code 1 title SIN SHALL NOT HAVE DOMINION *1 Adure añọ n’ọda ugbo-mẹ n; Inabali ỌJỌ lẹ la ch’ochochi ỌJỌ ka lẹ, i adago, Ka ñw amonẹ ki cheenyọ Adure añọ n’ọda ugbo-mẹ n === code 2 title LET US GLORIFY THE LORD *1 A ki d’ojima ñw ONDU todu k’I f’ọmẹ-wa ra, K’I ko wa ch’añọla-Wñ K’awa ki b’Ọ j’ojima-Wñ Efojale-Wñ ojale Kp’uyọ ki ma n’ukade n === code 3 title HEAVENLY SUNSHINE *1 Anẹ anẹ mẹ, anẹ anẹ mẹ, Ojim ỌJỌ ak umi efui Jisọs ch’uganẹ ki t’olui le, Haleluya! Jisọs nẹ mi! *2 U ch’ẹnẹ Jisọs, u ch’ẹnẹ Jisọs Jisọs ch’uganẹ, ẹchubi dẹ gẹ n; Olu ki fu ke, ọjọ ki du ke, Haleluya! Jisọs nẹ mi! *3 U k’ẹdọ n’O mẹ, u k’ẹdọ n’O mẹ Jisọs Ajadu m’umi gbanyi mẹ, I fọmẹ-mi ra oj oli ukwu-Wñ Haleluya! Jisọs nẹ mi! === code 4 title THE WISE MAN BUILT HIS HOUSE *1 Anibe k’unyi-wñ oji okwuta, Tak omi chan elọ Omi, lọ, tak omi mucha wa, Ẹr unyi lẹ dago ka *2 Idada k’unyi-wñ oji ẹlanyi Tak omi chan elọ Omi lọ, tak omi mucha wa, Tak im’ẹr unyi lẹ ko === code 5 title WE WHO ARE THE LORD’S *1 Awa k’a ch’abo ONDU ch’amilowa ilẹ Ugbo k’a ch’ọmanẹ ch’efojale atẹ Ẹwñ duu k’awa ache, ibe-wa ki t’unyi Awa at ilẹi nọ any ọmọ chuu ẹgba k’iko lẹ jọ, ONDU agwọru wa. Tak aw ade kp’ONDU-wa ef afu atẹ-i Abalẹ a l’ajọ kp’ONDU-wa ẹgba duu Mẹ n’an ọlai d’ugbẹdọ ñw omunẹ. === code 6 title GOD BE WITH THEE, ATA IGALA *1 Ata Igala gẹ, ỌJỌ ki d’ugbo-wẹ Kp’abo-wẹ duu Ef ibe duu k’ẹ kpẹ Ef ọla duu k’ẹ ka, Ef ẹwñ duu k’uwẹ che, Diba ñw ỌJỌ === code 7 title LIFT UP YOUR EYES *1 Ch’eju ny’atẹ ku mẹ g’ẹwñ oko I biẹ tẹ k’amẹ akpa mẹ Amẹ ki f’uu kpa ke Amẹ ki gb’ọkọb ONDU ẹwn oko, K’ONDU ki f’abukọlọ-Wñ kpẹ ny’oko ukọlọ-Wñ === code 8 title LET THE BEAUTY OF JESUS *1 Che ku ma li utọ Jisọs ef umi; Ejumomi-Wñ kpai ufẹdọ-Wñ chakaa duu Uwẹ, Afu ỌJỌ, ch’ukọlọ ef umi Gbẹgba ku ma f’utọ Jisọs li ef umi === code 9 title GIVE ME OIL IN MY LAMP *1 D’ekpo t’agege-mi todu ki jo D’ekpo t’agege-mi ẹkọ, D’ekpo t’agege-mi todu ki jo Ki n’ajo tak ONDU-mi ki wa *ref Hosana ñw Ẹ Hosana ñw Ẹ, Onu amonu Hosana ñw Ẹ Hosana ñw Ẹ, mẹ kọ gbogbo d’ọjọ === code 10 title GLORY TO JESUS *1 D’ojima ñwu Jisọs ki ch’Ẹnajadu; D’ojima ñwu Jisọs k’omi afẹdọ D’ojima ñwu Jisọs ki ch’Ẹnajadu; D’ojima ñwu Jisọs ogbegbelẹ === code 11 title THERE’LL BE NO SORROW *1 Ef unyi ỌJỌ Ata, ọbata duu d’ọmọ n Ọbata duu d’ọmọ n, ọbata duu d’ọmọ n Ef uny ỌJỌ Ata, ọbata duu d’ọmọ n Aw an ayọ ẹgba duu *2 Ef uny ỌJỌ Ata, akw erọ duu dọmọ n *3 Ef uny ỌJỌ Ata, akanya duu dọmọ n *4 Ef uny ỌJỌ Ata, adure duu dọmọ n *5 Ef uny ỌJỌ Ata, ebili duu dọmọ n === code 12 title WHEN I SEE MY LORD’S FACE *1 Ẹgba k’u f’ONDU li U la ad alu k’ONDU dẹ, Ẹgba k’u li ONDU-mi *2 Ẹgba k’ẹ f’ONDU li Ẹ ẹla ad alu k’ONDU dẹ Ẹgba k’ẹ li ONDU-mi === code 13 title FEAR NOT TO FOLLOW THE LORD *1 Ẹ ki ch’okpo et ONDU ubi n, Jẹ ñw onẹ m’ugbo k’ẹ dẹ, Ẹ ki ch’okpo et ONDU ubi n, Ẹ ki d’ọla-wẹ maja n Ẹgba k’I lewa