund’ Eiziina rye rirungi, Eiziina rya Yesu; Niwe Mukama wangye, Niwe Mukam’ otarihwaho. Kristo Emanueli. *4 Niinyenda kushushana Na Yes’ omu micwe; Niwe murungi wenka, Kandi omucureezi. Niinyenda ngume nawe Niinyenda kuguma na Yesu omu bukama bwe, Mmuhimbis’ obutoosha Mmuhimbise niinyeshongora N’abarikwera be. === code 183 title Niinyesiim’ ahabw’ okumanya *1 Niinyesiim’ ahabw’ okumanya Yesu ku ari Omujuni wangye; Niwe yancungwiz’ eshagama, Kand’ akanzaaz’ obwa kabiri. *ref Ebibi byange akabinyoreka. Naayeteisa, nawe yanjuna; Ka mmuhimbise, nyeshongore, Kandi mmusiim’ ebiro byona. *2 Tinkyetegyeka, ndi owa Yesu, Nikyo kirikuunyesiimisa; Nkamuh’ ebyabaire bindusya, Yaabinjuna, yamp’ obusingye, *3 Hati nintegyekw’ Omujuni, Mpiiriirw’ okub’ owe buzima; Ntegyereiz’ endiijo migisha, Ei aramp’ ahabw’okunkunda. *4 Okumumanya n’eky’omugisha; Nimpamya ku ndi owa Yesu; Hati niwe Murinzi wangye, Tiharih’ orimuunyihaho. === code 184 title Nkwat' omukono, Yesu Mujuni wangye *1 Nkwat' omukono, Yesu Mujuni wangye, Tiinyine maani g’okweshembutsya; Ku oraab’ onkwaitse, tindikwija kugwa, Tihaine kyon’ ekirintiinisa. *2 Nkwat’ omukono, ogum’ onyehitsye, Iwe matsiko gangy’ agatahwa; Onkwate, ntakaarug’ omu muhanda, Nkakuburaho, nkagw’ omu kabi. *3 Nkwat’ omukon’, onyih’ omu mwirima; Ku mba ntakwine, ndimbagirirwa; Kwonka ku ndeeb’ ekitiinisa kyawe, Amashemererwa gaba maingi. *4 Ku ndihik’ aha mugyera gw’okufa, Ogu waayambukir’ ahabwangye, Onkwat’ omukono, mbone kugwambuka Ntaah’ omu iguru nyin’ obusingye. === code 185 title Yesu, Niinyehayo *1 Yesu, niinyehayo Ahariiwe; Ninkweshengyereza Onyakiire. *2 Nyin’ ebibi bingi, Kwonka ninkwesiga Kwonka ninkwesiga, okanfeera *3 Kandi niinyatura Eby’okushiisha; Onkwatse, nyemere Ebibi byangye, *4 Mbone kusaasirwa, Omutima gwangye, Omutima gwangye Guhuumure. *5 Mujuni, nsaasira; Ninkwesiga, Nkutsimbir’ amaju Omumaisho. *6 Nyozya n’eshagama Ei waaseesire, Iw’ Omwana gw’entaama Wa Ruhanga. *7 Niiw’ orimpigika Niinyesiima Ahabw’okuteerana Hamwe naiwe. *8 Sitaane ku ariija, Niiw’ orimpigika, Niiw’ orimpigika, Ndekye kugwa. === code 186 title Ebibi byangye byona *1 Ebibi byangye byona n’obusaasi Nkabyegyekyerera Yesu wenka; Ku naamwetegyereiz’ abambirwe, Naamanya ku yaafiir’ ahabwangye, Yantuur’ ogwo mutwaro gw’ebibi, Naakira; Yantuur’ ogwo mutwaro gw’ebibi, Naaruhuuka. *2 Mbwenu ntuura nimbireetera Yesu, Ahakuba niw’ ammar’ enaku; Ku ndira, niw’ andembesereza; Ku mba nshobeirwe, niw’ ampuumuza; Ku mmutuurir’ obusaasi bwangye, Mpuumura; Ku mmutuurir’ obusaasi bwangye, Nyanguhirwa. *3 Ndyaguma nimbimureetera byona, Niwe ntuura nyineh’ amatsiko; Okumwikiriza kumpuumuza, Okumweshegura kunduhuura; Ku mba mmwine nawe, nguma Ninshemererwa. *4 Iwe mwehwa-matsiko ’we, yemera Kumureeter’ ebyaw’, otatiina. N’obu ari Omuhangi w’ensi zoona, Ku oraamworobere, naakujuna. Many’ ogir’ ekibanj’ omu iguru, Kikibayo; Many’ ogir’ ekibanj’ omu iguru, Taahayo. === code 187 title *1 Ku oraitw’ emirabanamu y’egi nsi, Kandi waayehwera kimw’ amatsiko, Ijuk’ emigisha yoon’ ei otunga, Ku eri mingi kand’ ey’okutangaaza. *ref Mbwenu bar’ emigisha yaawe. Yoon’ ei Mukam’ akuhaire; Buri gumwe, gum’ ogwijukye; Noija kutangaarir’ okukunda kwe. *2 Ku oraab’ oine bingi’ ebikushobeire, Waaremwa kubyegyekyerera Yesu, Ijuk’ emigisha yoon’ ei otunga, Omutima gukugaruky’ omunda. *3 Ku oraayetengy’ ebibanja by’abandi. Amatungo kandi n’empiiha byabo, Ijuk’ ebi Yesu akubiikiire, Ebi oritunga waahik’ omu iguru. *4 N’obu oraarwane n’abazigu baingi, Oteehw’ amatsiko; Yesu akwine. Aryaguma naakurind’ obutoosha, Okuhitsy’ obu orihik’ omu iguru. === code 188 title Omubi Sitaane ku araakutegye *1 Omubi Sitaane ku araakutegye, Iwe Mukristaayo ’w’, otamworobera; Gum’ orwane mashaija, nooreba Yesu, Naija kukuhwera, abikurabyemu. *ref Shaba Yes’, aij’ akuhwere Akugumy’, akurinde; Niwe munywani waawe, Naija kukusinguza. *2 Yetantar’ emikago y’abantu babi, Ogum’ oyerind’ ebigaaniiro bibi, Obyangire kimwe, nooreeba Yesu, Naija kukuhwera, abikurabyemu. *3 B’ omunyambabazi, ohwer’ abandi, Yerind’ okubeiha, otarihemuka; Gum’ ori ow’amazima, nooreeba Yesu, Naija kukuhwera, abikurabyemu. *4 Sitaane n’obu araabe naakurwanisa, Ahabw’okwesiga Yesu oryamusingura; Gum’ orwane mashaija, nooreeba Yesu, Naija kukuhwera, abikurabyemu. === code 189 title Yesu, ninkwesiga *1 Yesu, ninkwesiga, Mwana wa Ruhanga, Omujuni; Mbwenu ninkushaba, Onyiheho ebibi, Hati, Yesu, mb’ owaaw’ onyakiire. *2 Nyijuz’ embabazi, Omp’ amaani gaawe, ompimbuure. Nk’oku wankunzire, Naanye ka nkukunde, Rukundo yangy’ erekye Kuhwaho. *3 Ku ndaabe nindaba Omu mwirima mwingi, nyebembera; Ontambir’ enaku, Ondembesereze, Kand’ otandeka nkakurugaho. *4 Kandi ku ndihika Aha ncwamba za rufu, ompuumuze, Ommaremu obwoba, Ndekye kushoberwa, Mpiky’ owaawe ndi omunt’ ocungwirwe. === code 190 title Ninkwesig’, Iw’ Omujuni wangye *1 Ninkwesig’, Iw’ Omujuni wangye, Iwe wenka, Yesu, Ku ojunira kimw’ omusiisi weena Okwesiga. *2 Niinyesig’ okusaasira kwawe, Nkukwaits’ amaguru, Ku oba niiwe wangirir’ embabazi, Okankiza. *3 Niinyesiga n’eshagama yaawe Y’obuguzi bwingi, Ei waasheesheir’ aha Musharaba Okunyozya. *4 Ninkwesig’, Iwe Mukama wangye, Ku origuma naanye, Okanyebember’ obutoosh’ omu Muhanda gwawe. *5 Ninkwesiga ku niiw’ omp’ amaani Omu bweremwa bwangye, Kand’ oryaguma nonsinguza byona Ebiriija. *6 Ka ngume ninkwesig’ obutoosha Omuri ebyo byona; Otarindeka nkakuhemukaho, Gum’ ondinde. === code 191 title Mukama nangir’ ati *1 Mukama nangir’ ati, "Nyowe ndi hamwe naiwe, Orekye kugir’ obwoba Omu rugyendo rwawe." Omu mwirima ndindindi We nandaganis’ ati, "Ndyaguma ndi hamwe naiwe, Tindikutsiga wenka." *ref Nyowe tindigira Bu ntsigaire nyenka, Niwe yandaganiis’ ati, Tindikutsiga wenka. *2 Ebintu byon’ eby’ensi Birahuka kuhwaho, Ni nk’ebirabyo by’omu nsi Oku bihunduuka; Kwonka Yesu tikw’ ari, We tarihunduuka, Atuura nandaganis’ ati “Tindikutsiga wenka.” *3 Ku ndihikwaho akabi N’ebihikiirizi, Mukama wangye Yesu Aryagum’ andi haihi Nangambira mpora Ati, “Gum’ otatiina; Ndyaguma ndi hamwe naiwe, Tindikutsiga wenka. === code 192 title Ori omu mikono ya Yesu *1 Ori omu mikono ya Yesu Tagira ki atiina, Kandi omuhuumuriramu Amarwa rukundo ye. Nimpurir’ amaraka G’abaatubandiizeyo, Nibamweshongorera, Nibahimbisa bati, *ref Ori omu mikono ya Yesu Tagira ki atiina, Kandi omuhuumuriramu Amarwa rukunso ye. *2 Ku mba mbumbatiirwe Yesu, Tiinyehwa matsiko, Tiinyemereza mutima, Ahabw’okub’ andinda. Nimmanya hakiriyo Ebindi by’okundenga, Kandi n’eby’okunsaasa, Nkiri omuri egi nsi; *3 Yes’, Obuhungiro bwangye Kand’ Owanfeereire, Niw’ ab’ Orukiri rwangye, Oru nyemereraho. Mbwenu nintegyereza Mukama wangye Yesu, Obwire ku burisheesha Ndyaza naw’ omu iguru; === code 193 title Mukama, ku waakwekorera *1 Mukama, ku waakwekorera Amaganya gaitu n’obusaasi, Tukaashemererwa, Tumany’ ebyaitu byona, Yesu, Ku niiwe obitah’ omutima, Okabishemeza gye. *2 Kaingi eby’ensi bintiinisa, Nyemereza munong’ omutima, Mbur’ okwikiriza. Ku naakureka kwesig’ ensi, Nkaba niiwe naayesiga wenka, Nkaaguma nkwegamiire. *3 Nkaazibirwa ki kukushaba, Nkakwegyekyerer’ ebyangye byona Ebindemereire? Nkaahuumurizibw’ okumanya Ku Ogw’ oriisa n’ebiteera-nkumba, Atabaasa kuunyebwa. *4 Yesu, titurikukwesiga, Nk’oku kirikutushemerera; Mukama, n’tukushaba, Enyonyi n’ebirabyo byona Bib’ eby’okutwegyes’ obutoosha Okwesiga Tataitwe. === code 194 title Mukama, twegyese kushaba *1 Mukama, twegyese kushaba gye, Tukutiin’ omu buryo buhikire; N’obu turaabe turi abasiisi, Twikirize, tukuhikye. *2 Ku tureka tuti kukushaba, Ebibi bigaruka bituboha; Otuh’ Omwoyo waaw’ Orikwera, Agumy’ emitima yaitu. *3 Ku turaayeteguure kushaba Omu kushaba kwait’ okw’obutoosha, Otwakiire, nitukireetana, Ai Mukam’ ow’embabazi. === code 195 title Mukristaayo, yerinde *1 Mukristaayo, yerinde Orekye kuhuumura, Akabi kari haihi, Oshabe. *2 Abazigu ba Yesu Hati bakugwereire, Nibenda kukugwisa; Oshabe. *3 Jwar’ eby’okurwanisa, Gum’ obihagatiire Nyomushana na nyekiro, Oshabe. *4 Hurir’ abaasingwire, Abaakubandiiz’ ira, Nibakugira bati, Oshabe. *5 Hur’ra Mukama waawe Yes’ owaakufeereire, Nawe naakugir’ ati, Oshabe. *6 Reka kugwejegyera, Shoma Baibuli yaawe, Kand’ ogume nooreeba; Oshabe. === code 196 title Yesu, nitukutakira *1 Yesu, nitukutakira, Kandi nitukweshengyereza Hur’r’ okushaba kwaitu. *2 Mukama wait’ orikwera, Tushukyeh’ Omwoyo waawe, Atuhwere, tweteise. *3 Ahabw’obusaasi bwawe N’ahabw’amarira gaawe, Tutakwakwa, Mukama. *4 Niiwe Muramuzi waitu Kand’ Omujuni w’abantu; Hur’r’ okushaba kwaitu. *5 Ahabwa rukundo yaawe, Eyaakwihir’ omu iguru; Otuh’ okuhuumura. *6 Bwanyima ku turihika Omu maisho ga Tataitwe, Yesu, turyakusiima. === code 197 title Iwe mutima gwangye *1 Iwe mutima gwangye, Gum’ oshabe Mukama; Akunda kuhurira Okushaba kw’abaana be. *2 N’Omukama rugambwa; Otamushaba bikye; N’ow’embabazi nyingi, Kandi niw’ aine byona. *3 Yesu, ninkutakira, Ongirir’ embabazi, Onyiheh’ omutwaro Gw’ebibi ogunduhize. *4 Kand’ eshagama yaawe Eyozy’ abanyabibi, Emmar’ omu mutima Ebicumuro byona, *5 Yesu, niinyij’ ah’ori, Ngu onduhuur’ omutima; Mbwenu gum’ omuriinye, Kand’ onyetegyekyere. *6 Obu nkiri omugyenzi, Ngume ndi entumwa yaawe, Naiwe onyebembere Okuhitsy’ aha kufa. === code 198 title Mukama, gamba; mpuriire *1 Mukama, gamba; mpuriire, Ntegyereize ku ogamba; Niinyeteng’ eiraka ryawe, Rimpane, rinshemeze. Niiwe ntegir’ amatu; Mukama, nongambira ki? *2 Amarak’ agandi maingi Gaija gaanyomberera, Ganzibira kuhurira gye Eryawe ry’embabazi; Mukama, ninkwetenga, Ku ocureez’ orwo rwari. *3 Mpuriir’ akaraka kaawe Nikangambira mpora; Ninkushaba, ntarug’ aha, Ntatungire ki onyeteire. Noomany’ ebi nkyenire; Ija, Yes’, onkyenuure. *4 Ku ndaahur’r’ eiraka ryawe, Mpwera, ngume ndyorobere, Kandi nkor’ ebi orikwenda n’okushemererwa kwingi. Mbwenu nkutegir’ amatu; Mukama, nongambira ki? *5 Mukam’, onyet’ omu iziina, Mmanye ku niinye waayeta; Haza ngyende hamwe naiwe, Ntakiine kubangaanisa, Okuhitsy’ obu oriija, Okatutwar’ owaawe. === code 199 title Yesu ij’ ogume *1 Yesu, ij’ ogume Ahagati yaitu, Otuh’ omugisha Omu kuramya kwaitu. *2 Omuri oku kuramya Shuk’ Omwoyo waawe Mu mitima yaitu, Haz’ atwomesereze. *3 Amaremu obwoba N’obujune bwona, Atuh’ obusingye N’okushemererwa. *4 Tubone kugyenda Omu muhanda gwawe, Nitutegyereza Okugaruka kwawe. === code 200 title Niinye, niinye, niinye nyenka *1 Niinye, niinye, niinye nyenka Nshemereire kushabirwa Niinye, niinye,niinye nyenka Omuntu w’okushabirwa. *2 Ti tata, ti maawe, kureka niinye Nshemereire kushabirwa; Ti tata, ti maawe, kureka niinye Omuntu w’okushabirwa. *3 Ti mukuru wangye, kandi ti munyaanyazi Oshemereire kushabirwa, Kureka niinye, niinye nyenka Omuntu w’okushabirwa. *4 Ti mukama wangye, kandi ti mushoroorwa Oshemereire kushabirwa; Kureka niinye, niinye nyenka Omuntu w’okushabirwa. === code 201 title Mukama, naakuhongyer’ *1 Mukama, naakuhongyer’ amagara gangye, Ngume nkor’ obutoosha emirimo yaawe; Ebiro byangye byon’ ebi ndimar’ omu nsi, Ndyaguma nkukuratire, kandi nkuhimbise. *2 Mukama, naakuhongyer’ emikono yangye, Ogum’ ogikorese nk’oku orikukunda; Kand’ ebigyere byangye bigume byehuute, Ngyende ndi entumwa yaaw’ omu mahanga goona. *3 Kandi n’eiraka ryangye nindikuhongyera, Ryeshongor’ obutoosh’ eby’okukuhimbisa; N’eminwa yangy’ egambe eby’Engiri yaawe, Abasiisi bamanye ku niiwe Mujuni. *4 Kandi n’eitungo ryangye nindikuhongyera; Tiinye naaryetungiise, niwe waarimpaire, Ija hati, otaah’ omu mutima gwangye, Kib’ ekitebe kyawe, Mukama Ruhanga. *5 Mukama, ninkwehongyer’, ontwarire kimwe; Reeba,ndi aha bigyere byawe,niinyehayo; Niinyend’ ontungye, Yesu, ngume nkuheereze, Mb’ owaaw’ ebiro byon’ okuhitsy’ aha kufa. === code 202 title Turi abaawe, Mukama *1 Turi abaawe, Mukama Ruhanga otukunda; Titurikurugaho Hati n’ebiro byona. *2 Turi abaawe, Mukama Ruhang’ ow’amagara; Guma nootwebembera, Niiwe muhanda gwaitu. *3 Turi abaawe, Mukama Yes’ Omujuni waitu; Gum’ oturwanirire, Niwe Murinzi waitu. *4 Turi abaawe, Mukama, Ab’omu busyo bwawe; Titubaasa kuba gye, Waab’ otaturinzire. *5 Turi abaawe, Mukama, Niiw’ otumar’ obworo, Niiw’ otusaasir’ ebibi, Ngu otuhitsy’ omu iguru. === code 203 title Yesu, tinkiri kyegyengye *1 Yesu, tinkiri kyegyengye; Hati nyowe ndi owaawe; Nkaba ndi owa Sitaane, Waija, waanyeihirayo. *ref Ndi owaawe, ndi owaawe; Yesu nyowe ndi owaawe. *2 Amagara gangye goona Ningakuheera kimwe; Niiw’ origuma nondinda, Okampitsy’ omu iguru. *3 Eitungo ryangye n’empiiha N’ekitiinisa kyangye, N’abanyamukago boona, Noobinkirira byona. *4 Omubiri gwangye gwona N’ebigyere n’engaro, N’amagara gangye goona, Byona, byona n’ebyawe. *5 Mujuni, Munyambabazi, Nyeza, nkukuratire; Nyin’ enjara, nyin’ eiriho, Onduhuure, Mujuni. === code 204 title Niinyenda mb’ Omukristaayo *1 Niinyenda mb’ Omukristaayo w’amazima, ow’amazima, Omukristaayo kashushu, ai Mukama. Mukama wangye, Mukama wangye, Niinyenda mb’ Omukristaayo w’amazima. *2 Kand’ ompindur’ orikwer’ omu mutima, omu mutima, Nyerere kimw’ omu mutima, Mukama. Mukama wangye, Mukama wangye, Yes’ ompindur’ orikwer’ omu mutima. *3 Niinyanga kuba nka Yud’ omu mutima, omu mutima, Niinyanga kukureebya nkawe, Mukama. Mukama wangye, Mukama wangye. Niinyanga kuba nka Yud’ omu mutima. *4 Niinyenda mbe nkaiwe, Yes’, omu mutima, omu mutima, Babone kukundeebamu, ai Mukama. Mukama wangye, Mukama wangye, Niinyenda mbe nkaiwe, Yes’, omu mutima. === code 205 title Yesu, ninkiijuk’ eizooba *1 Yesu, ninkiijuk’ eizooba Eri naakwikiririizeho, Okab’ Omujuni wangye; N’ahabw’ekyo ka nkusiime. *ref Ka nsiime! Ka nsiime Yes’ owaanyogiz’ ebibi Niw’ anyegyes’ obutoosha Okureeba n’okushaba. Ka nsiime! Ka nsiime Yes’ owaanyogiz’ ebibi. *2 Obwo nkakweheera kimwe, Naab’ owaawe, waab’ owangye; Waanyiriza haihi naiwe, Haza naakukuratira. *3 Kand’ ira nkaba nzaahiire Omu micwe mibi ey’ensi; Yesu, waija wanzaahuura, Mbwenu tinkikurugaho. *4 Ndyaguma nkukuratire, Nk’oku naaragaine naiwe; N’obu ndihik’ aha kufa, Ndyaguma ninshemererwa. === code 206 title Yesu niwe bweshereko *1 Yesu niwe bweshereko Bw’abant’ abari omu kabi; Tinkitaanuukana nawe, Niwe buhungiro bwangye. *2 Mukama n’Orukiri rugumire, Rugumire, rugumire; Mukama n’Orukiri rugumire Niwe buhungiro bwangye. *3 Omu ihangw’ areet’ ekibunda Ky’okuntambir’ omushana; Nyekir’ ambeer’ etabaaza; Niwe buhungiro bwangye. *4 Tinkitiinisibwa kibi Ahabw’okwesiga Yesu, N’obu baakub’ abazigu; Niwe buhungiro bwangye. *5 Yesu tindimurugaho, Ahakuba niw’ andinda; Kandi tarimpemukaho; Niwe buhungiro bwangye. === code 207 title Eshagama y’Omujuni *1 Eshagama y’Omujuni Niyo yonka ei nyesiga Tingira bundi bwegamo, Kureka Mukama wenka. *ref Ka mpamir’ aha Rukiri; Eby’egi nsi n’omusheenyi, Eby’egi nsi n’omusheenyi. *2 Byon’ eby’ensi ku biraije, Ka nyesigy’ eby’omu iguru; Omu busaasi n’omu kagwe Tagira bu antsigireho. *3 Ebi yaaturaganiise Nibyo bimpamiza kimwe; N’obu nfeerw’ ebyangye byona, Niwe wenk’ ou nyesiga. *4 Ekir’ eki ariiziraho Aryashanga ntegyereize; Kandi nyin’ akamanyiso K’Omwoyo we Orikwera. === code 208 title Nkabon’ oburuhuukiro *1 Nkabon’ oburuhuukiro Omuri Yesu Kristo; Niwe wenk’ ou nyesiga Ahabw’ enkojo ze. *2 Tiinyine ki naakuhayo Kuunyihah’ orubanja, Kureka Mukama wangye Yes’ owambambiirwe. *3 Okujunwa nikummara, Kandi tinkitiina. Akanshanga ndi omusiisi, Haza yaanyakiira. *4 Ku mba ndwaire, niw’ ankiza, Haza mb’ ohuriire. Eshagama ye niy’ empa Amagara masya. *5 Mpuumuzibw’ Ekigambo kye Eky’ omuri Baibuli, Kimpamiza ku njunirwe Ahabw’Eiziina rye. === code 209 title Nyin’ Omujuni Yes’ *1 Nyin’ Omujuni Yes’ otuur’ omu iguru, Mujuni murungi, kand’ow’embabazi, Atuura nandeeba, nandind’ ebiro byona; Ninkweshengyereza, omwikirize. *ref Ninkweshengyerez’ omu iziina rya Yesu, Ohindukye hati, kand’ omwikirize. *2 Nyin’ Omuzaire, niwe yandaganiise Kump’ amagara ahabw’ Omwana we; Ku ndimuhurira, naakora gy’ ebi akunda, Bwanyim’ aryanyeta kuguma nawe. *3 Kand’ ebijwaro eby’abahikiriire Nibyo biriheebwa aba Yesu Kristo; Mbwenu munywani wangye nkaabaasibwa ki, Naiw’ otung’ ebyaw’ ahari eryo izooba. *4 Nyin’ obusingye omu mutima gwangye. Obutari bwa bantu, kurek’ obwa Yesu; Abantu b’omu nsi tibabwetegyereza, Tibarikubuha, tibabwihaho. === code 210 title N’oh’ ou nyin’ omu iguru *1 N’oh’ ou nyin’ omu iguru Kureka Yesu wenka? Ka ngume nyeshongore nti, “Yesu wenka nammara” Akahutaar’ ahabwangye, Yancunguz’ eshagama, Yanteerana na Ruhanga; Yesu wenka nammara. *2 N’obu ab’ensi baine bingi, Yesu wenka nammara; Kwonka nyowe timbyetenga, Yesu wenka nammara. Tibirimu na mugisha, N’ebishushunga byonka, Ebya Yesu n’obusingye; Yesu wenka nammara. *3 N’obu ndihinduk’ omworo, Yesu wenka nammara; Naamanya eby’okunkwatsa; Yesu wenka nammara. N’obu emisiri yaakwoma, N’entookye zikahwaho, Ente n’embuzi zikafa, Yesu wenka nammara. *4 N’obu ndigir’ abazigu, Yesu wenka nammara; Ndyabasingurira kimwe; Yesu wenka nammara. N’obu ensi yoon’ erampiigye, Nentur’ okumuhamya, Byona tibirikumbaasa. Yesu wenka nammara. *5 N’obu ndihik’ aha kufa, Yesu wenka nammara; Ndyahuumurir’ omuriwe; Yesu wenka nammara. Omu kuhururwa kwingi Ndi aha ncwamba za rufu, Obwo ndyayeshongora nti, "Yesu wenka nammara." === code 211 title Ai Mukama waitu Yesu *1 Ai Mukama waitu Yesu Twena n’tukuhimbisa; Ahakub’ okatufeera, Yes’ Omujuni waitu. *2 Nkaba nfa kubi munonga, Ngu nkaabon’ obusingye; Ku naateireho, naaremwa; Yesu, naakwehongyera. *3 Ninkuh’ omubiri gwangye N’omutima n’obwengye; Kand’ ebi ntungire byona Bib’ ebyawe, Mujuni. *4 Ndyaguma ngambire boona Eby’okujuna kwawe, Okutari kw’ebicweka, Oku otuheera busha. *5 Ka nkusiim’, owancungwire Okanjunira kimwe, Kand’ okaguma nondinda; Yes’, osiimw’ obutoosha. === code 212 title Omujuni wangye Yesu *1 Omujuni wangye Yesu, Ninkukunda, ninkuramya; Nooyetw’ Omwana gw’entaama Wa Ruhang’ otahwaho. *ref Aleluya! Ka nkusiime, Oheebw’ ekitiinisa Ahabw’eshagama yaawe Eyaanyereize kimwe. *2 Nkaba ndi omu nju y’embohe Niinyitwa kubi