code 1 title OUR WONDROUS STORY *1 Mẹ netir ọla k’a ka ñw umẹ; A jef abo ki lenyọ, tak Ẹnẹ’ka kw’efojale wa, I lekwu k’I jadu wa *ref Enẹ gba wa kwef ulenyọ? -Chai Ọm ỌJỌ ki lekwu lẹ Ẹwñ I che ta? -Ekwu I kwu Ugbo I dẹ? -I d’ojale I d’ugb ỌJỌ ach ologwu *2 Onuchẹ duu neke koji wa n Jisọs kate koji wa, Ọm ufẹdọ k’ỌJỌ du ch’ele Owñ kpai ỌJỌ ch’okate. *3 Mẹ n’ad ọla-i kpogo alo waa, I ad ẹdọ onẹ kwanẹ. I ach ologw ojale todu wa, Odu-wñ la kọ Kraist Jisọs *4 Uwẹ fa? Ẹ jẹ k’ẹ k’ẹdọ n’Oo? Ẹ j’ad oji kanẹ ñw Uu? ONDU Jisọs ali uwẹ eju, I ajadu wẹ eñini === code 2 title COME YE SINNERS *1 Mẹ lewa ab adure duu, Ẹbiẹ Jisọs agba mẹ. I f’omi k’u biẹnẹ tule jadu kwef adure-mi. *ref Omi ma, … li, u ma, … K’ẹbiẹ Jisọs agw adure rinyọ. *2 I ad ukpahiu ñw amẹnẹgbo, Ku ma ki d’ojima ñw U. I akp alugbẹ onẹ pioo, I ar odu da t’ọrọka. *3 Jisọs Kraist adẹ kpeny uwẹ Ẹf ajama duu k’ẹ li; I an ẹ m’ọọna k’ẹ m’ach okpo n, I ad ugbẹdọ ñw ẹ ẹgba duu. *4 I ad ide oji wẹ ilẹ-i, I ajadu wẹ gbegbelẹ. Ilẹ chaka dajugwu tẹ, Ẹnyọ Wñ duu ach ee-wẹ pioo. === code 3 title WHAT MUST I DO? *1 Abu na ache? Adunyuga lẹ kwa-i Abu k’ẹgahi f’uu mu; “Kẹdọ no Kraist”, ch’ohi ku Pọlu du, “Oñ ma af uwẹ jadu”. *ref M’ẹdọ… ko n’ONDU Jisọs Kraist, Oñ ma ajadu wẹ. *2 Ab uw ache? Uwẹ k’ẹ r’ail ukwu-i, Rida w’ugbo Jisọs fai; Owñ agb uwẹ, t’adure-wẹ nọ ñw ẹ, Owñ kate neke gb’uwẹ-i. *3 Ẹbiẹ-Wñ ki cha ch’ukibeno ku nẹ, ufẹdẹnyọ-Wñ m’umi gba! M’ufẹdọ-Wñ gba, k’ẹ wa k’ẹ li eju-Wñ, K’ẹ j’ujadu gbegbelẹ. === code 4 title JUST AS I AM *1 Ab omi dẹ, un’ohi duu n, Chai ẹbiẹ-Wẹ ki cha dafo; Uwẹ la dọ mi u’ugb-Wẹ Ọmal ỌJỌ, na awa, na awa. *2 Ab omi dẹ, na ahianẹ wa U neke jẹ ñw ẹdọ-mi fẹ n. Ẹbiẹ-Wẹ neke f’umi gwẹ Ọmal ỌJỌ, na awa, na awa. *3 Ab omi dẹ, arọkọibu ail aba mi, na ad ejiji; Ẹdọ-mi n’ak uja b’umi, Ọmal ỌJỌ, na awa, na awa. *4 Ab omi dẹ, k’u def ọbata, Uwẹ ki l’ejumomi mi. Ẹwñ ekwu duu la d’ugbo-Wẹ Ọmal ỌJỌ, na awa, na awa. *5 Ab omi dẹ Uw agba mi Uwẹ ch’Ẹnẹ ki ajadu mi Abu k’u k’ẹdọ n’ọla-Wẹ Ọmal Ọjọ, na awa, na awa. *6 Ab omi dẹ, ufẹdọ-Wẹ Gwuny umi ẹdọ tabale. K’u ch’ẹnẹ-Wẹ, ee-Wẹ kate Ọmal ỌJỌ, na awa, na awa. === code 5 title ONCE AGAIN THE GOSPEL MESSAGE *1 Ẹ f’ọla uchẹnyọ gbọ mẹ, Kw’ugbo Ẹnajadu fai; Ẹ jẹ udọ k’I ad uwẹ-i? K’ẹ rida k’ẹ ten ONDU? *ref Wa, k’ẹdọ no! Wa, k’ẹdọ no! Wugbo Jisọs k’ẹ deju. *2 Uwẹ f’ẹdu che gbanẹ mẹ, Iko eja bọ ree fai. Ọjọ ajọ mẹr eñwa mẹ, ẹ ki ñọ ch’ẹdu fai gẹ n. *3 Jisọs dago anede wẹ, Ẹ ki ch’iñelebu gẹ n. Abu k’Afu-Wñ akwut uwẹ-i T’ọla-wẹ nọ ñw ONDU fai. *4 Ẹ ki kp’ibe ẹnyọ bọjọ n, Ki n’ẹnẹ kate ki nyọ n, chai ẹdọ k’ẹ kon ONDU-wa Oñ afu-Wñ af ẹẹ hiukọ *5 M’unekwu-wẹ duu ko ñw ỌJỌ, K’ẹdọ n’ẹbiẹ Kraist ki cha; K’eju r’ONDU efojale, Ọla-Wñ arida ọpioo n. === code 6 title COME SINNERS BEHOLD *1 Amẹnadure, mẹ g’ẹwñ ki Kraist che, Mẹ go ọbata-mẹ k’I li; Ma d’Uu lọkọli, ma f’Uu kaba m’ọ, Ma t’Ọnọ k’I lekwu ọmọ. *ref Ma d’Uu lọkọli, ma d’Uu lọkọli, Ma f’Owñ kaba m’oli Ọmọ I lekwu, Onu-mi lekwu, K’I jadu amẹnadure. *2 I kw’ojale wa, ufẹdọ d’Uu wa, Ufẹdọ ẹgọ-Wñ dọmọ gẹ n, Mẹ go ONDU-mẹ oji oli lẹ I lekwu k’a kp’Owñ ki j’ọfẹ. *3 Ẹgba k’a ka lẹ, ee-onẹ ta mẹ Tak I li ejumomi wa, Lewa j’uja lẹ, f’ukwu du ọmọ. Mẹk’eli-Wñ amọma onẹ. *4 Ma f’Uu kam oli, I la tọnọ ñw uma. “Ata-Mi, tọnọ ñw uma”, I ka Ab uwa lẹ dẹ, k’I nẹ jadu mi Ukwu-mi k’I gba kwu ọmọ *5 Mak ab uw ache kpai Jisọs ONDU? Ẹ gba nn? Ẹ la kọ kẹdọ nOo? Omu ẹwñ ẹ ka ẹgba ọj ajọ, K’ẹ dago ọgb ede ọmọ? === code 7 title COME YE SINNERS *1 Amẹnadure lewa ke Amẹ kumẹ ch'ọbata Jisọs kate ch'Ẹnajadu, I ali ejumomi mẹ I n'ukpahiu, I n'ufẹdọ Mẹ gẹdọ n, lew ugb Owñ fai. *2 Mẹ lewa, ỌJỌ adọ mẹ. M'ele ufẹdẹnyọ-Wñ gba. M'ibe rida, m'ẹdọ ko n'O Tak ỌJỌ ad ẹnyọ ñw umẹ Edu ma adu, eta ma ta n, W'ugbo Jisọs, m'ele gba *3 M'ẹ fọkpanẹ tod ẹbiẹnẹ n, Tod ọla ku mẹ ma mu n I ch'ukpẹ k'ẹdọ-mẹ tene Em ọla ki bọjọ dẹ. I añw umẹ che, I añw umẹ che, Ukọlọ Af ỌJỌ dẹ *4 Goo Jisọs ẹgba k'I d'ilẹ Abu k'I la ch'ọbata. Taku ma m'u du kam oli, I lekwu tod adure. Ila kw'ukwa, - "I takpa mẹ" Ọla lẹ ki b'umẹ jọ *5 I ñọ kwanẹ kwef ukwu gẹ Tak I let ugbo Ata-Wñ L'ugb ẹbiẹ-Wñ. I mud Abuja Ọla duu la dọmọ gẹn M'ẹdọ ko no ONDU Jisọs, Owñ kate ajadu mẹ === code 8 title FATHER OF PEACE & GOD OF LOVE *1 Ata urẹdọ kp’ufẹdọ, Ajadu onẹ dẹ. Jisọs la kwanẹ kwef oji Lugbo ukpahiu-Wẹ *2 Lugbo ẹbiẹ oj oli lẹ Ẹ kp’alo etitọ. Abu ki Jisọs mudaji Alo lẹ lonyanẹ. *3 Afu ki f’uwa hiukọ lẹ I r’uwa ẹdọ da, K’a we chila ñọ chila gẹ, K’a dejut ọla-Wẹ. *4 Atene k’a ki mufu kpa, K’a hi mẹr Uwẹ waa; K’ẹwñ duu k’a ka kpai ẹwñ k’a che Ki r’Uwẹ eju kpa. === code 9 title THERE WERE NINETY AND NINE *1 Ẹlẹgwa ny’oke mẹla j’iga yẹẹ. Ẹwñ ñ’ache ma ọmọ? Ala ‘ka lenyọ oji uwo, I m’ọọna unyi gẹ n, I la jiji r’alakwu lẹ, I jiji r’Adidamala. *2 “Ala ẹlẹgwa ny’oke mẹla jọ-i ONDU, e-i b’Uwẹ jọ n?” Adidamala d’ohi kaki, “Ala-Mi’ka lenyọ-i Ọọna ki chaka biẹnẹ lẹ, Na agbẹr ala-Mi ny’egbili” *3 Abo k’I jadu ma aneke ma Unefu k’Owñ daba n, Abẹk alu k’anẹ lẹ chubi, K’I le n’aten ala-Wñ n. I gb’ukwa ala-Wñ egbili, Ọla-wñ ch’ẹkpa, I mẹr ekwu. *4 ONDU, ichẹgba k’a li, ee-ẹwñ dẹ? Gbogbo ny’oj uwo lẹ? “Ee-Mi ki cha tod ala-Mi dẹ K’U neke d’uu w’unyi” “ONDU ẹwñ ch’ọwọ-Wẹ agbe?” “Uwa k’U li odu lẹ che-I” *5 “Taku ef ọgọ uwo ọgọkpẹ Ugbo k’Ili uwa lẹ,” Ma gb’ọga lile k’I chi ọmọ, “Mẹ yọ! K’U f’uu li mẹ.” Amonuchẹ la mugba jẹ: “Mẹ yọ! K’ONDU fala-Wñ li mẹ” === code 10 title HAVE YOU BEEN TO JESUS? *1 Uwẹ ny’ugbo Jisọs k’I f’uwẹ gwẹ mẹẹ? Ma f’ẹẹ gwẹ ef ẹbiẹ Ọm ỌJỌ? Uwẹ m’ẹdọ ko no ufẹdẹnyọ-Wñ mẹẹ? Ma f’ẹẹ gwẹ ef ẹbiẹ Ọm ỌJỌ? *ref Ma f’ẹẹ gwẹ .. ef ẹbiẹẹ?... Ẹbiẹ Jisọs ki cha tod uwẹẹ? Ukpo-wẹ cheefẹ mẹẹ? I ch’efufu gbaa? Ma f’ẹẹ gwẹ ef ẹbiẹ Ọm ỌJỌ? *2 Uwẹ kp’ONDU kp’ẹrẹ ọjọ duu ki ñwaa? Ma f’ẹẹ gwẹ ef ẹbiẹ Ọm ỌJỌ? Uwẹ dachi n’ẹnẹ ki lọkọli lẹẹ? Ma f’ẹẹ gwẹ ef ẹbiẹ Ọm ỌJỌ? *3 ONDU Jisọs awa, ọla-wẹ cheemuu? Ma f’ẹẹ gwẹ ef ẹbiẹ Ọm ỌJỌ? Uwẹ n’ẹdọ k’uw any ugbo k’ỌJỌ dẹẹ? Ma f’ẹẹ gwẹ ef ẹbiẹ Ọm ỌJỌ? *4 M’ukpo k’ẹwñ iwa lẹ dam ọ ko rinyọ; Kwo tunyu ẹbiẹ Ọma ỌJỌ Ẹbiẹ lẹ dọmọ tod ẹnẹ duu ki jẹ; Kwo tunyu ẹbiẹ Ọmal ỌJỌ === code 11 title PASS ME NOT, O GRACIOUS SAVIOUR *1 Ẹ le gw’umi du n, Ajadu, Gb’ebi ku na abi-i Ẹgba k’Ẹ nar abomunẹ, Ẹ le gw’umi du n *ref Ẹnajadu, gb’ebi ku na abi-i Ẹgba k’Ẹ nar abomunẹ; Ẹ le gw’umi du n. *2 Ọgb ede ufẹdẹnyọ-Wẹ. Che k’u f’um̃i li U danyeku ef ẹdẹkpabiẹ, Tẹko ẹgbo-mi. *3 Uwẹ kate na ak ẹdọ n’O, Na aten eju-Wẹ F’ọga ee-afu-mi che kpa, K’Ẹ f’umi jadu. *4 Wẹ ch’ẹbi ugbẹdọ-mi duu; Ẹtim̃i le ñw umi. Wẹ ch’ukẹdọno-mi ilẹ-i T’efojale gẹ. === code 12 title WOULD YOU BE FREE *1 Ẹ ten er adu ẹbiẹnẹ-wẹ gwuu? Ukpahiu-wñ dọmọ ef ẹbiẹ lẹ. Ẹ tene ọọna k’ẹ ẹf Ebili duu? Ukpahiu ẹbiẹ lẹ bọjọ. *ref Ẹbiẹ Jisọs cheen ukpahiu duu todu k’Owñ ch’Ọmal ỌJỌ *2 Ẹ tene k’ẹ t’ẹñọ ẹwñ ilẹ nọọ? Ukpahiu-wñ dọmọ ef ẹbiẹ lẹ Go ab I cha oj oli todu wẹ Ukpahiu ẹbiẹ lẹ bọjọ. *3 Ẹ tene k’ẹdọ-wẹ ki dẹ hiooloo? Ukpahiu-wñ dọmọ ef ẹbiẹ lẹ. I neke f’ẹwñ bibi duu gwẹ rinyọ Ukpahiu ẹbiẹ lẹ bọjọ. *4 Ẹ ten ech ẹwñ ñwu Jisọs k’I ch’onuu? Ukpahiu-wñ dọmọ ef ẹbiẹ lẹ. Ẹ tene k’ẹ k’el ONDU, ọjọ duu? Ukpahiu ẹbiẹ lẹ bọjọ. === code 13 title BLESSED BE THE FOUNTAIN *1 Awa gbede ẹbi ẹbiẹ Ku ma bitẹ ñw amonẹ duu. Awa gbede Ọma ỌJỌ, Agbe-Wñ jẹ ñw ọga-wa takpa. U la b’Ọọ tẹ ny’ọnajiji, M’ọbata du ñw ẹdọ-mi Gwẹ mi ef ẹbiẹ Ọmala Tak omi afẹ t’isno le *ref K’u fẹ t’isno le K’ufẹ t’isno le Gwẹ mi ef ẹbiẹ Ọmala Tak omi afẹ t’isno le. *2 Ma d’ikẹb ikeke d’Oji, Ch’Oo ukata oj ol ukwu lẹ, Iwọ lẹ k’I li nana gbẹ; Ujad ọpioo k’I che ñw umi, Nẹ mi ny’ugbo ẹbi ẹbiẹ Ki cha tod adure-mi lẹ; F’umi gwẹ ef ẹbiẹ-Wñ ki cha Tak omi afẹ t’isno le. *3 Ata, u la b’Ẹẹ tẹ jiji, Ẹdọ-mi ala ọgbẹnugbẹ, Adure-mi ch’ẹkpa chuwaa, Omiñọ neke gwẹ k’I fẹ n, Jisọs na ara w’ugb ẹbiẹ-Wẹ, Ab u dachin ọla k’Ẹ ka. N’ọwọ ỌJỌ-Wẹ f’umi gwẹ, Tak omi afẹ t’isno le. === code 14 title WE LOVE TO SING OF THE LORD *1 Aw ayọ k’ele ONDU ki lekwu K’a d’ufẹdọ-Wñ lẹkpogo; Urẹdọ Kp’im̃i def ukwu k’I kwu lẹ, Ujadu la def Odu-Wñ *ref Ujadu! Ujadu! Tẹ ñw ẹnẹ duu Lef ẹbiẹ akoko ee-Ọm ỌJỌ, Ku ma kpa Kalfari lẹ. *2 Ọgba kp’unefu ufẹdẹnyọ-Wñ lẹ, Kp’ejumomi-Wñ jẹ ka kpa n. Ẹgba k’I kw’oj ede-Wñ gwọru nyef ukwu K’I gb’awa kw’uña ubiẹ. *3 Ma m’udu kp’adure-wa ko n’oji-Wñ, Uwẹdọ ỌJỌ b’Oo ma, Lef ẹbiẹ-Wñ akoko I f’unyẹdọ che, K’amufu tanẹ jalii. *4 I d’at atẹ ọw awọt ỌJỌ fai, Ab I f’efọjegwu du-i I t’ukọ ñw uwa k’a j’uchẹ r’abo duu, K’ukpahi ujadu-Wñ gbẹgbẹ. === code 15 title A CERTAIN MAN OF WHOM WE READ *1 A gb’inabali ẹnẹ’ka ki deju igbele; I chaka n’ẹwñ, ekwu akwu k’I n’ẹwñ t’anana le. *ref Ii! Onukwu, I n’ẹwñ tule, I nẹwñ tanana le; Ema k’adure-wẹ takpa la nana t’ẹwñ duu le *2 Ọjọ’ka, iko k’a ka lẹ, ama ka ñw ọdi lẹ Ki Jisọs che ki n’ẹwñ lale ki t’ẹwñ anana le. *3 Zakiọs, ẹnẹ ki ma gba n, I tene k’I ny’ago Oo; I hika tẹgwu ny’oj oli todu k’I f’eju-wñ d’O *4 Jisọs kwodag of oli lẹ, I ka ñw u kakini, “Goo, Zakiọs, ẹ ki gwọru wa, k’ẹ gbẹwñ ki t’ọkọ le”. *5 Imugbagbọ tak eju-wñ li, ma k’ukpẹreji-wñ ta n Ugbo k’ufẹdọ kp’uyọ dẹ onẹ t’anana le. === code 16 title O SINNER COME *1 Ẹnadure, wa, k’ONDU ad ẹ, Ẹnẹ ki awa, I af uu ñọru; I kwu, I la m’adure ko. O, lewa ke, ẹ ch’ẹdu gẹ n. *ref Jisọs kwu koji mi, K’I r’ọmẹ adure, Jisọs kwu koji mi, I la f’ọmẹ ra kpa. O, O, ẹ ki lew ugb Owñ, O, O, ẹ n’awa faifai *2 Ẹnẹ duu ki n’aneti fai R’Ọla ỌJỌ, ujẹwñ im̃i. I atene k’I bi ẹ etitọ, K’ẹ mud ọma-Wñ ogbegbelẹ. *3 W’ugbo ONDU, I afẹdọ wẹ, Ẹki n’awa alu k’ẹ dẹ I ak ẹẹ tinyọ n, I agb ẹẹ m’ẹdọ todulẹ ẹ ki wa piọpiọ *4 Ẹwñ chi k’ẹ ma wa n? ichewñ k’ẹ wa I ajadu wẹ, lef ukwu-Wñ lẹ. ẹnadure, m’ibe rida K’ẹw’ugbo-Wñ fai, k’I jadu wẹ. === code 17 title TELL ME THE OLD, OLD STORY *1 Ẹ k’ọla ẹwñ ojale k’eju ma li n ñw umi; Ẹwñ Jisọs kpai ojima-Wñ kp’ẹwñ ufẹdọ Jisọs. K’ọla lẹ ñw umi ok oke dabẹnẹ k’imọtọ, Todu uhia ahia mi, todu u ch’ẹnubiẹ. *ref K’ọla Uchẹnyọ lẹ ñw umi; K’ọla ufẹdọ Jisọs Ki ch’Uchẹnyọ lẹ ñw umi. *2 Ẹk’ọla lẹ ñw umi yẹyẹ ki tuny ẹdọ-mi; Owñ ch’ọla Ẹnajadu ki f’umi latanẹ. K’ọla lẹ ọgbẹnugbẹ, omi gbege gbenyọ n- Eli ki chi inajọ atakpa ọrọka. *3 Ẹ k’ọla kpakaa lẹ ñw umi, omu-wẹ ki ch’iya n. Omi, k’u ch’ẹnadure ku Jisọs wa k’Igba; K’ọla lẹ ñw umi ẹgba duu, ichẹwñ k’uwẹ tene K’I ch’uwẹ ny’umi ẹdọ ef ẹdọdudu-mi. *4 Ẹk’ọla lẹ ñw umi kpọ gẹ, ẹgba k’I dabẹnẹ K’ẹwñ ibẹtẹ ilẹ-I chanẹ em umi ẹdọ. Tak ẹgba k’ẹwñ ojale munẹ r’umi eju, K’ọla uchẹnyọ lẹ ñw umi, kaki, Jisọs m’ẹ fu. === code 18 title DOWN AT THE CROSS *1 Ẹr oli ugbo k’Ajadu-mi kwu, Ọmọ ma gw’adure-mi rinyọ; Ọmọ ẹbiẹ-Wñ tafi umi ẹdọ, D’ojima ñw odu-Wñ. *ref D’ojima ñw odu-Wñ Ọmọ ẹbiẹ-Wñ tafi umi ẹdọ, D’ojima ñw odu-Wñ *2 Na ayọ k’I gba mi b’adure-mi tẹ, Jisọs gwugwu ẹf ẹdọ-mi fai, Ugb oli lẹ oñ I gba mi nyi-i D’ojima ñw odu-Wñ. *3 Ẹbi ẹbiẹ ki agw adure kwo, K’u kwo tuny u oñ na ayọ abẹi, Ọmọ Jisọs agba mi, jẹ ñw umi fẹ, D’ojima ñw odu-Wñ *4 W’ugbo ẹbi ẹbiẹ akoko lẹ, Wa b’anẹ ma ẹrẹ ONDU-wa Kwo tuny ẹbiẹ lẹ fai k’ẹ mufu, D’ojima ñw odu-Wñ === code 19 title WHERE WILL YOU SPEND ETERNITY *1 Ugbo w’adẹ ogbegbelẹ? Ch’ene ku ma at uwẹ kp’omi, Ka ñw umi ẹwñ ch’ohi-wẹ taa? Ugbo w’adẹ ogbegbelẹ? *ref Ogbegbelẹ! Ogbegbelẹ! Ugbo w’adẹ ogbegbelẹ? *2 Amonẹ wewe j’arida W’ab ONDU b’adure-ma tẹ, M’aj ojan ỌJỌ ẹwñ ogwu; Ugbo w’adẹ ogbegbelẹ? *ref Ogbegbelẹ! Ogbegbelẹ! Ugbo w’adẹ ogbegbelẹ? *3 M’akọ et ọọna fili lẹ, Jọ al ọọna ki n’abẹ fai; Ukpoji-ma ch’ẹdọdudu Ma alenyọ ogbegbelẹ. *ref Ogbegbelẹ! Ogbegbelẹ! Ma alenyọ ogbegbelẹ *4 Rida k’ẹ k’ẹdọ n’O fai, Ufẹdẹnyọ-Wñ cheeb uwẹ jọ Tak ohi uyọ k’ẹ ẹdu ache M’ajadu mi ogbegbelẹ. *ref Ogbegbelẹ! Ogbegbelẹ M’ajadu mi ogbegbelẹ. === code 20 title THE WHOLE WORLD WAS LOST *1 Ọgbọ ilẹ duu lenyọ ef ẹchubi; Uganẹ ilẹ che Jisọs Ojima-Wñ dufu dab olu ọrọka Uganẹ ilẹ che Jisọs. *ref W’ugb uganẹ, tod uwẹ I che. Uganẹ lẹ m’umi eju nẹ; Uch’afeju, fai tak u ganẹ; Uganẹ ilẹ che Jisọs *2 A n’ẹchubi duu efu Jisọs ONDU n, Uganẹ ilẹ che Jisọs. A lef uganẹ ẹgba k’a t’Owñ ubi Uganẹ ilẹ che Jisọs. *3 Ab ẹchubi k’adure b’eju-mẹ ma, Uganẹ ilẹ che Jisọs. Lo, f’eju-mẹ gwẹ ku mẹ wa kp’uganẹ, Uganẹ ilẹ che Jisọs. *4 Ekwu olu akwu wa ojale n, Uganẹ ilẹ che Jisọs. Ọmala ỌJỌ ñọ ch’ẹmu ewo ọmọ, Uganẹ ilẹ che Jisọs === code 21 title WHEN I HAVE SORROW IN MY HEART *1 Ẹgba k’ẹdọ-mi mukpabiẹ, ab i akwo b’umi tẹ? Jisọs kate neke k’ọbata kwo b’ef ẹdọ tẹ. *2 Ẹgba k’ailo f’umi mu, Ab i akwo b’umi tẹ? Jisọs kate neke k’ailo lẹ Kwo b’ef ẹdọ tẹ. *3 Ẹgba k’ẹbiẹnẹ d’ẹdọ-mi, ab i akwo b’umi tẹ? Jisọs kate neke k’ẹbiẹnẹ kwo b’ef ẹdọ tẹ. *4 Ẹgba ki Jisọs d’ẹdọ-mi, Ab i akwo b’umi tẹ? Ichẹwñ ku Jisọs d’ẹdọ-mi, I ad ọmọ ogbegbelẹ. === code 22 title COME EVERY SOUL *1 Ẹnẹ duu k’adure t’ọọ ma, Ki n’aw ugbo ONDU. Tak Owñ adu umi ñw uwẹ, Ọla-Wñ k’ẹ k’ẹdọ no. *ref M’ẹdọ ko n’O, m’ẹdọ kon’O, M’ẹdọ ko n’O fai. I ajad onẹ, I ajad onẹ, I ajad onẹ fai. *2 Jisọs d’ẹbiẹ-Wñ lẹ dajanẹ K’I d’ẹnyọ nana ñw ẹ. M’ọlawẹ du tuny ẹbiẹ-Wñ lẹ Ki agw ẹwñ fẹ t’isno le. *3 Jisọs ch’Ochochi kpai Ọọna Ki an uwẹ ny’ef um̃i; Ẹ ki ch’ẹdu n, m’ẹdọ ko n’O, K’ẹ gb’eny ogbegbelẹ. *4 Wa, k’ẹ tef abo kiafọ-i, K’a ny’an ojima lẹ; A agwugw ojan efojale, Uyọ ọmọ gbẹgbẹ. === code 23 title ROCK OF AGES *1 Okwuta ogbegbelẹ, Jẹ ñw-umi maja ef Uwẹ. Jẹ k’ẹbiẹ-Wẹ ki cha lẹ Ki gw’adure-mi rinyọ, K’u jale, k’adure lẹ Ki we en ọda ugbo mi *2 I ch’ukọlọ k’omi che K’I b’ọlọda ee-Wẹ jọ n Alu duu k’u chaka che, K’u r’akwu ogbegbelẹ, Ee-lẹ ar ọm adure-mi n; Wẹ kate ajadu mi. *3 Omi t’ọwọ ofo wa; Oli-Wẹ ch’ugwọnyu-mi D’ukpo ñw umi, u tagofo; Tẹko mi, u n’ukpahiu n; Ẹdọ-mi ch’iwa nana- Ẹ ma gwẹ n, omi akwu. *4 Ẹgba ku na at im̃i nọọ, Ẹgba k’omi tene ekwu, Ẹgba k’omi ny’ugbo-Wẹ, K’u f’Ẹẹ li oj ede-Wẹ, Okwuta ogbegbelẹ, Jẹ ñw umi maja ef Uwẹ. === code 24 title WONDERFUL STORY OF LOVE *1 Ọl ufẹdọ ki ch’awuwu, Dabi ka k’u gbọ gẹ, Ọl ufẹdọ ki ch’awuwu, Ma ak eli-wñ gbegbelẹ. Amonuchẹ j’uchẹ-wñ kp’uyọ, Aye-wñ f’amadidala mu. Ẹnadure, ẹ jẹ k’ẹ gba nn? Ọl ufẹdọ awuwu. *ref Awuwu, awuwu, ọl awuwu! Ọl ufẹdọ awuwu. *2 Ọl ufẹdọ ki ch’awuwu. Dagba k’ẹ jiji r’u, Ọl ufẹdọ ki ch’awuwu, Tẹtẹ n’ad udọ pioo. I ad onẹ udọ t’eñini, I ad udọ kw’uwo Kalfari Ugbo k’om im̃i abi lẹ, Ọl ufẹdọ awuwu *3 Ọl ufẹdọ ki ch’awuwu. Jisọs m’um̃i du wa, Ọl ufẹdọ ki ch’awuwu, Tod ẹnẹ duu ki jẹ. Um̃i ef unyi Ata-wa, Ugbo k’ab ONDU d’ọgba nyi, A ak eli ugwogwuyọ lẹ, Ọl ufẹdọ awuwu === code 25 title DEPTH OF MERCY *1 Ejumomi dọmọ gẹẹ? Ejumomi todu mi? ỌJỌ neke we wẹdọọ? I at ẹnadure-i nọọ? *2 Omi kob ufẹdẹnyọ-Wñ, U tẹt any Owñ uwẹdọ. U la netiru udọ-Wñ n; U tẹt akp Ọọ ẹdọ biẹ. *3 Ufẹdọ ki dafo-i Ẹwñ ch’oji-wñ ta, ONDU-mi? Goo, eju ONDU Jisọs- Ọmọ tak ẹ li oji-wñ. *4 Ẹnajadu-mi dago Ad agbe ọwọ-Wñ ñ’ỌJỌ. ỌJỌ, Uwẹ ch’ufẹdọ, Ọma-Wẹ la koji mi. *5 ONDU m’ohi-wñ du ñw umi mẹ, Odu ỌJỌ k’ufẹdọ; Uw Agbenyọ adure Jẹ ñw umi d’alu k’ẹrẹ-Wẹ === code 26 title NOR SILVER NOR GOLD *1 Ọkọ ọjamalia duu la mi tanẹ n. Ẹwñ ilẹ duu ki ma gba mi dọmọ gẹ n. Ẹbiẹ Jisọs Kraist ch’ugwọnyu-mi gbegbelẹ; Ukwu Ẹnajadu lẹ jẹ ñw umi mufu *ref I m’umi gba, I muda ch’ọkọ n, I fumi la, I ch’ajjifa n. Urọmẹ-mi ch’ẹbiẹ ONDU Jisọs; Alaja-mi, ufẹdọ-Wñ ra. *2 Ọkọ ọjamalia duu la mi tanẹ n, Ẹwñ k’omi che, ẹdọ wọ mi tabale. Ẹbiẹ Jisọs Kraist ch’ugwọnyu-mi gbegbelẹ; Ukwu Ẹnajadu kate mumi gba. *3 Ọkọ ọjamalia duu la mi tanẹ n, Ọlọda lẹ jẹ ñw umi gbẹdọ tẹmẹr U n. Ẹbiẹ Jisọs Kraist ch’ugwọnyu-mi gbegbelẹ Ukwu Ẹnajadu m’ailo-mi lẹ ko. *4 Ọkọ ọjamalia duu la mi tanẹ n. Ma neke l’ọọna t’unyi ỌJỌ abẹi n. Ẹbiẹ Jisọs Kraist ch’ugwọnyu-mi gbegbelẹ. Ukwu Ẹnajadu f’umi la tanẹ. === code 27 title THERE IS A FOUNTAIN *1 Ẹbiẹ akoko ki cha dọmọ, I kw’ọl Imaniuẹl. Adure ẹnẹ ki kad o Akwo ogbegbelẹ. *ref Haleluya ñw Ọmala Ki lekwu oj oli lẹ Haleluya! Haleluya! Haleluya, Ami! *2 Adinya li oñ ẹdọ-wñ bọ, Owñ ch’ẹbiẹ ONDU lẹ. Ọmọ omi, k’u d’ỌJỌ re, Agw adure rinyọ. *3 Ọmal ỌJỌ, Ọda ẹbiẹ-Wñ Adabu gbegbelẹ n- Gboogbo tak abo ONDU duu Ki mufu ojale. *4 Oñ Akwẹgba k’omi f’ẹbiẹ Ki cha kwef agbe-Wñ li El ufẹdẹnyọ u t’akọ; Oñ na akọ gbegbelẹ. === code 28 title WEEPING WILL NOT SAVE ME *1 Er akwu agba mi n. U chaka r’akwu nana, I agw adure-mi rinyọ n; Ọj ajọ na ar ailo ta- Akwu neke gba mi n. *ref Jisọs lekwu oj oli; Jisọs lekwu koji mi; I deju k’I m’umi fu; Owñ kate agba mi. *2 Ukọlọ agba mi n. Ẹwñ ẹnyọ duu k’omi ache; Aye duu ki d’ẹdọ mi Ad im̃i titọ ñw omi n. Ukọlọ agba min. *3 Aduwa agba mi n. Aduwa duu k’omi ache Ineke jẹ ñw umi j’ale n; I la ar ọm ẹbiẹnẹ-mi n. Aduwa agba mi n. *4 Ichẹbọ agba mi n. Ode neke jadu onẹ n Ewo kp’aikọ b’umi jọ n. Ọm adure-mi ch’ukwu. Ichẹbọ agba mi n *5 Jisọs Christ agba mi. Ọm ỌJỌ na ak ẹdọ no; Ukọlọ-Wñ ab umijọ. Jẹ k’omi ra t’ugb Owñ fai- Jisọs Kraist agba mi. === code 29 title THEY NAILED MY LORD *1 Ma f’ONDU-mi kaba m’oli, Ma t’Ọ nọ k’I lekwu. Ufẹdọ jẹ ñw U t’uma ọwọ- Ufẹdọ lẹ jẹ ka n. *ref Ka m’oli! Ka m’oli! Abu ku ma ka dẹ. Ọwọ-Wñ kp’ẹrẹ-Wñ meji gwudu Todu omi. *2 Ikẹbẹ ikeke d’oji-Wñ, I m’anyọ-mi duu gba. I r’odu b’ỌJỌ tod umi- I lekwu koji mi *3 I kak Ata-Mi, tọnọ ñw uma Taki f’oji-Wñ dalọ. Ọmal ỌJỌ, Ajadu-mi, Ẹbiẹ-Wñ cha dufu kpa. *4 Ugb’omu-Wñ, u li ufẹdọ-Wñ, Na ad oji kanẹ ñw U Ọmọ oj oli Kalfari I f’ọmẹ-mi ra kpa. === code 30 title LISTEN TO THE GOSPEL *1 Neti k’ẹ gb’ọla uchẹnyọ, Ọm ỌJỌ lekwu tod uwẹ; M’ẹdọ kon O abajọ-i K’ẹ n’im̃i ogbegbelẹ. *2 Ẹwñ chi k’ẹ ma k’ẹdọ n’ỌJỌ n, Ọla-i ch’utodu uwẹ duu. Ẹki kọ egb ọla lẹ gbọ n. Urọm adure ch’ukwu. *3 Ajọ ỌJỌ cheekpuna gbẹ, ỌJỌ j’agb ọkọ obi duu n. Ẹwñ adure k’onẹ ache, Owñ an alu-wñ ka ñw ỌJỌ. *4 Todulẹ ẹki f’ọkpanẹ n, Ẹ m’akw odudu ny’ol anẹ n. Uwẹ n’ọda ọjọ ọna n M’ibẹ-wẹ rida fai ke. *5 Jisọs ch’ọọna kpai ochochi, I ñọ ch’im̃i ogbegbelẹ: Owñ lẹ ñọ ch’udajikwanẹ: Ẹ ki k’ẹdọ n’ONDU fai === code 31 title LISTEN TO THE VOICE OF JESUS *1 Netir ọla ONDU Jisọs, I arinyọ, I arinyọ; Ab abimọtọ wa j’ẹrẹ-Wñ L’Oo daka, l’Oo daka; Ab egini t’an oj ẹrẹ-Wñ am̃i foo, am̃i foo; Abogijo-ma dago jọ K’I d’ẹnyọ ñw uma duu. *2 Ab amiye ki nẹ ma wa Gbọ abu k’oñ aka, I n’iko tod abimọtọ n, Mẹ n’alo, mẹ n’alo. Ẹdọkpabiẹ-ma murida Muduyọ, mud uyọ; Owñ k’ọwọ no ma, dẹnyọ ñw uma, Chakaa duu, chakaa duu. *3 I ka ñw amakọchẹ-Wñ kaki, “Ee-Mi jọ-i, ee-Mi jọ-i Ojanẹ ee-ỌJỌ Ata Ch’ee-abo-i, ch’ee-abo-i Mẹki la nọma kw’ugbo-Min, Jẹ ñw uma wa, jẹ ñw uma wa. Abimọtọ abẹi neke Fẹdọ Mi, fẹdọ Mi”. *4 I afẹdọ abimọtọ kpọ, ‘Wẹ kp’omi, ‘wẹ kp’omi. I atene k’awa ki fẹd Owñ, Ogboolo, ogboolo Awa ki n’ẹdọ kp’omu ka, Ef uyọ, ef uyọ, Omi ch’ee-Wẹ, ONDU Jisọs, gbegbelẹ, gbegbelẹ === code 32 title JESUS CAME INTO THIS WORLD *1 Jisọs gwudu wef ilẹ-i Afej abo ki lenyọ. Ama ch’abo k’ỌJỌ Ata nyi Tef ojibo ọla-Wñ lẹ. *ref Ela k’awa chila Jẹñw ẹd ỌJỌ kpabiẹ; I f’Ọma-Wñ kpẹ wa k’I bi w’etitọ. Mẹ m’ọl Ọma-Wñ gbagbọ. *2 I ka ñw abo ki lenyọ lẹ, “Mẹ mudabi w’ugbo-Mi. Chakaa-mẹ ku mẹ al ọbata, Mẹ lea ku Na ad um̃i ñw umẹ” *3 Jisọs kaki, “Omi ch’Ọọna, U ch’Ochochi kpai im̃i” Ẹnẹ duu ki ma lefUmi wa n Aneke w’ugb Ata-Mi n” *4 U tẹt achila mi t’ale, Tak ONDU d’umi udọ. Owñ lẹ la n’ad udọ t’eñini, Lewa k’a t’Ọ ubi fai === code 33 title I HAVE FOUND A FRIEND *1 Onukwu k’u nẹ che Jisọs, Owñ lẹ ch’ẹwñ duu ñw omi, I ach umi utọ t’ẹwñ duu ki dilẹ-I le. Na ali ilili ọgọ lẹ ef ONDU kate fai, Owñ lẹ gwẹ mi k’u fẹ, k’u ñọ mufu kpa Owñ lẹ any mi ẹdọ ef ọbata mi duu, I kak u m’ẹwñ ki awọ mi duu li n’Owñ *ref Owñ ch’ilili ee-ọgọ lẹ, Awina ki afanẹ Owñ lẹ ch’utọ t’ẹwñ duu le ñw onugo-mi *2 I m’ẹdọdudu-mi duu ko, M’iwọ-mi duu gbanẹ, Owñ lẹ ch’ukpahiu-mi ef ajama duu, I t'adure-mi chakaa nọ, omi añwul Owñ fai, Todu I an ukpahiu-Wñ chakaa d’ide mi, Dagba k’ilẹ-i t’umi nọ, k’ebili j’umi ma, Lefu Jisọs na at anẹ uny chuu *3 Owñ at umi nọ gbegbelẹ n, I la ñ’akwob umi tẹ n, Abu na adeju ñw Owñ lef ẹdekono, Owñ ch’akwu-mi ki gbiti lẹ, na ar ail ẹwñ duu fai gẹ n. I la an ọla-Wñ r’onugo-mi ko pioo I anẹ mi nyef ojima k’u li ẹny eju-Wñ, Ugbo k’ohimini ubẹdọ acha. === code 34 title JESUS IS STANDING IN PILATE’S HALL *1 Jisọs dago ef unyi Pailat; Amonẹ tene Owñ n, ẹnẹ duu k’Ọọ Neti, ẹwñ ch’oji udọ ku ma dọ? “Ẹwñ uwẹ ache kpai Jisọs? *ref Ẹwñ uwẹ ache kpai Jisọs? Ohi-wñ I anede fai. Ọjọ ‘ka ẹdọ-wẹ atene, “Ẹwñ I ache kpai omi?” *2 Jisọs dago atene ta, ẹ nekwu ẹ neke k’Ọọ ru gẹ. Ẹ neke ch’ubi Owñ alu duu ki dẹ. “Ẹwñ uwẹ ach kpai Jisọs”? *3 Ọwọ wẹ dọ n? Pailat ñọ k’abẹi Abẹk ẹ gba k’I chajadu-wẹ? I n’ugbo k’ẹ maja b’eju-Wñ tẹ n. “Ẹwñ uwẹ ache kpai jisọs”? *4 Ẹ r’airẹ-Wñ alu ki Pita chee? Abẹk ẹ kọ k’ẹ ra b’Ọọ tẹ? dagba ma kp’uwẹ, ẹ ẹn ẹdọ taa? “Ẹwñ uwẹ ache kpai Jisọs”? *5 “Jisọs, um’ẹdọ-mi du ñwẸ mẹ. Jisọs na at Ẹ ubi ny’anẹ gẹ. Na agb ọla-Wẹ gbọ kpai ẹdọ ẹbọ, Ẹwñ k’u na ache kp’Uwẹ dẹ”. === code 35 title JESUS WAS STANDING *1 Jisọs dago al ura lẹ, I a r’akwu, I la n’ukpahiu gbẹ; Mẹ m’okwuta lẹ du b’alu ura tẹ Tak Owñ ad ukpahiu-Wñ ñẹña. *ref Ma m’okwuta lẹ du. ONDU dago ọmọ. I f’onẹ dọ k’I kwef ura ki chubi lẹ. Ẹm’okwuta lẹ du, Owñ d’emi eñini-i I anede wẹ k’I d’ukpahiu-Wñ ch’ujadu-wẹ. *2 Jisọs ak ọla ñw ẹ ef eli-i; I atene kak ẹwñ chi k’ẹ ẹch ẹdu? Amonẹ dach ef uñwananẹ Jisọs lekwu tod uma. *3 Jisọs dago alu ẹdọ-wẹ; I ad ọwọ k’ọọna k’I gwudu wa Kwanẹ ẹnadure, m’ọọna lẹ bi, Kraist n’ukpahiu k’I jadu wẹ. === code 36 title JESUS CALLS US *1 Jisọs d’atẹ ñw ekwukwu-i I adọ wa k’a gb’omu-Wñ gbọ Ọjọ duu I adọ wa kaki Ẹnọlọjọ tẹwa fai” *2 Amakọchẹ-Wñ gbọ igbele Et omi Galili lẹ; Rida b’unyi kp’amefu tẹ, T’ẹwñ duu nọ kwot Ọ ubi. *3 Kraist adọ wa k’a ki dabi K’aki we ekp ẹdọru Ẹwñ ilẹ ki ch’ẹwñ ọwai-i I kakini, “Fẹdọ Mi” *4 Iko uyọ kp’ẹdọdudu Kpai iko k’a ch’akanya, Iko ki nyọ, iko biẹnẹ, “Fẹdọ Mi t’ẹwñ ilẹ-I le” *5 Kraist adọ wa; ONDU Jisọs Che k’a gba udọ-Wẹ gbọ D’ẹdọ ñw a k’a gb’ọla-Wẹ gbọ K’a ki r’Uwẹ ọjọ duu === code 37 title JESUS IS TENDERLY CALLING *1 Jisọs adọ wẹ, I adọ wẹ w’unyi I adọ wẹ fai, I adọ wẹ fai Ẹwñ chi k’ẹ ra b’ufẹdẹnyọ-Wñ lẹ tẹ? K’ẹ ra t’ọna jiji lẹ? Ref I adọ wẹ fai, neti k’ẹ gbọ! jisọs adọ wẹ, I adọ wẹ eñini yẹyẹ. *2 Jisọs ad abo k’uhia f’uma hia, I adọ ma fai, I adọ ma fai. M’adu-wẹ ko ñw U tak uwẹ an um̃i; Owñ akọ egb adu-wẹ n. *3 Jisọs anede wẹ k’ẹ w’ugb Owñ fai; I anede wẹ, I anede wẹ. Dọla-wẹ wa k’ẹ f’eju b’anẹ ma ñw U Uwẹ ki ñọ ch’ẹdu gẹ n *4 Jisọs agb ọkọ b’ẹ, gb’omu-Wñ ki nyọ, Netir U fai, netir U fai. Abo ki k’ẹdọ n’odu-Wñ agbede, Kwanẹ piopio k’ẹ lewa. === code 38 title SOFTLY AND TENDERLY *1 Jisọs ad udọ ejumomi fai ta, I ad uwẹ udọ kp’omi. Goo, I dago, eju-Wñ cheefẹr ej ọọna; Uwẹ I anede kp’omi. *ref Lewa, lewa. Uwẹ, k’ẹ li uwa, le’a. I adọ wẹ kpakaa, I adọ wẹ ochochi I ad ẹ, ẹnadure, wa *2 Ẹwñ chi k’ẹ ch’ẹdu? Jisọs at ẹ ene. I atene uwẹ kp’omi Ẹwñ chi k’ẹ kpọkpẹ, k’ẹ ma netir ọla-Wñ n? Ọla-Wñ k’I ka ñw ẹ kp’omi. *3 Iko alo mẹ, olu mukparoji, Iko ee-wẹ kpai ee-mi. Olu tuny anẹ, ukwu kp’eju r’uwa I kp’eju r’uwẹ kp’omi. *4 Efẹdọ k’Owñ fẹdọ wẹ lẹ, igbẹgbẹ; I afẹdọ wẹ kpai omi. Dagba ẹ dure, I ad ee-lẹ ch’ẹẹ ele Uwẹ kp’omi ki gbagbọ. === code 39 title JESUS, MY LORD, TO THEE I CRY *1 Jisọs ONDU, na ar odu b’Ẹ, Ẹ ma gbami n, omi akwu. Che k’omi gb’ọla ujadu-Wẹ; Gba mi ab omi dẹ. *ref Gba mi ab omi dẹ Uwẹ lekwu k’Ẹ jadu mi. Gba mi abomi dẹ. *2 U n’ukpahiu n u f’abi jẹ; Ẹbiẹ-Wẹ lẹ jẹ ñw umi j’ale; Ẹ r’umi da k’u r’Ẹẹ eju, Gbami abomi dẹ. *3 Omi neke ñw’ọla-mi che n. Ẹdọ-mi tene, uneke n Ẹjadu mi tod odu-Wẹ. Gbami abomi dẹ. *4 Jisọs na awanẹ ẹrẹ-Wẹ, ẹ che mi alu k’Ẹ nekwu. F’ukọlọ-Wẹ che ki kpoji Gba mi abomi dẹ. === code 40 title JESUS, I AM COMING HOME *1 Jisọs omi aw unyi eñini. Uli kak uyọ def uwẹ kate. na arida b’ọọna adure tẹ, fai omi awunyi *ref Jisọs, omi awunyi eñini K’u we ela b’Uwẹ tẹ ọpioo. ONDU, u m’ọla ukatanẹ-Wẹ gba, Oñ na awunyi-i *2 Ẹdọ-mi chila ọdọ wewe, Na aribeda dabi w’ugbo-Wẹ fai Jisọs, m’ọọna im̃i bi ñwumi, Fai omi awunyi *3 Añwahia adure che mi gbẹ, Uwa kp’ẹdọdudu kate u ma, Ufẹdẹnyọ-Wẹ ch’ujadu-mi, fai omi awunyi *4 na ak ẹdọ n’ọla k’Ẹ katanẹ, Omi n’ọkpakpa duu k’u dọ k’ee-mi n, Na ach ubiy ẹbiẹ Jisọs kate Fai omi awunyi *5 Ukwu k’ONDU Jisọs kwu kate, Bọjọ k’I r’ọmẹ adure-mi duu, Ẹbiẹ-Wñ ñ’agwẹ mi b’uji duu tẹ, Fai omi awunyi === code 41 title OH TELL ME MORE *1 Ka ñwumi ọla ee-Kraist ONDU-mi, Ojọla lẹ ka ñwumi ọgbẹẹ; Ufẹdẹnyọ-Wñ, eju k’I li mi Ọla-Wñ rinyọ, ka ñwumi ọgbẹẹ. *ref Ẹ ka ñwumi ta, ekwu-wñ akwu. Alu k’I dẹ, ẹ ka ñwumi ta. Ẹk’ọla-Wñ ñwumi gbogbo tak u feju-Wñ li foo. Ẹ k’ọla-Wñ ñwumi *2 Ka ñwumi ọla ufẹdọ ỌJỌ; Ojọla lẹ any mi ẹdọ Jisọs lekwu, akoji mi dẹ, Ele-Wñ na aka ọgbẹnugbẹ *3 Ka ñwumi waa, k’ef ẹdọdudu, K’u gb’omu-Wñ kak urẹdo dẹ, Ubi ẹchubi-i, ọjọ añwa chuu. Ñwabo ku ma k’ẹdọ n’ONDU. *4 Ka ñwumi waa, k’omi ki gba jẹ, Uchẹnyọ lẹ anuyọ wa, ONDU lewa kp’oj ukọlọ-Wẹ, K’awa ki k’ele-Wẹ ọpioo === code 42 title SINNERS JESUS WILL RECEIVE *1 Jisọs agbẹnadure, mẹ ki d’ọla lẹ kpogo Ẹnẹ ki d’ọọna tinyọ, ONDU Jisọs adudọ. *ref K’eli lẹ… Mẹ kọ ñọ kọ… Kraist agba… mẹnadure… Uchẹ lẹ… ki nẹreju… Kraist agb amẹnadure, *2 Wa, k’I du um̃i ñw uwẹ. Ẹ ki m’ẹdọ-wẹ kon O. Alu duu k’ẹ t’adure. ONDU Jisọs agbuwẹ. *3 Ẹdọ-mi kp’umi abi n Ọlọda l’umi oji. Owñ ki gwẹ mi hioolo lẹ, M’oli du t’ọda alu. *4 Jisọs agbẹnadure; Owñ ch’omi efiwa-mi; I f’umi gwẹ b’ee-lẹ tẹ. Omi kp’owñ anyojale. === code 43 title CHRIST OUR REDEEMER DIED *1 Kraist Ẹnajadu kwu ojoli; Rọm ẹnadure lefukwu-Wñ lẹ. T’ẹbiẹ Ọmala lẹ li ọla-wẹ taku na at aloji-wẹ atẹ *ref Ẹgba k’U l’ẹbiẹ lẹ, Omi ale, Omi ataloji-Wẹ *2 Jisọs ajadu ẹnadure Ọla duu k’I ka, ee-lẹ I ache, Jẹ k’I f’uwẹ gwẹ b’adure tẹ; Taku Na ataloji-wẹ atẹ *3 Ajọ ki awa lẹ ch’ee-ẹnẹ duu Ẹnẹ duu agba t’ej ee-k’I che. Kwo maja ef Ẹnajadu lẹ; Taku Na ataloji wẹ atẹ *4 Ejumomi-Wñ gbẹ, ufẹdọ-Wñ gbẹ, Ufẹdẹnyọ-Wñ lẹ la ch’ochochi Urẹdọ kp’im̃i defẹbiẹ lẹ; Taku Na ataloji-wẹ atẹ === code 44 title O! WHAT A SAVIOUR THAT HE DIED *1 Goo Ẹnajadu kikwu todumi. Ọla k’u fẹ chakaa Owñ f’udu-wñ chi. Ẹnẹ duu ki akẹdọn’ ỌmỌJỌ, owñ lẹ M’im̃i etitọ gba mẹ. *2 Ochochi, ochochi ọla Jisọs dẹ; Ochochi, ochochi ỌJỌ kakini; Ẹnẹ duu ki akẹdọn’ ỌmỌJỌ, owñ lẹ M’im̃i etitọ gba mẹ. *3 Ma m’ẹwñ agbọni-mi duu ko n’oji-Wñ, Owñ fọmẹ chakaa duu k’omi jẹ ra; Todu k’u k’ẹdọn ỌmỌJỌ, omi; M’im̃i etitọ gba mẹ. *4 Dagba k’u ch’ẹnale, na akẹdọnO. Dagba k’u ch’ẹnegbo, na achubiyọ Uchẹnyọ lẹ gbẹ, ẹnẹ ỌJỌ duu M’im̃i etitọ gba mẹ. *5 Dagba k’u ma bọjọn, na adejiji gẹn; Ẹnẹ ki w’ugbOwñ, Owñ adu tinyọn Ẹnẹ duu ki akẹdọn’O. Mẹ ka ñọ ka, M’im̃i etitọ gba mẹ === code 45 title BEHOLD ME STANDING AT THE DOOR *1 G’ab U dago alugbọna, Anomu yẹẹ kwut uwẹ pioo, Kakini, Ẹnẹ adure, Ẹjẹ ñw Omi k’U gwudu wa n? *ref G’ab U dago alugbọna, An omu yẹẹ kwut uwẹ pioo, Uwẹ k’ad adure f’ẹẹ ka, Ẹjẹ ñw Omi k’U gwudu wa n? *2 Uli uwa nana toduwẹ, Uj’ẹdọ dago kpọkpẹ mẹ, Uwẹ k’ad adure f’ẹẹ ka, Ẹjẹ ñw Omi k’U gwudu wa n? *3 Utene k’U kwut ẹ ofo n. Rewa ọbata-wẹ k’U li, Ukwu k’U l’ẹẹ kwef adure, Ẹjẹ ñw Omi k’U gwudu wa n? *4 Un’uyọ kw’ojale wa ñwẹ Uñọ n’urẹdọ kp’ufẹdọ, Uwẹ k’ad adure f’ẹẹ ka Ẹ jẹñw Omi k’U gwudu wa n? === code 46 title I HEARD THE VOICE OF JESUS *1 U gb’omu Jisọs kakini, Lẹw ugbo-Mi k’ẹm̃i I f’uwẹ hia, t’adu-wẹ nọ K’ẹ dach ẹdọ-Mi Omi w’ugbo-Wñ abomi dẹ Ef akwu kpai ọbata. fai tak uli umi ugbo-Wñ Jisọs la jẹ ñw umi yọ *2 Ugb’omu Jisọs kakini, Gba omi im̃i k’ẹ m̃ọ Na ad u ch’uwẹ ele ofo; Ẹm̃ọ k’uwẹ deju Omi lewa ugbo Jisọs, Omi m̃ọ omi lẹ I b’umi jọ, na akwu gẹ no; LugbOwñ na adeju fai *3 U gb’omu Jisọs kakini Omi ch’uganẹ ilẹ Ẹ def ẹchubi taa? G’Omi K’ọjọ-wẹ ki muñwa. Ugo Jisọs, tak omi li, K’I dab olu ñw omi Omi alef ẹchubi gẹ n Ugbo ONDU na anyi === code 47 title I HEAR THE SAVIOUR SAY *1 Omi gb’ab Ajadu ka K’ukpahiu-wẹ nana n; Ọma ẹgbo w’ugbo-Mi F’ẹwñ-wẹ duu li ef Umi *ref Jisọs r’ọmẹ duu, Owñ u jẹ ọmẹ Adure b’iwa m’umi, I f’uu gwẹ efufu. *2 ONDU, fai tak omi li K’ukpahiu-Wẹ kate La ar ẹdọ onẹ da Ayọ ẹdọ okwuta *3 Un’ẹwñ duu ki nyọ k’u duwa Ki b’ufẹdọ lẹ jọ n Oñ na agwẹ ẹwñ ọla-mi Ef ẹbiẹ Ọmala lẹ *4 Ẹgba k’U dago ọmọ K’u mufu ef ONDU, Jisọs lekwu koji mi, Alu-mi añọ ka ta === code 48 title RISE UP AND WALK, LAME MAN *1 U n’ajifa kpai ọjamalia no, Ẹwñ ku na adu ñw ẹ la dẹ Kwanẹ, uwẹ k’ẹ ma l’ulẹ mama tan, Jisọs ad ukpahiu ñw ẹ. *2 Abilẹ duu dachi jef adure-ma Ma neke jad ọla-ma n; ỌJỌ Ata muda afẹdọ onẹ, Oñ I jẹñw Ọma-Wñ w’ilẹ. *3 Adure k’a ka-I mud ukwu ugb ỌJỌ. Ẹnẹ ki lekwu dach-i Ef ukwu idẹ gboogbo tak i any una, Ọjọ la tene ee-lẹ n *4 Ochochi ỌJỌ na aka ñw umẹ emi, Ẹnẹ ki gb’ọl ONDU gbọ, Kila k’ẹdọno Ẹnẹ k’I kpẹwa lẹ Kwef ukwu le tef im̃i === code 49 title YEARS I SPENT IN VANITY *1 U d’ọdọ wewe ef ub ọwai, U kwula ukwu k’ONDU-mi kwu n, U ma ki ch’utodu mi I kwu oj oli lẹ n. *ref Ufẹdẹnyọ k’I che lẹ gbẹgbẹ, I f’ut adure nọ la tẹ ñw umi, I ch’udu-mi, t’umi nọ tanẹ, ugb oli lẹ. *2 Ọla-Wñ d’adure k’u ta ña mi Ailo udu k’u fẹ f’umi mu, Gbẹgba k’u k’ẹdọ n’Ẹnẹ ki kwu oj oli lẹ *3 Fai u m’ẹwñ-mi duu ko ñwu Jisọs Na ayọ ẹgbalu-Wñ kak ONDU-mi, Fai el uyọ ku na akọ ch’el oli ukwu lẹ *4 Ufẹdọ ki kp’ib ujadu-i gbẹ, Ufẹdẹnyọ ki d’uu wa lẹ gbẹ. Uñọru k’ONDU ỌJỌ che gbẹ oj oli lẹ === code 50 title REDEEMED HOW I LOVE TO PROCLAIM IT *1 Na ayọ ONDU Jisọs mu mi gba, I n’ẹbiẹ-Wñ f’umi la tanẹ; Ejumomi lẹ ch’ọgbajẹjẹ Ọma-Wñ ogbegbelẹ u che *ref Owñ gba mi, Owñ gba mi Ẹbiẹ Ọmal ỌJỌ gba mi Owñ gba mi, Owñ gba mi, Ọma-Wñ ogbegbelẹ u che. *2 Jisọs ki gba mi b’umi ẹdọ, Ẹbọ ẹdọ lẹ j’aka ree n, U cheema k’eju-Wñ d’ugbo-mi pioo. Uchẹnyọ-Wñ na ajẹ ẹgba duu *3 U f’ibe-mi tẹ Ẹnajadu, Ibe-mi t’Ọ gbogbo d’ọjọ. Eli-Wñ ku na akọ ñọ n’echi gẹ n Efẹdọ k’I fẹdọ mi gbẹ. *4 U ma ku na ali U ef Ojima-Wñ Ukọla-Wñ ch’ẹrinyọ ñw omi; Eju-Wñ la t’ọọna duu ku na ale, Na adach ak eli odu. === code 51 title I STAND AMAZED *1 Awuwu f’umi mu dago Ọgb Ẹnẹ Nazarẹt lẹ, Aye ufẹdọ-Wñ t’umi le, I afẹdọ mi, ẹnubiẹ-i *ref Aye-Wñ gbẹgbẹ! Awu-Wñ gbẹgbẹ! Omi ak eli-Wñ gbegbelẹ. Aye-Wñ gbẹgbẹ! Awu-Wñ gbẹgbẹ Ufẹd Ajadu-mi gbẹ *2 Tod umi I ka ef uchẹ kak unekwu-Wẹ ki che; I n’omiakwu tod iwọ ee-Wñ n, Chai ugw ẹbiẹ tod ee-mi *3 Ejumomi-Wñ ch’amonuche, Oñ ma kw’uñ alifia wa, Ku ma ny’Owñ ẹdọ ef iwọ-Wñ K’I li tod umi ọmọ *4 Adure kp’ẹdọdudu-mi, Chakaa I mu ko ch’ee-Wñ pioo, I n’adu lẹ ny’oj oli ukwu, owñ kate li uw ukwu lẹ *5 Ẹgba k’a jeju ojale Na ali eju-Wñ ọmọ chuu; Ek el ufẹdọ ONDU-mi, Ach uyọ-mi ogbegbelẹ === code 52 title IN FANCY I STOOD BY THE SHORE *1 Ukp’ibe dabẹnẹ k’omi dago Ọl ohimini ọmọ; U li amonẹ ku ma wa donyu Ononojo Galile Uli ẹnẹ ku ma bi afeju K’ONDU Jisọs m’owñ eju chi Kp’ẹnẹ ki ch’ika k’achẹka ch’oo Lugb Ẹnẹ Galili *ref U cheen ekwu ufẹdọ-Wñ ogbegbelẹ Emọla k’I m’ọla ñw umi gbẹ U f’Ẹnajadu nẹ kw’ọjọ lẹ, Ononojo Galili *2 Ejumomi-Wñ kpai ọla ufẹdọ-Wñ, Na agbenyọ ogbegbelẹ n Ẹnẹ ki f’omi ẹnadure li, Ch’Ononojo Galili I ña mi agbe ọwọ-Wñ kpai ẹrẹ-Wñ I kakini, Todu uwẹ dẹ Adu-mi lẹ mu li tinyọ ẹrẹ, Ononojo Galili *3 Ugbo k’I k’ọla ñw akpoli ki achi Ej ohimini ki ach ọkọ Ọla k’ika lẹ ohimini bọ, Ononojo Galili Urẹdọ ki wa b’umi ma lugb Owñ Adẹ kp’omi ogbegbelẹ, I gwọny im̃i-mi ef ọw ukpahiu-Wñ Ononojo Galili *4 Mẹ lea amẹ k’umẹ j’alenyọ fai Ku mẹ f’ujadu k’I ache li; I ad urẹdọ ñw ẹ ef akanya duu Ononojo Galili.I ka ñw umi ku lo ku k’inabali Alu k’Owñ adẹ ñw ẹ ọpioo Ichẹwñ k’uwẹ jẹ k’I gwugwu kp’uwẹ, Ononojo Galili *ref Onukwu, ẹ fẹdọ Uwñ t’ogbegbelẹ n? I am ọla ñw ẹnẹ duu ki jẹ; M’U gba eñini k’I jadu wẹ, Ononojo Galili === code 53 title I CAME TO JESUS *1 U w’ugbo Jisọs, ẹdọ-mi inyọ n, I m’adure-mi ko, I m’adure-mi ko, Ufẹdọ-Wñ jẹ ñw ẹdọ-mi bọ chakaa I m’adure-mi ko. *ref I m’adure-mi ko, I m’adure-mi ko I ad ọọna ña mi ọjọ duu Na agbede, I f’umi jadu fai, I m’adure-mi ko *2 Adure-mi la nana t’umi le, I m’ee-lẹ chakaa ko, I m’ee-lẹ chakaa ko Na ali ẹwñ duu ki awọ mi fai n’O I m’adure-mi ko *3 Ichẹwñ k’ẹ w’ugbo Jisọs eñini I ak adure-wẹ gẹ, I ak adure-wẹ gẹ I ad uwẹ le ej ọọna fili lẹ Oñ ẹdọ-wẹ abọ === code 54 title WHOSOEVER HEARETH *1 Ẹnẹ duu ki gbọ owñ ki t’akoya gẹ, K’I f’Uchẹnyọ ỌJỌ jẹr abilẹ duu Jẹ k’amonẹ duu ki gb’ọl ujadu lẹ; Ẹnẹ duu ki jẹ ki le’a *ref Ẹnẹ duu ki jẹ, ẹnẹ duu ki jẹ, F’ọkwugege gwo ef ilẹ chakaa duu Abo duu ki lenyọ, m’ọl ufẹdọ gba; Ẹnẹ duu ki jẹ ki le’a *2 Ẹnẹ ki awa, owñ ki n’ahianẹ wa; Ọọna mubitẹ mẹ, mẹ ki gwudu wa; Jisọs, Ẹnajadu, oon ogboolo dẹ, Ẹnẹ duu ki jẹ ki le’a *3 Ẹnẹ duu ki jẹ, Ọjọ onugo jẹ. Ẹnẹ duu ki jẹ, Jisọs ak oo tinyọ n Ẹnẹ duu ki jẹ an im̃i etitọ Ẹnẹ duu ki jẹ ki le’a === code 55 title SHE ONLY TOUCHED THE HEM *1 I d’ọwọ kad et ukpo-Wñ kate lẹ Abu k’i l’ubi-Wñ wa. I def abo ku ma kẹchẹ b’Owñ ma, Abab achẹka ch’oo *ref Uwẹ ki d’ọwọ kad ukpo-Wñ Tak uwẹ amufu Ukpahiu lẹ ee-k’ONDU nẹ Ad im̃i lẹ ñw uwẹ, *2 Ọla-wñ n’aga, abidag ọgba-Wñ lẹ I cheemak’ONDU dẹ I ma kak ONDU f’owñ ọga chekpa; Ọbata-wñ la takpa *3 ONDU ka ñwu kak ọma-Mi, fẹdọ nẹ, Ẹdọ kẹ kono che-i Tak urẹdọ ki ma jẹ kan d’e efu, Owñ ẹdọ-wñ bọ chakaa. === code 56 title WHAT CAN WASH AWAY MY STAIN? *1 Ẹwñ agw adure rinyọ? Ẹwñ kate ch’ẹbiẹ Jisọs, Ẹwñ ajẹ ñw umi mufu kpa? Ẹwñ kate ch’ẹbiẹ Jisọs *ref Ẹbiẹ Jisọs ki cha, Ẹwñ ọmẹmẹlẹ I che U m’ẹwñ omunẹ gẹn Ẹwñ kate ch’ẹbiẹ Jisọs *2 Ẹwñ ajẹ ñw ẹdọ-mi fẹ? Ẹwñ kate ch’ẹbiẹ Jisọs Ẹwñ na aka ku na aj ale? Ẹwñ kate chẹ’biẹ Jisọs *3 Ẹwñ omunẹ r’omi-mi n, Ẹwñ kate ch’ẹbiẹ Jisọs Ukọlọ ki nyọ bọjọ n. Ẹwñ kate ch’ẹbiẹ Jisọs *4 Ẹwñ ukẹdọno-mi dẹ; Ẹwñ kate ch’ẹbiẹ Jisọs, Ọkpakpa-mi chakaa dẹ; Ẹwñ kate ch’ẹbiẹ Jisọs === code 57 title HAVE YOU ANY ROOM FOR JESUS? *1 Uwẹ n’uña todu Jisọs? Owñ ki m’adure-wẹ du? I dago ad ọwọ k’ọọna, Ẹj’abi k’I gwudu waa? *ref Uña todu Kraist ONDU-wa, Hianẹ fai k’ẹ gb’ọla-Wñ gbọ M’ọọna ef ẹdọ-wẹ bi foo, Ka ñwu Jisọs k’I gwudu wa *2 Uña todu iya dọmọ; Uña dẹ todu ẹwñ ilẹ-i Uña duu def ẹdọ-wẹ lẹ Todu Kraist ku ma du kpaa? *3 Ẹn’af uña todu Jisọs Ufẹdọ-Wñ chee bọbọ ta. I bọ pẹẹ tak ONDU awa, Ẹgbalẹ I adọ wẹ gẹ n === code 58 title IS THERE A HEART THAT IS WAITING? *1 Ẹnẹ ñ’ẹdọ-wñ dọmọ añeju Ku ma t’adure-wñ nọ ñw u fai? Netir uchẹnyọ ku m’ajẹ-i Jisọs alale ọọna-i *ref Jisọs alale ọọna-i Ọọna-i… eñini, Jisọs alale ọọna-i I alale eñini-i *2 Ẹnẹ ñ’ẹdọ-wñ dọmọ ala? Wa kp’adu adure-wẹ lẹ, Ejumomi-Wñ akwut uwẹ, Jisọs alale ọọna-i *3 Ẹnẹ ñ’ẹdọ-wñ ch’ẹkpabiẹ fai K’ekwu umi ỌJỌ akw uu? Wa tef ọw Ẹnajadu-wẹ M’oji-wẹ du n’agbẹdọ’Wñ *4 W’ugbo Al uwẹ tanẹ lẹ, W’ugb Owñ k’ufẹdọ-Wñ gbẹgbẹ, wa le alakwu fili lẹ, Ny’unyi-wẹ efojale === code 59 title THERE IS LIFE FOR A LOOK *1 I ch’ukpẹ k’uwẹ go Ẹnẹ ki d’oj oli lẹ I a chim̃i ogbegbelẹ ñw uwẹ. Mak ẹ r’eju da g’Oo k’I fuwẹ jadu ke; I lekwu oj oli tod uwẹ *ref Goo, Goo, k’ẹ deju, Ẹgba k’eju-wẹ kad Ẹnẹ ki d’oj oli lẹ Mak ẹ fim̃i ogbegbelẹ nẹ *2 Ẹwñ ch’oji ọbata inaina k’I li lẹ Ki ma ch’udu k’ẹfẹ oñ I chi n? Ẹwñ chi k’ẹbiẹ cha wanẹ kwef akolo-Wñ lẹ Ki ma ch’ọmẹ k’ẹjẹ oñ I ran? *3 I ch’omi akwu n, ila ch’aduwa echen, chai ẹbiẹ lẹ kate agb uwẹ. I d’ukpẹ k’ẹ m’udu ẹwñ k’ẹ fẹ kpali n’O; Ẹbiẹ Jisọs lẹ b’udu-wẹ jọ. *4 Uwẹ ki d’eeji gẹ n, ỌJỌ la d’ọda-wñ tẹ, I n’ẹwñ duu ku ma che manyu gẹ n, Onu’ka ef ukpoji ọkpanachi duu I f’ukọlọ, k’I chanẹ, che kpa. *5 Ẹ ki m’ọla lẹ gba kpai uyọ eñini, I ch’im̃i ogbegbelẹ ñw uwẹ. ẹki ma ogboolo kak I ch’udu-wẹ kpa, Todu Jisọs mudajji fai mẹ. === code 60 title MY FRIEND, HEAR THIS WORD *1 Onukwu-mi, wa gb’ọla-i Ọla ufẹdọ ki gbẹ. *ref Jisọs lekwu oj oli, Tod uwẹ kp’amonẹ duu *2 Abo duu f’adure ta, Eju ỌJỌ Kiafọ lẹ *3 ONDU Jisọs ỌmỌJỌ, Afẹdọ wa tabale *4 Jisọs gwudu wef ilẹ-i afej abo ki lenyọ. *5 I lekwu oj oli lẹ, Ñọ mudaji kwanẹ gẹ. *6 Jisọs Kraist n’ukpahiu gbẹ, I agb abo ki k’ẹdọ n’o. *7 Abo duu ku m’aw ugb Owñ Owñ lẹ anyi ma ẹdọ. *8 Abogijo kp’a’imọtọ Mẹ ki m’ẹdọ-mẹ du ñwU === code 61 title THE GREAT PHYSICIAN NOW IS NEAR *1 Atẹko ki nyọ d’emi fai Jisọs ki l’ejumomi Ọla-Wñ k’I ka any on ẹdọ; Mẹ gb’omukọla Jisọs *ref Eli duu k’onẹ akọ, Alu duu k’od onẹ dẹ I n’ee-du ki t’e-i len; Jisọs, ONDU Jisọs. *2 Ma t’adure-mẹ chakaa nọ; mẹ gb’omukọla Jisọs. Ẹgba ku mẹ at ẹr ỌJỌ, Mẹ aj ọfẹ kpai Jisọs *3 Na ab ojima m’Ọmal ỌJỌ, Na am ẹdọkono Jisọs Na afẹdọ Ẹnajadu-mi Na afẹdọ ONDU Jisọs *4 Odu-Wñ ajẹ ñwumi we r’ailo U m’odu duu n, chai Jisọs; U n’ayọ nana ẹgba duu Tod ọl Uchẹnyọ Jisọs === code 62 title ONE SAT ALONE *1 Ẹnẹ’ka gwu eti ọọna abi ebi, Eju-wñ kpọfọ, I neke li uganẹ n; Ọla-wñ aga tod ẹgbanukpo k’I nẹ, Taku Jisọs wa n’ẹchubi b’ọọ tẹ *ref Jisọs lewa, I af ajonẹma lẹ du, Jisọs lewa, I af omi akwu duu li, I ak ẹdọdudu, I ajẹ ñw uyọ jọkpa Ẹwñ duu arida, ẹgba k’I awa gwugwu. *2 Amebili n’ẹnomunẹ b’unyi-wñ tẹ, T’ojinoji, I gwugwu ali uwa; If’ọla-wñ na, ukpahiu ebili gwọnyu, Taku Jisọs wa gb’ẹnẹ lẹ tanẹ. *3 “Ufẹn ufẹn”! Ẹnọganekpa n’akwa, Amajeti kp’amajalu j’ọmọ; Ọga biẹnẹ n’amonẹ duu m’anẹ Taku Jisọs wa f’ọga-ma chekpa. *4 Abẹlẹ fai, mali k’Ẹnajadu lẹ B’ọg adure onẹ duu jọ kwubọ; Ma tẹtẹ jọ ma ef ẹdọdudu pio Taku Jisọs wa gwugw ef ẹdọ-ma === code 63 title WHEN GOD OF OLD THE WAY OF LIFE *1 Ẹgba k’ỌJỌ d’ọọna im̃i Ñabo-Wñ igbegbele L’ugbo ẹbiẹ Ọmala lẹ Ama f’ukwu ọwọ. *ref Ọla ỌJỌ ki ch’akoko, La dago kakini, Ẹgba k’Omi f’ẹbiẹ lẹ li, Na at ale oji-mẹ *2 Kraist, Ọmala ỌJỌ ki fẹ, M’ẹbiẹ-Wñ ko dafo kpa. I jẹ ñw Ọl ỌJỌ ki chẹ kpa, Kraist lekwu koji wa. *3 O, ẹnẹ duu, ỌJỌ agb ẹẹ; I n’ọmẹ duu k’ẹ ẹra n. Chai ẹbiẹ Kraist ak adure I ajẹ ñw onẹ mufu. *4 Uwẹd ỌJỌ ki ch’ukpẹ-wa, Ọmala lẹ mugba, Owñ n’ẹbiẹ k’I ko dafo lẹ ch’udu k’abilẹ fẹ *5 Ailo ỌJỌ ab ẹnẹ duu; Ki ma m’ọla lẹ gbagbọ n; Owñ ch’ọl ẹbiẹ k’ONDU-wa ka; Amẹ ki k’ẹdọ n’O === code 64 title TODAY THE SAVIOUR CALLS *1 Ajadu ad udọ, mẹ r’ab Ọ fai Ẹwñ chi ku m’achila ef ẹchubi? *2 Ajadu ad udọ netir U fai K’ẹ m’udọ-Wñ lẹ gbagbọ danyekwu ñw U *3 Ajadu ad udọ mẹ ra m’Ọ ọla Uwẹd ajọ ỌJỌ cheekpuna gbẹ *4 Af Ọj ad udọ, jẹ udọ-Wñ lẹ, K’I nyi wẹ etitọ ñw ỌJỌ-wa pioo *5 Ukpahiu Afu lẹ ar onẹ da-i Ẹki kp’Ọọ ẹdọ biẹ n, m’ọla-Wñ gbagbọ === code 65 title FREE FROM THE LAW *1 ỌJỌ afẹdọ amonẹ chakaa. Jisọs lekwu, fai ma t’uwa nọ ke; Udu k’a fẹ, kpai ọla k’a che, Kraist la wa tanẹ kwef ee-lẹ *ref Amẹnadure ki lewa go ke! Abo ki j’abi ki k’ẹdọ no ke. Mẹ k’ẹdọ n’O tak amẹ am̃i. Ufẹdẹnyọ-Wñ lẹ t’ẹwñ duu le *2 ỌJỌ afẹdọ amonẹ chakaa. Jisọs kwanẹ, fai ọla duu takpa. Mẹ w’ugbo-Mi; mẹ gb’omu-Wñ ki nyọ; Wa, k’I ajadu mẹ ogboolo. *3 ỌJỌ afẹdọ amonẹ chakaa. Jisọs awa, fai awa j’anẹj Uwñ A kwef ukwu le tef im̃i mẹ; Eyọ k’a yọ ch’ogbegbelẹ === code 66 title THE LORD GOD SAID *1 ONDỌJỌ kak a cheebi amala; Dabu amala a la rinyọ lẹ Ẹnẹnẹnẹ wa muna t’ọọna ee-wñ Tak Owñ afeju k’I ña wa ọọna-Wñ *2 ONDU m’adure-wa ko n’oj Ọma-Wñ Ọm udu k’a fẹ magba kwef ọwọ-Wñ I li ọbata, I muda k’ọla duu n; I la lekwu oj oli Kalfari *3 Fai ỌmỌJỌ akọla ñw amonẹ, Owñ kakini, Mẹ gb’ọla-Mi k’U ka; Omi ch’ọọna kp’ochochi kpai im̃i Onẹ awugb Ata n, chai lugbo-Mi *4 Ẹnẹ ki jẹ kaki Jisọs ch’ONDU, K’ik’ẹdọno kak ỌJỌ d’Owñ kwanẹ, Ma ajad uwñ chuu, ỌJỌ la m’owñ gba mẹ; Fai t’ogbegbelẹ i an Adejutẹ. === code 67 title WILL YOUR ANCH HOLD? *1 Ogbo-wẹ bọjọ ef ọbata ilẹ-i Ẹgba k’omi du, k’afu chan eju? Ẹgba k’omi awa ak ọkọ ẹchẹ Ogbo-wẹ cheenyọ abẹk I nyọ tan? *ref Awa n’ogbo ki b’uwa jọ I am uwa nẹ dagba k’omi kọ I tat okwut ogbegbelẹ, Ufẹdọ Jisọs lẹ f’uwa jadu *2 Ee-k’a ka cheenyọ, afu duu b’Ọ jọn. Todu Jisọs, Ajadu f’uu dakwu Todu ogbo-Wñ tẹ kwef ẹdọ-Wñ t’omi Ebili bọjọ k’I ada wa run. *3 Dagba k’ukwu wa, I am umi nẹ ta. Dagba k’omi lọ akiliwo gẹ, Dagba k’omi kọ alu duu k’ikọ, Ukẹdọno-wa ch’Ọmal ỌJỌ *4 Ẹgba k’eju-wa d’unyi ee-wa lẹ, Owñ ch’unyi ỌJỌ ugbo k’a anyi; A r’ogbo ny’anẹ ọl omi ọmọ, A ñọ kw’ọmọ gẹ n, ogbegbelẹ. === code 68 title PRECIOUS, PRECIOUS BLOOD *1 Ẹbiẹ ki nyọ, ẹbiẹ Jisọs, Oj oli icha, Tod amẹnadure chakaa, Todu mi gẹ. *ref Ẹbiẹ ki nyọ, ẹbiẹ Jisọs, I agw ẹbiẹnẹ kwo M’ọla lẹ gba, d’ọ r’ochochi, Ee-wẹ iche *2 Ẹbiẹ ki nyọ, ẹbiẹ Jisọs, Jẹ k’i ajadu wẹ; Jẹ k’ichẹbọ lẹ ki r’ọmẹ Adure-wẹ. *3 Ẹbiẹ Jisọs la wa tanẹ; Ọmẹ duu bọ gẹn; ỌJỌ jẹ k’o che wa ele Tod ẹbiẹ lẹ *4 Ẹbiẹ Jisọs cheen ukpahiu, Owñ t’ebili le Ẹgba k’a tef ẹñwabẹli a neke du *5 Ẹbiẹ Jisọs añọ jẹ ñwa Mud amọm ỌJỌ Jisọs a jẹnyu ogboolo Ogbegbelẹ. === code 69 title THE GOSPEL BELLS ARE RINGING *1 Ilo ku ma j’anu lẹ Ugbo duu efu ilẹ, Owñ ch’inabali ONDU K’I afẹdọ ẹnẹ duu Tod ỌJỌ fẹd ilẹ K’I la m’Ọm okpono-Wñ du K’ẹnẹ duu ki k’ẹdọ n’Owñ lẹ ki n’im̃i ogbegbelẹ *ref Ilo lẹ… k’ama nu… Onẹ ugbo duu agbọ. Ilo lẹ… kakini… Mẹ ki k’ẹdọ n’ỌmỌJỌ *2 Ilo k’a ka-i ad udọ K’a ki ny’ok ujẹwñ ONDU Ujẹwñ k’a ka lẹ rinyọ; Mẹ nago tod ekọ Omi ch’ujẹwñ im̃i Ebi kp’uwẹ m’u du jẹ Dagba k’adure-wẹ gbẹgbẹ Omi at ee-lẹ nọ ñw ẹ. *3 Ilo l’aj uka ñw onẹ Kak ọbata d’ọgba ta; Ik ẹnyọ dẹ eñini, Iñelebu biẹnẹ. Ẹ ra tod oji-wẹ Ẹ ki ch’ẹdu egbili n, Uwẹ ki d’ejubi fai gẹn Tod una agw uwẹ jo *4 Ilo lẹ lañọ n’uyọ Ñw ẹnẹ ki m’u gbagbọ; Jisọs ku ma ka m’oli Mudaji kwanẹ mẹ. Uchẹnyọ lẹ ch’uyọ Ki la dọmọ ñw ẹnẹ duu Ki la m’ẹdọ kono Jisọs, Ẹnajadu kpai ONDU === code 70 title I THIRSTED IN THE BARREN LAND *1 Alugbẹ n’akpa mi ojanẹ adure, Ula li ẹwñ ubẹdọ duu ọmọ n; Tak ỌJỌ’ka ulew ugbo olukwu Kraist, Ugbo k’ẹbi omi kpọ jọ *ref Na am̃ọ kwef ẹbi om im̃i lẹ fai Uyọ-mi gbẹgbẹ, ẹdọ-mi ch’ẹbọ gẹ; Na am̃ọ kwef ẹbi om im̃i lẹ fai O!i cheeb umi jọ kwubọ nana *2 Om im̃i ki acha kw’uwo Ọj arinyọ, I ajẹ ñwumi gwogwuyọ ẹgba duu; Ojima kp’ẹnyọ-Wñ f’ọọna ku na ale hiukọ, Na akpogwu haleluya! Ẹgba duu *3 Ẹnadure, lewa Kalfari eñini, Ẹbi omi ki acha ọmọ gbẹgbẹ, Ẹnajadu ad ẹ wa m̃ọ ele ofo Ọmọ ma kp’alugbẹ af onẹ pioo === code 71 title CHRIST IS THE SAVIOUR OF SINNERS *1 ONDU Kraist lẹ ch’Ẹnajadu Owñ ki lekwu oj oli U def echubi lẹ kpọkpẹ, I lewa m’eju-mi nẹ *ref Kraist Ẹnajadu, I ajadu mi k’u d’Owñ re Ẹbiẹ-Wñ k’I ko dajanẹ lẹ, Ẹbiẹ lẹ f’ọmẹ-mi ra. *2 I d’ọla lẹ ch’umi ele Ẹdọ-mi la mud afu Ẹnajad ọmẹmẹlẹ lẹ La f’umi jadu ñw ọla-Wñ *3 Alu k’u dẹ Owñ gba mi nyi Ajọ ku na ara b’ọọ tẹ. Fai ma ñ’akp umi abi gẹ n, Todu k’Owñ f’udu-mi chi *4 Ọj ojima lẹ mẹr eñwa Tak omi ali eju-Wñ Tak uyọ-mi amufu kpa Kraist ch’Ẹnajadu ee-mi. === code 72 title THERE IS FORGIVENESS *1 Utadurenọ dọmọ fai lef ẹbiẹ, ỌJỌ kai T’adure-wẹ, t’abi k’ẹ jẹ, atakpa lef ẹbiẹ; I n’ọọna ñw amẹnadure K’eju-ma kpai ỌJỌ ki de, K’ama ki b’ugbo Kraist jọ lef ẹbiẹ Jisọs lẹ. *2 I ch’ukọlọ k’ẹch agb ẹn, chai ẹbiẹ Jisọs lẹ I n’ọkọ ugwa n, ỌJỌ kai, chai ẹbiẹ Jisọs lẹ. owñ ch’ẹbiẹ Kraist akoko lẹ, Jisọs Kraist, Ọmala ỌJỌ I agw adure onẹ rinyọ, ẹbiẹ lẹ ch’akoko *3 Ma neke gw’uwẹ k’ẹ fẹ gbaa ef ẹbiẹ Jisọs lẹ Tak uwẹ any ef ojima-Wñ lef ẹbiẹ Jisọs lẹ Lew ugbo Kraist, lewa fai fai K’uwẹ ki k’ele-Wñ gbegbelẹ, Tod adure-wẹ k’I muko, ef ẹbiẹ Jisọs lẹ *4 Onẹ awewe ojale, tod ẹbiẹ Jisọs lẹ Ma ajọ ak ele Ọmala ki lekwu oj oli Ọla-ma fẹ, ẹdọ-ma bọ; Ma gw’Ọmala ki d’uyọ ñwuma. Ma agbede ỌJỌ. Uw ad ọmọ lef ẹbiẹ Jisọs lẹẹ? === code 73 title A RULE ONCE CAME TO JESUS *1 Agboji’ka lew ugbo Jisọs odu Ki tene ọọna ku ma j’onẹ adu Tak ONDU-wa Jisọs d’ohi ñwu kakini Ma ki bi wẹ titọ *ref Ma ki bi wẹ etitọ Omi kakinin, Ẹwñ otila iche Kuma bi mẹ titọ *2 Abilẹ mẹ n’adejut ọla kidẹ, Ee-k’ONDU-wa Jisọs ka ẹgba lẹ Mẹ jẹ k’itinyọ ofo ugbo-mẹ n; Ma ki bi mẹ titọ *3 Amẹ ku mẹ feju em̃i ochochi; Amẹ ku mẹ feju k’I d’ẹnyọ ñwumẹ; Ichẹwñ ku mẹ tene im̃i ogbegbelẹ Maki bi mẹ titọ *4 Ẹnufẹdọ-wẹ’ka, k’ẹ ñeju eli Neke dag alakwu anej uwẹ fai; Todulẹ mẹ ki n’agb ọlai gbọ Ma ki bi mẹ titọ === code 74 title I AM A STRANGER HERE *1 Ilowa omi che, uche na ajẹ ofo, Unyi-mi cheejiji, efojale idẹ Onu-mi kpẹ mi wa k’u f’uchẹ-Wñ jẹ r’umẹ U w’emi todu Kraist ONDU *ref Uchẹ k’u nẹ owñ ch’ỌLỌJỌ Amonuchẹ-Wñ la neke kan Mẹ f’ẹdọ-mẹ ñọru ONDU-mi, Jisọs kai Mẹ f’ẹdọ-mẹ ñọru ñwỌJỌ *2 Onu-mi ñọ ka gẹ, k’amonẹ ugbo duu Ki r’ibe da kw’ugbo adure ku ma ta, Kak ẹnẹ duu ki jẹ, ab ONDU Kraist j’ọfẹ Na ak ọla todu Onu-mi *3 Unyi-mi anọmọ, I nyọ tabale gẹ Im̃i ogbegbelẹ kpai uyọ d’ugbo duu Onu-mi kakini, Onẹ ki gwudu wa. Ee-lẹ ch’uchẹ k’I kpẹ mi wa. === code 75 title THERE’S A STRANGER AT THE DOOR *1 Ononojo dag ọọna – m’ọọna bi I tẹt aw ọgbẹnugbẹ – m’ọọna bi M’ọọna bi k’I gwudu wa; Jisọs Kraist, Ọma Ata, Bi ọọna ñw U *2 M’ọọna ẹdọ-wẹ bi foo – m’ọọna bi Ẹ kpọkpẹ, I legwudu – m’ọọna bi M’ọọna bi ñwOnukwu-wẹ I la ade wẹ t’ukpoji. Bi ọọna ñwU *3 Ẹ gbọ abu k’I akọla n? M’ọọna bi M’ONDU Jisọs gba fai fai – M’ọọna bi I dago al ọọna-wẹ, I ajẹ ñwẹdọ-wẹ ruko; Owñ, uwẹ la agogbod Ọ Bi ọọna ñwU *4 M’Ononojo lẹ gba ke – m’ọọna bi Owñ ak ujẹwñ ñwuwẹ jẹ – m’ọọna bi I la atadure-wẹ nọ; Tak ẹgba k’ẹ m’im̃i-ida I ad ẹẹ ny’unyi-Wñ ojale Bi ọọna ñwU === code 76 title COME TO JESUS, COME TO JESUS *1 W’ugbo ONDU-wa, w’ugbo ONDU—wa W'ugbo ONDU-wa abajọi Abajọi w’ugbo ONDU-wa, W’ugbo ONDU-wa, abajọi *2 Owñ ch’Ẹnajadu!... *3 I ajadu wẹ!... *4 Owñ afẹdọ wẹ!... *5 Go oli ukwu-Wñ… *6 I daji kwanẹ… *7 I n’ukpahiu duu… *8 I ad uwẹ udọ… *9 Ẹ ki k’Ọọ tinyọ n… *10 M’ẹdọ ko n’O ke… *11 I ak onẹ tinyọ n… *12 Ẹ n’at Ọ ubi… *13 Ẹ n’ak ele ñwU… *14 Mẹ n’ajẹny ONDU… === code 77 