ki ko wa lo Awa aj ugbo Owñ ọpioo Amẹnọla-Wñ, I adu chakaa Ẹ ki ch’okpo et ONDU ubi n === code 14 title FEAR NOT FOR I AM WITH THEE *1 Ẹ ki r’ailo n, tod Omi d’ugbo-wẹ Ẹ ki g’ẹdọ n Omi ch’ỌJỌ-wẹ; Na ad ukpahiu ñw ẹ, Na añọ tẹko wẹ Ọwọ awọtọ-Mi agwọny uwẹ === code 15 title RUNNING OVER *1 Ekparinyọ, ekparinyọ Ago-mi lẹ akparinyọ I f’umi jadu; Ẹdọ-mi ch’ẹkọ ñw uyọ Ago-mi lẹ akparinyọ *2 Eka ñw onẹ, eka ñw onẹ Ukọlọ-mi ch’eka ñw onẹ K’onẹ ki li ONDU, Ef ẹwñ duu k’omi ache Ukọlọ-mi ch’eka ñw onẹ === code 16 title THIS LITTLE LIGHT OF MINE *1 Ẹmu-mi kekelei, omi at una-wñ jo Ki n’ajo, ki n’ajo, ki n’ajo *2 Omi ad uu maja no, omi at una-wñ jo Ki n’ajo, ki n’ajo, ki n’ajo *3 Setan lẹ ki kpalu no, omi at una-wñ jo Ki n’ajo, ki n’ajo, ki n’ajo *4 I ki jo ef unyi-mi, omi at una-wñ jo Ki n’ajo, ki n’ajo, ki n’ajo *5 Jisọs wa k’I kẹrẹ b’ọ, omi at una-wñ jo Ki n’ajo, ki n’ajo, ki n’ajo *6 (D’odu ewo ee-wẹ t’ọ koji) === code 17 title FOR THERE IS ONE GOD *1 Ẹnagbagba ki t’agbab ỌJỌ kp’onẹ Owñ ch’okate, Ẹnagbagba ki t’agbagb ỌJỌ kp’onẹ Owñ ch’Onẹ Kraist Jisọs I m’ọla-Wñ du ch’ẹwñ urọmẹ todu wa Oo! Ẹnajadu ogboolo! Ẹnagbagba ki t’agbagb ỌJỌ kp’onẹ Owñ ch’onẹ Kraist Jisọs === code 18 title I’VE A SAVIOUR I’M WAITING *1 Ẹnajadu-mi Owñ na adeju; Owñ adabi wa tod umi; I m’abi duu k’u jẹ ko, Ẹgba k’I lekwu oji oli lẹ Owñ ajadu, I ade mi Gboogbo tak I dakwubi wa; Tak I ad umi ny’unyi-Wñ Na agwugwu ugb Owñ ogbegbelẹ === code 19 title EVERYBODY OUGHT TO KNOW *1 Jẹ ñw amonẹ duu ki ma, Ki ñọ nẹr uma eju, Jẹ ñw amonẹ duu ki ma ONDU Jisọs *2 Owñ ch’illili ee-ọgọ lẹ Kp’aw ina ki afanẹ lẹ, Owñ lẹ fẹreju t’ẹwñ duu le Jẹ ñw amonẹ duu ki ma *3 Jẹ nw amonẹ duu ki ma K’ẹnẹ duu ki lañọ gbọ, Ki nẹr uma eju gẹ, Ẹwñ k’ONDU che *4 Jisọs t’im̃i-Wñ nọ Kalfari Li ọbata ef ukwu, K’onẹ ki n’im̃ ogbegbelẹ Jẹ ñw amonẹ duu ki ma === code 20 title IT’S ALRIGHT NOW *1 Ẹwñ duu nyọ mẹ, Haleluya, ẹwñ duu nyọ mẹ! Adure takpa yoo! Na any efojale chuu, Haleluya, ẹwñ duu nyọ mẹ! *2 Ọj adu gẹ n Haleluya ọj adu gẹ n Todu ef ewo lẹ, ONDU Jisọs ch’ẹmu-wñ Haleluya, ọjọ adu gẹn *3 A f’ẹdọ jẹ Haleluya, a f’ẹdọ jẹ I kw’emi kpọkpẹ mẹ, I ny’añw uña-wa che Haleluya, a f’ẹdọ jẹ! *4 I awa piopio Haleluya, I awa piopio A ale d’O ef afu, A ab O j’ojima duu Haleluya, I awa piopio === code 21 title THINGS ARE DIFFERENT NOW *1 Ẹwñ duu rida mẹ, ẹwñ’ka lewa che mi Ẹgba k’u d’ẹdọ-mi ñwu Jisọs; Ẹwñ duu rida mẹ, erida-wñ tabale, Abu k’u m’ẹdọ-mi du ñw U Ẹwñ k’u ch’ẹñọ-wñ ch’umi eju mẹ; Ẹwñ k’u tẹnẹ fai wa gb’ẹgwu-wñ jẹ; Ẹwñ duu rida mẹ, ẹwñ che mi ọjọ lẹ Abu k’u m’ẹdọ-mi du ñw U === code 22 title THIS IS WHY I LOVE MY SAVIOUR *1 Ẹwñ ki chi k’u fẹdọ Jisọs; Ẹwñ ki chi k’u fẹdọ Uwñ dẹ; Adure-mi I kọ rinyọ I fẹdọ-mi gwẹ ki fẹ === code 23 title I’M SO HAPPY *1 Ẹwñ ki chi ku na ayọ nana dẹ; Jisọs m’adu-mi lẹ chakaa ko Eli na akọ ọjọ duu ki ñwa; Jisọs