Sitaane, Kandi nshobeirwe munonga; Waija, waaginyihamu. *3 Mbwenu naanye ka nyeheyo Omubiri n’omutima, Mbone kub’ omuntu waawe Ebiro byangye byona. *4 Mbwenu niiwe nyegamiire, Yes’ ob’ Omurinzi wangye; Ogum’ ondind’ obutoosha Okuhitsy’ aha kufa. === code 213 title Ndi Omukristaayo *1 Ndi Omukristaayo, ndyagumizamu Ebiro byona, mpiky’ aha kufa. Ndi Omukristaay’, ekyo ninkihamya, N’obu ndaashekyererw’ ensi yoona. Ndi Omukristaayo w’omu mutima; Eki ntsigaize ninkunda Kristo; Obu yaabambw’ akaf’ ahabwangye, Naanye nshemereire kumukunda. *2 Ndi Omukristaayo; nikintangaaza Okureeba ngu naanye nkajunwa. Ndi Omukristaayo; n’obu ndaagwerwe Akagwe, nkahikwah’ orugamba. Ndi Omukristaayo, kand’ omurwani, Niinyog’ omu myambi ya Sitaane; Engabo yangye n’okwikiriza, Niy’ enkingir’ egyo myambi yoona. *3 Ndi Omukristaayo, kand’ omugyenzi; Ndyagumizamu orugyendo rwangye. Eby’omuri egi nsi nimbigaya Habw’amatsiko g’eby’omu iguru. Ndi Omukristaay’, ekibanja kyangye Kiri omu iguru, owa Ruhanga; Tihabayo naku n’obusaasi, Abaayo boona bashemererwa. *4 Ndi Omukristaayo, ekyo n’ekintu ekihuumuriz’ omutima gwangye, Kikanyebesa enaku zoona, Haza nkahurira naaruhuuka. Ndi Omukristaayo, oku ndi kwona; N’obu ndiba ndi haihi n’okufa Tikirinsaas’ ahabw’okugira Amatsiko g’okuz’ omu iguru. === code 214 title Tindiitwa nshoni na kakye *1 Tindiitwa nshoni na kakye Okuhamya Yesu, N’okwesig’ ekigambo kye N’Omusharaba gwe. *ref Aha Musharaba gwe niho yantuuriire Omutwaro gw’ebicumuro byangye, Nkamwikiriza, akampa n’okuhweza; Hati ningyenda nimmusiima. *2 Eiziina rya Yesu wangye Niryo ndikwesiga, Kandi tarimpemukaho Tarindeka nkafa. *3 Byon’ ebi yandaganiise, Taribihindura; Kand’ eki naamubiikize Aryakirinda gye. *4 N’omu igur’ aryanyemera, N’obu ntaine ku ndi; Omu rurembo Saayuuni Aryampamu omwanya. === code 215 title Yezirikye Munonga Kukora *1 Yezirikye munonga kukora n’amaani; Tandik’ omu kasheeshe, otab’ omweremwa; Kand’ okore n’omu ihangwe, otatentebuka; Buri haihi n’okwira; kores’ amaani. *2 Yezirikye munonga, okiri ohuriire; Ku oraab’ okiri muto, nari okuzire, Ku oraab’ ori omutsigazi, nari omugurusi, Buri haihi n’okwira; kores’ amaani. *3 Mwezirikye munonga, imw’ Abakristaayo; Yesu niw’ ah’ amaani g’okukora gye. Mbwenu murekye kuruha n’okucwek’ entegye; Buri haihi n’okwira, mukahinguuka. === code 216 title Ruhanga wangye, ku ndaagyende *1 Ruhanga wangye, ku ndaagyende Orugyendo ruhango naaza hare, Onyegyese kwikiriza Ebi okunda. *2 Ku ndaabe ndi omu mwirima, Naaburw’ okushemererwa, Ompwere, ndekye kwetomboitera Ebi okunda. *3 Ku ndaatsigweho banywani bangye, Naaguma nyin’ eirungu, Ohuguur’ omutima gwangye, Haza nkwesigye. *4 Ku oraanyete kutsigaho Byon’ ebi ndikukunda, Naabikuha, n’ebyawe; Obitware. *5 Eki ndikwenda niky’ eki; Onyijuz’ Omwoyo waawe, Agum’ omu mutima gwangye, Anyegyese. *6 Ogum’ ongarure busya, Onyiheho byon’ ebirikunzibira Kuguma ningira nti, Ebi okunda bikorwe. === code 217 title Ai Mukama, Gum’ Onyebembere *1 Ai Mukama, gum’ onyebembere Omu ihamba ry’ens’ egi; Ndi omweremwa, kwonk’ ompigikiire N’omukono gw’embabazi. Onyebembere, kand’ ompabure, Ntateishuk’ omuhanda, Mukama Ruhang’ ow’amaani. *2 Onfumurir’ enshuro z’amaizi Agarikumar’ eiriho, Kand’ ompabuz’ enyomyo y’ekicu Nk’eyaayebembeir’ aba ira. Kand’ omp’ entanda y’Omwoyo waawe, Ebe niyo yantunga, Ntagwer’ eshaz’ omu muhanda. *3 Ku ndihik’ aha nkungu y’ekyambu, Obwo bunaku ongumye, Ndekye kutiin’ amaani ga rufu, Hakub’ okagisingura. Ndyayeshongora ebyeshongoro Eby’okukusingiza, Naaheza kutabaaruka gye. === code 218 title Mukama, nairirirw’ *1 Mukama, nairirirw’, onyakire, Nkiri hare. Omwirima gwatsimbira kimwe, Onyakire. Tindikureeba gye i ndikuza, Ontware mpora, ndekye kuhaba. *2 Ira nkaba ntenda kuba niiwe Wampabura; Nkaba nyenda kwekorer’ ebyangye Nk’ekyegyengye. Kwonka hati naacw’ amaryo, naija; Onsaasir’ obwo bugomi bwangye. *3 Embabazi zaaw’ ezindinzire Tizihwaho; Ziryandaby’ omuri egi ns’ erimu ebigumire. Bwanyima ku ndihik’ omu iguru, Ndyaguma nkuhimbis’ obutoosha. === code 219 title Ruhang’ onyirize *1 Ruhang’ onyirize Haihi naiwe, N’obu waakundabya Omu busaasi *ref Byona nimbisiima, Ku biraanyirize, Ku biraanyirize, Haihi naiwe. *2 N’obu ndairirirwe Omu ihamba, Nkeeshegur’ eibaare Nka Yakobo, *3 Ninshab’ obutoosha Ebiraanyirize Ebiraanyirize Haihi naiwe. *4 Haz’ okwo kworekwa Ku ndaareebe, Kub’ amatembero G’okuntembya, *5 Ndeebe baamaraika Nibaanyeta kwija, Nibaanyeta kwija, Haihi naiwe. *6 Ku ndaasisiimukye Omu turo, Naanye mbyar’ eibaare Nka Yakobo, *7 Kab’ akamanyiso K’okukuhimbisa Ahabw’okuunyiriza Haihi naiwe === code 220 title Imwe mwen’ abagyenzi *1 Imwe mwen’ abagyenzi Abashemereirwe, Mugyende na Mukama, Niwe Mwebembezi. *2 Ku muraakund’ abantu, Mwabaheereza gye, Nimutwaza nka Yesu, Muryashemererwa. *3 Mwijuky’ omusharaba Ogu yaayekoreire, Naafa kubi ahabwanyu Okubacungura. *4 Mbwenu ku muriguma Nimutwaza nkawe, Muryajwekw’ ekirunga Eky’obusinguzi. *5 Eby’okuganya byona N’eby’okushoberwa, Nigo matembero ge G’okutemberaho. *6 Kwonk’ okushaasha kwanyu Okw’akaanya kakye Kuryabahaisa bingi Eby’ekitiinisa. *7 Imwe mwen’ abagyenzi, Nimwimutsy’ amaisho, Mugat’ ahari Yesu, Niwe Mwebembezi. === code 221 title Nimuza h’, imw’ abagyenzi *1 Nimuza h’, imw’ abagyenzi, Abarikuhingura? Nituz’ omu ns’ egy’ enungi Eyaaraganisiibwe. Orugyendo ni ruhango, Nituz’ omu rurembo, Orurembo rw’omu iguru; Nimwije tugyendane. *2 Ku murihik’ omu ns’ egyo, Mbwenu muryaheebwa ki? Turyaheebw’ ebintu bingi Hamwe, n’ekitiinisa, Ebijwaro n’ebirunga, N’amaizi g’amagara, Haza tureeb’ Omujuni, Kandi tugume nawe. *3 Mbwenu naitwe ku twakwija, Mukaatutegyereza? Eego, nikyo turikwenda, Nimwije tugyendane. Nimwije tutabatsiga. Yes’ atutegyereize, Tugyende naimw’ omu iguru Omuri egyo nsi nungi. === code 222 title Imwe Bakristaayo 'mwe *1 Imwe Bakristaayo ’mwe, Kaingi mugwerw’ akagwe; Kwonka mugumizemu Nimwesiga Mukama. *2 Mbwenu nimuhurure, Murwane n’omuzigu, Mutagaruk’ enyima, Muri hamwe na Yesu. *3 Mutarigir’ obwoba Aha izooba ry’enaku; Manya ku ob’ omweremwa, Yes’ ab’ amaani gaawe. *4 Mwesiime, nshoberwa mwe, Mujwar’ eby’orugamba, Mutakaacwek’ entegye, Nimwija kusingura. *5 Imw’ engabo za Yesu, Nimwirooko murwane; Abazigu ni baingi, Kwonka muryababinga. === code 223 title Imw’ abakunda Yesu *1 Imw’ abakunda Yesu Mwena mushemererwe, Tukwatanis’ okusiima N’okuhimbisa Mukama, Tukiikiiz’ ekitebe ky’obukama bwe. *ref Nimwije tugyende, Tuze Saayuuni omu iguru, Tutoor’ omuhand’ ogurikuz’ Omu rurembo rwa Mukama. *2 Abatari ba Yesu Nibanga kweshongora; Kwonk’ itw’ abu yaacungwire Twena kitushemereire Okubuzy’ amakuru ag’ okujuna kwe. *3 Orwo rurembo rwona Rwijwiremu ebirungi; N’obu turaabe tukiri Omu muhanda gw’okuzayo, N’tuhurira ku tubiin’ omu mutima. *4 Mbwenu nimuhuumure, Munagy’ obwob’ enyima; Tugyende nitweshongora, Niturab’ omuri egi nsi, Tutaah’ omu nsi ya Yesu y’omu iguru. === code 224 title Tugyende na Yesu *1 Tugyende na Yesu Nitumworobera, Aturind’ omu muhanda gwe Ku turaayorobe Nituguma nawe Ahamwe n’abajunirwe be. *ref Omwesigye kand’ omworobere; Oryananurwa Yesu, ku orimworobera. *2 Ku tugwerw’ akagwe N’ebihikiirizi, Bimarwah’ okweyoreka kwe; Titukitetema, Obwoba buhweire, Ahakuba nitumwesiga. *3 Titwine busaasi Titukishoberwa, Atujun’ omu naku zoona, Titukiri booro, Titukyesaasira, Turi gy’ ahabw’okumwesiga. *4 Titurikubaasa Kumanyira kimwe Oburungi bw’okukunda kwe, Tutakabandize Kweherayo kimwe N’okuguma nitumwesiga. *5 Turyashemererwa, Turi hamwe nawe, Nitukora byon’ ebi akunda, Kandi naatutuma Hoon’ ah’ arikwenda, Turyaba tutakishoberwa. === code 225 title Mwije, Ngabo za Yesu *1 Mwije, Ngabo za Yesu Tuz’ aha rugamba; Mukama wait’ ogwo Niw’ atwebembeire. Ka tumukuratire, Turekye kutiina, Tugyende tutair’ amaish’ aha rurango rwe. *ref Mwije, Ngabo zoon’ eza Yesu Tuz’ aha rugamba; Ogw’ otwebembeire N’omusinguzi. *2 Ka tugyend’ omumaisho, Turwane mashaija, Tubingye Sitaane Omuzigu waitu; Tugume twikirize Yes’ engabo yaitu, Tukwaitse rurara yaitu, Ekitabo kye. *3 Amahe ga Sitaane Gatatwits’ obwoba; Tuhame nk’emanzi, Nigaija kuhunga. Twikirize Mukama Owaasingwir’ ensi, Ku atarireka Kanisa Ye kusingurwa *4 Imwe Bakristaayo ’mwe, Nimwije tugyende, Nituteer’ akaari K’okusingura kwe. Tumuh’ ekitiinisa N’ab’omu nsi boona Hamwe na baamaraika be Ab’omu iguru. === code 226 title Murwan' ahabwa Yesu *1 Murwan’ ahabwa Yesu, Imw’ amamanzi ge, Mukwat’ omusharaba, Murekye kutiina. Aha rugamba rwona Niwe Mukama waanyu, Otabaasa kubingwa Omuzigu weena. *2 Murwan’ ahabwa Yesu Imw’ amamanzi ge, N’obu hariho akabi, Murekye kutiina. Enzamba ye neegamba, Nimuhurure nawe, Mwezirikye, muhame, Mubingye Sitaane. *3 Murwan’ ahabwa Yes’ omu maani ge gonka, Amaani g’omubiri Tigaine mugasho. Mugyende na rurara, Niyo Baibul’ erikwera, Kandi mukwat’ engabo, Nikwo kwikiriza. *4 Mutatiin’ orugamba, N’orw’omwanya mukye; Hati n’enduuru yaarwo, Hakye n’okwesiima! Orikusingur’ ensi Aryajwekw’ ekirunga; Kand’ ategyekye hamwe Na mukama waitu. === code 227 title Danieli akab’ ari emanzi *1 Danieli akab’ ari emanzi rugambwa; Akab’ atagira kintu kyon’ eki atiina. *2 W’eishe-emwe, b’ emanzi, ba nka Danieli; Ob’ omuntu wa Yesu, otamwehakana. *3 Ob’ entumwa ya Yesu ey’amazima, Obone kubarw’ omu ngabo za Danieli. *4 Bamw’ ab’omu ntoore ze bakasingurwa, Ahabw’okutooga magara nka Danieli ogwo. *5 Omuzigu Sitaane naagab’ eihe rye; Kwonka niriija kusingurw’ erya Danieli. *6 Mbwenu hamira kimwe, ogyend’ omumaisho Hurir’ akaari nikateerwa ba Danieli. === code 228 title Rwan’ orugamba rw’okwikiriza *1 Rwan’ orugamba rw’okwikiriza, Yesu niwe maani gaawe; Gumizamu orugyendo rwawe rw’amagara N’okushemererwa kwingi. *2 Gum’ oiruky’ ahabw’embabazi ze Ogyemir’ ow’ omu iguru. We niwe muhanda, kandi niwe bihembo By’abarikumwikiriza. *3 Orekye kwemerez’ omutima, Ogum’ oyesigye Yesu; Ahakuba ku oraamwegyekyerere byona, Aryaguma naakurinda. *4 Otatiina, otatentebuka! Naakukunda, tahinduka; Ween’ oine Mukama, biri atungire byona, Eby’omwoyo n’eby’omubiri. === code 229 title Mamanzi ga Yesu *1 Mamanzi ga Yesu Mwije tuhurure, Omukuru w’orugamba Niw’ atwebembera. *2 Mub’ abagumire Ahabw’amaani ge; Ween’ omwesigira kimwe Asingura byona. *3 Muhamire kimwe Ahabw’eiziina rye; Mujwar’ eby’okurwanisa Eby’omushana gwe. *4 Omukuru waitu Ni Yesu Mukama, Naija kuribatiirira Amahe g’Omubi. *5 Abarikwehayo Kumurwanirira Niw’ aribatabaarutsya N’amashemererwa. === code 230 title Turi abaserukare ba Kristo *1 Turi abaserukare ba Kristo Yesu, Niwe Manzi y’okutujuna; Niw’ atwebember’ omu rugamba rwona, Kandi turwan’ ahabw’amaani ge. *2 Tukaragaana nawe kub’ abeesigwa, Kuguma nitumworobera. Ka tugyende nawe, tuteer’ abazigu, Tubone kukiza beene waitu. *3 Ku turaajwar’ eby’okurwanisa byaitu, Rurara n’engabo n’enkaito, Tituritiina muzigu ween’ omubi; Turyasinguz’ amaani ga Yesu. *4 Titurikwenda kuba bairu b’ekibi, Abategyekw’ eby’ omubiri; Turi abaana ba Yes’ abu yaacungwire, Kandi titukitegyekw’ Omubi. *5 Ka tugume tuhweran’ omu rugamba, Habw’okuba turi ihe rimwe; Turi ishe-emwe, abain’ amatsiko gamwe, Nituramy’ Omukam’ omwe wenka. *6 Habw’amaani ga Yesu turyasingura, Turwan’ okuhitsy’ aha mperu; Bwanyima turyaheebw’ ebihembo bingi. Kandi Ruhang’ aryatuhuumuza. === code 231 title N'oh' oraaz' aha rugamba na Yesu? *1 N’oh’ oraaz' aha rugamba na Yesu? Oraagyende n'oha kubuzy' Engiri? N'oh' oraikirize kugayw' abantu N'okubonabon' ahabw'Eiziina rye? *ref Beitu turi ab'oha? Turi aba Yesu; Sitaane tukamwimuurira kimwe. *2 Reeb' ekitiinis' eki twitanira, Ti ky'omuri egi ensi, n'eky'omu iguru. Yes' akatufeera; okukunda kwe Nikwo kutugyema kub' engabo ze. *3 Yes' akatucunguz' eshagama ye, Twagira naw' omukag' ogutafa; Mbwen' ogwo mukago titurigwita, Turyafeerwa byon' ahabw'Eiziina rye. *4 Ira tukeehandiikisa kub' abe; Mbwenu ka tugume tub' abeesigwa, Turekye kutiina n'okugw' enshazi, Ahakuba niw' aturwanirira. *5 N'obu aba Sitaane bagir' amaani G'okurwana naitwe, titubatiina; Engabo za Yesu tizisingurwa, Ahabw'okuba niw' azeebembera. === code 232 title Omuntu ween’ orikwenda *1 Omuntu ween’ orikwenda okub’ emanzi, Akuratir’ obutoosha Mukama waitu Tihariho kintu kyon’ ekirimwefuurisa Eki yaaraganiis’ ira kub’ omugyenzi. *2 Abarimugambir’ eby’okumwits’ obwoba, Nabo baryaremw’ ahakuba we n’emanzi; Tihaine muzigu ween’ orimuz’ omu kaso, Nari orimuzibira ngu atab’ omugyenzi. *3 Turyahungur’ amagara agatahwaho Ahakub’ Omwoyo waawe niw’ aturinda; Ebirikutiinisa biryakwat’ akakiro; Haz’ obwo tugumizemu turi abagyenzi. === code 233 title Yesu tumwin’, abazigu *1 Yesu tumwin’, abazigu Nitubabinga, Ogwo niw’ atwebembeire Kutusinguza. *ref Yesu naagir’ ati, Muhame! Ndi hamwe naimwe; Tumugarukyemu tuti, Mbwenu twahama. *2 Reeb’ amahe ga Sitaane, Ageebembeire; Mbwen’ amamanzi nigagwa, Twahw’ amatsiko. *3 Reeb’ amacumu ga Sitaane Nigatyankana; Kwonka twin’ Emanzi rugambwa, Titurikugatiina. *4 Orugamba n’orw’amaani, Kwonka tuhame; Yesu ari haihi kwija, Twena tugume. === code 234 title Itw’ ab’omuri B.B. *1 Itw’ ab’omuri B.B., n’tukushaba, Yesu, Otuh’ omusha, tukuheereze gye; Niiwe Mukuru w’eihe, turi engabo zaawe, Omu ngamba zaitu zoona tukuhimbisise. *ref Mukam’, itw’ ab’omuri B. B. Otuh’ omugisha, Turwane mashaija, Otusinguze. *2 Itw’ ab’omuri B. B., otuh’ okukora Emirimo yaitu yoon’ ei otuhaire, Tukore n’obwesigwa, n’obu haakubaho Akabi nari, obusaasi, tutacwek’ entegye. *3 Omu magara gaitu otuhwere, Yesu, Turwanis’ ebibi ebirikutwosya, Turwanir’ ekirunga, ekitarihunduuka, Tugyende tugyemir’ orurembo rwa Saayuuni. === code 235 title Yes’ akir’ abandi boona *1 Yes’ akir’ abandi boona Kutukunda; Okukunda kwe kukir’ okw’enyineemwe. Banywani baitu b’omu nsi Bo nibatuhararuka; Kwonka We tahararuka Banywani be. *2 N’enki ekihais’ amagara Gatahwaho? N’okumanya Yesu waitu Otukunda. Tukaba turi nk’entaama, Eziburiir’ omu ihamba, Yaatusher’ra, yaatutaasy’ omu busyo bwe. *3 Yesu ni Munywani waitu W’obutoosha; Kand’ atwendez’ omugisha N’obusingye. Emitima yait’ ekunda Kumuhurir’ obutoosha, N’okuguma hamwe nawe Ehuumwire. *4 Ahabw’Eiziina rye rirungi Tusaasirwa, Kandi tubing’ abazigu, Batuhunga. Aryatuh’ emigisha ye, Aturind’ akabi koona, Kand’ atuhitsy’ omu iguru Ei atuura. === code 236 title Okukunda kwa Yesu *1 Okukunda kwa Yesu Kukamureet’ omu nsi, Yaij’ omuriitw’ abantu Kutwihah’ orubanja. *ref Yesu nankunda, Yesu nankunda, Yesu nankunda Niwe yanfeereire. *2 Abatakatungire Magar’ agatahwaho, Itwe tubamanyise Okukunda kwa Yesu *3 Nk’oku yaatukunzire, Akatufeera twena, Naitwe ka tumukunde, Kandi tumworobere. *4 Kandi ku arigaruka Okuz’ aha ngoma ye, Turyahur’r’ eiraka rye, Naagir’ ati: Mwebare! === code 237 title Yes’ Omujuni wangye nankunda *1 Yes’ Omujuni wangye nankunda, Tindikumanya eki arikunkundir’ atyo, Akaij’ ira kujun’ abasiisi; N’ahabw’ekyo mmukundira kimwe. *ref Ka nsiime Yes’ Omujuni wangye, Ou naaheereire kimw’ omutima gwangye; Ka nsiime Yes’ Omujuni wangye, Ohimbisibw’ obutoosha bwona. *2 Yesu Mukama wangy’ akanjuna, Kwonka tindikumany’ oku yaakitwarize; Nyow’ eki ndikumanya ni kimwe, Akanfeera, kandi yancungura. *3 Kand’ aryaguma, naanyebembera; Kwonk’ ei arintooza niw’ arikugimanya; Haza ndyaguma ningyenda nawe Omu busingye nari omu kabi. *4 Yesu aryamp’ ebihembo byangye; Kwonka tindikumanya hu aribimpeera; Nyow’ eki ndikumanya ni kimwe, Tinshemereir’ ezo mbabazi ze. === code 238 title Okukunda nk’okwa Yesu Kristo *1 Okukunda nk’okwa Yesu Kristo tikukareebwaga, Kandi nikwo kurituhitsya twen’ omu bukama bwe. *ref Rukundo ya Yesu etakareebwaga! Ij’ ahari Ogw’ orikukukunda; reeb’ akutegyereize. *2 Tihain’ ogir’ esaasi nka Yesu omunyambabazi, Amaganya n’enaku zaitu niwe wenk’ obimanya. *3 Eiraka rirungi nk’erya Yesu, tihain’ origira; Ayet’ abantu n’embabazi, ngu bamukuratire. *4 Mbwenu ka tworober’ eiraka rye, tukor’ ebi akunda, Okuhitsy’ obu turihika owaitu omu iguru. === code 239 title Ai Yesu Nkunzi yangye *1 Ai Yesu Nkunzi yangye, Ka mpungir’ ahariiwe; Ahakub’ amaganya N’enaku binduhize. Ai Mujuni, nshereka, Birekye kumpikaho; Ogum’ onyebembere Okuhitsy’ aha kufa. *2 Tiinyine buhungiro, Niiwe ndikwegamira; Mujun’, otantsigaho. Nkabur’ ow’okundinda. Niiwe bwesigye bwangye, Kand’ Omuhwezi wangye; Ogum’ ombumbatire Omu mapapa gaawe. *3 Oin’ embabazi nyingi Ezitarikuhwaho; Abagwir’ obaimutsye, N’abarwair’ obakize. Ori Orikwera, Yesu, Kand’ ori ohikiriire; Nyowe ndi omunyabibi Kand’ orengyesereize. *4 Ai Mukam’, ori enshuro Y’amaizi g’amagara; Ka nkunyweho, mpw’ eiriho, Ob’ enshur’ omuriinye. Kand’ ogum’ onyijuze, Amaizi g’egyo nshuro Gabe maing’ omuriinye. Garekye kwom’ obundi. === code 240 title Okukunda kwa Yesu *1 Okukunda kwa Yesu Tikwetegyerezibwa; Omwoyo w’ Orikwera Niw’ akunshuruurira; Kand’ akamp’ obusingye Omu mutima gwangye, Haza bukandeetera Okwesiima kuhango. Mbwen’ okuruga hati Ndi owe, nawe n’owangye. *2 Ebitarikumanywa Mbwenu ho nimbimanya, Byona mbishuururiirwe Embabazi ze nyingi; Ebyeremwa by’egi nsi Ruhang’ abitoorana, Ngu akwats’ enshoni boona Abarikubigaya. Mbwen’ okuruga hati Ndi owe, nawe n’owangye. *3 Tinkitiina by’egi nsi, Mboin’ oburuhuukiro; Mbwenu tinkishoberwa, Tinkirimbagirirwa; Nyin’ amagara maingi Ahabw’okumwesiga; Ka ngume nyeshongore, Nsiim’ Omujuni wangye; Mbwen’ okuruga hati Ndi owe, nawe n’owangye. === code 241 title Ka tugarukye tweshongore *1 Ka tugarukye tweshongore Aha mukago gw’ ogutafa, Aha shagam’ eyaaseesirwe Aha kabungo Gologosa. *ref Twena twimutsy’ amaraka gaitu, Obutoosha tusiime Yesu; Twena twimutsy’ amaraka gaitu, Okuhitsy’ obu turimureeba. *2 Nimwije mwen’ abaruhire, Mwogy’ omu shagama ya Yesu; Muheebwe amagara masya N’ekiconc’ eki aheera busha. *3 Ku turoz’ aha migisha ye, Atwijuz’ amashemererwa; Kiryaba kita twamureeba? Turyayesiima, tunanukye. === code 242 title Rukundo ya Yesu *1 Rukundo ya Yesu Nikyo kyeshongoro Kyangy’ ou yaakunzire Haza ntashemeire. Nyowe niiny’ oha, Mukama Kunkunda, kand’ akanfeera? *2 Akaija’ omu ns’ egi Ahabw’okutujuna, Kwonka sh’ itwe titwamwetamu ka buntu! Bambe, Munywani wangy’ ogwo Yaafa ngu naanye nshemere! *3 Bamwe baamwarira Ebijwaro byabo, Baamuhimbisa ngu, Hosan’ Iwe Kristo! Hakye boona baahinduka, Bati, Mumwiheho abambwe! *4 Bakeshengyereza Ngu babambe Yesu, Baashaba kuheebwa Barabb’ omunyagi; Kufa ngu bo bakaakira. *5 Omu magara ge Taratungire nju, Kand’ ekituuro kye kyab’ eky’entiizano. Ow’ ekab’ eri omu iguru! Owangy’ eri omu kituuro! *6 Ka mbeeshongorere Eby’orwo rukundo; Kandi nintangaar’ ahabw’okunkund’ atyo! Yes’ ogwo ni Nkunzi yangye! Ndyaguma nimmuhimbisa. === code 243 title Yes’ akaija kunsher’ra *1 Yes’ akaija kunsher’ra Ndi har’ omu bibi, Yampeek’ aha mabega, Yangarur’ omuka; Baamaraik’ ab’omu iguru Baakireeba, baatangaara. *ref Reeb’ oku atukunda, Kand’ oku atusher’ra, N’eshagam’ eyaatucungwire; Titwin’ oku twakubigamba. *2 Akanshanga mputaire, Ndi haihi n’okufa, Yanshemb’ obwo buhuta, Atyo yantambira; Yampuumuriza mpor’ ati, Naakubona, ori owangye. *3 Yaanyorek’ enkojo ze Ez’omu biganja bye, Kandi n’ez’ekirunga Ky’amahw’ omu mutwe; Naayebuuz’ eki yankundiir’ Akeehayo kunfeer’ atyo. *4 Mbwenu ndi hamwe nawe, Niw’ ampuumuriza; Anjwisiz’ omushana Gw’okummurikira, Kandi nguma niinyijuka Emigish’ ei yampaire. *5 N’ahabw’ekyo mpumwire, Kandi ntegyereize Ekyo kiro kikuru Eki ariiziraho; Haz’ obwo ndyatabaaruka, Mmushangye ntakiine kibi. === code 244 title Nyine Munywani wangye *1 Nyine Munywani wangye owaabandize kunkunda, Rukundo y’ etakareebwaga niyo yaamumpikize; Mbwenu ntuura nimpeereza munywani wangye ogwo, Hati ndi owe, nawe n’owangye ebiro byangye byona. *2 Munywani wangy’ ogwo Yesu akaij’ ira kunjuna; Yamp’ amagara masya, kandi yaagaruka yaanyeha. Tinkimwima byangye byona, amaani n’amagara Obwengye n’ebind’ ebi nyine bib’ eby’ ebiro byona. *3 Munywani wangy’ ogwo niwe yaahairw’ amaani goona G’okundind’ omu muhanda gwe, n’okumpitsy’ omu iguru. Ku ndanzy’ eby’ekitiinisa, ebi yambiikiireyo, Bindeetera kugarukwamu amaani n’amatsiko. *4 Munywani wangy’ ogwo Yesu n’ow’embabazi nyingi, Omurinzi orikwesigwa, kand’ Omuhi w’obwengye; Ebiriho n’ebiribaho tibirintaanisa Na Munywani wangy’ ogwo Yesu; ndi ow’ obutwire bwona. === code 245 title Yesu, okanfeera *1 Yesu, okanfeera Ahabw’okunkunda; Mbwenu nkwimire ki Omutima gwangye? *ref Byona ka mbikuhe, Mb’ owaawe buzima; Okukwehongyera Nibwo busingye. *2 Nootutonganira Ahari Tataitwe; Tuh’ amaani gaawe, Tukuheereze. *3 Tugambire boona Ebi waatukoreire, Tukuhimbisise Omu micwe yaitu. *4 Ninkundira kimwe Kushushana naiwe, Obutoosha ngume Nkor’ ebi okunda. *5 Abari omu naku Mbagirir’ esaasi, N’ab’omu mwirima Mbakureetere. *6 Ebi nyine byona Niiwe waabimpaire; Ka mbikusiimire, Mukama wangye. *7 Ku ndiz’ omu iguru, Naareebana naiwe, Ndyaguma ndi owaawe Ninkuheereza. === code 246 title Hurir’ ebi Mukama *1 Hurir’ ebi Mukama Arikugamba naiwe; Naakubuuza naagira, Ati, Beitu nonkunda? *2 Nkakujuna, naakwiha Omu mwirima mwingi, Naakwih’ omu kihome Ky’omuzigu Sitaane, *3 Noogira ngu omukazi Akaayebwa’ omwana we? W’ akaabaasa kumwebwa, Kwonka nyowe tikwo ndi. *4 Kand’ okukunda kwangye Kukir’ ebindi byona; Kukiza rufu amaani, Kandi tikurihwaho. *5 Eby’ ebi naakozire Nkabikor’ ahabwawe; Mbwenu reka nkubuuze, Mwana wangye, nonkunda? *6 Mukama, noomanya ngu Nyin’ okukunda kukye; Kwonka ninkushab’ ompe Okukunda kuhango. === code 247 title Mukama, ninkukunda *1 Mukama, ninkukunda; ka nkwehongyere; Hati naayeteis’ ebibi byangye byona; Niiwe Mucunguzi wangye, kandi Omujuni; Tinkakukundaga, nk’oku ndikukukunda. *2 Nkukund’, ahakub’ okabanza kunkunda; Okancunguz’ eshagama, naasaasirwa. Nkukundir’ ago mahwa, gu waajwair’ ahabwangye; Tinkakukundaga, nk’oku ndikukukunda. *3 Ndyaguma ninkukund’ obutoosha bwona; Ku ndiba ninkiitsya, ndyakweshongorera; N’obu ndihik’ aha kufa, ndyakusingiza nti, Tinkakukundaga, nk’oku ndikukukunda. *4 Bwanyima ku ndihik’ owaitu omu iguru, Ndyaguma nkuhimbise, kandi nkusiime, Nkujuumair’ omumaisho ninkweshongorera nti, Tinkakukundaga, nk’oku ndikukukunda. === code 248 title Obusingy’ obu Yes’ ah’ *1 Obusingy’ obu Yes’ ah’ abantu be Buri nk’omugyera gw’amaizi maingi; Ababwine boona bubahuumuza, Buguma nibukany’ ebiro byona. *ref Gum’ omwegyekyerer’ ebyawe byona, Obone kugira obusingye bwe. *2 Abu Yes’ arinda n’emikono ye, Tihaine muzigu oribakoraho; Tihariho kibaasa kwemereza Emitim’ erindw’ Omujuni waitu. *3 Okushemererwa hamwe n’enaku Bireetwa rukundo ya Yesu Kristo; Otabangaanisa, gum’ omwesigye; Abamwesiga taribatsigaho. === code 249 title Yesu ah’ obusingye bwijwire *1 Yesu ah’ obusingye bwijwire Ahabw’eshagama y’ ei yaaseesire. *2 Emirabanamu yoon’ ey’ensi Tebaasa kutwihah’ obwo busingye. *3 Enaku z’ensi ku zitushanga, Omuriwe tizigira ki zitwitsa. *4 Bagyenzi bait’ abaturi hare, Yes, abarinda gye, naitw’ aturinda. *5 Ebiriija, tihain’ obimanya, Kwonka Mukama naabimanya byona. *6 Omu naku kandi n’omu rufu, Nangwa namw’ atuh’ obusinguzi bwe. *7 Eby’ensi byona ku birihwaho, Turyaheebw’ obusingye bw’omu iguru. === code 250 title Ira nkaba ningira nti *1 Ira nkaba ningira nti, Ningyenda gye na Yesu; Kwonk’ okub’ ow’ amazima Nkaba mpindahinduka. *ref Obusingye bwa Yesu, Obu ntakareebaga, Hati nibunshemeza; Ka mmwesigire kimwe. *2 Bwanyima yaanyeta kwija N’okureka kutiina; Ku naamwesigiire kimwe, Yamp’ obwo busingye bwe. *3 Mbwenu tinkibanganisa, Tinkigindahinduka; Mukama nanshembutsya gye Omu mihanda mibi. *4 Obutoosha niw’ andinda Nyomushana na nyekiro; Tinditiina kabi koona, Ndyaguma nshemereirwe. === code 251 title Hakabaho eihunga ringi *1 Hakabaho eihunga ringi, Abeegi baawe baatiina; Obw’ okab’ ogwejegyeir’ oruhire; *2 Bakweta, bagira bati, Mukama, twafa! Tujune; Waakabukir’ enyanj’ oti, Cureera. *3 Eryo ihunga ryacureera, Waacureeza n’ebingonzi Ahabw’okuhurir’ eiraka ryawe. *4 Naitw’ abantu ku tugira Ebihikiirizi by’ensi, Tutiin’ oshush’ oti, Twaza kuhwaho. *5 Haz’ Iw’ otuhuumuriza, Noogir’ oti, Muhuumure; Emitim’ etugaruka omunda. === code 252 title Yesu aryategyek’ egi nsi *1 Yesu aryategyek’ egi nsi yoona, Ah’ eizooba ririkuhika; Obukama bwe bubugy’ omu muhanga, Okuhitsy’ obu ens’ eg’ erihwaho. *2 Abantu b’omu mahanga goona Beesiim’ ahabw’okukunda kwe, N’abaana bato bamuhimbisa hoona Nibasingiz’ Eiziina rye ryonka. *3 Ah’ emigisha y’ ekanya hoona, Embohe zoona zirekurwa, Kand’ abaruhire nab’ abaruhuura, N’abakyene boona bakyenuuka. *4 Mbwenu buri omwe ayeimukire, Ahimbise Mukama waitu; Na baamaraika beeshongore munonga, Naitwe twikirize tut’, Amiina. === code 253 title Yesu n’Omuriisa waitu *1 Yesu n’Omuriisa waitu entaama ze; Ka tugyende nawe, atwebembere. Ah’ariza hoona tituritiina, Ahabw’okuba We atukiikiire. *2 Yesu n’Omuriisa waitu entaama ze, Nitumany’ eiraka rye ry’embabazi; Eryo iraka niryo ritushemeza, Kandi rituhana, twakora kubi. *3 Yesu n’Omuriisa owaacungwire Entaama ze zoona n’eshagama ye; Kandi niw’ atuh’ Omwoy’ Orikwera, Tukahinduk’ ab’omu iriisizo rye. *4 Yesu n’Omurinzi waitu entaama ze, N’obu empitsi n’emishega biriija; N’obu turihikwaho akabi koona, Itwe tituritiin’, aryab’ atwine. === code 254 title Mukama niwe Muriisa *1 Mukama niwe Muriisa, Ondiisa n’okukunda, Kandi tindikyena kintu kyona, Naaguma ndi owe buzima. *2 Atwara haihi n’ebyambu By’amaizi g’amagara, Omu iriisizo ry’obunyaatsi buto Kand’ okwo niy’ andiisiza. *3 Agarur’ amagara masya Omu magara gangye; Anyebember’ omu muhanda gwe Ogurimpitsy’ omu iguru. *4 Ira kaindi nkaba ndara, Kwonka’ aguma nansher’ra, Akimbon’, andeet’ aha mabega ge, Angarur’ ashemereirwe. *5 Ku ndirab’ omu ruhanga Rw’ekibunda ky’okufa, Tinditiina bi ndibuganamu, Ahabw’okub’ aryab’ anyine. *6 Anteekateekyer’ emeeza Omu maisho g’abanyanga; Kand’ ekikopo kyangye kiijwire Omugisha, nigusheesheka. *7 Embabazi za Mukama Tiziba z’okuhwaho; Mbwenu ka nkusiim’ ebiro byona, Mukam’ Omuriisa wangye. === code 255 title Mukama waitu n’Omuriisa *1 Mukama waitu n’Omuriisa wangye, Kandi tarimpemukaho; Nk’oku ndi owe, kandi naw’ akab’ owangye, Tindikyena kintu kyona. *2 Anseetur’ obutoosha kuza kurya Obunyaatsi bw’oruhiira, Antwar’ aha maizi ge g’amamure, Nigo maizi g’amagara. *3 Akantaarura, yankiz’ oburare Ahabwa rukundo ye yonka; Atyo yampitsya gye omu ka y’entaama ze Ampeekir’ aha mabega. *4 Ku mba ndi hamwe na Mukama wangye, Naahikwaho akabi koona, Tingira kintu kyon’ ekintiinisa, Ahabw’ okub’ ab’ anyine. *5 Andiis’ eby’okurya bye, binyigutsa, Kand’ angirir’ embabazi, Anywais’ aha maizi g’amagara masya, Haz’ ngarukwamu amaani. *6 Ka nsingize Mukama wangye Yesu Ahabw’ebirungi bye byona, N’ahabw’emigisha ye yoon’ etahwaho, Ei ah’ abaana be boona. === code 256 title Yesu ni Munywani waitu *1 Yesu ni Munywani waitu, Niw’ atwekorerera Emitwaro y’obusaasi, Etuur’ eturemire. *2 Reeba, tubur’ obusingye, Tububuzibwa busha, Ahabw’okutamushaba gye Byon’ ebi tukyenire. *3 Sitaane ku araatugyeze N’ebihikiirizi bye, Turekye kwehw’ amatsiko, Tubitwarire Yesu. *4 Tihariho Mujuni ondi. Okwatanisa naitwe Omu busaasi bwaitu bwona, Kureka Yesu wenka. *5 Ku oraagir’ enaku nyingi, Waahahaaz’ omutima, Obuhungiro ni Yesu, Gum’ omwesherekiremu. *6 Ku oraagaywe, waatsigwaho Bagyenzi baawe boona, Oyeshengyereze Yesu, Akuhuumuze juba. === code 257 title N’twenda kureeba Yesu *1 N’twenda kureeba Yes’, ahabw’okuba Obwire bw’amagara nibwira; Mbwenu nitwenda ngu atuh’ amaani ge, Okwikiriza kwaitu kuhame. *2 N’twenda kureeba Yes’, ahabw’okuba Twin’ enaku n’emirabanamu; Ebindi n’obu twabirabiremu, Kwonka hakiriho ebirikwija. *3 N’twenda kureeba Yes’, ahabw’okuba Niwe Rukiri orugumire; Ku tumureeba, okufa n’endwara Tibibaasa kututetemesa. *4 N’twenda kureeba Yes’, ahabw’okuba Eby’ensi bigyenda nibihwaho; Kwonk’ ahabwabyo titurikutonzya, Ahakuba Yesu We tahwaho. *5 N’twenda kureeba Yes’, ahabw’okuba N’obu tufeerwa bagenzi baitu, Omu busaasi bwait’ atuhuumuriza; Titutonzya, tugir’ amatsiko. *6 N’twenda kureeba Yesu Kristo wenka; Niw’ atuha byon’ ebi twetenga; Kandi ku turirug’ omuri egi ensi, Aryatuhitsy’ omu bukama bwe. === code 258 title Yesu, niiwe wenk’ ou nshangiremu *1 Yesu, niiwe wenk’ ou nshangiremu Obusingye n’okushemererwa; Ira nkaba ntuura nimbwetenga, Kwonka bumburirira kimwe. *ref Yesu, tiharih’ ondiijo weena Orikubaasa kutumara; Rukundo n’amagar’ agatahwaho Birug’ omuriiwe wenka. *2 Nkaba nyeteng’ eby’okweshemeza, Haz’ Iwe ntarikukwetenga; Kwonka n’obu naabaire ntakwetaho, Okankwatisa rukundo yaawe. *3 Nkaba nz’ aha iziba ry’eby’ens’ egi, Eiriho rir’ ery’okunyita; Nkiba naateeraho nt’ entama, gooma, Ngaruka nyehweir’ amatsiko. *4 Ku naabaire ndi aho nyeshobeire, Mbuzir’ eigur’ obutembero, Embabazi zaawe zampumuura, Naakureeba gye, naananuka. === code 259 title Yes’ enshuro y’amagara *1 Yes’ enshuro y’amagara, Eby’ensi tibitugasiire; Mbwenu hati twaij’ ahariiwe, Ngu otumar obukyene bwona. *2 Otuur’ ori ow’amazima, Ojun’ abarikukutakira; Okunda boon’ abakusher’ra, N’abakureeb’, obahuumuza. *3 Yes’ Omugaati gw’amagara, Twin’ enjara, gum’ oturiise; Twin’ eiriho, gum’ otunywaise Amaizi gaaw’ ag’amagara. *4 Emirabanamu ey’omu nsi Etwihah’ obusingye bwawe; Kwonka ku tureeb’ amaisho gaawe, Tugir’ omugisha, twesiima. *5 Ai Yes’, Ij’ ogume naitwe, Ocureez’ emitima yaitu, Obingy’ omwirima gw’ekibi, Ensi yoon’ ejwerw’ omushana. === code 260 title Nintangaarira rukundo ya Yesu *1 Nintangaarira rukundo ya Yesu Kristo, Ninshoberw’ ahabw’embabaz’ ez’ angirira; Ku mmanya ngu niinye yaabambiirwe, ntetema, Nyow’ enkozi y’ebibi, ou yaafeereire. *ref N’eky’okutangaaza, Naany’ okuunyijuk’, akambonabonera! Ka nikintangaaza okukira byona. *2 Kand nintangaarir’ ekyamwihir’ omu iguru Kujuna nkaany’ omugomi omunyamaryo, Ngu abone kuncungur’, amp, okuhikiirira, Ahabw’okukunda kw’ okutakareebwaga. *3 Kand’ obundi nteekateek’ aha biganja bye, Ebyahutaaziibwe ngu nyihweh’ orubanja. Mbwen’ ekyo ndyakyebwa? Ngaaha, nikikabure! Kureka ndyaguma mmuhimbis’ obutoosha. === code 261 title Yes’ akangirir’ embabazi *1 Yes’ akangirir’ embabazi Nyingi ezitakareebwaga, Obu yanfeera Gologosa, Eshagama y’ ekasheesheka. *ref Embabazi zaawe, Yesu, Tizigira bugarukiro, Nizo zinsaasiz’ ebibi Habw’eshagama yaawe yonka. *2 Nkaba naayehweir’ amatsiko Habw’okugir’ ebibi bingi, Kwonk’ ezo mbabazi za Yesu Zampungiz’ aha musharaba. *3 Twijwir’ amabara g’ebibi, Mbwenu n’enki ekyakugatwozya? Kurek’ ekyambu ky’eshagama Twejabikyemu, haza twere. *4 Tuheerwa bush’ ezo mbabazi Ahabw’okwikiriza kwonka; Imw’ abamwiniir’ ekihika, Nimurahukye muzaakiire. === code 262 title Hariho eiziin’ erikir’ agandi *1 Hariho eiziin’ erikir’ agandi, Eri nkunda kuhurira, Nkenda kurigambir’ abantu boona. Oku ringirir’ omugasho. *2 Rimmanyis’ eby’Owankunzire Akasheesh’ eshagama ye, Ekanyih’ omu buhuuku bw’ekibi, Nkatungira kimw’ obusingye. *3 N’erya Yesu, otamb’ enaku Ezitabaasibwa bantu, Kand’ osaasira hamwe n’abantu be Omu kubonabona kwabo. *4 Ku mba nyin’ obwoba nshobeirwe, Niryo ryonk’ erimpuumuza, Nkakir’ obwoba n’amaganya goona, Nkeesigira kimw’ Omujuni. *5 Mbwenu ka tusingize Yesu Habw’Eiziina ry’ erikuru, Eritashoboororwa muntu weena, Eiziin’ eritakareebwaga. === code 263 title Ninkusiima, Omujuni *1 Ninkusiima, Omujuni, Ahakub’ okanyozya, Waanyijuz’ Omwoyo waawe, Kandi wamp’ emigisha. *ref Mbwenu ka mb’ eshuro yaawe Y’amaizi g’amagara, Agampimintikiramu Nyomushana na nyekiro. *2 Ngir’ omufuregye gwawe, Ngume ndabwemu amaizi G’okunywais’ abandi bantu, Abatakajunirwe. *3 Gum’ onyozye obutoosha, Ngume ndi enjoga yaawe, Kand’ ompe n’amaani gaawe, Mbone kukuheereza. *4 Ka ngume mb’ ow’okuhamya Eby’okujuna kwawe. Okangura ngu mb’ owaawe, Mbwen’ onyetegyekyere. *5 Abarikwehayo twena Twijuz’ Omwoyo waawe, Emigyera y’ago maizi Egum’ ehimintikye. === code 264 title Tiharih’ ohikiriir’ omu ns’ egi *1 Tiharih’ ohikiriir’ omu ns’ egi, Kandi n’omu iguru tarimu, Kurek’ abayogiibw’ omu shagama Ya Yesu, Omujuni waitu. *ref Iw’ oraizire aha Mujuni? Oroogiibw’ omu shagama ye? Ebibi byawe birakusaasiirwe? Ebijwaro byawe nibyera? *2 Ogyenda n’Omujuni bur’ izooba? Oroogiibw’ omu shagama ye? Noohuumurir’ aha musharaba gwe? Oroogiibw’ omu shagama ye? *3 Omujuni Yesu ku arigaruka, Aryakushang’ oyogire gye Omu shagama y’Omwana gw’entaama, Oshemereire kumureeba? *4 Ebijwaro byawe ebisiisikaire, Bijuur’, oyogibw’ eshagama; Hariho enshur’ ey’okwozy’ abasiisi; Mbwen’ ija, naiw’ ekushemeze. === code 265 title Iwe torikwenda kutuurw’ ebibi? *1 Iwe torikwenda kutuurw’ ebibi? Irook’ oshangy’ Omujuni! Kandi n’okugir’ obusinguzi Ahabw’eshagama ya Yesu? *ref Egyo shagama y’Omujuni Amaani gaayo ni maingi Kandi n’agatakareebwaga, Niyo yonk’ erikwozy’ ebibi. *2 Nooyenda kukir’ amaryo goona? Irook’ oshangy’ Omujuni! Akugir’ omucureezi nkawe Ahabw’eshagama ye yonka. *3 Iwe torikwenda kwera tititi? Irook’ oshangy’ Omujuni! Mwemer’ akwozy’ ebyo bibi byawe, Abone kukushemeza gye. *4 Hati nooyenda kumwehongyera? Irook’ oshangy’ Omujuni! N’okumuheerez’ ebiro byona Okuhitsy’ aha kufa kwawe? === code 266 title Yesu, ninkwetenga *1 Yesu, ninkwetenga Buri kaanya koona, Ahabw’okuba niiwe Wenk’ ompuumuriza *ref Nyekiro na nyomushana, Yesu, ninkwetenga; Naija, Mukama wangye, Omp’ omugisha. *2 Yesu, ninkwetenga, Guma haihi naanye; Ku mba hamwe naiwe, Ebyosyo tibimbaasa. *3 Gum’ ompuumurize, Ndi kubi, nshobeirwe; Ku oraab’ otaizire, Niinyehw’ amatsiko. *4 Yesu, ninkwetenga, Nyegyes’ ebi okunda; Korer’ omuriinye Ebi waaraganiise. *5 Yesu, ninkwetenga, Mukam’ Orikwera, Ompindur’ omwana Waaw’ omu mazima. === code 267 title Otampingura, Mujuni *1 Otampingura, Mujuni, Ninkutakira; Ku oraataayaayir’ abandi, Naany’ otantsiga. *ref Yesu, Mujuni, Ninkutakira; Ku oraataayaayir’ abandi, Naany’ otantsiga. *2 Onyirize haihi naiwe, Mpeebw’ embabazi; Ntsimbir’ amaju nintonzya, Mp’ okukwesiga. *3 Tiinyin’ ondijo Mujuni Okwihaho Iwe; Ntambira, nyin’ obujune, Yes’, onsaasire. *4 Niiw’ onkirir’ amagara, Omp’ obusingye; Tiinyine matsiko agandi Kureka Iwe. === code 268 title Nk’oku empara egir’ eiriho *1 Nk’oku empara egir’ eiriho Ekeeteng’ amaizi, Ai Ruhanga, nikwo naanye Nyeteng’ embabazi zaawe. *2 Niiwe Mukam’ otarihwaho, Maizi g’amagara; Mbwenu ndyakureeba ryari, Nkahuumura, nkaruhuuka. *3 Mbwenu, iwe mutima gwangye, Oshobereirwe ki? Ikiriz’ Ogw’ otaremwa Kutambir’ abashobeirwe *4 Mbwenu reka kuhw’ amatsiko, Ahakuba Ruhanga Niwe nshuro y’amagara, Egumaho ebiro byona. === code 269 title Esh’ owaakubon’ omutima *1 Esh’ owaakubon’ omutima Gusingwir’ ekibi, Ogumiisiirw’ eshagama Eyaaseesirw’ ahabwangye. *2 Kand’ omutim’ ogwerekwire, Gutakyeyendeza, Ogwijwire Yesu wenka, Ogutakyefuuza by’ensi. *3 Oguhendekire, gworobi, Gw’amazima gonka, Ogu eby’ensi bitabaasa Kutaanisa na Mukama *4 Oguba musya bur’ izooba Ogwijwire rukundo, Ogutaikarwamu kibi, Nk’ogwawe, Mukama wangye. *5 Mukama wangye, ninkushaba, Ompwere, mbe nkaiwe; Kand’ ompangyemu omutima Ogurikukworobera. === code 270 title Mukam’ ow’ekitiinisa *1 Mukam’ ow’ekitiinisa, Ninkukunda; Kandi naakweshengyereza Rukund’ egyo Ku eb’ ey’ebiro byona Waanyikiriza Ahabw’embabazi waawe; Mbwenu ngiine. *2 Nkaba nyin’ ebibi bingi Nibinshinja, Waabiinyihaho, wankiza, Naakusiima. Mbwenu ka nkuhimbise Nyin’ obunanukye, N’ebiri omuriinye byona Ka mbikuhe. *3 Ninkusiimis’ omutima Gwangye gwona Ebiro byona omushanju, Ti kimwe kyonka. N’obu naakuhitsya ryari Ninkuhimbisa, Ebyo biro nabyo bikaaba Biri bikye. === code 271 title *1 Eby'okweshemez' ebyensi Tibiine mutambo gwona; Okaabandize kusher’ra Obukama bwa Yesu *2 Ebyo byona nibihwaho, Kandi nibigasha kakye; Kwonk’ obukama bwa Yesu N’obw’ebiro n’ebiro. *3 Embabazi za Ruhanga Iw’ obe nizo waasher’ra; Hati ku mwakuzireeba, Okaatung’ obusingye. *4 Eby’Omwoy’ ebi twetenga Bitugirir’ omugasho Okukir’ eby’omubiri Ebitarigumaho. *5 N’ahabw’eky’ eky’okubanza N’obukama bwa Ruhanga, N’okusher’ra beene waitu, Tukabamureetera. *6 Mbwenu ka tushabe Yesu Atuh’ amaani g’Omwoyo, Obukama bwe bubugye Omu mahanga goona. === code 272 title Ab’emitim’ eshemeire *1 Ab’emitim’ eshemeire Nibo bain’ emigisha mingi, Kandi baryareeba Ruhanga waitu, Bain’ amashemererwa. *ref Mukam’ abashuuruurira Emibonano ey’Omwoyo; Emitima y’abo barikwera be Niy’ eba hekalu ye. *2 Mukam’ owaatsigireho Ekitiinisa ky’omu iguru Akeecureez’, akabambw’ aha muti Ahabwait’ abasiisi. *3 Boon’ abarikwecureeza, Akunda munong’ okubeeha; Kand’ ayenda kutuur’ omu bantu be B’emitim’ eshemeire. *4 Mukama, nitukushaba, Otuh’ egyo migisha yaawe, Emitima yait’ egum’ eshemeire, Ebe hekalu yaawe. === code 273 title Yesu, ninkweshengyereza *1 Yesu, ninkweshengyereza Obanz’ onyegyese hati, Naanye mbone kwegyesa gye Abari omu mwirima. *2 Ai Mukam’, onyebembere, Ondinde ndekye kuhaba, Naanye mbone kuhabura Abahabir’ omuhanda. *3 Ai Mukama, gum’ ondiise Eby’okurya by’amagara, Haza naanye ndiis’ abandi Abain’ enjara y’omwoyo. *4 Ompamiz’ aha Rukiri, Ngume mpamiir’ omuriiwe, Mbone kwih’ abandi bantu Omu bingonzi by’egi nsi. *5 Ai Yesu, gum’ onkorese; Ontum’ ah’ orikwenda hoona; Onyijuz’ Omwoyo waawe, Ngume ngamb’ Engiri yaawe. === code 274 title Ruhang’ akantoorana *1 Ruhang’ akantoorana Ntaine karungi koona, Yaanyekundira wenka, Yaanyozyaho ebibi; Mbwenu nkaamarayo nta Eibanja ryangye ryona? *2 Akanyih’ omu kufa, Yampindur’ omwana we; Yaanyih’ omu bugomi, Yampindur’ orikwera; Mbwenu nkaamarayo nta Eibanja ryangye ryona? *3 Ku ndihik’ omu iguru Njwair’ okuhikiirira Okwe, kutari kwangye, Naareeb’ ezo nkojo ze, Obwo nibwo ndimanya Eibanja ryangye ryona. === code 275 title Ai Mukama wangye Yesu *1 Ai Mukama wangye Yesu, Ij’ ogum’ omuriinye Rukundo yaaw’ enkorese, Mbone kukuheereza. *2 Ekigambo kyawe, Yesu, Kingum’ aha mutima, Mbone kubinga Sitaane, Ku araije kundwanisa. *3 Obusingye bwa Ruhanga Buntegyekyere kimwe, Mbone kuhabur’ abandi Abari omu mwirima. *4 Okukunda kwawe, Yesu, Kuunyijurire kimwe; N’obu ndaajumwe, nkagaywa, Mukam’, ohimbisibwe. *5 Nkwatsa, niinyiruk’ empaka N’amaani n’obumanzi, Amaisho ngakutaireho, Ntarikumagamaga. *6 Oburungi bwawe, Kristo, Bugume bunshwekire, Bataba niinye baareba, Babe niiwe baareeba. === code 276 title Omu mushana gwa Yesu *1 Omu mushana gwa Yesu Nimw’ abajunirwe Bashang’ okushemererwa N’obusingye bwingi. *2 Omu mushana noobaasa Kugyenda na Yesu, Ahabw’okub’ omwirima Guhwaho, gubura. *3 Omu mushana gwa Yesu Tihabamu kufa; Akakuhindur’ eirembo Ry’okuz’ omu iguru. *4 Omu mushana gwa Yesu Tihabamu bwoba; Twijukye ku yaasingwire Amaani ga rufu. *5 Ogyender’ omu mushana Tagira mwirima, Ahakub’ omushana gwe N’ogutarihwaho. *6 Tugyender’ omu mushana Nitweteis’ ebibi; Eshagama y’Omujuni Etwogyeze kimwe. *7 Tugyender’ omu mushana; Habamu obusingye; Ogwo mushana ni Yesu, Otuur’ omuriitwe. === code 277 title Iwe Mukristaayo 'we *1 Iwe Mukristaayo ’we, Gum’ otiin’ eby’abandi; Otagir’ omutima Mubi gw’okubyetenga. *2 Byon’ ebitari byawe Otaribikoraho, N’obu biraabe bikye Bitari by’obuguzi. *3 Ebirikuzibirwa Otabiruruuhira, Oyegye kutegyeka Amaisho n’emikono. *4 Okub’ ow’amazima Kand’ okab’ omwesigwa Nibikir’ obukama N’obutungi bw’egi nsi. *5 N’obu orib’ ori omworo, Ebi oine bikumare, Obone kuraba gye Omu ns’ oshemereirwe. === code 278 title Ai Mujuni wangye, Yesu *1 Ai Mujuni wangye, Yesu, Tiinyine ky’okutongana; Niinyemer’ obukyene bwangye, Niiw’ oribuntambira. *2 Kandi ninkwesiga, Yesu, Na rukundo yaawe nyingi; Niy’ erigumah’ obutoosha Omu nsi n’omu iguru. === code 279 title Okukwatanisa kwaitu *1 Okukwatanisa kwaitu Okutari nk’okw’ab’ensi, Okurug’ omuri rukundo ya Yesu, Kutuh’ omutima gumwe. *2 Tugambiran’ eby’obweremwa, Kandi tubishabirana, Tuhwerahweran’ emitwaro yaitu ey’ Ebirikutwita kubi. *3 Ku tutaan’ omuri egi nsi, Kitureeter’ obusaasi; Kwonka tuba tukwataniis’ omu mwoyo, N’obu tuba turi hare. *4 Na mbwenu twin’ amatsiko G’okugaruka kureebana; Kandi nigo gatureeter’ ekihika Ky’okureebanir’ omu iguru. *5 Okwo titurigirirayo Busaasi n’ekibi kyona, Kureka turyagirirayo rukundo N’obumw’ obutarihwaho. === code 280 title Ruhanga wait’ agume naimwe *1 Ruhanga wait’ agume naimwe, Abeebember’ obutoosha, Abahabur’ omuhanda, Kand’ abarinde n’obusingye. *ref Agume hamwe naimwe mwena Okuhitsy’ obu turireebana, Okuhitsy’ obu turihika Omu bukama bwe bw’omu iguru. *2 Abarind’ omu kabi koona, Abasinguz’ orugamba, Abariise bur’ izooba, Abashwekyes’ amapapa ge. *3 Kandi n’omu bihikiirizi Omu bworo n’omu ndwara, n’omu byosyo bya Sitaane, Agume naabarwanirira. *4 Kandi n’aha izooba ry’okufa, Ebyanyu byona byahweire, Aryab’ ari hamwe naimwe, Abahitsy’ omu bukama bwe. === code 281 title Ruhang’ ain’ ekishumuruzo *1 Ruhang’ ain’ ekishumuruzo ky’ebibaho; Abandi ku baakukibiika, Nari yaaba niinye yaakiha, Obusingye bukaambur’ra. *2 Tindikutiin’ ebirimbaho; nimmwesiga; Ahakuba niw’ abanzayo, Akabinshemereza byona; Enaama ze nizo nungi. *3 Kandi niinyesiim’ ahabw’okuba ndi empumi; Mbwenu ku mba nimbandagira, Nkor’ aha mukono gwa Yesu, Mmanya ku ari hamwe naanye. *4 Tindikubaasa kumanya gye enaama ze; Kwonk’ eki ndikumanya n’eki, Niw’ ab’ obuhungiro bwangye Nkiri omu nsi, nkiri omu nsi. *5 Mbwen’ ekyo kyonka nikimmara; ka mpuumure! N’ekya buzima timpweza gye, Kwonka W’ aryagum’ ampabure Omuhanda gw’omu iguru. === code 282 title Otwebembere *1 Otwebembere Omu muhanda; Itw’ ab’ ohindwir’ abaana Nitweteng’ Omwoyo waawe; Ngu atumanyise Byon’ ebi okunda. *2 Omu mirimo N’emitwarize, Ebi okunda ngu tukore Omu magar’ aga masya, Haza tubaase Kubikora gye. *3 Ku haribaho Ekintu kyona Ekyatusaas’ omutima, Kikatumaramu amaani, Otweyorekye, Tukureebe gye. *4 Abatakwine Nibasingurwa Byona, byon’ eby’omu ns’ egi Eby’engyesho z’omubiri Ezinurira Abatakwine. *5 Tushuuruurire Eby’omu iguru, Ebi waaturaganiise; Otuh’ Omwoy’ Orikwera, Haza bwanyima Tuhiky’ owaawe. === code 283 title Ruhanga waitu, oturagye *1 Ruhanga waitu, oturagye Turugy’ aha n’emigisha; Tuyaabuukye twin’ embabazi Hamwe n’okukunda kwingi; Oturuhuure, turuhuukye, Turi omu ihamba ry’egi nsi. *2 Nitukusiim’ ahabw’Engiri Ei tubuuririirw’ aha, Ekanyis’ ebyana birungi Omu mitima yaitu twena; Ogume naitw’ ebiro byona, Nootukorer’ ebi okunda. === code 284 title Imw’ abaana ba Yesu *1 Imw’ abaana ba Yesu, Nimumweshongorere, Kandi mumusingize, Muhimbis’ eiziina rye. *2 Turi omu rugyendo Rw’okutaah’ omu iguru, Ei aba ira baagiire Abaatubandiizeyo. *3 Imw’ ab’omu busyo bwe Mwena, muteer’ akaari; Hakub’ omwanya gwanyu Gutebeekanisiibwe. *4 Baana b’omushana ’mwe, Mwimutsy’ amaisho gaanyu, Orurembo Saayuuni Reeba ruturi haihi. *5 B’eishe-emwe, mutatiina, Mwahik’ aha mwatano Gw’esi nung’ eya Yesu, Ei yaabacumiire. *6 Mukama, twaikiriza Kutsigaho ebi twine N’okukukuratira, Ahakub’ otwebembeire. === code 285 title Nyowe ku nshom’ ebigambo *1 Nyowe ku nshom’ ebigambo bya Yesu Kristo, Obu yaataayaayir’ abantu b’omu nsi, Nyijuka ku yaayaakiire gy’ abaana bato; Naanye nkaayenzire mbe hamwe nabo. *ref Kand’ engaro ze ziguma nizinsiisirira, N’emikono y’embabaz’ embumbatira, Ndeeb’ amaisho ge ga rukundo naagir’ ati: Mureky’ abaana bato baij’ ahi ndi. *2 Mbwenu n’obu ndaabe ntakikibaasa hati, Omu kushaba nimbaasa kumureeba; Ku ndaagume nimmusherura nkiri ah’ omu nsi, Ndyamureeba, mmuhur’re ndi omu iguru; *ref Kandi omuri ogwo mwany’ ogu yaatubonereize, Twen’ abaasaasiirw’ ahabw’eshagama ye, Turyashangay’ abandi baana baingi nkaitwe; Ahakub’ obukama bwe n’obwabo. *3 Kwonka hariho abaana bat’ abaabuzire, Abatakahurirahoga bya Yesu, Nyowe nkaayenzire ku bamanya buzima, Boona ku bainey’ omwanya murungi. *ref Mbwenu hati ntegyereize n’ekihika kingi Okuhik’ ahari eryo izooba rirungi, Obu ab’omu nganda zoona bariteerana, Akabaakiir’, akabah’ omugisha. === code 286 title Obwa ir’ abakazi *1 Obwa ir’ abakazi bakaij’ ahari Yesu Bareetsir’ abaana baabo ngu abah’ omugisha, Abeegi be baababinga, kwonka Yesu yaabeet’ ati, Nimureky’ abaana baij’ ahariinye. *2 Ati, Nimbaakiira nimbashemerererwa; Timurikumanya ku ndi Omuriisa w’abaana? Ku baraije beekundiire, baryaba naany’ omu iguru; Nimureky’ abaana baij’ ahariinye. *3 Tukaayenzire ngu ab’ omu mahanga goona Baij’ ahari Yesu, bahurir’ ebigambo bye, Naabaihirah’ omwirima, nabo bajwerw’ omushana. Nimureky’ abaana baij’ ahariwe. === code 287 title Yesu Krist’ oba Munywani *1 Yesu Krist’ oba Munywani W’abaana bato, Ninkushaba ku oba Munywani wangye. *2 Niinyenda ngu ogum’ okwaits’ omukono gwangye, Naanye mbone kuguma haihi naiwe. *3 Onyegyese, nkure nyin’ emicwe mirungi, Ahabw’ okub’ okab’ omwana nkaanye. *4 Ninkweteng’ ogume naany’ otarintsigaho, Okuhitsy’ obu ndirug’ omu ns’ egi. === code 288 title Omu iguru hariy’ Enkunzi *1 Omu iguru hariy’ Enkunzi Y’abaana bato boona, Otarikuhindahinduka Akabahararuka. *2 Omukago gwe ti nk’ogw’abantu Ogumarwaho busha; Eryo iziina Nkunzi y’abaana Rimushemereire gye. *3 Omu iguru hariy’ amaka G’abaana bato boona, Agarimu okushemererwa N’okunanuka kwingi. *4 Omu maka goon’ ag’omuri egi nsi Tihariho eri nkayo; Okwo buri mwan’ otaahayo Atuur’ ashemereirwe. *5 Kandi hariyo n’ebirunga By’abaana bato boona; Abeesig’ Omujuni