title COME TO THE SAVIOUR *1 W’ugb Ẹnajadu, ẹ ki ch’ẹdu n; Efu ọla-Wñ I ña wa ọọna Eñini I d’alumeji-wa I adọ wẹ wa piopio *ref Eyọ a ayọ ẹgba k’a led O; Ẹgba lẹ tak ẹdọ-wa abọ Tak awa jeju ugbo Jisọs Ef uny Ata-wa. *2 Wa, abimọtọ, gb’omu-Wñ ki nyọ; Jẹ k’ẹnẹ duu ki n’agwogwuyọ. Ẹnẹ duu ki n’aka k’Owñ na adu Ẹ ki ch’ẹdu ewa n. *3 Ẹ ñọ l’ibe k’Owñ d’ugbo-wa ta. Ọla-Wñ ki nyọ, ẹ n’ak ẹdọno Ẹ gb’omu-Wñ k’I ka yẹyẹ ñw uwẹ Uwẹ j’aw ugbo-Mi n? === code 78 title SING THEM OVER AGAIN TO ME *1 K’eli k’eli ñọ k’eli Ọl awuwu lẹ ñw umi Jẹ ñwumi li kaki fẹr eju Ọl im̃i awuwu Ọla lẹ ki ch’ochochi Ña mi ọọna ku na ale. *ref Ọl ẹtẹlẹ, ọl awuwu Ọl Ẹnajadu-mi *2 Kraist Ẹnojima lẹ du ñwa Uchẹnyọ im̃i lẹ Netir udọ k’awa dọ mẹ, Udọ im̃i I che Ọl im̃i kpai uyọ, I ala mẹ tef um̃i *3 Uchẹnyọ Jisọs lẹ ch’ọla K’onẹ ki m’u gba gbọ Ẹdọwulu-mẹ atakpa Oji-mẹ ñ’amufu Jisọs k’Uwẹ agb onẹ M’uma ẹdọ rida === code 79 title PRAISE YE THE LORD *1 Mẹ gwa ONDU, mẹ gwa ñọ gwa Ẹdọ-wa ch’umolo Afu ỌJỌ dọmọ anu. Egwa a gwa ONDU *2 Mẹ yọ ef Uwñ, mẹ yọ ñọ yọ- Afu ỌJỌ k’ọlai Abo ki k’ẹdọ n’O la ka K’uyọ-wa def ONDU. *3 Dago kpakaa ef ONDU-wa Ch’ugbẹdọ k’I du ñwaa Ukpahi onẹ ch’ọwai ofo Udago-wa che Kraist *4 Mẹ dẹ hioolo, ONDU-wa kai Ẹdọ-wa ad eeji gẹ n Ọl ONDU-wa ch’ochochi. Ukọlọ-Wñ I chekpa. *5 Ogbegbelẹ ojima lẹ a adu ñw Ọmal ỌJỌ Uyọ-wa chakaa chakaa duu, Ẹbiẹ-Wñ lẹ la tẹ ñw a. === code 80 title PRAISE, PRAISE YE THE NAME *1 Mẹ k’ele odu Jihofa ỌJỌ Mẹ ki b’ojima m’Ọ Ugbo duu ef ilẹ. Mẹ k’ọl ejumomi-Wñ Ñw amonẹ uchẹuchẹ K’ab ew ọnajiji Ki gb’ọla Ẹnajadu *ref Tod ufẹdọ-Wñ acha Dabu ohimini lẹ. Ejumomi-Wñ adẹ T’ẹgba duu ogbegbelẹ *2 Mẹ k’ele Jisọs Ọm ỌJỌ ki lekwu Tod amẹnadure, Tak I mudaji gẹ I gwugw unyi Ata-Wñ Amaa, I bọ kẹkẹ Tak I adakwubi wa K’I la jẹ onu ilẹ *3 Ẹwñ duu ki d’ilẹ Arida etitọ Oli kpai egbili Ak eli ñw ONDU-wa Onu lẹ awa kpai Abo-Wñ k’I nẹ chakaa; ONDU la awa d’ẹnyọ Ki nana ñw abilẹ === code 81 title PRAISE THE SAVIOUR *1 Abo ki m’Ọọ, gw’Ẹnajadu Ẹnẹ ma ọmẹ k’awa jẹ? A ki g’ẹdọ-wa m’ẹwñ-wa kpai Onugo-wa ko ñw U *2 Jisọs ch’odu ki rinyọ ñw a Owñ d’ukpahiu ñw a k’a j’ogwu I nẹ’wñ duu ki ach uwa ichẹn, A k’a ak ẹdọ n’Owñ. *3 Abọlọjọ, mẹ k’ẹdọ n’O Owñ arida ogbegbelẹ n Ukpahiu kp’ọgwọ ad abo-Wñ Ru b’ONDU-wa *4 Gwọny uwa pioo, ONDU, gwọnyu, K’a ki k’ẹdọ n’Uwẹ ny’anẹ, Gboogbo tak iko lẹ ki jọ K’a gba ẹwñ k’Ẹ ka. *5 Ẹgba lẹ a ad ugbo-Wẹ ke Iko lẹ a ad alu k’Ẹ dẹ. Ẹwñ k’ọwọ-wa ma tu fai tan Ikolẹ a anẹ. *6 Ugbo k’awa tene k’a dẹ, Kpai alu k’a tene edẹ, Ki ma n’oji ñw uwa fai ta n, Amud ee-wa chuu. === code 82 title ALL PEOPLE THAT ARE ON EARTH *1 Amonẹ duu ki jọ ilẹ, Amẹ ki gwa Jihof ỌJỌ; Mẹ n’ayọ, mẹ n’akẹli gẹ, Ẹgba duu ku mẹ che ỌJỌ *2 Jihofa lẹ kate ch’ỌJỌ Ọwọ-Wñ nyi wa, abo-Wñ a che I afẹdọ wa, I ad ide wa, I anẹ wa dab amala-Wñ gẹ. *3 Mẹ gwudu wa, mẹ f’ỌJỌ gwa Ẹdọ-mẹ abọ ef unyi-Wñ Mẹ gw’Ọ, mẹ jẹnyu ONDU-wa; Mẹki d’ojima ñw U ẹgba duu *4 Todu Jihofa la nyọ gbẹ I ali ejumomi ẹnẹ duu Ọla-Wñ k’I kalẹ ch’ochochi I ab onẹ jọ ogbegbelẹ === code 83 title WITH HARPS AND WITH VIOLS *1 Ọw amonẹ n’ugba kp’umolo dago Ọgba Jisọs oñ mak eli etitọ lẹ *ref T’ugbo Ẹnẹ ki afẹdọ wa k’I ñọ f’wa gwẹ Ojima ki n’ach ee-Wñ t’ogbegbelẹ! Amin! *2 Abo lẹ ch’abo ki tẹtẹ ch’ẹdaji Fai ma k’ukpo ki fẹ lẹ ny’ọla ajẹny U *3 I m’uwa ko ch’onu kp’atama ñw ỌJỌ I la wa, ñọ kọ wa k’a k’eli etitọi *4 Awa ma n’ukibeno duu ef ilẹi n, Ichẹwñ k’owñ ma fẹdọ wa, f’adure-wa gwẹn *5 A ad ujẹnyu-Wñ kpogo ñw amonẹ duu Ku ma k’ẹdọ no, ku ma b’aa k’el etitọi === code 84 title HOLY, HOLY, HOLY *1 ỌJỌ-wa kiafọ, Odobogagwu, Odudu, odudu a wa k’a k’eli ñwẸ ỌJỌ-wa kiafọ, ONDU ỌJỌ ufẹdọ, Ata, Ọma kpai Afu Kiafọ *2 ỌJỌ-wa kiafọ, abo-Wẹ agw Uwẹ, Ma la d’ojima ñw Ẹ ugbo k’Uwẹ gwugwu Abọ-Wẹ ojale f’eju b’anẹ ma ñw Ẹ Ẹ dọmọ kwoubi, fai t’ogbegbelẹ *3 ỌJỌ-wa kiafọ, a jef ẹchubi; Eju ẹnẹbiẹnẹ ali ojima-Wẹn Ẹ ch’ỌJỌ kiafọ, ẹnẹ duu dab Uwẹ n. Uwẹ n’ukpahiu, ufẹdọ, kp’efẹ. *4 ỌJỌ-wa kiafọ, Odobogagwu, Tod ẹwñ duu k’Uwẹ che ma k’ele odu-Wẹ ỌJỌ-wa kiafọ, ỌJỌ ejumomi, Ata, Ọma kpai Afu Kiafọ === code 85 title LET US WITH A GLADSOME MIND *1 A ak eli ỌJỌ nana Kpai uyọ ef ẹdọ-wa *ref Todu ejumomi-Wñ duu I ñ’achi ogbegbelẹ n *2 Jẹnyu ñw Odu-Wñ ki gbẹgbẹ, Owñ ch’ỌJỌ ee-ogboolo *3 I d’ukpahiu k’I nẹ nyi Ẹnẹ duu kp’amẹwñ duu *4 I an ẹwñ duu ki am̃ im̃i, Ọw ỌJỌ ma gba ẹwñ duu *5 Ẹgba duu k’a ch’ọbata, I ali ejumomi wa *6 I kpẹ Jisọs wa ilẹ K’I kwu tod adure-wa *7 I jẹ ñwu Jisọs daji gẹ K’I gba wa kw’ọwọ setan === code 86 title WE PRAISE THEE, O GOD *1 A ak ele ỌJỌ tod Ọma ufẹdọ; Todu Jisọs ki lekwu ki ñọ ny’ojale *ref Haleluya! ỌJỌ n’ugwa Haleluya! Ami Haleluya! ỌJỌ n’ugwa D’ẹdọ-wa kwanẹ *2 A ak ele ỌJỌ tod Afu uganẹ, I d’Ẹnajadu ña wa tak eju-wa nẹ *3 Ugwa kp’ojima oñ a adu ñw Ọmala I la m’adure-wa ko k’a b’ọgb ỌJỌ jọ *4 D’ẹdọ-wa kwanẹ, d’ufẹdọ-Wẹ ñwuwa Ẹdọ-wa ki kpuna k’a ki ch’ubi ONDU === code 87 title THOU ART THE EVERLASTING WORD *1 Uwẹ k’Ẹ ch’ọl ogbegbelẹ, Ọm okpono Ata, ỌJỌ ki kwot ejugede Ẹnufẹd ojale *ref Eju-wñ iche, Ọmal ỌJỌ, K’okwukwu duu ki k’anẹ ñw Ẹ *2 Ojima Ata d’ugbo-Wẹ Ọmọ imufu kpa Uwẹ k’Ẹ ch’ỌJỌ ogboolo Ch’ỌJỌ ogbegbelẹ. *3 Uwẹ la ch’ojibo hiẹ hiẹ Ẹnẹ k’eju ma li n Ata kate cheem Ọma lẹ; Ẹgahi Kraist gbẹgbẹ *4 Abu k’a fẹd Uwẹ ONDU K’Ẹ ch’Ọm ufẹd Ata Abo-Wẹ chakaa ef Uwẹ Ab Uwẹ j’ẹwñ ogwu *5 Oñ ugbo duu k’urẹdọ dẹ Uwẹ ch’ogbogaga-wñ Uwẹ kate ma ak ele Owñ, Ọm ufẹdọ ỌJỌ === code 88 title PRAISE HIM, PRAISE HIM *1 Jẹny U, jẹny U, Jisọs ki m’uwa gba tanẹ! Abilẹ, mẹ k’ọla ufẹdọ lẹ. Mẹ gwa Jisọs, amẹ ki n’ọda ojale; Owñ kate ki n’ọda kpai ojima Abo-Wñ chakaa, Jisọs afejutẹ ma. Jisọs lẹ ch’atẹru ma ỌJỌ duu *ref Jẹny U, jẹny U, Owñ ch’Ẹnajadu ogboolo A ki k’ele Uwñ, I f’uwa jadu mẹ *2 Jẹny u, jẹny U, Jisọs ki m’uwa gba tanẹ! Todu wa I li ọbata nana Oj oli lẹ Jisọs lekwu ki m’uwa fu; Egwa aa gwa Jisọs ki ch’udu-wa Jisọs fọmẹ adure-wa ra chakaa I n’ufẹdọ, I ñọ n’ukpahiu gẹ *3 Jẹny U, Jẹny U, Jisọs ki m’uwa gba tanẹ! I daji kwanẹ kwef abo ki kwu. Ukpahiu kp’ọda onu duu ch’ee-Owñ kate; Owñ n’ele ogbegbelẹ nyilẹwa; I f’ukwu du – n’uyọ d’ọla kpogo, Efọjegwu ñọ neke b’uba gẹn *4 Jẹny U, jẹny U, Jisọs ki m’uwa gba tanẹ! Ẹr ỌJỌ ma ñọ k’ele ONDU-wa Owñ ch’akachẹ, Owñ ñọ cha’atama ỌJỌ gẹ; Jẹ k’I j’ọfẹ k’I mud on ilẹ duu I bọ kẹkẹ tak I adakwubi wa; Jisọs kate, Owñ an ojima duu. === code 89 title JESUS THE VERY THOUGHT OF THEE *1 Jisọs, ẹgba k’ibe-mi t’Ẹ Ẹdọ-mi bọ nana; amaa, ẹgba k’u li eju-Wẹ Ẹdọ-mi abọ tule. *2 Ef eli duu k’onẹ akọ, Ef ọla duu k’a gbọ Odu-Wẹ rinyọ t’uma le Uwẹ Ajadu onẹ *3 Abo k’ẹdọ-ma mukpabiẹ, Uw any ma ẹdọ Ma w’ugbo-Wẹ, Ẹ m’uma gba Uwẹ n’ufẹdọ gbẹ *4 Abo ku ma t’Uwẹ ubi Ali ẹnyọ nana Ufẹdọ Jisọs, ab idẹ, Abo-Wñ kate cheema *5 Jisọs, Uwẹ ki ch’uyọ-wa; Uwẹ kate bọjọ. Uwẹ ki ch’ojima-wa duu, Fai t’ogbegbelẹ gẹ === code 90 title O HAPPY DAY *1 Iko uyọ k’u k’ẹdọno, Uwẹ Ajadu-mi, ỌJỌ Ef ẹdọ-mi ki mud afu, Na awe d’uyọ lẹ kpogo gẹ n *ref Uyọ dẹ, uyọ dẹ! Jisos f’umi ef ẹdọ gwẹ Owñ kọ mi k’u gwẹk ad ide, K’u r’odu b’Owñ, k’u fọla-Wñ de. Uyọ dẹ, uyọ dẹ! Jisọs f’umi ef ẹdọ gwẹ *2 I takpa mẹ, ọla takpa ONDU nẹ mi, omi n’ONDU Owñ dọ mi wa tak u t’Ọ ubi Odu-Wñ ẹdọ ch’utọ ñw omi *3 Ẹdọ-mi ki tẹt ad eeji, I dachi fai ef ONDU-mi. Ẹwñ ilẹ duu ach oo ichẹ n; Ọla im̃i d’ugbo ONDU *4 Efojale gb’alo k’a kpẹ I agb ab a kpẹ ọJọ duu gẹ Ẹgba ku na ad im̃i ilẹi Ẹny alo lẹ ach ee-mi pioo === code 91 title FOR ALL THE LORD HAS DONE *1 Tod ẹwñ duu k’ONDU che ñw umi Na agw Ọ ñọ gw’Ọ gbegbelẹ; Ufẹdẹnyọ-Wñ k’I du ñwumi ofo Ajẹ ñwumi gw’Ọ gbegbelẹ *ref Na awe ejẹny U ogbegbelẹ n, I ajadu mi, I ajadu mi Na awe ejẹny U ogbegbelẹ n I f’umi ẹdọ fu *2 I ña mi ọọna k’omi ale, na agw Ọ ñọ gw’Ọ gbegbelẹ Ukpahiu ONDU k’omi gba, Ajẹ ñwumi gw’Ọ gbegbelẹ *3 Abilẹ duu la k’Ọọ tinyọ, Na agw Ọ ñọ gw’Ọ gbegbelẹ Ejadu k’I ajadu mi fai Ajẹ ñwumi gw’Ọ gbegbelẹ *4 Tod ẹwñ k’I che ñwumi ef ilẹi na agw Ọ ñọ gw’Ọ gbegbelẹ Ẹnyọ ku na ali ẹrẹ ỌJỌ Ajẹ ñwumi gw’Ọ gbegbelẹ === code 92 title THIS IS THE DAY *1 Eñini ch’ỌJỌ k’ONDU che Owñ lẹ la n’iko-wñ duu; Ojale kp’ilẹ ki n’ayọ Uyọ ki l’ede-Wñ de *2 I def ukwu abajọi gẹ n ab I fi setan du Abo-Wñ ad edu-Wñ kpogo fai Ma ñwul Owñ ugbo duu *3 Hosana ñwOnu lile lẹ, Ọma Defid kiafọ I m’ujadu duwa ñw uwa, Kwoj ede-Wñ at atẹ. *4 Awa ki k’ele ONDU ki N’ufẹdẹnyọ wa ñw aa, I wa ef od ỌJỌ Ata K’I gb’amẹnadure *5 Eli hosana ku ma kọ, Ki gb’ilẹi duu ny’ọwọ Ojale k’I aj onu-Wñ lẹ Ñ’ad ojima-Wñ kpogo === code 93 title HOW SWEET THE NAME OF JESUS *1 Odu Jisọs arinyọ gbẹ Eti akẹdọno I ab ọọ akwu, I af ẹdọ bọ, I ak ailo onẹ pioo! *2 Owñ akp agbe ẹdọ onẹ, I ajẹ ñw ẹdọ dachi; Ujẹwñ ki b’ebi jọ I che I ad umi ñw abo uhia *3 Odu lẹ ch’ẹnẹ unyi-mi, Uña umaja-mi Akpulu-mi ki ma dabu n, I kọ ñw ufẹdẹnyọ *4 Jisọs ONDU, Onukwu-mi Adide kpai Onu; Ọọna, Im̃i, kp’Ochochi-mi Egwa na agw Uwẹi *5 Ẹdọ-mi la n’ukpahiu duu n, Ibe k’u kpẹ ch’ofo; Eju-mi mud ade kp’Uwẹ, Na agw Uwẹ alu duu *6 Gboogbo tak ifi-mii muda, Na ad ufẹdọ-Wẹ ka Eli odu-Wẹ ku na agbọ Ki m’ailo ukwu ko === code 94 title CHRIST HAS FOR SIN ATONEMENT *1 Jisọs lekwu tod adure, Ẹnajadu-mi nyọ gbẹ I f’umi la, I f’ọmẹra Ẹnajadu-mi nyọ gbẹ. *ref Ẹnajadu-mi nyọ gbẹ Jisọs Ọm ỌJỌ lẹ; Ẹnajadu-mi nyọ gbẹ Jisọs ONDU-mi *2 Na ab ojima m’Ọ tod ẹbiẹ-Wñ Ẹnajadu-mi nyọ gbẹ I f’uja-mi kpai ỌJỌ ba Ẹnajadu-mi nyọ gbẹ *3 I gw’ef ẹdọ-mi ọjọ duu, Ẹnajadu-mi nyọ gbẹ I jẹ ñwumi k’ẹdọ n’ọla-Wñ pioo Ẹnajadu-mi nyọ gbẹ *4 Ẹgba k’ebili k’umi ẹchẹ, Ẹnajadu-mi nyọ gbẹ Ukpahiu ỌJỌ na adu j’uja, Ẹnajadu-mi nyọ gbẹ *5 U m’ẹdọ-mi du ñwu Jisọs mẹ, Ẹnajadu-mi nyọ gbẹ Na afẹd ẹwñ duu ki d’ilẹ gẹn Ẹnajadu-mi nyọ gbẹ === code 95 title JESUS WONDERFUL SAVIOUR *1 Jisọs Ẹnajadu! Kraist on amonu Amonuch awanẹ, d’oji kanẹ ñwẸ, Ma ñwulọ utọ-Wẹ efojale atẹ A ad utọ-Wẹ kpogo ef el ufẹdọ *2 Ẹwñ ubẹd ilẹi duu ch’ẹwñ ọwai ofo, Uwẹ ma d’ojale n, ima ch’ọwai gẹ Ojim Ọmala lẹ ch’uganẹ atẹ Ojim Ọmala lẹ la ch’ufẹdẹnyọ-Wñ *3 Im̃i la mud ukwu ugbo k’Ẹ ma dẹn Ukwu la mud im̃i ọwọ k’Ẹ du ch’oo Ẹwñ duu k’Uwẹ nyi jọ, Uwẹ m’u gba nẹ, Ẹhi ọla-Wẹ wanẹ gwọru w’ugbo wa. *4 Jisọs umufu kpa def Uwẹ kate; Ọgaa ojim ỌJỌ, wẹ che gbegbelẹ; Ẹnyọ ki ma jẹ kan ch’eli eju-Wẹ Awa kp’abo-Wẹ duu amana ny’ee-lẹ. === code 96 title JESUS WONDERFUL SAVIOUR *1 Jisọs ch’odu ki d’atẹ ñwodu duu ku ma akọ Amonuchẹ kpai amonẹ ar Ọọ, Ebili la ara b’Ọọ tẹ. *2 Odu lẹ tẹ ñw amẹnadure, I la nyọ ñwuma nana a akp ailo abi k’onẹ jẹ tuka I m’ọọn ojale bi ñwuma *3 Jisọs fu setan oji kpọfọ, I aj agba ẹnamu da; Ukọla-Wñ ch’ukpahiu ñw amẹnegbo, I ad im̃i ñw abo ki kwu *4 Abilẹ duu ki jama goo, Ufẹdẹnyọ-Wñ tabale Ọwọ ufẹdọ-Wñ ki l’umi dei Tene ki gb’abo duu nyi *5 Na ad ọkpakpa ỌJỌ-mi ñẹña. U l’ad ochochi-Wñ kpogo. I kwutẹ mi k’u t’akoya kaki “Mẹ g’Oo, Ọmala ỌJỌ” *6 U ma m’im̃i da kp’odu-Wñ ẹdọ, mak omi agbed ỌJỌ K’u f’uchẹ-Wñ jẹ, k’elo-mi ki ñọ ka “Mẹ g’Oo, mẹ g’Ọmal ỌJỌ” === code 97 title IF I HAD MANY TONGUES *1 Ukpalu k’u nẹ ma wewe Omi ma nẹ k’ele ỌJỌ Ojim ỌJỌ, Onu-mi gbẹ! Ufẹdẹny ỌJỌ f’ẹwñ duu du *2 I d’ukpẹ k’uwẹ gb’ọla-Wñ gbọ; Go agbe ki jef ọwọ-Wñ lẹ, K’ẹ ñọ g’agbe ki d’akolo-Wñ; Ma ch’Oo todu omi kp’uwẹ *3 Ẹnẹ ajẹ ki d’ọla-wñ ñw uma, Ku ma ki ch’oo ọbata ẹgọi? G’ikeke ki gwuny O oji, Udu k’awa fẹ oñ I chi *4 Uwẹ ki r’ibe-wẹ da ke, Uwa k’I li ọmọ gbẹgbẹ eñini ib erida dẹ, I ñ’adẹ ej ọgba gẹ no === code 98 title WILL SING OF MY REDEEMER *1 Omi ak eli Ẹnajadu, Ab I fẹdọ mi ololo Ma du Jisọs Kaba m’oli K’ama ki f’umi oji *ref Omi ak eli Ẹnajadu, I n’ẹbiẹ-Wñ fumi la tane. I fọmẹ-mi ra oj oli I m’adure mi ko kpa. *2 Omi ak ọl Uchẹnyọ Jisọs Ab I kw’efojale wa. Ufẹdọ-Wñ kpai ejumomi Kwutẹ Jisọs k’I r’ọme-mi *3 Omi ak ele Arọmẹ-mi I n’ukpahiu nana gbẹ. I fu setan kpai ukwu du I d’im̃i titọ ñwumi *4 Omi ak ele Ẹnajadu, Ab I d’umi kwef ukwu Owñ ade mi t’otitala Tak I ad umi lo t’unyi-Wñ === code 99 title O FOR A THOUSAND TONGUES *1 Omi ma n’ukpalu wewe, u ma nẹ k’el ỌJỌ Ojim ỌJỌ, onu-mi gbẹ, Ufẹdẹnyọ-Wñ f’uu du. *2 Jisọs ki any uwa ẹdọ, I añọ k’ẹdọdudu, I rinyọ ñw ẹnadure gbọ, I chim̃i kp’urẹdọ. *3 Owñ kp’ukpahiu adure fọ, I agb ẹnamu tanẹ. Ẹbiẹ-Wñ b’ọmẹ adure jọ. Ẹbiẹ-Wñ b’umi jọ duu *4 ajeti ki gb’ọl ONDU-wa Ajalu ki k’ele-Wñ Afeju ki g’Ajadu-wa, Abukwu ki deju *5 ONDU-mi ki ch’Ẹnumọla Jẹ ñwumi f’akoya ta K’u d’ojima odu-Wẹ lẹ Kpogo ef ilẹ duu. === code 100 title I FEEL LIKE SINGING *1 Na afej ek eli ẹgba duu, I f’umi akwu ba Jisọs ki ch’Ẹnajadu-mi Owñ na agwa ỌJỌ duu *ref Na ak eli, k’eli, e’eli ñw U ẹgba duu. K’eli, k’eli; na ak eli ñw U ẹgba duu. *2 Ẹgba k’u li k’ẹbiẹnẹ-mi F’ONDU-mi kam oli, Omi akwu-mi cha wanẹ Amaa, na ak eli fai. *3 Ẹgba k’ẹwñ biẹnẹ j’umi ma, Jisọs ajadu mi. Ef ọbata ẹdọ-mi bọ Na ak eli ỌJỌ duu *4 Ọl awuwu Ọmala lẹ, Amẹ ki ka dufu K’abo ki bọ ki kọchẹ gẹ, Ku ma k’eli titọ *5 Amonuchẹ chak ak eli, Eli-ma dab ee-mi n; Ẹbiẹ Jisọs fumi gwẹ, Owñ na ak eli-Wñ pioo === code 101 title I WILL SING THE WONDROUS STORY *1 Omi ak eli ọl awuwu Ee-Kraist ki kwu tod umi, Ab I t’unyi ojima-Wñ nọ, K’I ny’oj oli Kalfari *ref Omi ak eli ọl awuwu Ee-Kraist ki kwu tod umi Na akọ kp’abo kiafọ atẹ Ọgba ỌJỌ gbegbelẹ *2 U lenyọ Jisọs f’umi li, I f’ala ki chila li. M’ọw ufẹdọ-Wñ du l’umi de, F’umi fa dabi t’ọọna. *3 U ch’agbe, I f’agbe-mi kpa, Uñwananẹ-mi gbẹgbẹ. Eju-mi fọ, ailo ba mi, I gba mi kwef ee-lẹ duu *4 Ẹgba k’ẹchubi bumi ma, K’u t’ale ef ọbata, Ẹnajadu d’ugbo-mi kpọ I an ọwọ-Wñ nẹ mi ny’unyi-Wñ *5 Owñ anẹ mi m’ọọna alo, Gbẹgba k’ukwu agbẹrẹ mi, Tak I anẹ mi daba ade Kp’ab ufẹdọ-mi unyi-Wñ === code 102 title BLESSED ASSURANCE *1 Ugbo duu k’u dẹ, Jisọs nẹ mi, Urọwọ-wñ dilẹ, ọmọ ch’urọmẹ, Owñ gba mi tanẹ, I f’umi la Afu-Wñ bi mi, ẹbiẹ-Wñ f’umi gwẹ. *ref Ọla-mi dẹ ke, eli-mi dẹ; na ak ele Jisọs, Ọma ỌJỌ Ọla-mi dẹ ke, eli-mi dẹ; Na ak ele ONDU gboogbo d’ỌJỌ. *2 U t’ọla-mi nọ, ẹdọ-mi bọ; Eli ee-uyọ kpot umi alu. Efojale agb ọla lẹ jẹ, Ol ejumomi kpai ufẹdọ *3 U t’ọla-mi nọ, em̃i na am̃i U defu Jisọs, urẹdọ iche. U k’eju r’atẹ, Owñ na aneju. Ufẹdọ-Wñ n’efu, u lenyọ r’u === code 103 title THE LOVE OF GOD IS GREATER FAR *1 Ufẹd ỌJỌ cheenana gbẹ, Al onẹ la neke ka kpan, I tẹ gboogbo t’efojale I la tẹ gboogbo ny’uñ ubiẹ, Ẹnẹ abi k’adu f’uu ka lẹ Ọm ỌJỌ wa ki gb’ọọ. Abo ki la k’I ñ’uma ru I t’adure-ma nọ *ref Ufẹd ỌJỌ anana-Wñ gbẹ I jẹ ñwan, igbim̃i Abo-Wñ kiafọ ajẹnyu ñwU T’ogbegbelẹ ọpioo *2 Ẹgba kiko ma ñọ dẹ gẹn K’od ojanẹ duu mugwulọ K’amonẹ ku ma kọ ech aduwa, Akwa d’okwuta kp’uwo gẹ Ufẹd ỌJỌ ki dago kpakaa I jẹ ñwan, igb’im̃i Ufẹdẹnyọ dẹ ñw ugb Adẹm Ch’eli k’ab Ọj akọ *3 Omi duu ma ch’omiejiji-i K’ojale ma ch’ọtakada, K’ikpo duu ma ñọ mud ikọ K’onẹ duu la mud ọmalẹ. Ku ma ki kọ ufẹd ỌJỌ Omi lẹ ma takpa Ọtakada lẹ ma jẹ kpa n Dagba k’I k’ojale. === code 104 title GOD OUR FATHER, WE ADORE THEE *1 ỌJỌ, Ata, awa agw Uwẹ-i Amọm-Ẹ añwulọ wẹ. Ẹ chi wa efu Kraist Jisọs Eju-Wẹ awa afẹ Awa agw Uwẹ, awa agw Uwẹ, Ele Ata awa aka-i *2 Uwẹ, Ọma, ogbegbelẹ, Ọmala ọj ede