m’adu-mi lẹ chakaa ko Ẹdọ tet awọ mi noji adure Jisọs m’ẹd enyi du kpailọ iwọ lẹ Eli na akọ ọjọ duu ki ñwa; Jisọs m’adu-mi lẹ chakaa ko === code 24 title JOY JOY JOY *1 Fai na ayọ, todu ẹdọ-mi bọ mẹ; Fai na ayọ, ỌJỌ afẹdọ mi I gba mi kwef ẹbiẹnẹ, Ọla-Wñ any mi ẹdọ, Na alo t’ugb Owñ ojale; Todu lẹ na ayọ === code 25 title OH THE LOVE THAT DREW *1 Goo abu k’ỌJỌ afẹdọ mi; Goo alu k’I che k’I jadu mi Jisọs f’ọm adure duu k’u ta ra oj oli Ejumomi-mi k’I li, igbẹ; Owñ m’adure-mi ko ch’umi ele; I gba mi tanẹ kw’ọwọ Setan oj oli lẹ === code 26 title HE WILL CAST ALL OUR SINS *1 I ak adure-wa chakaa r’ef ohimini, Ohimini, ohimini. Todabu k’I fẹdọ wa chakaa, I ka K’I ak adure-wa duu rinyọ === code 27 title COMING SUDDENLY, COMING SOON *1 I awa achigili, I awa fai I awa ẹgba k’a ma ma n Jisọs, na ar odu b’Ẹ Gw’adure-mi rinyọ F’umi de gboogbo tak Ẹ dabi wa === code 28 title THE BEST BOOK TO READ *1 Ibaibul f’ọtakada duu du, Uwẹ ma gba ọjọ duu, I ach atẹko wẹ ọpioo O Ibaibul f’ọtakada duu du *2 Onukwu ọlali che Jisọs Ẹ kwa d’Ọ, Owñ lẹ agbọ; I ade wẹ k’ẹ we edure; O, onukwu ọlali che Jisọs *3 Ẹwñ ki nyọ k’ẹ che ch’ek ẹdọ n’O uwẹ ma jẹ ch’ubiy Ọ Owñ ade wẹ t’ukpoji O, ẹwñ ki nyọ k’ẹ che ch’ek ẹdọ n’O *4 Jisọs ch’Ẹnajadu ọmẹmẹlẹ I at adure nọ ñw uwa; I ade wa gbẹgba k’I wa, O, Jisọs ch’Ẹnajadu ọmẹmẹlẹ === code 29 title BY AND BY WE’LL SEE THE KING *1 I bọ pẹẹ tak ẹgba ajọ, Taku Jisọs ajo onu; ẹgba lẹ tak awa ali U A agw onu ilẹ duu === code 30 title GONE, GONE, GONE GONE *1 I le, i le, i le, i le, adure-mi le, Ẹdọ-mi ch’afu, eli la d’ẹdọ-mi ONDU f’uu gwẹ rinyọ kpa Ẹbiẹ Jisọs b’umi jọ Na adeju ogbegbelẹ Na agbede ỌJỌ-mi === code 31 title OH, TWAS LOVE, TWAS WONDROUS *1 I lekwu oj oli lẹ Owñ fẹdọ mi abẹi? I kw’efojale k’I lekwu? ufẹdọ Jisọs lẹ === code 32 title I AM NO TOO YOUNG TO COME *1 Imọtọ neke w’ugbo Jisọs Owñ afẹd abimọtọ I atene mi, I b’umi jọ; Oñ na ayọ nana. I d’ukpẹ K’u w’ugbo-Wñ fai === code 33 title WIDE, WIDE AS THE OCEAN *1 I n’abẹ t’ilẹ kidẹ le I gba t’efojale le I n’efu t’ohimini le, Ufẹdọ ONDU gbẹ, Omi ki ma nyọ bọjọ n ỌJỌ m’umi du ch’ọma-Wñ Ọla-Wñ akọ mi Kak ufẹdọ-Wñ gwọny umi Ugbo duu === code 34 title THERE IS NONE OTHER NAME *1 I n’odu omunẹ n Ku ma du tẹ ñw onẹ Ku ma du jadu ma n I n’ẹnẹ duu k’i bọ gẹ n Ajadu duu dọmọ gẹ n; Chai Jisọs okate I n’odu omunẹ n === code 35 title EVERYBODY SHOULD KNOW *1 I nyọ k’onẹ ki ma. Jisọs, ẹnajadu ogboolo I nyọ k’amonẹ ki m’Ọọ === code 36 title HE SOUGHT ME, HE SOUGHT ME *1 I tene mi, I tene mi Ẹgba k’u t’ale ọnajiji; I f’umi li, I f’umi li, Ooo, ọjọ uyọ lẹ gbẹ! === code 37 title HE DID NOT COME TO JUDGE *1 I wa k’I k’ajọ abilẹ tan ; I wa k’I kpa ma biẹ n. Ma lenyọ tak I tene ma Jisọs la f’uwa li Odu-Wñ kọ Ẹnajadu Odu-Wñ ogboole dẹ === code 38 title JESUS IS COMING AGAIN *1 Jisọs adabi wa; I ka k’I awa piopio; Jisọs adabi wa; G’ọtakada