Yesu Nibo baribijwara. *6 N’ebirung’ ebitarihunduuka Ebi Yesu aribaha, Ahakuba bakamukunda Okuhitsy’ aha kufa. *7 Abo baana ku barihika Omu nsi y’omu iguru, Baryaguma nibeeshongora Ekyeshongoro kisya *8 Ekirirema baamaraika Okukyeshongora gye; Ahakuba tibararwaine Ngamba z’omuri egi nsi. *9 Kandi hariyo n’ebijwaro By’abaana bato boona, N’enanga nungi z’okuteera Ezirikujumeera. *10 Ebyo byona ebi mwahurira Bishangw’ omuri Yesu. N’ahabw’ekyo mwije tweheyo, Tubone kubiheebwa. === code 289 title Baibuli nengambira *1 Baibuli nengambira Yesu ku arikunkunda; Itw’ abaana turi abe, Kandi nitukihamya. *ref Yesu nankunda Yesu nankunda Yesu nankunda, Niwe yanfeereire. *2 Yes’ ogw’ akatufeera Aha muti gw’enshoni, Yaatwigurir’ orwigi Rw’eirembo ry’omu iguru. *3 Turi ab’amaani makye, Kwonka We n’ow’amaani; Naabaasa kuturinda Omuzigu Sitaane. *4 Kand’ aryaguma naanye Omu rugyendo rwangye; Ku ndifa nimmukunda, Aryantaasy’ omu iguru. === code 290 title Ai Yes’ omucureezi *1 Ai Yes’ omucureezi Nyow’ omwana waaw’ omuto Ondeebe n’embabazii, Mbone kwij’ ahariiwe. *2 Yesu Mwana gw’entaama, Ombeer’ eky’okureeberaho; Iw’ owaabair’ omwana, Ompindure mbe nkaiwe. *3 Kandi omp’ omutima Gw’okworober’ abanzaire; Iw’ ogir’ embabazi, Omp’ okukunda kwawe. *4 Ahabw’obweremwa bwangye Mbwen’ ekyo ninkibaasa nta? Niiw’ oraakimbaasise Ahabw’ Omwoyo waawe. *5 Yes’ Omunyarukundo, Naaz’ omu mikono yaawe, Naiw’ ogum’ omuriinye, Mbone kukuheereza. === code 291 title Yes’ Omuriis’ omurungi *1 Yes’ Omuriis’ omurungi, Hurir’ omwana waawe; Eki kir’ ogume naany’ okuhitsy’ omu kasheeshe. *2 Er’ izooba wandinda gye, Wamp’ eby’okurya, naarya; Kandi wampa n’ebijwaro; Ninkusiima, Mukama. *3 Ai Mukama, ninkushaba, Nsaasir’ ebibi byangye; Oh’ abu nkund’ omugisha; Ku ndif’, ontwar’ owaawe. === code 292 title Yesu Muriisa wangye *1 Yesu Muriisa wangye, Ndi entaama yaaw’, ondinde; Tihain’ orikubaasa Kwija, akakuunyaka. *2 Okabambw’ aha Muti; Na hat’ engaro zaawe Z’embabazi zikiine Enkojo z’emisumaari. *3 Mbwenu ka nkusingize, Ngume ninkworobera; Kandi nshemerererwe Rukund’ ei onyiniire. *4 Yesu, gum’ onyegyese Kuhur’r’ eiraka ryawe; Ogwo muhanda gwawe Ndekye kugurugamu. *5 Mukam’, onyebembere, Naanye nkukuratire, Okuhitsy’ obu ndihika Omu maisho ga Tataitwe. === code 293 title Imwe baana 'mwe *1 Imwe baana ’mwe, nimwije tusiime Yesu Nkunzi yaitu, Mwena mwena, mwije tumusiime, Yesu Nkunzi yaitu. *2 Imwe baana ’mwe, mwije tumuramye Yesu Nkunzi yaitu. *3 Imwe baana ’mwe, mwije tumushabe, Yesu Nkunzi yaitu. *4 Kandi twena tugume tumukunde Yesu Nkunzi yaitu; Twena twena tugume tumukunde Yesu Nkunzi yaitu. *5 Kandi tumureeter’ emitoijo Yesu Nkunzi yaitu Tumureeter’ emitoijo yaitu, Yesu Nkunzi yaitu. *6 Tugume tuheereze Mukama Yesu Nkunzi yaitu. === code 294 title Yesu, obu waazaarwa *1 Yesu, obu waazaarwa, nyok’ akakubyama Obu bwato bw’ente, ahabw’ okubur’ ahandi; Baakwarir’ ahatakushemereire, Mukama, Haza waabair’ ori Omuhangi w’ensi zoona. *2 Imwe baana ’mwe mwena, nimuhurir’ ente Nizijuga; kandi Omwana yaasisiimuka. Mbwen’ ogwo Mwana Yesu, ka tumuhimbise, Ahabw’okuzaarw’ atyo, ngu atujune twena. *3 Mbwenu Mukama waitu Yesu, ninkushaba, Ku oguma haihi naanye obutwire bwona; Kandi n’abandi baana, obah’ omugisha, Bakukunde munong’ ebiro byabo byona. === code 295 title Niinyesiim’ ahakuba Tataitwe *1 Niinyesiim’ ahakuba Tataitwe Akatworek’ eby’okukunda kwe, Obu yaagir’ omu kitabo kye Ekirikwera ngu Yes’ ankunda. *ref Nimmusiim’ ahabw’okunkunda Esh’ ankunda! Esh’ ankunda! Nimmusiim’ ahabw’okunkunda, Haza ndi omusiisi. *2 Ku mpaba nti, naamugwisa kubi, Eby’okunkunda tibimurusya; Ekinkwatsa kumugarukaho Nikwo kwijuka ngu Yes’ ankunda. *3 Ku ndihik’ owaitu omu iguru Nibwo ndibuuz’ eki yankundiire, Haza nkaguma niinyeshongora Eby’okukunda kwe kw’okutangaaza. *4 Yesu nankunda, naanye mmukunda Ahabw’okunfeer’ aha musharaba Ekyo nikyo kirikumpamiza, Ntabangaanise ku arikunkunda. === code 296 title Yesu akatwet’ etabaaza ze *1 Yesu akatwet’ etabaaza ze Okumurikir’ ab’omu mwirima; Omu ns’egi tworeky’ omushana gwe, Iwe ah’ otwire, naany’ ahu ndi. *2 Ka tubanze kworek’ omushana Okuhais’ Eiziina ry’ ekitiinisa, Omushana gwaitu gumugwise gye, Iwe ah’ otwire, naany’ ahu ndi. *3 Kandi tumurikir’ ab’owaitu, Abari omu naku n’ebibi bingi; Hati mbwenu ka tubamurikire, Iwe ah’ otwire, naany’ ahu ndi. === code 297 title Mutakora kubi *1 Mutakora kubi Mutaritongana; Muri aba Ruhanga, Baana ba Yesu. *2 Krist’ Omucureezi Tagira kamogo; Naimwe mwen’ abaana be, Mutwaze nkawe. *3 Omubi Sitaane Hat’ abagwereire, Naayenda kuboosya Kubacumuza. *4 Mutarimworobera N’obu muraaremwe Okurwana nawe, Muhungy’ ekibi. *5 Mukaraganisa Kwimuura Sitaane N’emicwe ye yoona, Okugireka. *6 Mukazaarwa Kristo Omujuni waanyu, Mugume mwezirikye Kumuheereza. *7 Mukama waany’ ogwo Tagira kabara; Naimw’ abaana be mube Abarikwera. === code 298 title Orugo rwa Yeriko *1 Orugo rwa Yeriko rugumire Twena nituruziguuruka, Orugo rwa Yeriko rugumire Bur’ izoob’ omurundi gumwe. *2 Aha rw’omushanju orwo rugo Rwa Yeriko, rwa Yeriko, Nitwija kuruziguuruka Hoon’ emirundi mushanju. *3 Bwanyim’ orwo rugo rwa Yeriko Rwa Yeriko, rwa Yeriko Rwakumbagara, rwagwera kimwe Ery’ izooba, omu kasheeshe. === code 299 title Yes’ ow’obushoboorozi *1 Yes’ ow’obushoboorozi Oin’ okusaasira Kand’ ow’embabazi nyingi, Twaija kukushaba. *2 Yesu, nitukureetera Ab’enganda zaitu, Abagiir’ omu rugamba Kuturwanirira. *3 Yes’, obarind’ omu kabi, Bagume bari gye, Bakwesigy’ omuri byona, Ebi barikukora. *4 Otaribatsiga bonka; Ku barishoberwa, Iwe wenk’ ogume nabo, Otabarugaho. *5 Obah’ omutima gumwe, Bagir’ enaam’ emwe, Babone kutung’ amaani, Kandi basingure. === code 300 title Ai Ruhanga, gum’ orinde *1 Ai Ruhanga, gum’ orinde Boon’ ab’omu ihe ryaitu; Byon’ ebi barikukora Bireet’ obusinguzi; Bakwesigy’, Iwe Mukama, Kandi bakukuratire. *2 Ogum’ obahwere boona, Barekye kugw’ enshazi; Ku baraahikweho akabi, Barekye kushoberwa; bakore n’amaani goona, Boorober’ ebiragiro. *3 Kandi n’abazaire baabo Bahuumuz’ omutima, Barekye kuhw’ amatsiko, Mukama, bakwesigye; Bagume bashemereirwe, Kandi bagir’ obusingye. *4 Ai Mujuni, n’tukushaba, Marah’ oru rugamba, Kand’ ogarur’ obusingye, Abantu bakundane; Ahabw’embabazi zaawe Boona bagarukane gye. === code 301 title National Anthem *1 O Uganda! may God uphold thee! We lay our future in thy hand United, free; For Liberty Together we’ll always stand. *2 O, Uganda! the land of freedom Our love and labour we give, And with neighbours all, At our country’s call In peace and friendship we’ll live. *3 O Uganda! the land that feeds us By sun and fertile soil grown, For our own dear land We’ll always stand The Pearl of Africa’s Crown. === code 302 title Itwe na byon’ eby’omu nsi *1 Itwe na byon’ eby’omu nsi Ka tuhimbise Ruhang; Aleluya! Aleluya! Naimw’ amahe g’omu iguru, Musiime Ruhanga waitu, Tataitwe n’Omwana n’Omwoy’ Orikwera; Aleluya! Aleluya! code 303 title Ankole Diocese Anthem *1 Ai Ruhanga Tataitwe, Omwana n’Omwoyo Nitukusiimir’Obureeberezi bw’Ankole Niw’otuh’enjura n’omushana tukeez’ Ebyokurya, Amagara, amaka n’emirimo N’tubikusiimira *2 Itw’Abakristaayo abakuru n’abato Ka tukwatanise tukorere entunguuka Tubuurir’engiri y’amazima, turwanis’ekibi Omu makanisa n’ebitongore, Yes’ahimbisibwe *3 Omu mirimo yaitu n’omu mitwarize Ka twezirikye kuguma turi abeesigwa Baibul’egume etuhabure, tutariteishuka Ankole Diocese eranganwe Ebiro n’ebiro, Amiina! === code 304 title East African Anthem *1 Ee Mungu twaomba ulinde Jumuiya Afrika Mashariki Tuwezeshe kuishi kwa amani Tutimize na malengo yetu. *ref Jumuiya Yetu sote tuilinde Tuwajibike tuimarike Umoja wetu ni nguzo yetu Idumu Jumuiya yetu. *2 Uzalendo pia mshikamano Viwe msingi wa Umoja wetu Natulinde Uhuru na Amani Mila zetu na desturi zetu. *3 Viwandani na hata mashambani Tufanye kazi sote kwa makini Tujitoe kwa hali na mali Tuijenge Jumuiya bora. === code 305 title Tukutendereza Yesu *1 Tukutendereza Yesu, Yesu Oli Mwana gw'endiga: Omusaayi gwo gunaazizza; Nkwebaza O'Mulokozi. *2 Edda nafuba bufubi Okufuna emirembe; Leero mmaliridde ddala Okweyabiza Yesu *3 Nnaababuulira abantu Obulokozi bwonna Obutali bwa kitundu Obulamba obw’obuwa *4 Nnaategeezanga ebya Yesu N’obuvumu ne sitya; Eyanzigya mu busibe N’okuwonya eyamponya *5 Neebaza eyannunula nze; Eyamponya wa kisa! Yesu ankuuma ansanyusa era Bulijjo yeebazibwe === code 306 title Uganda Mothers’ Union Anthem *1 Mothers’ Union in Uganda Gathered here Lord in Your Name Let us all our days together Be blessed by You oh our God Give us Grace to match our calling Lo, the handmaid of the Lord. *2 Show us how to meet the future To plan and to act as well Give us faith, love and patience Hope and joy in all our ways To Your world let us boldly say Lo, the handmaid of the Lord *3 Glory be to God the Father Glory be to God the Son Glory be to God the Spirit Three in One and One in Three Rock of ages, our salvation Lo, the handmaid of the Lord