atẹ; Awa k’ẹbiẹ-Wẹ ko mẹr Ẹ, A adanyekwu ọgba-Wẹ Awa agw Uwẹ, awa agw Uwẹ. Ọm ỌJỌ k’Ẹ wa k’Ẹ kwu *3 Ata, Ọma, Afu Kiafọ, Ẹt ef oka-awa agw Ẹ, Tod ẹwñ ogwu k’a ajẹ nana, A n’ẹdọ kp’alu agwẸ. Awa agw Uwẹ, awa agw Uwẹ; Ele-Wẹ eka n’uda n. === code 105 title HOW GREAT IS OUR GOD *1 Ọjọ-wa gbẹgbẹ, Odu-Wñ tabale, I netir ukwa abo-Wñ Ijipti. I kpẹ Moses adu-Wñ r’onu Fero lẹ, I k’ọla ñw u ki t’uma nọ. A ki k’ẹdọ n’Owñ. *2 Ọjọ-wa gbẹgbẹ, Odu-Wñ tabale, I ka ñw uma ku ma kp’ọmala ki fẹ. Oñ ẹgba k’I l’ẹbiẹ-wñ, I t’al oji-ma Tak anachẹ neke kpa ma n. A ki k’ẹdọ n’Owñ. *3 Ọjọ-wa gbẹgbẹ, Odu-Wñ tabale, I f’ohimini ekpikpa kpana Lef ọwọ-Wñ ki gbiti, I gb’abo-Wñ tanẹ, I la f’uma datẹ ñw ọla-Wñ. A ki k’ẹdọ n’Owñ. *4 Ọjọ-wa gbẹgbẹ, Odu-Wñ tabale, I d’ọlọda ñw abo-Wñ, ma muda f’uu biẹ I gwugwu ef umaef ebu kiafọ. Abu k’ẹbiẹ b’adure ma. A ki k’ẹdọ n’Owñ. *5 Ọjọ-wa gbẹgbẹ, Odu-Wñ tabale, I du mana ñw uma ef ajẹtachi Omi kwef okwuta kp’ujẹwñ kw’ojale I du ñw uma ọd ọgbọ meji A ki k’ẹdọ n’Owñ. *6 Ọjọ-wa gbẹgbẹ, Odu-Wñ tabale, I nẹ ma m’ọọna lef akpa kp’una I f’ẹdọ jẹ kp’ama, I j’at uma nọ n, Tak I d’anẹ ki nyọ ñw uma A ki k’ẹdọ n’Owñ. *7 Ọjọ-wa gbẹgbẹ, Odu-Wñ tabale, I n’erida duu n, gboogbo t’eñini. Ẹwñ ki kẹrẹb uma dab ẹwñ uwawe K’a ki m’ẹgahi kp’ufẹdọ-Wñ. A ki k’ẹdọ n’Owñ. === code 106 title TO GOD BE THE GLORY *1 Ọjọ ki n’ojima, ẹwñ nana I che I fẹdọ abilẹ, I m’Ọma-Wñ du wa Owñ lẹ m’im̃i-wñ du tanẹ tod Uwa. I m’ọọna im̃i bi tod awa onẹ *ref K’el Ondu! K’el Ondu! ilẹ duu ki gb’omu-Wñ K’el Ondu! K’el Ondu! Ẹnẹ duu ki n’ayọ. W’ugbo Ọjọ Ata lefu Jisọs Ọma-wñ. Mẹ m’ojima du ñw U, ẹwñ ki che i gbẹgbẹ. *2 Ẹbiẹ-Wñ la wa tanẹ, ẹñw jalii i che I ka ñw ẹnẹ duu ki la k’ẹdọ n’Ọma-Wñ; Alu duu k’onẹ biẹnẹ, k’I m’ẹdọ ko n’O Ẹrẹlẹ lẹ ma ad adure-wñ ch’e ele *3 Ẹwñ nana I kọ wa, ẹwñ nana i che, Uyọ-wa nana lefu Jisọs Ọma-Wñ Amaa, ẹdẹbọ-wa kpai aye k’a aye Anana tabale ẹgba k’eju-wa de. === code 107 title GIVE THANKS TO THE GOD *1 Ọjọ ki ny’uwa w’ilẹ, Owñ kate ki n’ugwa, I afẹdọ wa nana ef Ọma-Wñ, I f’uwa dọ tef abo k’I d’ujadu ñw uma, A jẹnyu ñw Ọjọ wa gbegbelẹ *ref Ii, Ọjọ, Uwẹ n’ufẹdọ gbẹ Ii, Ọjọ, Uwẹ n’ufẹdọ gbẹ ỌJỌlugbo-wa chakaa k’Ȩ du ñw uwa ilẹ-i A anẹ k’ele Wẹ ogbegbelẹ *2 Ọjọ ki ny’uwa w’ilẹ, Owñ kate ki n’ugwa, I m’ọọna ujadu bitẹ ñw aa; I afẹdọ wa nana gbẹ; I f’uwa fa m’ọla A chugbede Ọjọ-wa eñini. *3 Owñ ki dago ar akwu ẹnẹ ki lekwu lẹ, K’il l’ejumomi amọmaye-wñ; I n’ufẹdọ lẹ dọ wa, I l’ejumomi-wa, I ko wa kw’uña ubailo lẹ. *4 Owñ ki dago al oji ẹnẹ ki kwu ki chẹ, K’I d’ọ ki kwef oji dufu lẹ; Owñ dọ wa kwef ukwu kpai uchilẹchẹ-wa duu, I lañọ f’uwa akwu ba mẹ. *5 Ọjọ ki ny’uwa w’ilẹ, Owñ kate ki n’ugwa, I afẹdọ wa nana alo waa; Ọla-Wñ lañọ ch’ẹmu k’I ako wa ny’ojale K’I d’um̃i ogbegbelẹ ñw uwa. === code 108 title MY GOD HOW WONDERFUL *1 ỌJỌ-mi, awuwu-Wẹ gbẹ, Ẹgahi-Wẹ gbẹgbẹ! Ẹd ufẹdẹnyọ-Wẹ ch’utọ, Ef una ki ad ọgọ *2 Olugbo-Wẹ ab on ailo ONDU Ogbegbelẹ, Amaf ab anẹ ma ñwUwẹ, Añwulọ Wẹ ọpioo *3 Awuwu-wñ gbẹ, utọ-wñ gbẹgbẹ, Ñw ẹnẹ ki li eju-Wẹ; Unibe-Wẹ kp’ugbim̃i-Wẹ Kp’efẹ k’Ẹ fẹ jalii *4 Omi la neke fẹdọ Wẹ ỌJỌ Chamachala, Todu k’Ẹ gwọru w’ilẹ-i Aten ufẹdọ-mi *5 Ata abẹk iy ilẹi duu N’ufẹdọ dab ee-Wẹ n, Ẹdọ k’Ẹ jẹ kp’omi gbẹgbẹ, Ufẹdẹnyọ-Wẹ gbẹ! *6 Ata, urọm ufẹdọ lẹ, Ab uyọ-wñ adẹ taa? K’a b’anẹ ma ọgb ede-Wẹ K’ak’ejur Ẹ ọpioo. === code 109 title EVERLASTING GLORY UNTO JESUS *1 Ojima gbegbelẹ, Ondu Jisọs nẹ. Mẹ ki f’eli-Wñ kọ taa, ukwu k’I fuu du! Jisọs lẹ t’unyi nọ, unyi-Wñ ojale, I wa efufẹdọ k’I kwu oj oli! *ref Ojima gbegbelẹ, Ondu Jisọs nẹ. Mẹ ki f’eli-Wñ kọ taa, ukwu k’I fuu du! *2 Ondu kw’ojale wa lekwu koji wa, Owñ kate ki nele, Ọmọgba Ọjọ! Jisọs Ẹnẹ yọọ lẹ, wa k’Ijadu wa; Owñ k’I ch’Ẹnẹ kiafọ fukwu lẹ tẹji. *3 Awa jọ ef ukwu, a n’ukibeno n; Jisọs, l’ugbo ukwu-Wñ, m’al ura-wa bi I faika-wñ jada, k’okwuta ẹchẹ; Ukwu ñ’akp Ẹnẹ ki gwugw atẹ lẹ gẹn. *4 Kraist, Ondu ojima, awa ak eli-Wñ fai, M’ọla lẹ du kpogo, che k’I n’ọda-wẹ. Mẹ ki kpeke k’eli-Wñ n, w’ohi-Wñ ugbo duu; Ẹwñ duu k’awa che fai, Owñ ki n’ojima. === code 110 title GLORY GLORY EVERLASTING *1 Ojima ki ch’ogbegbelẹ T’ugb Ẹnẹ ki kwu’kwu lẹ Owñ fonugo-wa latanẹ L’ugb ẹbiẹ-Wñ ki cha dafo M’u du kpogo, M’u du kpogo, Alu k’I gb’abo-Wñ tane *2 Ufẹdọ-Wñ lẹ i tabale, I n’eñwa n, I la n’uda n Ibe onẹ duu la bọjọ K’I m’oji ufẹdọ lẹ n Awa ki n’agw Ẹnajadu O’nukwu ẹnadure. *3 Abu k’awa gb’inabali Ọbata ki Jisọs li, Awa k’eli k’ojima lẹ Ọmala kpai Ọjọ nẹ! Haleluya! Haleluya! Mẹ ki d’ojima ñw Ondu. === code 111 title AT THE NAME OF JESUS *1 Okwukwu duu akanẹ Ef odu Jisọs; Ukpalu duu l’ajẹ K’I ch’ọn ojima; Uyọ Ata I che K’a ki d’owñ k’Ondu Owñ ki ch’ọla Ọjọ Kw’abakwanẹ lẹ *2 Amẹwñ im̃i dufu L’ugb omu-wñ k’I ka: Kp’amonuchẹ Ọjọ Kp’amẹwñ uganẹ, Ede kp’ọda ñọ dẹ, Kp’ilowa duu gẹ, Kp’ẹwñ ojale chakaa Ef utọ-ma duu *3 I hi ọla-wñ wanẹ Todu k’I n’odu Kw’al amẹnadure, K’I w’ugbo ma lẹ; I ch’ubi odu lẹ Gboogbo t’ukpoji; I ñọ nẹ dabi wa Kwef ukwu kp’edu. *4 Mẹ d’ẹdọ-mẹ ch’de-wñ K’I gwugwu ọmọ K’I fẹwñ duu ki ma fọ n, Kp’ee-olemi, du Mẹ d’owñ ch’on ogwu-mẹ, Iko ajama; Unekwu-Wñ ki ch’ee mẹ Ef ukpahiu-Wñ lẹ *5 Mẹ hi O odu ñọ hi O odu Ufẹdọ-wñ gbẹgbẹ. Aye-wñ ki n’amu mẹ Mẹ n’agogbod Ọ Owñ ch’Ọj Ẹnajadu Owñ che Kraist Ondu Mẹ ki d’oji kanẹ ñw U, Gogbod Ọ ọpioo. *6 Ondu Jisọs Kraist-i Añọ dabi wa, Kpai ojima Ata-Wñ, Kpai amonuchẹ Wñ, Ukata e-Wñ t’ọgba Ñw e-amonu duu; Fai ẹdọ-wa gbalu ñw U K’I ch’On ojima. === code 112 title WE’LL PRAISE THEE tune Welcome voice. *1 Awa ak ele Wẹ, Ondu K’Ẹ kwu k’Ẹ jadu wa, Eli efojale arinyọ T’eli ilẹ-I duu le. *2 Ufẹdọ ki ma jẹ da n! Na ak el Ẹnufẹdọ K’ẹbiẹ-wñ fọmẹ k’omi jẹ ra K’I du mi ch’ẹnẹ-wñ *3 Ẹnufẹdọ, Ẹ t’ale, Al ọbata ilẹ-i Ọl ufẹdẹnyọ k’ẹ ka lẹ Jẹ ñw awa k’ele Wẹ. *4 Ondu fufẹdẹnyọ fa K’I b’ukwu ma ñw onẹ Ugbo k’adure tabale Ujadu fonu jẹ *5 Fai Ẹ kwanẹ kwef ukwu. Uwẹ k’Ẹ kw’ukwu-wa. Uwẹ gwugwu at atẹ fai, Ọm ojima Ata *6 Jisọs aw aw ugbo-Wẹ K’a ki n’ukpẹ kp’Uwẹ Umufu, uyọ kpai ẹnyọ Ched ugbo k’Uwẹ dẹ *7 Jisọs a j’aneju Wẹ. A neti udọ-Wẹ. K’Ẹ ko wa kw’emi lo k’a jọ Kp’Uwẹ ogbegbelẹ. === code 113 title O LORD OF HEAVEN *1 Ondu ojale kp’anẹ kp’omi. Ujẹnyu chakaa ki n’ach ee-Wẹ A tene k’a d’ufẹdọ-wa ñ’Ẹ K’Ẹ ch’Achele. *2 Todu urẹdọ kp’ọlafia; Todu ẹnyọ duu k’ilẹ-I ch’ẹkọ ñw u Awa n’ọmẹ ugwa egw Uwẹ K’Ẹ ch’Achele. *3 Ẹ d’ọwọ m’Ọm okpono-Wẹ n. Ẹ m’Uu du ch’ele tẹ tod onẹ Ẹwñ ẹnyọ duu many Ẹnẹnyọ-Wẹ, Ẹ ko ch’ele. *4 Uwẹ m’Afu Kiafọ du ñw aa, Owñ ch’Afu im̃i kpai ufẹdọ. Ẹ m’ufẹdẹnyọ-Wñ lẹ chakaa ko Da nyef uwa. *5 Tod ejadu k’Ẹ jadu wa, Todu ukibeno k’awa nẹ, Ata, ele ẹwñ ma ñ’ach Uwẹ? K’Ẹ ch’ele duu. *6 Ẹwñ ilẹ, egba jọ ch’ofu, Ẹwñ k’a mẹ ñw Uwẹ, Ondu wa, Ch’ẹwñ akoko enẹ gbegbelẹ Achele ka-i *7 Ẹwñ duu k’a nẹ la kw’ọwọ-wẹ Tim̃i t’ukpahiu k’a nẹ ch’ele, Che k’awa deju ñw Uwẹ kate. K’Ẹ kẹwñ duu ñw a. === code 114 title LORD OF GLORY, WE ADORE THEE *1 Ondu ojima agw’Uwẹ, Kraist Ondu mutẹgwu kpa. Aw agw Uwẹ kpai ẹdọ-wa: Uwẹ n’ojima chakaa. Awa agw Uwẹ, a ak ele, Ọọna-Wẹ la t’ọkpakpa. *2 Adokanya, wa d’okele: Wa j’ẹwñ ogwu, Ẹ ch’Ọma-Wñ Abo lẹ k’Ẹ wa k’Ẹ dọ ma, Ẹgba lẹ ma k’Uwẹ ru. Fai I ch’ugwa, fai a ayọ, Uwẹ n’ojima lẹ duu. *3 Ondu im̃i, Uwẹ lekwu. Achele ama f’Ẹ mu; Uwẹ, Ọma k’Ata fẹdọ, Ef ọbata ma d’Ẹ tẹ. Uwẹ a ago, a arewa K’Uwẹ chi udu k’a fẹ *4 Otogb onu Uwẹ anyi; Ukata-wñ ad oji-Wẹ. Kraist, Ọm Ọjọ a ma k’Uwẹ Ch’Onu-wa kpai Ondu fai. A adiba ñw Ẹ, a agba gbọ K’Ẹ che Kraist kpai Ondu wa. === code 115 title MY LORD, THE KING OF LOVE *1 ONDU-mi, On ufẹdọ Na agw Ẹ ogbegbelẹ Ufẹdọ-Wẹ k’Ẹ che gbẹgbẹ I nana t’eka le *2 I nẹwñ duu ku na ache ñw Ẹ n Chai ugw egwa ñọ gwa Ẹgba duu k’ibe-mi t’Uwẹ Na agw Ẹ kwef ẹdọ-mi *3 ONDU, d’ẹwñ ku na ache ñw Ẹ T’ejugede ñwumi, K’u rẸẹ ỌJỌ udeju-mi-i Uwẹ ki ch’Onu-mi *4 Jẹ k’ukọlọ k’Ẹ du ñwumi, Ku na ache kpai uyọ, K’u nej urọmẹ omunẹ n, Uwẹ ch’urọmẹ-mi *5 Ẹnyọ duu k’Ẹ du ñwumi Na anẹ d’ojima ñwẸ; Kuganẹ-Wẹ ki m’anẹ nẹ Ñw amachagwuny Uwẹ. *6 D’urẹdọ-Wẹ lẹ ñwumi, Abu k’u def ilẹ-i K’u n’ulẹ-mi ale kp’Uwẹ T’ẹgba k’eju-wa ade === code 116 title O LORD MY GOD *1 ONDU ỌJỌ, ẹgba k’u dag ay aye, K’u d’ibe tẹ ukọlọ duu k’Ẹ che, Na ago awo, na agb omi ki gwu awa-i Ukpahiu-Wẹ d’ugbo duu an ilẹ. *ref Tak ẹdọ-mi akele ỌJỌO-mi Uwẹ gbẹgbẹ! Uwẹ gbẹgbẹ! *2 Ẹgba k’omi tal ef ỌJỌ kp’egbili K’omi gb’ọla k’amẹwẹ lẹ j’aka K’omi dago oji uwo ag igo, Ẹwñ k’eti gbọ! Afu ki fẹr ọla! *3 K’u kp’ibe kak ỌJỌ f’Ọma-Wñ kp’uchẹ wa K’Owñ ki lekwu, aye-wñ la t’umi le K’oj oli lẹ I m’adu-mi gba tinyọ! Ẹbiẹ-Wñ dafo k’I ma’adure-mi ko! *4 ONDU lewa, ọkakachi le ki ka, K’I m’umi du, uyọ ki ad ẹdọ-mi, Na agogbod Ọ, na ad oji kane ñw ONDU; Na ñ’akp ogwu; Uwẹ, ỌJỌ, gbegbe! === code 117 title A WONDERFUL SAVIOUR *1 Ajadu ogboolo che Jisọs Ondu Ajadu ọmẹmẹlẹ dẹ. I d’umi le gwudu t’ọọna fiili lẹ; Fai tak eju-mi kad uyọ. *ref I d’umi le gwudu t’ọọna fiili lẹ I chen olubọ tod umi. I d’oji-mi maja ef ufẹdọ-wñ lẹ; Ufẹdọ-Wñ ch’ọgba l’umi de ee Ufẹdọ-Wñ ch’ọgba l’umi de. *2 Ajadu ogboolo che Jisọs Ondu I m’adu ọbata-mi ko I gwọny umi dago, I’r’ọla-mi ko, I d’ukpahiu ki ch’ejuwñ ñw umi. *3 I ad ẹnyọ ẹkwutẹ ñw umi ọjọ duu, Uyọ Ọjọ ch’ẹk ef umi. Eli uyọ lẹ oñ nakọ ñw Ọjọ-i Owñ ch’ẹwñ k’Ḛnajadu lẹ wa. *4 Ẹgba k’u k’ukpo etitọ lẹ ny’ọla, K’u led Ondu-mi oj akpa, Eju Ḛnajadu k’awa ali U; Ọga, omi kp’abo-Wñ achi! === code 118 title O BLESSED SAVIOUR, IS THY LOVE *1 Ufẹdọ wẹ ch’ẹkpọranẹ, Ondu ku ma k’ele-Wñ; Ee-lẹ m’uwa nẹ gaga, K’a deju ñw Ẹ kate. *2 Alifia kp’ojima-Wẹ Agwọny uw ẹdọ; A muda afẹdọ Wẹ, tule Tod ukwu-wa k’Ḛ kwu *3 Onẹ neke ba t’ẹnẹ ki Kwu tod onukwu-wñ le n. Uwẹ kwu tod amẹnebi. Ufẹdọ-Wẹ j’aka n! *4 Uwẹ k’Ẹ d’alu k’Ata dẹ Ọm ufẹdọ Ọjọ. Ẹ m’alu k’adu adẹ du; Ọbata l’Uwẹ de. *5 Ẹ wef ilẹ, Ẹ mud onẹ Ẹ mud t’adure n; K’awa k’a ch’amọm uwẹdọ Ki n’ojima kp’uwẹ. *6 Ufẹdọ-Wẹ ki mufu kpa F’uwa mu, Ajadu. Awa k’Ẹ gba, agogbod Ẹ, Jẹ ñw a t’uta kp’Uwẹ. *7 Ondu, erew ufẹdọ-Wẹ, Ch’ẹwñ akoko ñw uwa, Odu-Wẹ ki n’arinyọ ñw wa, Alo t’ogbegbelẹ. === code 119 title ALL HAIL THE POWER *1 Ukpahiu odu Jisọs gbẹ, Abo-Wñ ki b’anẹ ma. Mẹ d’ikẹbẹ Onu dufu K’I j’onu ilẹ duu *2 Amẹ, ab Israẹl k’I chi, Amẹ, k’ỌJỌ jadu, Mẹgw’Ọ tod ufẹdẹnyọ-Wñ lẹ I aj onu ilẹ duu *3 Abo ichi kpai anẹ duu Ku mẹ jọ ef ilẹ, Mẹ n’ab ẹgahi ñwu Jisọs K’I j’onu ilẹ duu *4 Amẹnadure ki gbenyọ Ogele k’I m̃ọ lẹ n Mẹ k’uloko-mẹ rọ j’ẹrẹ-Wñ Owñ j’onu ilẹ duu *5 A tene k’a manya abo-Wñ Wa b’anẹ ma ẹrẹ_Wñ. A ak eli ogbegbe lẹ, Ki j’onu ilẹ duu === code 120 title COME, LET US TO THE LORD *1 Mẹ lewa k’a m’ẹd ẹkpabiẹ-wa Ko dabi ab ONDU-wa ỌJỌ ali ejumomi-wa ỌJỌ anyi wa ẹdọ *2 Omu-Wñ k’I ka oñ afu ju I ñọ jẹ ñw afu bọ. Ọwọ-Wñ ki neke kp’onẹ biẹ Aneke m’onẹ fu *3 Ọbat odu wa kpọkpẹ mẹ, ỌJỌ awña fai fai Ẹgba k’a f’Ẹnajadu li A an uyọ ẹgba lẹ. *4 Ẹgba k’a chan ẹgb Ọl ỌJỌ Ẹdọ-wa chakaa bọ I dab ỌJỌ ki chan eñwa Omu-Wñ arinyọ ñwaa *5 Eju-Wñ ch’uganẹ l‘uwa de A def ẹchubi gẹ n ỌJỌ ki ñwa f’ẹwñ odu ne Rinyọ b’uwa tẹ mẹ === code 121 title HAVE THINE OWN WAY, LORD *1 Alu k’Ẹ nekwu, ONDU, u jẹ; Uwẹ ch’abucha, u ch’ama-Wẹ F’umi bọ alu k’I ny’Ẹ eju Abu ku dach ẹd ọwọ-Wẹ *2 Alu k’Ẹ nekwu, ONDU, ujẹ; F’ef ẹdọ-mi tu tod ẹbiẹnẹ F’umi gwẹ ONDU, k’u fẹ jalii, Abu k’u tẹkpẹ ọgb ede-Wẹi *3 Alu k’Ẹ nekwu, ONDU, u jẹ; Uhia f’umi hia tẹko mi oo Uwẹ, ONDU Kraist, ch’ukpahiu-mi; D’ọwọ kado mi, f’ọga-mi che. *4 Alu k’Ẹ nekwu, ONDU u jẹ; Uwẹ ki nẹ mi t’ọwọ, t’ẹrẹ. Afu-Wẹ ki ch’ẹkpẹk ef umi K’ẹnẹ duu ki li Kraist ef umi. === code 122 title FATHER IN HIGH HEAVEN *1 ỌJỌ Ata, k’Ẹ d’efojale, Ẹgb anẹi a ak eli ñw Ẹ Ejumomi-Wẹ cheenana; ỌJỌ duu Ẹ d’ujẹwñ ñw aa, ỌJỌ duu Ẹ d’eju tẹ wa Uwẹ ch’ỌJỌ ki afẹdọ wa. *2 Jisọs t’adure-wa nọ ñw aa Ẹwñ ugbitẹrẹ k’a che, Uwẹdọ uba, uliẹna, Ẹwñ ọrẹla, ẹwñ ilẹ Jadu wa kwef ẹwñ abẹlẹ, Uwẹ, k’Ẹ ch’Ọmal ỌJỌ. *3 Agba gba wa kwef ajama Kpai ukpahi afu bibi; K’Ẹ ch’ọkpatabili-wa Ukpahiu-Wẹ ki jadu wa, D’urẹdọ ojale ñw uwa, K’Ẹ d’ugbo-wa iko duu. *4 Fai a che k’a dachi al olu; Afu ỌJỌ kpẹk ẹdọ-wa K’ẹdọ-wa duu ki dachi yọọ Ukpahiu-Wẹ ki gba wa; Che k’a k’ẹdọ n’Ẹ ogboloo ỌJỌ Ata, Ọma, Afu === code 123 title FATHER, I STRETCH OUT MY HANDS *1 ỌJỌ Ata, na aw ugbo-Wẹ Atẹko duu bọ gẹ n Ichẹwñ k’Uwẹ kwo b’umi tẹ, Ugbo ku na ale dẹ n *ref Jisọs lekwu, na ak ẹdọ n’O K’I lekwu koji mi. Ẹbiẹ-Wñ ki cha oj oli lẹ. Tod Uwñ ma d’ale ñw umi *2 Go ọbata k’Ọma-Wẹ li Ẹgba k’u ma d’ilẹ n I ch’ukọlọ ki nana gbẹ K’I gba mi kwef ukwu *3 ONDU-wa che k’u k’ẹdọ n’Ẹ; D’ukpahiu-Wẹ ñwomi Ẹwñ ki aña mi Ẹki du ñwumi Todu k’Ẹ m’umi gba *4 Uwẹ Uchan ẹdekono Na ak ejur Uwẹ pioo; D’ẹdekono-Wẹ ñwumi fai Chọkpọni u lekwu === code 124 title OH THAT WE NEVER MAY FORGET *1 A tene k’a rewa ọpioo Ẹwñ ku Kraist li koji wa lẹ, K’I jadu wa k’I ñwuwa che K’a mana ny’ojima-Wñ kpai Owñ Aw an ibei any ọgba waa, T’ugbo ojima ki d’ọgba-wa *2 Ama ẹgba k’a g’ejubi, Eju-wa ki kwo b’Uwẹ tẹ, Jẹ ñwuwa gbenyọ Wẹ iko lẹ, Oñ a netir ẹnọla lẹ Amaa, Uwẹ afẹdọ wa kpọ Anyọ-wñ ki am uwa, gbẹgbẹ *3 Awuwu f’aa mu j’ẹrẹ-Wẹ, Ufẹdọ-Wẹ lẹ tabale Fai Uwẹ mud ẹwñ duu ñwawa Uwẹ k’Ẹ n’ẹbiẹ-Wẹ la wa Akw eñini a ach ubi-Wẹ A ak ele ufẹdọ-Wẹ pioo === code 125 title MY FAITH LOOKS UP TO THEE *1 Uwẹ na ak ẹdọ no, Ọmala Kalfari Ajadu-mi, Ọkọ na agba b’uwẹ, Udu-mi duu k’Ẹ chi Akw eñini kidẹ Fa mi m’ọla. *2 Ufẹdọ-Wẹ gbẹgbẹ; D’ukpahiu ñw ẹdọ-mi, Jẹ ñwumi kwanẹ. Abu k’Ẹ kw’ukwu-mi Alu k’ufẹdọ Wẹ Akpa ny’umi ẹdọi K’I dab una *3 Abu k’u d’ilẹ-i K’ẹdọdudu l’oo de Ña mi ọọna-wñ Jẹ ñweju-mi munẹ; B’amonẹ-Wẹ akwu. Ẹki jẹ ñw umi muna Kwob Uwẹ tẹ n. *4 Ọna k’a j’emi ana Ukwu af uu kpoji A akw emi alo Ufẹdọ-Wẹ, ONDU, Ki m’ailo mi ko kpa Gwọny umi ọwọ gẹ K’Uwẹ nẹ mi === code 126 title SUN OF MY SOUL *1 Wẹ ch’ol onugo-mi, ONDU, Ẹ d’ugbo-mi, an achubi n; Ẹ ki jẹ k’akpa ilẹi duu Ki gb’eju-Wẹ b’adu-Wẹi tẹn *2 Ẹgba k’igbegbeneju-mi Woji ñwolu k’u kwodachi; Ibe-mi otitala ki che em̃ agbẹd ONDU pioo nyọ gbẹ *3 Gwugw ugbo-mi gboogbo t’anẹ U neke deju l’ubi-Wẹn D’ugbo-mi ẹgba k’ukw awa K’u gbẹdọ ekwu l’ubi-Wẹn *4 Ichẹwñ k’ọma-Wẹ ka chila Kọ ny’ọla-Wẹ eti ñini; Chufẹdẹnyọ kp’owñ fai, ONDU K’iwe dachi ef adure-wñ *5 D’id ẹnọga, r’ẹnale ko, Dẹnyọ ñwuma kwef anana-Wẹ; Olu k’amadaido alẹ Ki ch’olu ubọla ñwuma. *6 Leb uwa k’Ẹ n’ad ẹnyọ ñw aa, Abu k’a al ulẹ lef ilẹi Gbẹgba kawa lenyọ r’efu Ufẹdọ-Wẹ efojale. === code 127 title WE REST ON THEE *1 Ugbẹyọ, kp’Adide-wa a k’ẹdọ n’Ẹ I ch’aa kate k’ẹnẹbi akobọ n ONDU, Ẹ ch’Ẹnẹ-wa, Ogbo-wa Ẹ che, A k’ẹdọ n’Ẹ, ef odu-Wẹ a lei *2 Ef odu-Wẹ, uwẹ, Ẹnajadu-wa Ef odu-Wẹ, ki f’odu duu du lẹ; Ẹ ch’Ọkpakpa-wa kp’Apata Okwuta Ẹ ch’Onu Ojjima kpai Ufẹdọ *3 A ch’ubiy Ẹ abu k’a cheem ẹgbo-wa Ekwu ufẹdẹnyọ ema akw uwa, A muda an eli edu k’a du akọ; A ch’ubiy Ẹ, ef odu-Wẹ a le-i *4 Ugbẹyọ kp’Adide-wa, a k’ẹdọ n’Ẹ Ẹn’uja-wñ eja ugwa-wñ ñọ ch’ee-Wẹ; Ẹgba k’a f’uu du k’a gwudu ny’ojima, A ajọ ami kp’Uwẹ ogbegbelẹ === code 128 title PRAY ALWAYS PRAY *1 Ẹ n’ach aduwa pioo, Afu kiafọ def Ẹdọ-wẹ ach ologwu ỌJỌ duu *2 Ẹ n’ach