Jọn k’ẹ li; Ọj ẹkẹgwẹlẹ, ọma-wñ ẹkẹta I awa ochochi, I awa todu mi Na agogbod Ọ === code 39 title JESUS LOVES THE LITTLE CHILDREN *1 Jisọs afẹd abimọtọ Abimọtọ ilẹ duu; Ẹnedudu, ẹnekpa, Kpai amma ẹnefu Jisọs afẹd abimọtọ ilẹ duu === code 40 title JESUS THE SAVIOUR *1 Jisọs ajadu ma, abimọtọ duu; Ẹnomunẹ b’umẹ jọ n, abimọtọ duu; I agw adure-ma rinyọ I ad ide ma ẹgba duu Abimọtọ duu === code 41 title JESUS WILL NEVER FAIL *1 Jisọs at uwa n, Ẹgba duu ogbegbelẹ Jisọs, I d’ugbo-wa Ogbegbelẹ === code 42 title BLIND EYES JESUS MADE TO SEE *1 Jisọs ch’eju afeju, M’al ajalu bi, Jẹ ñw ajeti gb’ọla gẹ, Achika l’ulẹ Ab ọga oJoji duu, Ñọ w’ugbo Jisọs; Owñ agw adure-wẹ kwo, Ichẹwñ k’ẹ w’ugbo-Wñ === code 43 title WONDERFUL, WONDERFUL JESUS *1 Jisọs lẹ ch’ẹnọmẹmẹlẹ U la m’eli-Wñ du tef ẹdọ-mi Ujadu, urẹdọ, ukpahiu d’ugbo-Wñ Todulẹ oñ na ak eli ONDU === code 44 title HE LIVES, HE LIVES *1 Jisọs deju! Kraist Jisọs deju fai I dẹ kp’omi, I ale kp’omi Ej ọọna ku na ale Jisọs deju! K’I jadu ẹnẹ duu Ẹtene, abile k’u ma? I dej ef ẹdọ-mi === code 45 title JESUS GAVE HER WATER *1 Jisọs d’omiofo ñw u Ki ma kwef obuga n I n’ak eli alo K’owñ ki k’amonẹ wa K’ama ki m̃’omiofo, ki ma kwef obuga n === code 46 title HOW GREATLY JESUS *1 Jisọs fẹdọ-mi nan ololo; I ch’udu-mi Ef añọla-Wñ oj oli === code 47 title JESUS SAID THAT WHOSOEVER WILL *1 Jisọs kaki, ẹnẹ duu ki jẹ Ẹnẹ duu ki jẹ, ẹnẹ duu ki jẹ. Jisọs kaki, ẹnẹ duu ki jẹ Ẹnẹ juu ki jẹ ki le’a *2 Ẹdọ-mi bọ, ab I d’umi t’ọ Ab I d’umi tọ, ab I d’umi tọ ẹdọ-mi bọ, ab I d’umi tọ Oñ Jisọs kak ẹnẹ duu ki jẹ ki n’awa === code 48 title JESUS DIED FOR ME *1 Jisọs lekwu tod adure-mi na afẹdọ Jisọs k’I lekwu koji mi === code 49 title ALL THE WAY TO CALVARY *1 Jisọs le ti Kalfari tod umi Tod umi, tod umi Jisọs le ti Kalfari tod umi I f’umi jadu === code 50 title JESUS, O HOW SWEET THE NAME *1 Jisọs, odu ki nyọ dẹ; Jisọs anyọ alo waa; Jisọs, jẹ ñw abo-wẹ duu Ki k’eli ñw Ẹ gbegbelẹ === code 51 title JESUS DIED TO SET ME FREE *1 Jisọs, ONDU-wa, lekwu K’I d’ale ñw umi Owñ deju I atẹkọ mi Ku na af ebili du === code 52 title TRUST IN THE LORD *1 K’ẹdọ n’ONDU, ẹ d’ejiji n, Owñ ch’onukwu ọlali, Haleluya! Alu duu k’uw ach ọbata Jisọs ad ugbo-wẹ Kọ… ẹgba k’ol afu; Kọ… ẹgba k’ọjọ adu Ẹgba duu, ugbo duu, ẹn’akọ, kọ, kọ === code 53 title SINGING, SINGING *1 K’eli k’eli, fai na ak eli Jisọs Kraist, na ak eli ñw U I agwọnyu mi, na ak ẹdọn’O I at umi nọ gbegbelẹ n Elo na alo kpai eli ekọ K’eli, k’eli, k’eli! === code 54 title WOUNDED FOR ME *1 Ma ch’Owñ agbe, ma ch’Owñ agbe Owñ ma mudu kam oli tod umi Ọla bọ gẹ n u kwotanẹ fai mẹ Todu ki Jisọs lekwu koji mi === code 55 title BAPTISMAL CHORUS *1 Ma k’awa ji, kp’Uwẹ ONDU, Lefu baptism k’a chei Tod abu k’Ẹ daji kwanẹ A kwanẹ k’a deju ñw Ẹ Ẹnẹ ki kwu mufu tanẹ B’ọwọ adure duu tẹ. A al ulẹ ef im̃i titọ; A ad ọla-wa tẹ ñw Ẹ pioo! === code 56 title ALL POWER IS GIVEN UNTO ME *1 Ma m’ọda duu ko ny’Umi ọwọ; Mẹ n’alo tef ilẹ duu J’Uchẹnyọ r’uma Omi dugbo-mẹ ogbegbelẹ === code 57 title MATTHEW, MARK, LUKE, JOHN *1 Matiu, Mark, Luku, Jọn. Ẹwñ k’Amẹnukpuchẹ che, Rom, Abo Kọrint meji, Galatia kpai Ẹfẹsọs Filipai, Kolose, Tẹsẹlonaika meji, Timoti mejeji Taitọs kpai Filimọn Hibru, Jemẹs kpail Pita meji, Jọn kekele mẹta, Jud, Ọl Ebitẹ. === code 58 title BEHOLD, I STAND AT THE DOOR *1 Mẹ goo, mẹ goo, Omi ad ọwọ k’ọọna; I ch’ukpẹ k’onẹ agbo omu-Mi Ki m’ọọna lẹ bi, Na agwudu wa === code 59 title PRAISE GOD FROM WHOM *1 Mẹ jẹny ỌJỌ, Owñ d’ẹny ñw umẹ; Amẹ ki d’ilẹ, lewa gw’Ọ Abo-Wñ ojale, mẹ jẹnyu, ỌJỌ Ata, Ọma, Afu === code 60 title CHOOSE YOU THIS DAY *1 Mẹ tu eñini kidẹ Ku mẹ d’ẹnẹ k’amẹ ar Ọ; I muda ch’omi kpai abo unyi ee-mi duu, Awa arẹ Jihofa. === code 61 title TURN YOUR EYES UPON JESUS *1 M’eju-wẹ rida go Jisọs, Ẹ d’ibe t’ẹwñ duu k’I che ñw ẹ; Tak ẹwñ duu ki dilẹ-i Ab ẹdọ-wẹ gẹ n; Jisọs kate ar uwẹ eju === code 62 title INTO MY HEART *1 Mugwuduwa ef ẹdọ-mi Mugwudu wa, ONDU Jisọs Lewa faifai k’ẹ gwugwu pioo; Gwudu wef ẹdọ-mi, Jisọs === code 63 title OPEN THOU MINE EYES *1 M’umi eju chi Tak omi ali Ẹwñ awuwu duu Ef Ọlọda-Wẹ === code 64 title THANK YOU, LORD *1 An agbede, Ẹ f’umi jadu; Na agbede, Ẹ jẹ ñwumi mufu; Na agbede, tod urẹdọ-Wẹ K’Uwẹ, ONDU Jisọs, du ñwomi === code 65 title I GREET YOU LORD *1 Na agw Ẹ, ONDU Jisọs, Agba-oo! Ẹ ki dabi wa dabalu k’Ẹ ka, ONDU Jisọs, Agba-oo === code 66 title FOR ALL THOU HAST DONE *1 Na agw Uwẹ todu ẹwñ duu k’Ẹ che, Na agw uwẹ tod ukwu-mi k’Ẹ kwu, ONDU, Uwẹ k’Ẹ r’ọmẹ-mi Na agw Uwẹ tod adu-mi k’Ẹ gba === code 67 title I WILL MAKE YOU FISHERS *1 Na ajẹ ñw umẹ mud amekwuji, Amekwuji ku mẹ m’onẹ Na ajẹ ñw umẹ mud amẹkwuji K’amẹ ki m’onẹ Mẹ ki l’ikpa-Mi Na ajẹ ñwumẹ mud amekwuji K’ame ki m’onẹ === code 68 title I WILL SING OF THE MERCIES *1 Na ak eli ufẹdẹnyọ k’ONDU che gbegbelẹ Na ak eli… Na ak eli… Na ak eli ufẹdẹnyọ ONDU ogbegbelẹ Na ak eli ufẹdẹnyọ k’ONDU che. Ufẹdẹnyọ lẹ gbẹgbẹ, Na an alu-mi aka ñw onẹ; Ufẹdẹnyọ lẹ gbẹgbẹ Owñ ch’ufẹdẹnyọ kONDU che ñw ẹnẹ duu Na ak eli ufẹdẹnyọ ONDU ogbegbelẹ Na ak eli ufẹdẹnyọ k’ONDU che === code 69 title I KNOW THAT JESUS WILL COME *1 Ochochi la dẹ ke, ochochi la dẹ ke Ochochi la dẹ kaki Jisọs awa. *2 Mẹ ki f’ọla mu ke, mẹ ki f’ọla mu ke, Mẹ ki f’ọla mu kaki Jisọs awa *3 U f’ọla ee-mi mu, u f’ọla ee-mi mu U f’ọla ee-mi mu ki Jisọs awa === code 70 title GLORY BE TO THE LORD *1 Ojima ki ch’ee-ONDU K’I lekwu oj oli Kalfari Ẹdọ-mi ch’ẹbọ nana Tod ẹbiẹ-Wñ f’ọmẹ-omi ra Ugwa duu ki n’ach ee-Ẹnẹ Ki f’umi jadu kwef adure Omi ak ele Owñ ki D’im̃i ogbegbelẹ ñw umi === code 71 title GOD WILL TAKE CARE *1 ỌJỌ af ejut ẹ Ẹgba duu, ọjọ duu Ef akanya, kpai uyọ ỌJỌ af eju t’ẹ === code 72 title GOD SO LOVED THE WORLD *1 ỌJỌ la fẹdọ ilẹ; Todulẹ I m’Ọma-Wñ du