aduwa pioo, ẹbiẹ Jisọs che B’adu adure ki f’ẹẹ ka lẹ jọ *3 Ẹ n’ach aduwa pioo, dagba k’uhia hi ẹẹ, Aduwa ar im̃i ko ọgb ed ỌJỌ *4 Ẹ n’ach aduwa pioo, ef ekwukwu ilẹ, K’ẹdọ ki m̃i k’ẹ ñọ n’ugbẹdọ gẹ *5 Ẹ n’ach aduwa pioo, ef uyọ-wẹ duu, I ajẹ ñw ẹ k’ẹli ugwogwuyọ pioo *6 Ẹ n’ach aduwa pioo, dagba k’ukwu kpa; Aduwa ajẹ ñw ẹ b’uma gwogwuyọ *7 Uyọ ilẹi duu alale rinyọ. Aduwa muda ad ọwọ d’ẹwñ ọpioo === code 129 title NEAREST, STILL NEARER *1 Fa mi, Ẹ fa mi m’agbẹdọ-Wẹ Fa mi, Ajadu, Ẹnọmẹmẹlẹ M’umi gba m’ẹdọ, ONDU Jisọs, M’umi gbanyi ef uña umi lẹ. *2 Fa mi, Ẹ fa mi; u n’ẹwñ duu wan; I n’abu duu k’u che ñwu Jisọs ONDU n. Chai ẹd iwa ki ch’ẹkpabiẹ tẹ F’umi gwẹ, ONDU efu ẹbiẹ-Wẹ. *3 Fa mi, Ẹ fami, k’u ch’ẹnẹ-Wẹ Ẹdọ-mi tene ki t’ẹwñ ilẹ nọ; T’uyọ ilẹ kpai uba-wñ chakaa K’u nẹ Jisọs ONDU-mi ku ma kpa *4 Fa mi, Ẹ fa mi, ef ilẹi Ọbata-wñ duu la atakpa fai fai akw ẹgba lẹ t’ogbegbelẹ Na ad ugbo Jisọs, Ẹnajadu-mi === code 130 title TEACH ME THY WAY O LORD *1 Ña mi ọọna, ONDU Owñ ch’ọọna-Wẹ Ẹ ki ch’atẹko-mi, Ña mi ọọna che k’u l’ul ọkpakpa, Lef ukẹdọno pioo Uganẹ-W’anẹ mi Le ọọna-Wẹ *2 Ẹgba k’ail aba mi Ña mi ọọna. K’omi dulugw awa, Ña mi ọọna Ẹgba k’anẹ chubi K’ọbata la du tẹ Jẹ ñw ọọna munẹ ñwumi Ña mi ọọna *3 ONDU-mi, n’agw Uwẹ, K’ẹ nẹ mi le-i Uwẹ k’Ẹ ma ẹwñ duu Anẹ mi le-i Ujẹnyu duu ch’ee-Wẹ Onu ee-ufẹdọ D’ufẹdọ l’umi de Ej ọọna-Wẹ *4 Ọj olugbo-mi duu, Ña mi ọọna, Ugbo duu k’omi dẹ Ña mi ọọna Gbẹgba k’ulẹ takpa, K’ule-m’ilẹi kpoji K’u m’uloko-mi gba Ña mi ọọna === code 131 title GUIDE ME O THOU GREAT JEHOVAH *1 Ña mi ọọna-Wẹ Jihofa Oj anẹ ọkpakpala-i Omi ch’ẹgbo, Uwẹ gbiti Ukpahiu-Wẹ gwọny umi Ujẹwñ im̃i, ujẹwñ im̃i Efu-mi ki kọ ñw ee-lẹ *2 Ẹbi omi lẹ ki tẹ ñwumi, Ki jẹ ñwẹdọ-mi ruko. Akpa kp’una lẹ ki ña mi Ọọna ku na ale ilẹ-i Uw Agbonẹ ki n’ukpahiu Uwẹ ki ch’ugbẹyọ-mi *3 Ẹgba k’ẹrẹ-mi kad ukwu, Ẹki ch’ogbogaga-mi Uw anẹ mi gboogbo daba Oñ na at anẹ unyi-Wẹ Ele Uwẹ, omi aka Ogbegbelẹ nyilẹwa *4 Ed ejiji kp’ẹdọ meji, Kp’ailo kp’anyọ adẹ gẹn Uganẹ la akoj ẹchubi Ẹdekono f’oji nẹ Ele Uwẹ omi aka Ogbegbelẹ nyilẹwa === code 132 title O, TO BE LIKE THEE *1 O! k’u dab Uwẹ, Alonẹtanẹ, Ẹwñ k’ẹdọ-mi añej uwñ pioo dẹ Ẹwñ ilẹi ki b’umi ofu, na ayọ ONDU, k’u mufu dab Uwẹ dee *ref O! k’u dab Uwẹ! O! k’u dab Uwẹ! Alonẹtanẹ, k’u mufu kpa. Wa ef urinyọ kp’ukefu-Wẹ duu K’Ẹ r’umi da tef ojibo-Wẹ *2 O! k’u dab Uwẹ, ef ekpẹkọ-Wẹ. Ejumomi eli kp’ufẹdọ, K’u t’ọla nọ ñw onẹ ef ẹdọ foo K’u n’afeju amẹnadure. *3 O! k’u dab Uwẹ, ef ọchikimi. K’u fọ k’u n’ẹdọ foo kp’ẹdọ ejẹ, K’u j’ẹdọ ẹgba ku ma b’umi ina Uwa k’u li ki ch’ujad onẹ. *4 O! k’u dab Uwẹ, ONDU, omi awa-i K’u k’ẹwñ-mi duu kp’onugo-mi ñw Ẹ Oñ Uwẹ anẹmi t’ọwọ t’ẹrẹ, Afu kiafọ ki n’ọda mi pioo *5 O! k’u dab Uwẹ, ch’ebi ku na abi-i Afu-Wẹ ki kpẹkọ ef umi M’umi du ch’uña ugwugwu-Wẹ fai Che mi k’u nyọ b’efojale jọ === code 133 title MY TIMES ARE IN THY HAND *1 Iko-mi d’ọwọ-Wẹ Na atene k’idọmọ Tim̃i, t’afu, t’onugo-mi Na ako jef ọwọ-Wẹ *2 Iko-mi d’ọwọ-Wẹ Alu duu ki la dẹ Ubọla abẹk ọbata, Ee-duu ki r’uw ẹdọ *3 Iko-mi d’ọwọ-Wẹ Ẹwñ n’ach okpo-wñ gẹẹ? Ata ajẹ ñw ọma-Wñ r’akwu Echichi ofofo n *4 Iko-mi d’ọwọ-Wẹ Ku ma kam oli lẹ; Ọwọ k’adure-mi ch’a agbe Anẹ mi m’ọọna pioo *5 Iko-mi d’ọwọ-Wẹ Ẹch’ologwu tod umi, Ọwọ-Wẹ k’Ẹ nadala lẹ Aneke ch’ofofo n. *6 Iko mi d’ọwọ-Wẹ Na ak ẹdọ n’Uwẹ pioo Ubi ukwu, ọw awọtọ- Wẹ, na adago ọpioo === code 134 title WE LOVE THY HOUSE *1 I cheer uwa eju Abu k’a ajeju jọ Ef odu-Wẹ, ONDU Todu k’Ẹ def uwa *2 I cheer uwa eju Ẹgba k’a ch’aduwa, Tak ẹdọ-wa anyi; Jisọs atẹko wa *3 I cheer uwa eju K’a gb’ọl Uchẹnyọ-Wẹ Tod uwñ a li um̃i; Tod uwñ ẹdọ-wa bọ *4 I cheer uwa eju K’a k’eli enyọ-Wẹ Ẹgba k’a jef ilẹ, Che k’a n’afẹdọ Wẹ *5 Ẹgba k’a t’ẹrẹ ỌJỌ I ar uw eju tule; A al eju-Wẹ ọmọ; A agw Ẹ ogbegbelẹ === code 135 title GENTLE JESUS MEEK AND MILD *1 Jisọs Uwẹ k’Ẹ bọla Go imọtọ kẹkẹi Ẹki m’ọla ñw ẹnemọi Che mi k’u tẹmẹr Uwẹ *2 Na atene k’u w’ugbo-Wẹ, Ku li eju-Wẹ ONDU; Ojanẹ ufẹdọ-Wẹ Uña ọma ree-i dọmọ? *3 Ọmal ỌJỌ na agw Uwẹ, Ẹmud ẹwñ uwọli-mi Ẹ dẹ yọọ, ẹ cheeb ọla, Ẹ ch’imọtọ Nazarẹt *4 Uma bi Uwẹ u ma yọ, D’ẹdọ ugbọla-Wẹ ñwumi, Uwẹ ch’ejumomi onẹ, D’ẹd ufẹdọ-Wẹ lẹ ñwumi *5 Jisọs, Ẹ dẹ chikimi U dẹf ufẹdẹnyọ-Wẹ, Che mi k’u d’alu k’Ẹ dẹ, Ẹ ki d’od ef ẹdọ-mi === code 136 title JESUS, LOVER OF MY SOUL *1 Jisọs k’Uw afẹdọ mi, Na ara m’Uwẹ agbẹdọ. Abu k’omi gwu awai Abu k’afu i aju, Gba mi nyi Ajadu-mi K’afu ibi-i ki lale Ña mi ọọna t’unyi-Wẹ M’umi gba w’ugbo k’Ẹ dẹ *2 Okoubi omunẹ dẹ n, Omi ch’ubiyọ Uwẹ, Ẹ ki t’umi nọ ofo n, Gwọny umi, f’ẹdọ-mi nyi, Uwẹ ch’ukẹdọno-mi, Uwẹ kate na am ọla-Wñ Fika-Wẹ lẹ nadala Ki b’oji ofo mi ma *3 Uwẹ Kraist, omi nekwu Uwẹ t’ẹwñ duu le ñwomi, Ẹ d’ukpahiu ñw abọga Ẹ d’uganẹ ñwafeju, Odu-Wẹ la k’Ọkpakpa; Ẹnuji oñ omi che. Ẹwñ ọlemi def umi; Ẹch’ochochi kp’ufẹdọ *4 Ufẹdẹnyọ d’ugbo-Wẹ K’ila b’adure-mi jọ Ọla-Wẹ ki f’umi gwẹ, Jẹ ñwumi fẹ kpa eju-Wẹ Uwẹ ch’ẹbi om im̃i U che m̃ọ ele ofo; Bi dufu ef ẹdọ-mi Ku kpa m̃ọ ogbegbelẹ === code 137 title JESUS STAND AMONG US *1 Jisọs tẹmẹr uwa ef ukpahiu-Wẹ Uwẹ kate a agwa, agba, d’ẹnyọ ñw aa *2 Afu-Wẹ Kiafọ ki kpẹk ẹdọ-wa Tak ẹdọ-wa anyi ailo ñ’aba wa gẹn *3 A n’alo abẹi lef ukpahiu-Wẹ Gboogbo tak eju-wa de efojale === code 138 title JESUS, MASTER, WHOSE I AM *1 Jisọs ONDU, Ẹ nẹ mi, Ẹ f’umi la k’u ch’ee-Wẹ. Ẹbiẹ-Wẹ k’Ẹ jẹ ñw u cha lẹ Ch’ọmẹ k’Ẹ ra tod umi Che k’ẹdọ-mi ki ch’ee-Wẹ K’u deju ñw Uwẹ kate. *2 ONDU wewe nẹ mi mẹ, Fai na atene Wẹ kate. K’u gb’omu-Wẹ kate gbọ, Ch’aduwa ku na ache pioo Wẹ kate u nẹ atẹ, U n’uyọ omunẹ gẹ n *3 Jisọs ONDU, ku na ar Ọọ, Dagba ki ch’ef ẹgbo-mi D’ukpahiu-Wẹ ñwumi fai K’u ch’ẹwñ duu k’Ẹ ñwa ñwumi, Ch’eju-mi k’u neke li, Ukọlọ k’Ẹ nẹ k’u che Jisọs, omi ch’ẹnẹwñtuñ Uwẹ j’anẹ mi ch’ẹwñ ñwẸẹ? Alu k’Ẹ nekwu u jẹ. Che k’omi k’u ch’ẹnẹ-Wẹ K’u gb’omu-Wẹ gbọ kp’uyọ, K’u kwotanẹ ogboolo === code 139 title JESUS KEEP ME NEAR THE CROSS *1 ONDU, che k’u li oli Ku ma kp’Ẹ oji-wñ lẹ Ọmọ ẹbi om im̃i dẹ K’onẹ duu ki che m̃ọ *ref Oli lẹ, oli lẹ, Ch’uba-mi ogbegbelẹ Un’uba omunẹ duu n chai ol ukwu ONDU *2 U mẹr oli l’arailo Tak ufẹdọ li mi, Ọmọ ufẹdẹnyọ-Wẹ Chan er umi da ñw Ẹ *3 Afu ỌJỌ, che k’u ma Ẹtẹ ol ukwu lẹ; K’u lekwu ñw ẹwñ ilẹ duu K’u deju ñw Ẹ kate *4 Na anẹ oli ukwu-mi Ọj udeju-mi duu K’u ch’akọchẹ-Wẹ ogboolo Gboogbo t’an unyi-Wẹ *5 Tod oli ukwu-Wẹ lẹ u f’ukibeno nẹ. Kaku na agb udọ-Wẹ chuu K’u d’ugbo k’Ẹ dẹ pioo === code 140 title O, FOR A HEART TO PRAISE MY GOD! *1 D’ẹdọ ñwumi k’u ñwul ỌJỌ-mi ẹdọ k’Ẹ chi tanẹ-i Ẹdọ k’ẹbiẹ-Wẹ ki cha lẹ Ch’ẹtafi ọ tak I fẹ *2 Ẹdọ ki ch’ẹkamuhitẹ K’ONDU-mi ki gwugwu. Todu k’u gb’omu Kraist kate K’I gwugwu oj ede-Wñ *3 D’ẹdọ ki hi wanẹ ñwumi K’i ak ẹdọ n’Ẹ, k’I gbọ, Ee-k’ukwu kp’im̃i ma bọjọ K’i f’Uwẹ kp’owñ daru n *4 Ẹdọ k’ibe duu k’i n’akpẹ Ki kp’ẹkọ ñw ufẹdọ K’i mufu kpa dab ẹdọ-Wẹ, K’i bi ẹdọ ONDU-mi *5 Ali ki def Uwẹ, ONDU, Ẹ ki ñọ du ñwumi F’odu-wẹ etitọ lẹ kọ Ny’umi ẹdọ, ONDU === code 141 title HOLD THOU MY HAND *1 Gwọny ọwọ-mi! u ch’ẹnẹ ẹgbo, ONDU U neke ch’ẹrẹ kate l’ubi Wẹn, Gwọny ọwọ-mi! Ẹnajadu ki afẹdọ, Tak ẹwñ bibi duu ab umi ailo gẹn. *2 Gwọny ọwọ-mi! Fa mi ñọ fami m’ọla, Ẹ ch’ukibeno kp’uyọ kp’ẹwñ duu ñw umi; Gwọny ọwọ-mi! Tod ẹgba ku na achila, Ẹ ma d’anẹn, omi awanẹ chuu. *3 Gwọny ọwọ-mi! Oon achubi ọgba-mi Ichẹwñ k’uganẹ eju-Wẹ ma dẹn Amaa, ẹgba k’ẹdekono li ojima-Wẹ Eli ugwogwuyọ akpẹk ẹdọ-mi *4 Gwọny ọwọ-mi! K’ichẹwñ ku na aw alọmẹ Omi ukwu k’Ẹ daba tod umi lẹ, K’uganẹ-Wẹ ki m’anẹ nẹ ñw umi foo, K’u mudaba kp’uwẹ ef urẹdọ === code 142 title TAKE MY LIFE AND LET IT BE *1 M’umi du ch’ee-Wẹ chakaa K’u ch’ẹdatẹ ñw Ẹ, ONDU; Jẹ k’iko-mi duu k’unẹ, Ki ch’ẹkọ ñw eñwulọ-Wẹ *2 Mọwọ mi du k’I n’ach ẹwñ K’ufẹdọ-Wẹ k’ọ ki che; M’ẹrẹ-mi du k’I t’ale, Ugbo duu aj uchẹ-Wẹ *3 M’omu-mi du k’I k’eli, Onu-mi t’ogbegbelẹ M’uko-mi du k’I k’ọla, Ufẹdẹnyọ-Wẹ ọpioo. *4 M’ẹwñ anana-mi duu ko. Na ad ọwọ m’ee-duu ñw Uwẹ n ONDU, m’ibe-mi duu ko Ch’ukọlọ ki r’Ẹ eju *5 M’unekwu-mi k’u nẹ du, U ñ’an ee-duu t’ee-Wẹ le n M’ẹdọ-mi du k’I ch’ee-Wẹ, K’I mud ede-Wẹ ọpioo. *6 M’ufẹdọ-mi du ONDU; U m’u du tẹ ñw Uwẹ kate; M’onugo mi du chakaa du K’ọchakaa-wñ ki ch’ee-Wẹ pioo === code 143 title MY JESUS, I LOVE THEE *1 Na afẹdọ Wẹ, Jisọs, na adọ Wẹ k’ONDU Na ak idada ilẹ rinyọ tod Uwẹ. Uwẹ gba mi tanẹ, Uwẹ jadu mi, Na afẹdọ Wẹ, Jisọs, na afẹdọ Wẹ fai *2 Uwẹ fẹdọ mi tak omi fẹdọ Wẹ Uwẹ f’ọm adure-mi ra oji oli. Na afẹdọ Wẹ todu ọbata k’Ẹ li, Na afẹdọ Wẹ, Jisọs, na afẹdọ wẹ fai. *3 Na afẹdọ Wẹ, Jisọs, abu k’u n’im̃i-i Na ak ele Wẹ gboogbo m’ọJọ ukwu-mi Tak ẹgba ku na akwu, ọla kate na aka Na afẹdọ Wẹ Jisọs, na afẹdọ Wẹ fai *4 Na agw Ẹ ogbegbelẹ ef unyi ỌJỌ. Ẹdọ-mi ch’ẹbọ oñ na ad ojima ñw Ẹ K’ama ki d’ikẹbẹ ñw umi, na ak ele Wẹ kpọ Na afẹdọ Wẹ, Jisọs, na afẹdọ Wẹ fai === code 144 title O JESUS I HAVE PROMISED! *1 U katanẹ ñw Ẹ Jisọs Ku na ar ẹẹ t’ukpoji, Wẹ ki d’ugbo-mi pioo ONDU kp’onukwu-mi Ichẹwñ k’Ẹ dẹ kpeny umi, Omi ar ail ogwu n Ichẹwñ k’Ẹ ne mi m’ọọna Na añ achila pioo gẹn *2 Che k’u ma k’Ẹ d’ugbo-mi Ilẹ mẹr ọwọ pioo. Ẹwñ utọ-wñ ab eju jẹ, Na agb ekwukwu udọ-wñ Amẹnẹbibi dony umi Ma n’akob umi gẹ, Jisọs tẹm umi tule K’Ẹ gba mi kw’ugbo ma *3 Jẹ k’ọmi k’u gb’omu-Wẹ Ki ak ọla pee ñw umi K’I f’uja ẹdọ-mi ba M’ud umi ẹdọ-mi ko, K’ọla d’ugbẹdọ ñwumi K’u naju n, k’u ch’ẹdu n Ka, k’Ẹ la jẹ ñwumi gbagbọ Uwẹ adide-mi *4 Uwẹ katanẹ, Jisọs Ñw amat Ẹ ubi duu, Kak adu-Wẹ ad ugbo K’Ẹ j’ojima kp’Uwẹ. U la katanẹ, Jisọs, Ku na ar Ẹẹ t’ukpoji D’ufẹdẹnyọ-Wẹ ñwumi, K’u t’Ẹ ubi ONDU *5 Jẹ ñwumi li ọkpa ẹrẹ-Wẹ Ku na al ulẹ eju-wñ Ukibeno-mi duu la Ch’ukpahiu-Wẹ kate. De mi, fa mi nẹ mile, Gboogbo tan unyi-Wẹ Tak Ẹ m’umi gba t’ojale, ONDU kp’Ajadu-mi === code 145 title I NEED THEE EVERY HOUR *1 Uwẹ omi nekwu, ONDU Ajadu-mi I n’ẹnomunẹ duu Ki ad urẹdọ wan *ref U nekwu ONDU Jisọs Iko duu u nekwu Ẹ d’ẹnyọ ñwumi fai ONDU Na agb ọkọ b’Ẹ *2 Uwẹ omi nekwu; K’Ẹ gwugwu ugb omi Ejama duu bọjọ Ẹgba k’Ẹ d’ugbo-mi n *3 Uwẹ omi nekwu, Jẹ ñwumi m’unekwu-Wẹ K’ọla k’Ẹ katanẹ Ki wa che-efu mi *4 Uwẹ omi nekwu, T’ọbata, tef uyọ Wa piopio k’Ẹ gwugwu K’ilẹ-mi we ech ofo *5 Uwẹ omi nekwu, Uwẹ k’Uwẹ afọ Ẹche k’u ch’ẹnẹ-Wẹ Ọgboolo eñini === code 146 title ALL TO JESUS I SURRENDER *1 Na at ọla-mi nọ ñwu Jisọs Ẹwñ-mi duu na ako ñwONDU Na afẹd ONDU, na ak ẹdọ n’O Ukọlọ-wñ na ach ỌJỌ duu. *ref Na ak ọchakaa-wñ ñw Ẹ… Ẹwñ duu k’omi nẹ… Ẹwñ lẹ duu Ẹnajadu-mi Na ak ọchakaa-wñ ñw Ẹ *2 Na ak ọchakaa-wñ ñw ONDU Jisọs; U hi ọla-mi wan ẹrẹ-Wñ Uyọ ilẹi u kọ tinyọ Uyọ-mi ch’ONDU Jisọs *3 Na at ọlami nọ ñw Ẹ, Jisọs; Ẹ m’ọchakaa-wñ ko ch’ee-Wẹ Afu Kiafọ, Ẹ kp’ẹkọ mi, Añọla-mi ch’unyi-Wẹ. *4 Na ak ọchakaa-wñ ñw Ẹ ONDU-mi Ọla-mi u tọnọ ñw Ẹ Ufẹdọ many ukpahiu-Wẹ Ki kp’ẹkọ ef ẹdọ-mi *5 Na ak ọchakaa-wñ ñw ONDU Jisọs Ufẹdọ-Wñ kpa ny’umi ẹdọ; Uyọ ujadu-i jẹ ka kpan, Odu-Wñ ki n’ele ọpioo === code 147 title I AM TRUSTING THEE LORD JESUS *1 Na ak ẹdọ n’Ẹ, ONDU Jisọs, Owñ ch’Uwẹ kate Na ak ẹdọ n’Ẹ tod ujadu Ele-Wẹ *2 Na ak ẹdọ n’Ẹ k’Ẹ tọnọ ñwumi u danyekwu ñw Ẹ; Na ak ẹdọ n’ufẹdẹnyọ-Wẹ Abajọ-i *3 Na ak ẹdọ n’Ẹ, k’Ẹ f’umi gwẹ Ef ẹbiẹ-Wẹ lẹ: Na ak ẹdọ n’Ẹ k’Ẹ che k’omi Ki fọ fai *4 Na ak ẹdọ n’Ẹ tod ukpahiu Wẹ ki ma an uda n Ẹwñ ku na anẹ fẹwñ duu du fai Ch’ọla-Wẹ *5 Na ak ẹdọ n’Ẹ k’Ẹ nẹ mi le Owñ ch’Uwẹ kate, K’Ẹ ch’ekw ẹwñ duu ki akw umi ñwumi ỌJỌ duu *6 Na ak ẹdọ n’Ẹ, ONDU Jisọs Ẹ jẹ wñumi wanẹ n Na ak ẹdọ n’Ẹ, ogbegbelẹ, Tod ẹwñ duu. === code 148 title I AM THINE, O LORD *1 Omi dẹ, Ondu, omi gb’omu-Wẹ I koji ufẹdọ ñw umi Che k’ẹdọ-mi ki kon Uwẹ ny’ọgba; Fa mi mẹr Uwẹ tule *ref Fa mi mẹ ru, mẹru Ondu mi Mẹru oli ukwu-wẹ Fa mi mẹru, fa mi mẹru Ondu mi K’u li ukwu-mi k’Ḛ kwu. *2 K’ẹwñ ny’umi ọwọ k’u ch’ukọlọ-Wẹ, F’ukpahiu-Wẹ che ñw umi. D’ẹdọ-mi kwanẹ ku k’ibe n’Uwẹ, K’u ch’ẹwñ ki d’Uwẹ ẹdọ. *3 Ẹgba duu k’u wa k’u danyekwu ñw Ẹ Ẹdọ-mi abọ chakaa; Owñ ch’ẹgba kun a ar odu b’Ẹ Ọjọ, K’a ch’oluka onukwu *4 Ufẹdọ-Wẹ lẹ, alu k’efu-wñ dẹ, Omi ama ef ilẹn. Uyọ ñọ dọmọ e-k’omi mama n Chai ẹgba k’u wugbo-wẹ === code 149 title AT EVEN, ERE THE SUN *1 ỌJỌ k’olu tuny anẹ lẹ, K’abọga dachi al Uwẹ de, Ọga awọ ma oñ ma wa, Ẹdọ-ma bọ taku ma le *2 Fai olu ñọ tuny anẹ gẹ, Oñ a n’ọga ojoji wa Dagba k’eju-wa ma li Uwẹn, Acheema k’Uwẹ d’emi ta *3 Ẹnajadu, miwọ-wa ko, Oka ch’ọga, oka ch’ẹgbo Ichẹka fẹdọ Wẹ nyọnyọ n, Ufẹdọ Oka mudabu. *4 Kraist Jisọs, Uwẹ ñọ ch’onẹ; Ma j’Uwẹ ma, ma kp’Ẹ ẹdọ biẹ Eju-Wẹ ki nyọ neke li Ọga k’anyọ ma jẹ ñw aa kan. *5 Abo duu afeju em̃i B’adure ki dony uma tẹ, Ẹnẹ ki afej er Ẹẹ tule M’adure ki def uwñ tule *6 Ọwọ-Wẹ cheen ukpahiu ta Ẹwñ duu k’Ẹ ka we eche mama n Ẹ netir uwa abajọi K’Ẹ ch’ejumomi wa, ONDU === code 150 title LOVE DIVINE, ALL LOVES EXCELLING *1 Ufẹd ỌJỌ, ki t’ee-duu le Uy ojale ki w’ilẹi Dodo ef uwa gbegbelẹ K’ufẹdẹnyọ ki j’onu Jisọs, Wẹ ch’Aliejumomi Ẹ ch’ufẹdọ ki mufu Ẹ m’ujadu du wa ñwonẹ K’ailo ki kwo b’onẹ tẹ *2 M’af ufẹdọ-Wẹ r’ẹdọ Ẹnẹ duu ki ach okpo fai Che k’ọchakaa-wa ki n’ajẹ Urẹdọ-Wẹ ẹwñ ogwu M’ẹñọ adure k’a ache ko Mud Alfa kp’Omega ñwaa K’Ẹ che uchanẹ kp’ukpoji Ẹdekono-wa ọpioo *3 Uw Ẹnajadu ki gbim̃i Ukọlọ-Wẹ igbẹgbẹ Ẹ che wa todu k’Ẹ d’odo Ef uwa ogbegbelẹ Aw agogbod Odu-Wẹ lẹ Ch’ukọlọ adu ñw Ẹ pioo. Ele-Wẹ k’a aka an uda n A ab uba ufẹdọ-Wẹ *4 Ọna-wa k’Ẹ che etitọ, A mufu, a n’ọlọ duu n, Ujadu-wa duu k’Uw achei Ad ojima-Wẹ kpogo Ẹ n’ar uwa da alo pioo Gbẹgba k’a d’uña-wa atẹ K’a k’uloko-wa j’ẹrẹ-Wẹ A ay ay ufẹdọ-Wẹ pioo === code 151 title SEARCH ME, O GOD *1 ONDU ỌJỌ, Ẹ fef ẹdọ-mi tu, Alu k’Ẹ cheem ewñ duu ki def umi; F’umi gwẹ fẹ b’iwa ee-ẹdọ tẹ, F’umi datẹ k’u ch’adu-Wẹ ọpioo *2 Na agw Ẹ, ONDU, Ẹ f’umi gwẹ hioolo Che k’ọla-Wẹ ki jọ kpa ef umi; Jẹ ñwumi kp’ẹkọ ñw Afu-Wẹ alo waa K’omi ki d’ojima ñw odu-Wẹ pioo *3 M’im̃i-mi du ch’ee-Wẹ ONDU ọpioo Ufẹdọ-Wẹ ki kp’ẹkọ ẹdọ-mi M’unekwu-mi kp’uba ẹdọ-mi ko; Na ak ẹwñ duu ñw Ẹ, ONDU gwugw efumi *4 Afu Kiafọ j’amonẹ-Wẹ olu, Chanẹ ukọlọ lẹ efumi fai; Ọla-Wẹ kak Uw achekwu duu ñw aa, D’ẹnyọ ñwumi fai ONDU tod odu-Wẹ === code 152 title MAY THE MIND OF CHRIST *1 Ibe k’Ẹnajadu-mi kpẹ Ki def umi ỌJỌ duu; Ọkpakpa-Wñ ki t’ejugede Ef ẹwñ duu k’u che *2 ỌlỌJỌ ki ch’ẹwñ akoko Ki n’ad odo ẹdọ-mi, Ku na ach ẹwñ ki d’ONDU ẹdọ Lef ukpahiu-Wñ pioo *3 Urẹdọ ỌJỌ Ata-mi ki gwọny umi ẹdọ yọọ K’ẹdọ-mi ki nyi k’u tẹko Ab ẹdọdudu *4 Ufẹd ONDU ki k’efu-mi, Alu k’omi kọ aji; K’u hiwanẹ, k’u n’ahi Owñ ne, Ch’edu ogboolo *5 Ẹnyọ-Wñ ki kp’ẹkọ efumi K’u famonẹ mu ñw ỌJỌ Ab ulenyọ ki we li mi Ku ma li ONDU === code 153 title SAVIOUR, TEACH ME, DAY BY DAY *1 ONDU kọ mi ỌJỌ duu, K’u gb’om ufẹdọ-Wẹ gbọ I n’ukọchẹ ki ny’abẹi n Efẹd Owñ ki fẹdọ mi *2 I ch’omi n’ọla mi-i gẹn, Omi ch’ee-Uwẹ kate; Na ach ẹwñ ñw Ẹ, na aw Uwẹ che, Wẹ, k’Ẹ fẹdọ mi dọgba *3 Dab ọma ki afẹd iye-wñ Na ach ẹwñ k’Ẹ ñwa ñwumi Ku hika r’Ẹẹ, t’Ẹ ubi Wẹ, k’Ẹ fẹdọ mi dọgba *4 Kọ mi k’u le ẹrẹ-wẹ K’u t’ufẹdẹnyọ-Wẹ ubi K’u kọchẹ ufẹdọ-Wẹ Wẹ, k’Ẹ fẹdọ mi dọgba *5 Ufẹdọ agwogwuyọ Ef ọla-Wẹ egba gbọ Na ayọ ech unekwu-Wẹ Wẹ, k’Ẹ fẹdọ mi dọgba *6 Omi ayọ ed ọmẹ Ufẹdọ k’u jẹ lẹ ña, Na ak el ufẹdọ-Wẹ pioo, Wẹ, k’Ẹ fẹdọ mi dọgba === code 154 title SPEAK LORD, IN THE STILLNESS *1 ONDU, k’ọla ñwumi, Na anede Wẹ fai Ẹdọ-mi aneti Ki gb’ọla-Wẹ fai *2 ONDU ku ma ak ele-Wñ K’ọla abajọi Jẹ ñwumi li eju-Wẹ Kpai ukpahiu-Wẹ *3 Todu ọla k’Ẹ ka, Ch’im̃i ogboolo Jẹ ñw efu-mi ki kọ ñw ujẹwñ im̃i lẹ *4 Na at ọla-mi nọ ñw Ẹ, K’u ch’ee-Wẹ kate; Uwẹ ki nẹ mi pioo, Uwẹ katete *5 Jẹ ñwumi k’u kp’ẹkọ Ñwem unekwu-Wẹ Ẹwñ duu ki d’Uw ẹdọ Ki che ef umi *6 Na atene edab uchẹ Ku ma ch’omi r’u, K’I ar ẹro afu ñw Ẹ ỌJỌ duu ki añwa === code 155 title SAVIOUR, AGAIN TO THY DEAR NAME *1 ONDU, a ñ’ak eli odu-Wẹ gẹ Abu k’a che k’a kpatuka kw’emi, A kwanẹ dago todu k’awa gw Ẹ. A tene k’Ẹ d’ẹnyọ ñw aa tak alo *2 D’umi ñw aa abu k’a jeju ọọna; Leb uwa lo gbẹgba k’a t’unyi-wa Jẹ k’anyọ duu kp’ẹbiẹnẹ ki m’uwa n, Todu k’Uwẹ f’uwa la ñw ọla-Wẹ *3 D’umi ñw aa ẹgba k’a al olu odu Ẹ d’ugbo-wa a r’ailo ẹchubi n Ẹwñ bibi duu aneke kado wa n Ẹ d’ide wa t’odu t’ọrọka gẹ *4 D’umi ñw aa ẹgba k’a jef ilẹi F’ẹdọ-wa nyi, Ẹ ki ch’ateko-wa Ẹgba k’a akwu, tod ọda-Wẹ iche, Tak a n’umi ojale, unyi-Wẹ === code 156 title MASTER SPEAK *1 ONDU ka, adu-Wẹ agbọ-i na anekwu ọl ufẹdọ; Jẹ ñwumi gb’omu-Wẹ abajọ-i Omu-Wẹ ki ab onẹ ẹdọ Omi d’emi aneti Ka ñwumi alu k’Ẹ nekwu *2 Om omunẹ wewe j’aka Ef ẹdọ ogbẹnugbẹ; Egbajẹ ọla ki ma nyọ n, Agwọ wef ẹdọ-mi yẹẹ Ẹ ki k’ọla-Wẹ, ONDU, Ọla-Wẹ ki gb’ẹgwu-wñ jẹ *3 ONDU ka, dagba k’u nyar u K’u we lo ọwọ ofo ONDU ka, k’Uwẹ la cheema Ẹdọ-mi ki atene Wẹ; Ẹ cheema ekwu ki akwu, Ka, k’Ẹ d’ẹnyọ ñwumi, ONDU *4 ONDU, ñw ef ẹdọ-mi che gẹ K’u gb’omu-Wẹ ochochi na agb omu-Wẹ gbọ, ONDU-mi, K’u leb ọla duu k’Ẹ ka. Omi d’emi aneti ONDU Jisọs k’ọla ñwumi *5 Ẹ ki f’odu-mi dọ, ONDU, Jẹ ñwumi ma k’omi Ẹ ka ñwu; Ka k’u hika t’Uwẹ ubi, Ẹrẹ-mi ki m’anẹ pioo, Ugbo k’Adide ale Olubọ okwuta lẹ. === code 157 title SAVIOUR LIKE A SHEHERD *1 Ẹnajadu nẹ wa le pioo; Dab adide amala-Wñ; Nẹ wa ny’ok ijẹ-Wẹ ki nyọ, Figa-Wẹ ñwọche tẹ ñw a; ONDU Jisọs, ONDU Jisọs, Wẹ la wa, ee-Wẹ a che *2 A ch’ee-Wẹ, m’uwa onukwu, K’Ẹ ch’adide ọọna-wa D’id ujọ-Wẹ b’adure tẹ, Tene wa ẹgba k’a la; ONDU Jisọs, ONDU Jisọs Netir aduw amọma-Wẹ *3 Ẹ ka k’uwẹ agb awa nyi, A k’a ch’amẹnadure; Ufẹdẹnyọ-Wẹ cheegb im̃i, K’Ẹ m’uwa gba tanẹ piooo; ONDU Jisọs, ONDU Jisọs, Jẹ ñw a takpa w’ugbo-Wẹ *4 Che k’a takpa r’Uwẹ ẹdọ K’a hika ch’unekwu-Wẹ Ẹnajadu ku ma k’ele-Wñ Efu-wa ki kpẹkọ ñw Ẹ, ONDU Jisọs, ONDU Jisọs Uw afẹdọ wa ọpioo === code 158 title JESUS SAVIOUR, PILOT ME *1 Onu ọkọ, nẹ mi le, Ilẹi ch’ohimini Ef omi ki d’ọgba-mii Okwuta ki maja gbẹ uwẹ kate f’ọọna-Wñ ma, ONDU Jisọs, nẹ mi le *2 Alu k’iye b’ọma akwu Uw ab afu ki we eju, Omi lẹ agb ọla-Wẹ Ẹgba k’Uwẹ kaki “we” Uwẹ, onu omi lẹ, ONDU Jisọs, nẹ mi le *3 Tak ẹgba k’u mẹr ekwu, K’ailo lẹ ache ki ba, K’omi lẹ la cheen efu, Uwẹ na añọ ch’ubi y’ọọ Jẹ k’u gb’omu-Wẹ kaki Ẹ ch’okpo n, Na anẹ wẹ le === code 159 title SAVIOUR LEAD ME, LEST I STRAY *1 ONDU nẹ mi l’ọọna-wẹ Nẹ mi yẹyẹ w’unyi-Wẹ Uwẹ ch’oko ubi-mi Na agwugw ef ufẹdọ-Wẹ *ref Nẹ mi, nẹ mi, ONDU nẹ mi k’u we ela Nẹ mi yẹyẹ ef ilẹ; ONDU nẹ mi ỌJỌ duu *2 Uwẹ ch’ukẹdọno-mi Ef ọbata ki d’ilẹ Ẹ d’ugbo-mi, u g’ẹdọn; Uwẹ, omi k’ibe no *3 ONDU nẹ mi gboogbo ta Kailo ilẹ ki takpa. K’Ẹ nẹ mi w’uny Ata-Wẹ K’I f’omi akwu-mi li === code 160 title I MUST TELL JESUS *1 Ọbata mi duu, na ad uu ka ñwu Jisọs, Omi kate la neke n’adu-wñ n Ef ihianyi-mi, Owñ atẹko mi; I ad eju t’abo-Wñ ogbegbelẹ *ref Na ad uu ka ñwu Jisọs Omi kate la neke n’adu-wñ n, Na ad uu ka ñwu Jisọs, Jisọs atẹko, Jisọs kate *2 Akanya-mi duu na ad uu ka ñwu Jisọs Owñ ch’Onukwu ki am ọla ñw umi Omi r’odub Owñ, Owñ lẹ agba mi; I ad ẹr ubi b’ọbata-mi tẹn. *3 Omi la nekwu Ẹnajadu lẹ Owñ ab umi nẹ adu-mi duu Na ad uu ka ñwu Jisọs, na ad uu ka ñwu Jisọs Owñ lẹ kp’omi akp ẹdọdudu. *4 Ilẹi ache ki gw’umi ọgwọ! I j’ẹdọ-mi ma k’u d’ỌJỌ re Na ad uu ka ñwu Jisọs, Owñ atẹko mi, K’u f’ujai ja, K’u f’ilẹi du === code 161 title NEARER MY GOD, TO THEE *1 Fa mi m’ọla, ỌJỌ K’u mẹr Uwẹ; Dagba k’I ch’ọbata Oñ Ẹ nẹ che, Omi ñ’ak eli-i kpọ Fa mi m’ọla, ỌJỌ, K’u mẹr Uwẹ *2 Dagba k’ỌJỌ ki du Kẹrẹb umi K’u d’oji n’okwuta Am̃i ọmọ Ef ọna-mi na aka Fa mi m’ọla, ỌJỌ K’u mẹr Uwẹ *3 ỌJỌ, ña mi ọọna Ki any ugbo-Wẹ K’ẹwñ duu k’ẹ kpẹ r’umi Ki kọ mi ọla K’omi ki na aka kpọ Fa mi m’ọla ỌJỌ K’u mẹr Uwẹ *4 Iko k’eju-mi jọ Na ak ele-Wẹ, Ef iwọ duu k’u li na ajẹny Uwẹ; Ef ọbata na aka Fa mi m’ọla, ỌJỌ K’u mẹr Uwẹ *5 I chẹwñ k’I ch’ef uyọ Kp’ugwogwuyọ On ña alo t’unyi-Wẹ Efojale, Eli ku na akọ dẹ; Fa mi m’ọla, ỌJỌ K’u mẹr Uwẹ === code 162 title ABIDE WITH ME *1 Gwugw ugbo-mi; fai anẹ cha elọ; Oj adu mẹ; ONDU Ẹ d’ugbo-mi Abo ki bọ ki t’umi nọ chakaa Uw Ẹnajadu, Ẹ ki d’ugbo-mi *2 Ilẹ-wa-i ahika takpa gbẹ. Uyọ ilẹ la r’uwa eju gẹn Ẹwñ k’eju li akpabiẹ ugbo duu; Uwẹ k’Ẹ ma kpabiẹ n ki d’ugbo-mi *3 Eju-Wẹ ki kad omi ẹgba duu. Ukpahiu-Wẹ neke f’Ebili du Uwẹ ch’ẹnẹ ki any mi ẹdọ, Ẹgb uyọ kp’ọbata, Ẹ d’ugbo mi *4 Na ar ail ẹwñ duu ẹgba k’Ẹ d’ẹnyo ñw umi n Akanya duu kpai akwu ch’ofofo. Ope ukwu la neke wọ mi gẹ n; na an ẹdọ ta, todu k’Ẹ d’ugbo-mi *5 D’ugbo-mi waa, dagba k’omi akwu. Uganẹ-Wẹ anẹ mi ny’ugbo-Wẹ. Na adach ilẹ-i, na aj olu ẹr ỌJỌ; U deju, u lekwu, Ẹ d’ugbo-mi === code 163 title BE GLAD IN THE LORD *1 Mẹ n’ayọ ef ONDU Jisọs Amẹ ku mẹ m’ọla-Wñgba mẹ. Ichẹwñ ku mẹ t’ọọna Jisọs Ẹdọ-mẹ abo ogboolo *ref N’ayọ! N’ayọ! Mẹ n’ayọ ef ONDU Jisọs *2 Mẹ n’ayọ, Owñ kate ch’ONDU Jisọs n’ọda duu ef ilẹ. Lef ọla-Wñ k’I ka I ch’ẹwñ duu Ẹbiẹ-Wñ f’ọm ẹbiẹnẹ ra mẹ *3 Dagba k’ef uja k’awa ja, I bọ pẹẹ ku ma f’uwa du; Abogwu ỌJỌ k’a ma lin, Cheet abo ẹnẹbi-wa le. *4 Dagba k’anẹ chubi emi, Dabẹnẹ k’ojo du b’ẹẹ ma, Ẹdọ-wẹ ki ga kikili n Ẹwñ lẹ duu al uwẹ oji *5 Mẹ n’ayọ ef ONDU Jisọs; Mẹ k’eli jẹnyu Ọm ỌJỌ. Mẹ n’omu kpai ẹdọ k’ele ONDU Jisọs, Ẹnajadu === code 164 title SOUND THE BATTLE CRY *1 F’ogwu uta kpa, amẹnogwu awa! F’ọla mu chakaa, tod ONDU Mẹ j’ọl ogwu wa, mẹ ki dago ka Mẹ ki k’ẹdọ no Ọla ỌJỌ *ref Soja, kwanẹ! Dony agaliga-Wñ lẹ F’ọla mu jọ, ka ñw abo-wa duu Tẹ wa! A lo! F’ogwu kpa, “Hosana!” Kraist ch’Agboji amẹnogwui *2 A ki f’eju gbo; elo a alo; Abu k’a cheema Kraist Adu Ugbẹyọ ki fẹ, k’ibej onẹ jẹ Uja-Wñ ch’ọkpakpa, ọwọ-wa anya n *3 Uwẹ, ỌJỌ dee, tẹko wa ọgbẹẹ, Netir uwa lẹ ẹgba duu. Ogwu lẹ mu da, k’Ẹ f’uma du kpa, Aw agb uloko-wñ ọgb ede-Wẹ === code 165 title SING A GOOD SONG TO GOD *1 K’eli ọmẹmẹlẹ ñw ỌJỌ, amẹ ku mẹ r’Ọọ Jẹ ñw amonẹ duu ki li uyọ ki d’ẹdọ mẹ Jisọs Kraist lẹ m’uwa fu oñ a chan eyọ I n’ẹbiẹ-Wñ f’uwa la tanẹ *ref A lo, a lo, emi i ch’unyi-wa n Awa m’ọla k’a lo t’unyi ỌJỌ, ONDU lẹ k’I ñwuña che ñw aa efojale Lewa k’a m’ọla k’a ny’ọmọ *2 Ẹgba k’a jef ẹdọdudu, ẹnẹ duu kwula n; I n’ẹnẹ duu ki liẹna wa tod ọbata lẹ n Abu k’ỌJỌ jẹ ñw eju-wa munẹ r’ọl Ọma-Wñ Tak ẹdọ-wa bọ ololo *3 Tak ẹgba k’ẹdọ-wa bọ, k’a ma l’ikpa onẹ n, Amonẹ duu kwowẹdọ r’abo ku ma n’um̃i-i Ẹbiẹnẹ duu k’a tẹt ache, k’a ma j’ache gẹ n Ee-lẹ kate bi ma eju *4 I n’onẹ duu ef ilẹ ki ajadu ẹnẹ duu n, Chai Jisọs ki kw’ọmọ wa an onẹ ny’unyi ỌJỌ. K’ẹdọ n’ONDU ef ilẹi, k’ẹ t’ẹwñ igbele nọ, Ẹgba lẹ ẹdọ-wẹ abọ === code 166 title TRAVELLERS ON THE SEA ARE WE *1 A ch’amilowa j’al ej ohimini, Afu aju r’ilema-wa biẹbiẹnẹ, Dagba k’ohimini lẹ ki n’acha alo I neke ko wa nyef echilẹchẹ gẹ n *ref Jisọs ki tẹtẹ def ọkọ kp’ama ñọ d’ugbo-wa eñini gẹ Awa ñ’achokpo ẹwñ duu ki akẹrẹb uwa gẹn; Jisọs ki tẹtẹ def ỌJỌ kp’ama Ñọ d’ugbo-wa eñini gẹ Owñ lẹ anẹ wa ny’efojale chuu *2 Awa aabo Kraist ch’ilowa ilẹi, Ọbata lile du dab omi awa, Dagba k’ọbata lẹ ki wa b’uwa ma I neke d’awa kp’ufẹdọ ONDU ru n *3 Amọmaye, a ki n’any ọgb alo waa Ab a n’ach ubi ONDU-wa alo pioo Ẹwñ duu ki che k’ONDU-wa ñwa ñwuwa lẹ, A ki n’ache gbẹgba k’ONDU adabiwa *4 Dagba k’ẹnẹbibi lẹ ki kob uwa, Awa an ugbada Afu af uu du, Owñ ch’ee-k’ONDU nẹ f’ẹnẹbi-wa lẹ du Awa nẹ, a neke f’uu du dab Owñ gẹ *5 Ẹgba k’ONDU-wa tal eju ilẹi Ma k’A akọru, ch’ẹdẹtẹ Uwñ, ny’anyi r’Owñ oji, Ma ñọ m’Uu du kaba m’oli Kalfari, Ma f’Uu kpa, I lekwu ọmọ tod uwa *6 Ọbata duu k’awa chaka jọ ali-i I mẹr ee-k’ONDU-wa li tod uwa lẹ n; Ee-lẹ duu lan ad ugbẹdọ ñw uwa fai, Oñ a at Ọ ubi l’ọọna duu k’I le ilẹi *7 Amọmaye, ONDU mẹr edabiwa, K’I k’abo-wñ chakaa lo tef umi unyi-wñ, Awa la aj ọmọ agwogwuyọ ọpioo, Awa an um̃i ogbegbelẹ ọmọ === code 167 title ONWARD CHRISTIAN SOLDIERS *1 Amisoja ONDU, awa ki ny’ọgba Awa k’a jef ọwọ setan igbele, Ukwu ONDU Jisọs f’uwa la tanẹ. Eñini abajọ-I a at ONDU ubi. *ref Amisoja ONDU awa ki ny’ogba Awa j’agoo Jisọs, Owñ lẹ t’anẹ mẹ *2 Abo setan ara r’ọgb odu Jisọs A ki ny’ọgb ef odu-Wñ tef edu ọpioo. Efọjegwu aga, ab a ajenyu ñwU. D’omu ny’ate ku ma gbọ ele-Wñ k’aka *3 Ọọna k’abo kiafọ le oñ awa t’alei Ujeju ab ỌJỌ n’any ọgba alo waa, Owñ ch’añọla ONDU ki ch’okate lẹ, I ch’oka ef ufẹdọ kpai ukibeno *4 Ẹwñ duu la jef ilẹ ki ch’ogbegbelẹ n Ojima ee-onẹ agbegbe kpabiẹ n Abo ONDU Jisọs n’ee-ma gbegbelẹ Setan kpai abilẹ neke gwọny uma n *5 Awa at ONDU ubi dab ab igbele Abo ki le t’ọgba t’ugb Ẹnajadu, Awa kpai abo lẹ, okate a che. Eli kpai uyọ-wa kpee-ma ch’okate === code 168 title FEAR NOT! GOD IS THY SHIELD *1 Uwẹ ki ch’okpo duu n, ỌJỌ ch’ugbẹyọ-wẹ Ogwu k’I jalẹ gbẹ Owñ lẹ ch’ukpahiu-wẹ *ref ỌJỌ onugo ka K’uwẹ ki ch’okpo duu n! Moji-wẹ du dago, Gwoye efu ONDU *2 Uwẹ ki ch’okpo duu n, ỌJỌ gb’ukwa-wẹ mẹ; ỌlỌJỌ, ki ch’omi Ar onugo-wẹ ko *3 Uwẹ ki ch’okpo duu n; Ẹ ki la d’ejiji n; Owñ d’ugbo-wẹ ọpioo, K’I d’ukpahiu-W ñwuwẹ. *4 Amẹ ki ch’okpo duu n, Ujọ amala-Wñ ree-i Ẹnajad awa fai K’I ko wa lo t’unyi-Wñ === code 169 title GIVE TO THE WINDS THY FEARS *1 M’ailo-wẹ kon ONDU K’ibe n’Owñ, ẹ ch’okpo n. I agb ifi duu k’wẹ afi, I ali omi akwu-wẹ *2 Ukpogafu ki ju I ach ọọna lef uwñ ñw ẹ, Ned iko-Wñ, odu-i alo Ọj uyọ awña fai *3 Ẹwñ n’uwẹ ẹdọ taa? Ibe-wẹ kpatukaa? M’ẹwñ lẹ duu ko li n’ONDU fai Tak ailo ñ’ab ẹẹ gẹn *4 Owñ n’oda ugbo duu, Ẹwñ duu la ach unekwu-Wñ Ẹwñ duu k’I che ad ẹnyo wa, Ọọna-Wñ duu la dẹ foo *5 Ibe-wñ ki maja ñw aa, At ejugede fai Ukọlọ-Wñ ki b’uwẹ ailo Ach uyọ ñw uwẹ fai *6 Owñ ki n’ibe t’ẹẹ le, k’I ch’ee-ki d’Owñ ẹdọ Awuwu ukọlọ-Wñ am ẹ, Ẹwñ k’ọwọ-Wñ che gbẹgbẹ! === code 170 title TRUST ON! TRUST ON *1 Ẹ n’ak ẹdọ no alo Dagba k’ogwu kpokpẹ! Uw adef abo ki adu Ọj aja tod uwẹ *ref K’ẹdọ … no waa… ỌJỌ ki chaka du tẹ gbẹmm K’ẹdọ… no waa… K’ỌJỌ mẹr eñwa mẹ *2 Ẹ n’ak ẹdọ no alo, Ajama mẹr uwẹ Ilẹ-wai ach ọkọ gbẹ, Owñ mud an uwẹ le *3 ONDU neke jadu wa, I la ach ubi abo-Wñ Owñ ch’onukwu ọlali, K’ẹdọ n’O t’ukpoji === code 171 title THROUGH THE LOVE OF GOD *1 Lef ufẹdọ ỌJỌ-wa lẹ, Ẹwñ duu anyọ; Ufẹdẹnyọ-Wñ arida pioo n, Ẹwñ duu cheenyọ; Ẹbiẹ ki la wa ch’akoko, Ufẹdẹnyọ-wñ lẹ la mufu, Ọw ukpahiu-Wñ adide wa, Ẹwñ d’anyọ chuu! *2 Dagba k’awa lef ọbata, Ẹwñ duu anyọ; Ujadu-wa mufu kpoji, Ẹwñ duu cheenyọ; A yọ ef ech ubiy ỌJỌ, A gwugw efu Kraist ar ẹro, Afu Kiafọ anẹ wa le, Ẹwñ d’anyọ chuu! *3 Awa nej ỌJỌ ki añwa foo Ẹwñ duu anyọ: Ẹdekon ak el ef iwọ, Ẹwñ duu cheenyọ; A ch’ubiy ufẹd Ata-wa Jisọs ak ẹwñ ekwu duu ñw a; Tef edeju t’efu ekwu, Ẹwñ d’anyọ chuu! === code 172 title SEEK YE FIRST NOT EARTHLY PLEASURE *1 Ẹ ki fej ubẹdọ ilẹi dọgba n, Uyọ-wñ kpai ẹwñ anana-wñ acha; Amaa, ufẹdọ-Wñ ki ma n’eñwa n, N’afeju! *2 Ẹki fej ojim ilẹi dọgban, Ilẹi kpai ẹñọ-wñ alale pioo; Ẹki feju ujadu dọgba Fej ee-lẹ! *3 Ẹ ki fej urẹd ỌJỌ dọgba, ẹnẹ ki n’ee-lẹ f’ẹwñ duu nẹ mẹ, Wa k’ẹ m’ekwu ki akw ẹ du ka ñwU Du ka ñw u! *4 Ẹ ki fej ONDU Jisọs dọgba, Tak ẹgba k’I t’adure-wẹ nọ; Ẹ ki m’ọla-wẹ duu du ñw U pioo Gbegbelẹ! *5 Ẹ ki fej ede hioolo dọgba K’ẹ dẹ chikimi dab ONDU-wẹ D’ọla-wẹ chakaa tef ukọlọ-Wñ Chẹ ñw ONDU! *6 Ẹ ki feju ojanẹ-Wñ dọgba, Fej amonẹ kẹ neke jẹ ñw U; Nẹ ma w’ugb ONDU Jisọs Nẹ ma wa! *7 Ẹ ki fej ọla k’I katanẹ Ekwu duu ki akw uwẹ I ache ñw ẹ; Ọla-Wñ duu arida n, ch’ubiy Ọọ ch’ubiy Ọọ! === code 173 title THIS WORLD IS NOT MY HOME *1 Ilẹi ch’uny-mi gẹ n, na ale gw’ọ du alo, Ẹwñ anana mi duu j’ugbo ONDU-mi atẹ, Ẹnẹ ki jadu mi m’umi du ch’ẹnẹ-Wñ mẹ, Na añọ d’ilẹ kidẹ kọ unyi ee-mi gẹ n *ref ONDU, Ẹ ma, u n’onukwu t’Ẹẹ le n, U k’ilẹ-i tinyọ mẹ, i chonukwu-mi gẹ n, Ibe-mi chakaa duu kad ojanẹ ojale, Na añọ d’ilẹ kidẹ kọ uny ee-mi gẹ n. *2 Amọmay ufẹdọ duu ki ny’efojale, Ma j’ugbo ki nyọ lẹ aneju mi ọmọ, Ef ẹdọ-mi duu la m’ọmọ gba chakaa mẹ na añọ d’ilẹ kidẹ kọ uny ee-mi gẹ n *3 Omi ki ch’ẹn ONDU ch’ilowa ilẹi, ugbo k’u ch’ọmanẹ ch’anẹ efojale, Ẹwñ duu k’u nẹ ache ibe-mi kad uny, Na añọ d’ilẹ kidẹ kọ uny ee-mi gẹn; === code 174 title WHEN UPON LIFE’S BILLOWS *1 Ẹgba k’ẹ def ilẹ-i ach ọbata, Kẹ ch’ẹdọdudu kak ẹwñ-wẹ an oji n, ch’oli ẹwñ k’ỌJỌ du ñw ẹ, k’aluka-wñ tak ẹwñ k’ONDU che ñw ẹ duu ach aye ñwẹ *ref Ẹwñ k’I che ñw ẹ, ẹ ki k’aluka-wñ, Ẹwñ k’I che ñw ẹ, ẹnyọ ỌJỌ gbẹ Ẹwñ k’I che ñw ẹ, ch’oli uwñ ok oka, Tak ẹwñ k’ONDU che ñw ẹ duu ach aye ñw ẹ. *2 Adu ihiany oka f’uwẹ ka mẹẹ? Adu-wẹ woji t’uwẹ le eju-wẹẹ? Choli ẹwñ k’ỌJỌ du ñw ẹ, k’ẹ we ed eeji, tak uwẹ an eli k’ẹ ẹkọ ẹgba lẹ. *3 Ẹgba k’ẹ go anẹ k’abo ki bọ nẹ, Ẹ ki rewa kak ẹ mud anana mẹ, Ch’oli ẹwñ k’ỌJỌ du ñw ẹ, ma an ọkọ la n, Unyi-wẹ d’ojale, ọmọ ẹwñ-wẹ dẹ *4 Dagba k’uja dago ugbo duu k’ẹ dẹ. Ẹdọ-wẹ ki kpabiẹ n, ỌJỌ d’ubi-wẹ. Choli ẹwñ k’ỌJỌ du ñw ẹ, Afu Kiafọ Ad ugbẹdọ ñw uwẹ gboogbo wu’unyi-wẹ === code 175 title WHEN I FEAR MY FAITH WILL FAIL *1 Ẹgba k’ẹdọ-mi aga Kraist agwọny umi Ẹgba k’ebili akẹchẹ Kraist agwọny umi *ref Owñ agwọny umi, Ẹnajadu lẹ n’ufẹdọ; Owñ agwọny umi. *2 U cheema kak u n’ukpahiu n; Kraist agwọny umi Omi chaka fẹdọ Uwñ kẹkẹ kraist agwọny umi *3 Todabu k’u mud ọma-Wñ, Kraist agwọny umi Todabu k’I afẹdọ mi gbẹ, Kraist agwọny umi *4 Owñ ajẹ ñw oji-mi lenyọ n Kraist agwọny umi I n’ẹbiẹ-Wñ fumi la tanẹ Kraist agwọny umi === code 176 title PRECIOUS LORD, TAKE MY HAND *1 Ẹgba k’ọọn ab ailo, ONDU, tẹmẹr umi Ẹgba k’im̃i-mi bọ ree Gb’ukwa mi, gb’udọ-mi K’Ẹ gwọny umi dago; ONDU, W’Ẹnakoko, nẹ mi le. *ref ONDU, W’ẹnakoko F’umi im̃i ruko, Uhia ki hia mi gbẹ; Nẹ mi lef ẹchubi-i Nyef uganẹ-Wẹ lẹ; ONDU akoko, nẹ mi nyunyi *2 Ẹgba k’iko takpa, K’u f’ule-mi ra kpa, ONDU, Ẹ dọ mi w’unyi K’Ẹ d’uloko ñwabo Ku ma fẹd ewa-Wẹ, ONDU, W’Ẹnakoko, nẹ mi le === code 177 title O HOW SWEET THE GLORIOUS *1 O, Uchẹny ỌJỌ gbẹ gbẹ! Aki k’ẹdọ n’O, Ọnalẹ eñini, ọna, Jisọs arida n Owñ ajadu ẹnadure, I ach ọg onẹ kpa Ẹdọ onẹ ki mukpabiẹ, Jisọs añwọche *ref Ọnalẹ, fai t’ogbegbelẹ. Jisọs arida n. Ẹnẹ duu ki chaka rida, Jisọs arida n Jisọs arida n, Owñ ki n’ojima ẹnẹ duu arida chakaa, Jisọs arida n *2 Owñ ch’onukwu ẹnadure, uwẹ I atene Ribe da k’uwẹ ki lewa f’eju b’anẹ ma. Owñ ki ka ku Na akp ẹ abi n, lo k’ẹ we dure I ñ’ak ọla abẹlẹ ñw ẹ eñini kidẹ. *3 Ẹnẹ ki la tọnọ ñwu Pita neke tọnọ ñw ẹ. Ẹnẹ ki la w’ugbo Tọmas am e eju nẹ. Ẹnẹ ki jẹ ñw ẹnufẹdọ-Wñ dach agbẹdọ-Wñ Owñ n’ufẹdọ-Wñ adọ wẹ k’ẹ ch’ubiyọ ẹdọ-Wñ *4 Owñ ki l’ulẹ eju omi ẹgba k’I ch’ọkọ Neke b’afu