ch’ele, K’amonẹ duu ku ma ak ẹdọ n’O Ku ma we elenyọ Ku ma n’im̃i ogbegbelẹ === code 73 title GOD CAN DO ANYTHING *1 ỌJỌ neke ch’ẹwñ duu, ugbo duu, iko duu, I n’ẹwñ duu ki gbiti ñw ỌJỌ n I m’adure-mi ko, gba mi nyi, d’umi alo; I n’ẹwñ duu ki gbiti ñw ỌJỌ n Owñ lẹ ch’Alfa kpai Omega I ch’uchanẹ kp’ukpoji Owñ lẹ ch’ew umi eju t’ẹnẹ duu le, ỌJỌ neke ch’ẹwñ duu, ugbo duu, iko duu I n’ẹwñ duu ki gbiti ñw ỌJỌ n === code 74 title OUR GOD IS ABLE *1 ỌJỌ n’ukpahiu, I la jẹ K’I gba wa kwef ẹwñ ẹbiẹnẹ-wa I neke jadu, I neke de ỌJỌ n’ukpahiu, I la jẹ === code 75 title KEPT BY THE POWER OF GOD *1 ỌJỌ, Owñ ade mi; Ef ẹwñ duu ki aw ugbo-mi ỌJỌ, Owñ ade mi === code 76 title HOW GOOD IS THE GOD *1 ỌJỌ-wa k’a ñwulọ-wñ lẹ nyọ gbẹ, Owñ ch’onukwu ki ma rida n Ufẹdọ-wñ cheegbẹ dab ukpahiu-Wñ I n’eñwa n, i lañọ n’ukpoji n *2 Owñ ch’abakwanẹ kp’ukpoji, Afu-Wñ ade wa ny’unyi choo; Awa ajẹny U tod ẹwñ duu k’I che A l’ak ẹdọ n’O tod ẹwñ duu ki awa === code 77 title IN MY HEART THERE RINGS *1 Ọla eli oka d’ẹdọ-mi Eli lẹ rinyọ gbẹ I kw efojale wa Ọla eli ki d’ẹdọ-mi lẹ Ch’eli ufẹdọ Jisọs *ref Jisọs, Jisọs, Jisọs Owñ ch’odu ki nyọ (Haleluya) Jisọs b’umi jọ fai Na añọ k’eli ẹgba duu === code 78 title HIS YOKE IS EASY *1 Ọla-Wñ n’ọbata n Adu-Wñ dẹ fuyẹẹ U li ab idẹ, u li ab idẹ I ad umi le t’odu, t’ọrọka Ugbo k’omi ami === code 79 title I AM THE WAY, THE TRUTH & THE LIFE *1 Omi ch’Ọọna kp’Ochochi kp’Im̃i. ONDU Jisọs kai Ọọna ma dẹ n, in’ele ñwonẹ n Ochochi dẹ n, mak in’ẹwñ ema n im̃i ma dẹ n, in’edeju gẹ n Omi ch’Ọọna kp’Ochochi kp’Im̃i. ONDU Jisọs kai === code 80 title I BELIEVE GOD ANSWERS PRAYER *1 Omi dọ k’ỌJỌ agb aduwa; Omi ma k’ỌJỌ agb aduwa; U cheeli k’ỌJỌ agb aduwa; Owñ ki n’ojima === code 81 title A LITTLE TALK WITH JESUS *1 Omi kpai Jisọs ch’oluka tak ẹwñ duu nyọ. Ẹgba k’ọbata wa, u m’u du tef aduwa. Omi kpai Jisọs ch’oluka tak ẹwñ duu nyọ === code 82 title THERE’S A WAY BACK TO GOD *1 Ọọna t’ugbo ỌJỌ Dọmọ ñw abilẹ duu, Alugbọna-wñ ch’ẹbi tẹ K’uwẹ ki gwudu; Ol ukwu lẹ ch’ugbo K’uwẹ achanẹ-i Ẹgba k’ẹ gbal adure-wẹ ñw ONDU === code 83 title THE LORD IS MY SHEPHERD *1 ONDU ch’Adejutẹ-mi Na ak ẹdọ n’O ọpioo I anẹ mi l’ọọna ki nyọ Na ak ẹdọ n’O ọpioo Na ak ẹdọ n’O ọpioo Ọpioo, ọpioo === code 84 title SEARCH ME O GOD *1 ONDU kiafọ, Ẹ ki tw’ef ẹdọ-mi, Alu k’Ẹ cheem ẹwñ duu ki def umi; F’umi gwẹ fẹ b’iwa ee-ẹdọ tẹ f’umi datẹ k’u mud adu-Wẹ pioo === code 85 title LORD, KEEP US SAFE *1 ONDU ki d’ugbo-wa, K’ailo ki we eba wa F’uwa de ẹgba k’a lolu Gboogbo tak ọjọ ñwa === code 86 title LEAD ME TO SOME SOUL TODAY *1 ONDU ña mi eñini Ku na atene onẹ ñw Uwẹ Amonukwu-mi lenyọi Ma m’ọọna ku ma le n Ee-lẹ w’amonẹ ree n Ama j’akwa d’ONDU-wa n, ONDU che k’Ẹ d’ẹdọ ñwumi K’u li onẹ eñini === code 87 title THE TWELVE DISCIPLES *1 Onẹ mẹgwẹji lẹ, ONDU Jisọs dọ mai Saimọn Pita, andru, Jemẹs, Jọn Ọmaye-wñ, filip, Tọmas, Matiu, Jemẹs, ọma Alfiọs, Tadius, Saimọn, Judas kpai Bartolimiu. I ñọ f’uwa dọ; I ñọ f’uwa dọ Awa ch’amakọchẹ-Wñ, omi kpai uwẹ. I ñọ f’uwa dọ, I ñọ f’uwa dọ Awa ch’amakọchẹ-Wñ, a ch’ukọlọ-Wñ pioo === code 88 title THE THE UTTERMOST *1 Owñ ajadu t’ukpoji Ẹ ki d’ẹdọ n’O K’ẹ m’ufẹdọ-Wñ gba Owñ ajadu t’ukpoji === code 89 title HE TOOK ME OUT *1 Owñ du mi kwef ọlulu, Kwef ugbo k’ẹpiọ dẹ; Owñ du mi t’oj ugbogbo K’ọla-mi ki we ega Owñ kọ mi eli titọ Ku na ad ojima ñw ỌJỌ Ẹgba-wñ jọ Owñ adu mi lo t’unyi-Wñ === code 90 title MINE ARE THE HANDS *1 Ọwọ-mi-i ach ẹwñ k’Ẹ ka, Ẹrẹ-mi afule ñw Ẹ Alu-mi aj Uchẹnyọ r’amonẹ ONDU kp’umi uchẹ === code 91 title OVER AND OVER *1 B’oo ma, ñọ b’oo ma, dabu akpoli, Ufẹdọ Jisọs awa b’umi oji ma Ufẹdọ Kraist ch’ohimini Jisọs, Ajadu-mi, wa nẹ mi le Ej omi lẹ, gboogbo tak u Mudaba w’ugbo-Wẹ === code 92 title FOLLOW FOLLOW *1 T’Ọ ubi, t’Ọ ubi, na ati Jisọs ubi; Ẹgba duu, ugbo duu, na at Ọ ubi T’Ọ ubi, t’Ọ ubi, na ati Jisọs ubi; Ọọna duu k’I aña mi, na at Ọ ubi === code 93 title ONCE I WAS BLIND BUT NOW I SEE *1 U ch’afeju, fai na aganẹ. Ma f’umi ji, fai ma t’umi nọ Ofe k’u ma k’Owñ ajadu mi dẹ Ẹnajadu ọmẹmẹlẹ === code 94 title FOR I KNOW WHO I HAVE BELIEVED *1 U cheem Ẹnẹ k’u k’ẹdọ no lẹ, Ẹdọ-mi mugba kak I la neke F’ẹwñ-mi k’u kony Owñ ọwọ de Tod adiko ọjọ lẹ === code 95 title I KNOW A FOUNTAIN *1 U cheem omi ki la b’adure jọ U cheem ugbo k’odu mud ọrọka Ma gb’adu tanẹ, afeju ganẹ, Ukpahiu awuwu la d’ọla ẹbiẹ Kalfari === code 96 title ONLY A SINNER SAVED BY GRACE *1 Uch’ẹnẹbiẹnẹ, ỌJỌ m’umi gba; ỌJỌ n’ufẹdọ, I li ejumomi; Omi ch’ẹnẹbiẹnẹ, ỌJỌ m’umi gba === code 97 title I HAVE DECIDED TO FOLLOW JESUS *1 U f’ibe mu jọ na at ONDU ubi, U j’adabi n, u j’adabi n *2 Oli ukwu d’ọgba, ilẹi la d’ubi, U j’adabi n, u j’adabi n *3 Onẹ duu ki ma chaka le b’umi n U j’adabi n, u j’adabi n *4 Jisọs u m’Ọọ-i, u kọ ẹwñ ilẹ-i U j’adabi n, u j’adabi n *5 M’ẹwñ ilẹi duu ko, na agwọnyu Jisọs, U j’adabi n, u j’adabi n *6 Owñ ki nẹ mi le, na at Ọ ubi pioo U j’adabi n, u j’adabi n === code 98 title BRIGHTEN THE CORNER *1 Ugbo duu k’ẹ dẹ, m’anẹ nẹ, Jẹ ñw uma li k’ẹ ch’agege. Ugbo duu k’ẹ dẹ, m’anẹ nẹ === code 99 title I ‘M FEEDING ON THE LIVING BREAD *1 Ujẹwñ k’u jẹ, ch’ujẹwñ im̃i; Omi k’u m̃ọ, owñ ch’omi lẹ Ki Jisọs kak ẹnẹ duu ki am̃ọ Olugbẹ akp ọọ gbegbelẹ gẹ n Olugbẹ akpa wa gẹ n Olugbẹ akpa mẹ gẹ n Todu Jisọs kak ẹnẹ duu ki am̃ọ Olugbẹ akp oo gbegbelẹ gẹ n === code 100 title JOY, JOY, MY HEART IS FULL OF JOY *1 Uyọ ch’ẹkọ ef ẹdọ-mi Ẹnajadu-mi r’umi da Ẹwñ ki chi k’ẹdọ-mi la ch’ẹbọ lẹ dẹ === code 101 title ZACHEUS WAS A VERY LITTLE MAN *1 Zakiọs ch’ẹnẹ ki ch’ọdi I la ch’ọdi gbalii, I tẹgwu ny’oj oli sikamọ Todu k’I f’eju-wñ d’ONDU *2 Tak ẹgba k’ONDU lale ọmọ I ch’eju-wñ ny’atẹ goo Kakini, Zakiọs kwo tanẹ piopio Unyi-wẹ Omi aru-i === code 102 title STAND UP AND SHOUT IT *1 Kwanẹ k’ẹ du ka ‘chẹwñ k’ẹ fẹdọ Jisọs Kwanẹ k’ẹ du ka ‘chẹwñ k’ẹ fẹd ONDU Na atene ema, i-i, na atenen ema ‘Chẹwñ k’ẹ fẹd ONDU *2 Gwugwu k’ẹ ka yẹẹ ‘chẹwñ k’ẹ fẹdọ Jisọs Gwugwu k’ẹ ka yẹẹ ‘chẹwñ k’ẹ fẹd ONDU Na atene ema, i-i, na atenen ema ‘Chẹwñ k’ẹ fẹd ONDU *3 Ẹ ki t’akoya-wñ ‘chẹwñ k’ẹ fẹdọ Jisọs Ẹki t’akoya-wñ ‘chẹwñ k’ẹ fẹd ONDU Jẹ wñ onẹ ma, i-i, jẹ ñw onẹ ma ‘Chẹwñ k’ẹ fẹd ONDU *4 Kwanẹ k’ẹ du ka ‘chẹwñ k’ẹ fẹdọ Jisọs Gwugwu k’ẹ ka yẹẹ ‘chẹwñ k’ẹ fẹd ONDU Jẹ wñ onẹ ma, i-i, jẹ ñw onẹ ma ‘Chẹwñ k’ẹ fẹd ONDU === code 103 title HALELU *1 Halelu – Halelu – Halelu – Halluya! Mẹ jẹny ONDU! Mẹ jẹny ONDU – Haleluya (kọ 3) Mẹ jẹny ONDU === code 104 title IT’S NO LONGER I THAT LIVETH *1 I la ch’omi deju fai gẹn, Kraist deju ef umi Efu… Omi… Jisọs deju ef umi *2 I la ch’uwẹ deju fai gẹ n, Kraist deju ef uwẹ. Efu… Uwẹ… Jisọs deju ef uwẹ *3 I la ch’awa deju fai gẹ n Kraist deju ef uwa Eju… Awa… Jisọs deju ef uwa === code 105 title I LOVE MY SAVIOUR *1 Na afẹd Ajadu, Ẹnakoko lẹ I kwu oj oli todu mi, I mudaji mẹ, let efojale, Ofeje-i I awa todu mi *2 K’ẹdọ n’Ajadu, Ẹnakoko lẹ I lekwu todu wẹ duu gẹ, I ad ide wẹ pioo, I l’at ẹ nọ pioo n. I ajẹ ñw ẹ yọ ogbegbelẹ === code 106 title MY LORD KNOWS THE WAY *1 ONDU-mi m’ọọna ajẹtachi-i Na ak ẹdọ n’O, na at Ọ ubi I ab im̃i t’im̃i ñw umi pioo Kp’ẹwñ k’ekwu-wñ akwu mi, ọna ONDU-mi m’oọọna ajẹtachii Na ak ẹdọ n’O, na at Ọ ubi === code 107 title LORD, I WANT TO BE YOURS *1 ONDU, na aten ech ẹnẹ-Wẹ, kwef ẹdọ-mi Kwef ẹdọ-mi, kwef ẹdọ-mi ONDU, na aten ech ẹnẹ-Wẹ kwef ẹdọ-mi *ref Kwef ẹdọ-mi, kwef ẹdọ-mi ONDU, na aten ech ẹnẹ-Wẹ kwef ẹdọ-mi *2 ONDU na ad ọla-mi duu ñw Ẹ, kwef ẹdọ-mi Kwef ẹdọ-mi, kwef ẹdọ-mi *3 ONDU, U m’ẹdọ-mi kon Ẹ, kwef ẹdọ-mi Kwef ẹdọ-mi, kwef ẹdọ-mi *4 ONDU, na aten efọ tule, kwef ẹdọ-mi Kwef ẹdọ-mi, kwef ẹdọ-mi *5 ONDU na aten efẹdọ-Wẹ, kwef ẹdọ-mi Kwef ẹdọ-mi, kwef ẹdọ-mi *6 U ten edabu Judas no, kwef ẹdọ-mi Kwef ẹdọ-mi, kwef ẹdọ-mi *7 Na atene k’u dabu Jisọs, kwef ẹdọ-mi, Kwef ẹdọ-mi, kwef ẹdọ-mi === code 108 title AWAY FAR BEYOND JORDAN *1 Udab ohimin ukwu, A ade ọmọ chuu, uyọ l’agbẹgbẹ. Udab ohimin ukwu, A ade oj ọn alifia lẹ Ẹ t’anẹ ọmọ dọgba ñw omi Tejane mi, ku na any ọmọ duu Udab ohimini ukwu, A ade oj an alifia lẹ *2 ONDU awa ko wa lo, Ny’unyi Ata-Wñ k’I ny’añwọche lẹ. ONDU awa ko wa lo T’unyi-wa efojale chuu. Ẹgba k’I ako wa ny’unyi lẹ Aw agwogwuyọ ef unyi wa lẹ ONDU awa ko wa lo Ny’unyi k’I ny’añwọche lẹ chuu. === code 109 title ELI OJANE NAIJERIA *1 A jẹnyu wẹ, Naijeria, Ojanẹ-wa ki nyọ. Dagba k’ichi-wa ch’ojoji, Amọmaye a che; Awa ch’abo Naijeria A n’ọda ọla-wa *2 Agaliga-wa dago, Ki d’ọkpakpa ñẹña Amonẹ duu ki n’abum ọ, A f’ei lor ile; K’a d’agaliga-wa ki fẹ, Ñw amọma-wa k’a abi *3 ỌJỌ, Uwẹ ki ny’ẹwñ duu, gbọ ebi-wa k’a bi, Tẹko wa k’a ach abojanẹ Ki ma t’onẹ m’anẹ n, Uwẹ ki d’ẹnyọ kp’urẹdọ Ñw abo Naijeria du