ibi ki aju da igbegbele Owñ k’ugwu-Wñ wanẹ dab ẹbiẹ Gẹtsamani lẹ Owñ d’ugbo-wa ab uwa che ef ọbata-wa *5 Alu k’I l’ulẹ ny’Ẹmeọs k’Owñ ki b’uma ru Abẹlẹ Owñ kp’a akpẹrẹ iko t’iko duu I bọ pẹẹ, k’eju-wa ki de – hianẹ wa, ONDU! Jisọs ki le t’efojale, Owñ adabi wa === code 178 title TAKE TIME TO BE HOLY *1 B’iko tẹ ñwu Jisọs k’I jẹ ñw ẹ mufu, Kwogwugwu ef Uwñ pioo, netir Ọl ỌJỌ K’ab ỌJỌ ch’onukwu, tẹk amẹnẹgbo. Ẹ gbẹdọ k’ẹ we ọọna ẹnyọ-Wñ edu *2 B’iko tẹ ñwu Jisọs, ilẹi alo waa Ẹ maj ugbo Jisọs, ẹ kwo b’Ọọ tẹ no Ẹ k’eju ru Jisọs, uw arida abi U Tak abo-wẹ ali kak I def uwẹ *3 B’iko tẹ ñwu Jisọs, Owñ ki n’uwẹ le Uwẹ ki j’ibenu k’ẹ d’ONDU ọgba n Ẹgb uyọ kp’ẹdọdudu, ẹ t’ONDU ubi Ẹ k’eju ru Jisọs k’ẹ m’ọla-Wñ gba gbọ *4 B’iko tẹ ñwu Jisọs, ẹ ki we enaju Ibe k’ẹ kpẹ chakaa k’I b’ojima m’Ọ Tak Afu-Wñ an uwẹ ny’ẹbi ufẹdọ; Owñ ch’emọla tanẹ ñw ukọlọ ỌJỌ === code 179 title THERE’S WITHIN MY HEART *1 Eli oka def ẹdọ-mi fai, Jisọs ak ọla ñw umi yẹyẹ; “Ẹ ch’okpo n, k’Omi d’ugbo-wẹ ta, Dagba k’ẹ ma l’eju Mi n” *ref Jisọs, Jisọs, Jisọs Owñ ch’odu ki nyọ Jisọs b’umi jọ fai Na añọ k’eli ẹgba duu *2 Adure-mi f’ilẹ-mi kpabiẹ; Ibe-mi ñọ ch’ọgwọkọ; Jisọs lewa d’ọwọ ch’ẹdọ-mi tak eli-mi ñọ daji *3 Fai na aj ẹwñ kwef ufẹdẹnyọ-wñ Omi n’umi olubọ-Wñ I dabẹnẹ k’u li eju-Wñ fai Ẹwñ ki chi k’u k’eli dẹ *4 Dagba k’I nẹ mi lef ọbata; Dagba k’ajama ki wa; Dagba k’ọọna-mi ch’atẹgwu kpa; U cheeli ẹrẹ-Wñ ọmọ *5 I bọ pẹẹ tak Ọwñ adabi wa, K’I m’umi du lo t’unyi-Wñ Omi kp’Owñ akpẹrẹ alo gẹ K’u j’ọfẹ kpai Owñ ọmọ === code 180 title DYING WITH JESUS *1 U kwu kpai Jisọs, Owñ kwu tod umi; I daji kwanẹ, u ñọ b’Ọ daji na ak ejur U tak u f’ojima-Wñ li Iko t’iko duu, ONDU, Ẹnẹ mi *ref Iko t’iko duu ufẹdọ-Wñ l’uu de; Iko t’iko duu u n’im̃i kwa’atẹ Na ak ejur U tak u f’ojima-wñ li Ikok t’ikok duu, ONDU, Ẹ nẹ mi *2 Owñ d’ugbo-mi efu ajama duu, Omi n’adu duu k’Owñ ma d’oji k’ọọ n. Ẹwñ ẹdọdudu, Owñ ab umi nẹ; Iko t’iko duu, I af eju tẹ mi *3 I n’ẹdọ ẹkpa, i n’ifi efi I n’ẹdọdudu, i n’akwu erọ; Ẹwñ biẹnẹ le wa, Owñ agba mi nyi iko t’iko duu, Owñ lẹ ade mi *4 I n’ẹgbo ọla ki ma wọ ONDU n; I n’ọga kate k’Owñ ma neke che n Iko t’iko duu, alu duu k’ẹwñ dẹ, Jisọs, Ajadu, la d’ugbo-mi pioo === code 181 title IN THE BELOVED *1 Ef Ẹnufẹdọ, I m’umi gba nyi I d’umi kwanẹ k’u gwugwu atẹ Lef ufẹdẹnyo-Wñ, I ñw’uña che ñw umi K’u def ab ONDU k’I la ma tanẹ. *ref Ef Ẹnufẹdọ, ufẹdẹny ỌJỌ Dọ mi k’u gwugw uñ alifia-i Ajadu-mi I ali, tak I ali mi; Ef ẹnufẹdọ, I m’umi gba nyi *2 Ef Ẹnufẹdọ, ọmọ u ra nyi Ef Ẹnufẹdọ, u mufu kpa mẹ. Ẹn agwọny umi? U n’ọla-mi mẹ! U defu Jisọs, I ad ide mi pioo *3 Ef ẹnufẹdọ, u ny’oj oli lẹ, Ẹdọ ekono jẹ ñw omi f’uu li K’uwẹdọ ỌJỌ cha l’umi oji! Ufẹdẹnyọ gbẹ! I kwu koji mi === code 182 title IN THE TENDERNESS HE SOUGHT ME *1 I n’ufẹdọ tene mi, K’ọga adure kp’ọọ-i; M’umi du n’ika dabi Wẹf iga ala-Wñ choo; Amonuchẹ n’ak eli ọgba-Wñ Jẹ ñw efojale gwogwuyọ. *ref G’ufẹdọ ki tene mi, Go ẹbiẹ ki r’ọmẹ-mi ufẹdẹnyọ k’I che lẹ gbẹgbẹ; I nẹ mi dabi tef iga-Wñ choo! *2 Agbe-mi k’I wa f’uu li, I m’ekpo du t’ọ ñw umi; I ka, d’ugbẹdọ ñwumi, ka K’U f’ẹli, wẹ ch’ee-Mi! U gb’omu duu ki rinyọ ab ee-Wñ n I jẹ ñw ẹdọ-mi gwogwuyọ *3 Amẹ ale jef ọwọ-Wñ Ẹbiẹ-Wñ cha tod umi; Ma d’ikeke ch’ikẹbẹ-Wñ Akọru ku ma k’Ọ; Ẹwñ ONDU li ef umi taa Ki jẹ ñw U li iwọ abẹi? *4 U gwugw ọgba oodu fai, Eju-mi k’I li gbẹ; Na agogbod Ọ, an ay aye, Ẹnyọ k’I du ñwumi lẹ; I chaka che ogbegbeilẹ I bọjọ ku na akele-Wñ kpa n === code 183 title JESUS, THE SAVIOUR *1 Jisọs Ajadu, lekwu oj oli, F’umi la tanẹ, d’umi ch’onẹ. Ufẹdọ-i gbẹ, omi ache Owñ Abu k’ONDU gba ọbata-mi *ref Go, omi dẹ, Jisọs ONDU. Ẹdọ-mi bọ, u cheema k’Ẹ nẹ mi. *2 Jisọs, Ajadu Ẹnejumomi, I aña mi ọọna ku na awe ela Ufẹdọ abẹi ad umi le gẹ Kwefu ẹchubi tef uganẹ. *3 Jisọs Ajadu, akwo bumi tẹ n; I ad umi le b’Ọ, k’u d’akolo-Wñ Owñ agba mi nyi, ọmọ na ara tẹ. Ufẹdọ-Wñ achi ogbegbelẹ n === code 184 title JESUS LOVES ME THIS I KNOW *1 Jisọs Kraist afẹdọ mi; Ab Ọl ỌJỌ ka ñwumi dẹ. Jisọs n’abimọtọ duu, Ukpahiu-Wñ atẹko wa *ref Jisọs afẹdọ mi Ab Ọl ỌJỌ ka dẹ. *2 Jisọs Kraist afẹdọ mi; Ukwu-Wñ m’ọọn ojale bi Owñ agwẹ ef ẹdọ-mi K’omi ki gwudu w’ọmọ *3 Jisọs Kraist afẹdọ mi Ẹgba k’omi ach ọga, Ẹgba k’omi al olu, Owñ af eju tẹ mi ọmọ *4 Jisọs Kraist afẹdọ mi Owñ lẹ dago ubi mi. Ufẹd Owñ dagba k’ukwu Owñ ad umi lo t’uny-Wñ === code 185 title WHAT A FRIEND WE HAVE IN JESUS *1 Jisọs ch’onukwu ogboolo; I agb ọbata-wa duu nẹ Ọla duu ki ache wa fai A d’uu tef aduwa ñw ỌJỌ Urẹdọ k’a la du tinyọ; Ẹwñ ki awọ wa ẹgba duu, Chakaa-wñ ch’abu k’a ma m’ẹwñ Ko ref aduwa ñw ỌJỌ n. *2 Ẹwñ ka dọmọ ki j’uwa maa? Akanya la d’ugbo duu? Ee-lẹ ki kpa wa ẹdọ biẹ n, a d’uu tef aduwa ñw ỌJỌ Ẹnẹ dọmọ ki agba wa nyi? Ẹnẹ kwaliwo wa duu? Jisọs ma ẹgbo-wa chakaa, M’u du tef aduwa ñwỌJỌ *3 Adu-wẹ la f’uwẹ ka mẹ? Ẹ ñwa t’emi, t’emi gẹẹ? ONDU Jisọs ch’Ẹnajadu Ẹ ki r’odu b’ọ ONDU. Amonẹ f’uwẹ k’akọru? M’udu tef aduwa ñw ỌJỌ ONDU Jisọs agb ẹẹ n’ọwọ-Wñ Owñ af uwẹ ẹdọ nyi === code 186 title TAKE THE NAME OF JESUS *1 M’odu Jisọs du leb uwẹ. Uwẹ, ọm ẹdọdudu Owñ ajẹ ñw ẹdọ-wẹ bọ gẹ. Ugbo duu k’ẹ nyi ẹ d’u *ref Odu-Wñ lẹ… rinyọ gbẹ! I ch’ukibeno onẹ. Odu-Wñ lẹ … rinyọ gbẹ! I mud uyọ ojale *2 M’odu Jisọs du leb uwẹ K’imud ọkpatabili Ẹwñ ka le ki f’uwẹ gw’ọgwọ, Ẹ ki dodu lẹ gb’e eju *3 Odu Jisọs ki ch’Awuwu Jẹ ñw ẹdọ onẹ bọ. Abu k’ọwọ-Wñ gba wa nyi lẹ, A ki k’ele Owñ kate *4 Odu-Wñ k’a gbọ, a ad oji lọ A ñọ wanẹ b’ẹrẹ-Wñ ma Ẹgahi-Wñ la amẹnẹ duu chuu Oñ a ali eju-Wñ ọmọ === code 187 title I CAN HEAR MY SAVIOUR CALLING *1 Na agb ab ONDU-mi ad udọ, M’oli ukwu-wẹ du k’ẹ t’Umi ubi. *ref Owñ anẹ mi na at Ọ ubi Omi aleb Owñ, leb Owñ ọọna duu *2 Todu omi I gwugwu lẹ Omi aleb Ọ, leb Ọ ọọna duu *3 Ma f’ajọ ukwu-mi ka n’Owñ Omi ajẹny U, jẹny U ỌJỌ duu *4 Ukwu-mi k’ONDU-mi kwu lẹ Omi agbede, gbede Uwñ iko duu *5 I mudaji kwef ukwu lẹ Omi at Ọ ubi, t’Ọ ubi ọọna duu *6 Na aleb Owñ ọọna ọbata Omi aleb Owñ, leb Owñ ọọna duu *7 Ufẹdẹnyọ k’I che ñwumi gbẹ, Omi aleb Owñ, leb Owñ ọọna duu *8 Owñ lẹ ad ojima ñwumi I aleb omi, b’omi ọọna duu === code 188 title I HAVE A SONG I LOVE TO SING *1 U n’eli ku na ayọ ekọ, Ab I lami tanẹ-i Eli ONDU kp’Ajadu-mi, Ab I la mi tanẹ-i *ref Ab i… la mi tanẹ… Ab I la mi tanẹ, Na ad ojim odu-Wñ kpogo, Ab i… la mi tanẹ… Na ad ojima ñw Ẹnajadu-mi *2 U cheenẹ Kraist, I b’umi jọ, Ab I la mi tanẹ-i na afọtaru er Owñ ẹdọ Ab I la mi tanẹ-i *3 Ẹnibenu def ẹdọ-mi Ab I la mi tanẹ-i I m’ailo kp’ed ejiji ko Ab I la mi tanẹ. *4 U n’unyi k’I ñwọche tẹ ñwumi, Ab I la mi tanẹ-i Na agwugwu ọmọ gbegbelẹ, Ab I la mi tanẹ-i === code 189 title I WANDERED IN THE SHADES *1 Omi t’ale ef ẹchubi, Oñ Jisọs w’ugbo-mi; Ufẹdọ-Wñ lẹ ki ch’uganẹ Jẹ ñw ẹchubi ra le *ref Uyọ, uyọ def ẹdọ-mi fai Uyọ, uyọ d’ugbo duu k’u dẹ kw’ẹgba k’Ẹnajadu m’adure-mi ko, U f’uganẹ ufẹdọ-Wñ nẹ ẹdọ-mi *2 Dagba k’ojale ki chubi, Dagba k’afu ki ju; Ilẹi chakaa ki dajugwu Uganẹ def umi *3 Abu k’u nẹ uganẹ lẹ Na at uta kpai ỌJỌ Na ak ọla-mi ẹchẹ alo, Na añọ t’ẹwñ ilẹ nọ *4 Na al ulẹ oj uwo ilẹ, Na al ulẹ ef ọgọ-wñ Ufẹdọ-Wñ jẹ ñwanẹ munẹ K’u f’onẹ mu ñw ỌJỌ *5 I bọ pẹẹ tak u li eju-Wñ Owñ lẹ ki ch’uganẹ. A ali ONDU alu k’I dẹ, A ag O ogbegbelẹ === code 190 title CLEAN HEART *1 U tene uyọ ilẹi gẹ n, I la ch’ọkọ na afejui n, Ẹwñ anana ku na afeju che ẹdọ ki cheefẹ pee *ref Ẹdọ ki cheefẹ t’ewñ duu le, Dab ododo lili lẹ, Neke k’ẹl uyọ jẹny ỌJỌ T’odu t’ọrọka ọpioo *2 Na atene ẹwñ efojale, Ẹwñ anana ilẹi acha, Ẹdọ ki fẹ kp’odu ẹnyọ, Ch’ẹwñ anana ki adẹ pioo *3 Ẹdọ k’Ẹnajadu du ñwumi, Ch’ẹdọ ki cheefẹ jalii Omi ar odub ỌJỌ todu K’u n’ẹdọ ki fẹ lẹ pioo === code 191 title A PILGRIM WAS I *1 U tẹtẹ ch’ilowa ki ala Ef ẹchubi adure-mi le. Oñ Jisọs Adidala li mi; M’umi du t’ọọna unyi-mi fai *ref Ẹnyọ kp’ufẹdẹnyọ at umi ubi, ỌJỌ duu, ỌJỌ duu k’u deju-i Oñ na akpoJolugbo ef uny ONDU gbegbelẹ Na añọ j’ujẹwñ uyọ k’I che todu mi Ẹnyọ kp’ufẹdẹnyọ at umi ubi, ỌJỌ duu, ỌJỌ duu k’u deju *2 I ar im̃i-mi ko iko uhia, I ad ukpahiu ñw umi ỌJỌ duu I anẹ mi ny’ugb omi ki dẹ choo, I ad ide ẹrẹ duu ku na achi. *3 Ẹgba ku na al ọg ojiji ukwu, Ajadu-mi ale kp’omi. Ọwọ ukpahiu-Wñ anẹ mi lo, T’unyi k’I le n’añwọch atẹ === code 192 title STAND UP, STAND UP FOR JESUS! *1 A kwanẹ todu Jisọs A b’Ọ ch’ọbata fai M’agaliga-Wñ du ny’atẹ, I ñ’akad anẹ gẹ n Kwef edu tefu edu I an abo-Wñ chaka le, Gbogbo tak ogwu takpa Ki Kraist ki gb’oji jẹ. *2 A kwanẹ todu Jisọs A gba udọ lẹ gbọ A j’ok uja lẹ fai mẹ; Kraist Jisọs d’ugbo-wa. Abọkẹlẹ, mẹ j’uja, Ẹnẹbi n’aluka n. Unẹdọ kw’ugbo ONDU Ukpahiu-Wñ t’uma le *3 A kwanẹ todu Jisọs, Im̃i-Wñ cheeb uwa jọ Ọwọ onẹ ch’ẹnyaru, A k’ẹdọ n’ọla-wa n A ak ẹwñ ogwu ỌJỌ nyi Agwẹkẹ ach aduwa. Ugbo duu k’I nekwu wa A ki d’ẹrẹ ọmọ n *4 A kwanẹ todu Jisọs, Uja bọ nana gẹ n Eñini ekwukwu dẹ, Ọna tak a gwoye. Ẹnẹ ki f’uja lẹ du Ma ad uloko im̃i ñw u: Owñ kp’Onu ojima lẹ Aj ọfẹ gbegbelẹ === code 193 title SIMPLY TRUSTING EVERYDAY *1 Na ak ẹdọ n’O ọjọ duu, Dagba k’omi ki du tẹ, K’ẹdekono chaka nya, Na ak ẹdọ no Jisọs waa! *ref Na ak ẹdọ n’owñ gbogb alo, Na ak ẹdọ n’Owñ t’ukpoji! Gbẹgba k’u tanẹ unyi-Wñ, Na ak ẹdọ no Jisọs pioo! *2 Afu-Wñ Kiafọ m’anẹ nẹ Abu k’I gw’ef ẹdọ-mi; I anẹ mi le na awanẹ n, Na ak ẹdọ no Jisọs waa! *3 Na ak eli ab anẹ nẹ, Na ach aduwa ef ẹchubi; Na akwad Ọ ef Akanya, na ak ẹdọ no Jisọs waa! *4 Ẹwñ duu ki chaka ña mi, I neke ch’ẹdọ-mi ichẹ n; Gbẹgba k’I dọ mi w’unyi-Wñ, Na ak ẹdọ no Jisọs waa! === code 194 title COMPLETE IN THEE *1 U mufu kpa ef ONDU-mi, Ukọlọ-mi neke ch’ee-lẹ n Ẹbiẹ-Wẹ f’utọnọ la ñwumi, U mufu kpa ef Uwẹ fai *ref Ma d’ale ñwumi! Aye-wñ gbẹgbẹ! F’umi datẹ ujadu chei Ẹbiẹ-Wẹ lẹ f’omẹ-mi ra Na aj ojima kp’Uwẹ ọpioo *2 U mufu kpa, ufẹdẹnyọ-Wñ Ajẹ ñw adure j’onu gẹn Setan ar ule omu-Wẹ; Oñ na amufu kpa ef Uwẹ. *3 U mufu kpa, ekwu kw’umi n Ẹwñ ẹnyọ duu I akọ du ñwumi n Abu k’ONDU ach ukpẹ-mi I b’umi jọ, u mufu kpa *4 ONDU, ẹgba k’ab ichi duu Wa jeju j’ọgb Ede fufu Na adef abo k’Ẹ chi ma lẹ, Agwogwuyọ k’u mufu kpa === code 195 title THE KING OF LOVE MY SHEPHERD IS *1 Onu ufẹdọ ade mi Ẹnyọ-Wñ ada gbegbelẹ n Ẹwñ du ña min, ab u cheen Owñ, Owñ la nẹ mi gbegbelẹ *2 Ugbo k’omi im̃i acha, Ọmọ I anẹ mi le pioo Onugo-mi, k’I mu gba tẹ, N’ujẹwñ ojale ajẹ *3 Ela u la dab idada, owñ muda tejanẹ mi I m’umi du n’ika-Wñ yẹyẹ. I la m’umi du w’unyi. *4 Na ar ailo ojiji ukwu n, K’Uwẹ, ONDU, d’ugbo-mi Ọkpa-Wẹ any umi ẹdọ Ukwu-Wẹ m’ọọna bi ñwumi *4 Uwẹ f’ujẹwñ ñwọch tẹ mẹ, Ufẹdọ-Wẹ d’ugbo-mi; Omi ẹrinyọ ku na am̃ọ, Uwẹ du ñwumi k’u m̃ọ-i *5 Oñ ỌJỌ duu k’u deju-i, Uwẹ la ad ẹnyo ñwumi Uwẹ Ajadu ki nyọ lẹ Na ak ele-Wẹ gbegbelẹ === code 196 title I AM NOT SKILLED TO UNDERSTAND *1 Omi n’ibe k’u m’oji ẹwñ K’ỌJỌ nekwu n, kp’ẹwñ k’ỌJỌ ñwa n. Ẹwñ k’omi ma ogboolo-wñ dẹ, Ejadu-mi def ọwọ-Wñ *2 U m’ọla-wñ gba gbọ, ochochi; Kraist lekwu tod ẹnadure-i U cheenekwu ef ẹdọ-mi K’I mud Ẹnajadu-mi. *3 K’Owñ ki t’unyi-Wñ ojale nọọ? K’I wa k’I kwu tod ẹnẹ duu; I fir uwẹ? I che mi duu Ẹgba k’omi ma m’Ọọ ta n *4 ỌJỌ ki jẹ k’i f’oji nẹ, Owñ ch’ọbata k’I che ñw omi; K’ukọlọ-Wñ ki b’ọla-Wñ ẹdọ Alu k’ẹdọ-mi ñọ bọ *5 Edeju kpai olu edu, Ẹwñ ki la ch’ukpahiu-mi dẹ; ONDU Kraist, ki ch’onu-mi fai Lekwu k’I f’umi jadu === code 197 title MY HOPE IS BUILT ON NOTHING LESS *1 Ẹwñ okate k’u k’ibe no Chẹbiẹ Jisọs kpai ọkpakpa-Wñ; Ugbẹd ek ẹdọ no onẹ n, Chai odu Jisọs na alọno *ref Kraist ch’Apata k’u k’unyi oji-Wñ Ugbo duu ki bọ ch’ẹlanyi, Ugbo ki bọ duu ch’ẹlanyi *2 Ẹchubi b’eju-Wñ ki fẹ ma Na am̃i ef ufẹdẹnyọ-Wñ; Alu duu k’afu chaka ju Ogbo-mi rọ ny’ewñ ojale *3 Ọla-Wñ kpochochi-Wñ kpẹbiẹ-Wñ gẹ, Gwọny umi dago ef ilẹi ẹgba k’ẹwñ duu emi gwulọ Owñ kate ch’ukibeno-mi *4 Ẹgba k’ONDU mudabi wa K’I f’abo-Wñ dọ ku ma lewa; Owñ kate mud ọkpakpa-mi Oñ na adago ọgb ed ỌJỌ === code 198 title LIKE A RIVER GLORIOUS *1 Urẹd ỌJỌ acha dab ohimini, I af ẹwñ duu du ẹnyọ ab iak an alo. Dagba k’imufu kpa, i akọ alo waa Dagba k’imufu kpa, i n’an efu waa *ref Ẹdọ ki ch’ubi y’Ọ am ẹnyọ ỌJỌ I ali urẹdọ kp’umi k’I kọla-wñ tanẹ *2 Ẹnẹ k’I du maja ef ẹdọ ọwọ-Wñ Ẹnọla neke b’ọ kpẹrẹ ny’ọmọ no T’ejiji eda duu, e’ẹwñ ubailo duu; T’ẹdọchacha ilẹi ach oo ichẹ ree n *3 Uyọ kp’añwago duu akw ojale waa Ufẹdọ an ee-lẹ ch’ẹnyọ ñw uwa chuu A neke k’ẹdọ no k’I ch’ẹwñ duu ñwuwa. Ñw abo ki ak ẹdọ n’Owñ, I ch’Achubi onẹ. === code 199 title THERE’S NOT A FRIEND *1 I n’onukwu dabu Jisọs ONDU n, T’okate n, t’okaten I n’ẹnomunẹ ki b’ọga-wa jọ n T’okate n, t’okaten *ref ONDU Jisọs cheema akanya; I aña wa ọọna ỌJỌ duu Onukwu duu dabu Jisọs ONDU n, T’okate n, t’okate n. *2 I n’onukwu ki n’ẹgahi dab Owñ n, T’okate n, t’okate n Ẹnẹ duu hi ọla-wñ wanẹ dab Owñ n T’okate n, t’okate n *3 Iko k’I ma d’ugbo-wa ni dọmọ n, T’okate n, t’okate n Ẹchubi duu ki akp ufẹdọ-Wñ lu dẹ n T’okate n, t’okate n *4 Owñ d’ẹnọl ỌJỌ tinyọ mama ta n, T’okate n, t’okate n I d’ubi gba ẹnadure mama n T’okate n, t’okate n *5 Ele ki dab Ajadu lẹ dọmọ n, T’okate n, t’okate n I akọ b’uña ñw uwa ef ojale n T’okate n, t’okate n === code 200 title WHO IS ON THE LORD’S SIDE *1 Ẹnẹ ch’ẹnẹ ONDU? Ẹnẹ j’ach ukọlọ ñw u? Ẹnẹ j’ab Ọ che ek abulenyọ wa ñw u? Ẹnẹ j’atilẹ nọ ki ny’aj ogwu-i Ẹnẹ ch’ẹnẹ ONDU k’I j’ale tod Owñ? *ref Lef udọ k’Ẹ dọ wa, lef ufẹdọ-Wẹ, ONDU a ch’abo-Wẹ, awa Uwẹ nẹ *2 I ch’utodu k’anẹ ojima kp’uloko oñ a mud abogwu k’a la k’eli-i n, Chai tod ufẹdọ ki jẹ ñw U d’oji-Wñ tanẹ; Ẹnẹ duu k’ONDU dọ adef abo-Wñ chuu! *3 Jisọs, ich’ajifa Ẹ nẹ f’uwa la tẹ n, Chai ẹbiẹ-Wẹ la wa tod ojima-Wẹ; Ẹnẹ ki w’ugbo-Wẹ akp ẹkọ ñw ẹnyọ, Ẹgba wa tẹ oñ a agọlar ẹwñ ee-Wẹ *4 Ogwu chaka biẹnẹ, amẹnẹbi gbiti, Amisoja ONDU muda adu tilaa; Ẹdọny agaliga-Wñ jẹ ñw a adu ñọ du Ọla-Wñ ki ma rida n jẹ ñw a f’ọga chi *5 I ko wa ch’abogwu j’oj ane omunẹ, I f’uwa tu tanẹ k’a jef ujọ-Wñ i Awa ki gw’ẹgbo ef ech ẹwñ ñw Onu-wa n; A ki f’ẹdọ nẹ ke, a ki ch’ubi Owñ. === code 201 title GRACE! TIS A CHARMING SOUND *1 Ufẹdẹnyọ ỌJỌ Riny eti onẹ gbẹ Efojale am u gba ka Oñ ilẹ duu agb ọ *ref Ufẹdẹnyọ lẹ Ch’ukẹdọno-mi Jisọs kwu tod ẹnẹ duu- I lekwu koji mi *2 Ufẹdẹny-ỌJỌ Ña mi ọọn ojale Ẹwñ k’ekwu-wñ akwu ỌJỌ duu Aledo mi ọọna-i *3 Ufẹdẹnyọ ỌJỌ K’odu-mi ojale; I m’umi du ñw Ọma ỌJỌ Owñ m’ẹdọdudu ko *4 Ufẹdẹny ỌJỌ Jẹ ñwumi r’odu b’ỌJỌ Ufẹdẹnyọ lẹ gwọny umi I jẹ ki t’umi nọ n *5 Ufẹdẹny ỌJỌ La d’ẹdọ-mi kwanẹ; Ukpahiu duu k’I du ñwomi, na ad u ch’ukọl ỌJỌ === code 202 title AMAZING GRACE *1 Fẹdẹnyọ ỌJỌ-mi gbẹ, K’I gb’ẹn ubiẹ abẹi U lenyọ tak I f’umi li, U la aganẹ fai mẹ. *2 Ufẹdẹnyọ kọ mi ailo, I la m’ailo-mi ko Ufẹdẹnyọ ch’akoko ñwumi Kw’iko k’u k’ẹdọ no *3 U lef ẹwñ ubailo kp’okwu Kp’akanya wewe mẹ. Ufẹdẹnyọ nẹ mi alei I la anẹ miny’unyi *4 A chaka j’ọmọ ọd icham Ny’ọgwọkọ ki wewe, Iko k’a nẹ k’el ỌJỌ-wa Adabu kikili n === code 203 title TIS SO SWEET TO TRUST IN JESUS *1 Ek ẹdọ n’O!ONDU Jisọs Jẹ ñw ẹdọ ẹnẹ duu bọ. K’ẹ dachi n’ẹwñ k’I katanẹ Jẹ ñw ejọgba kwotẹ foo *ref Jisọs, Jisọs uk’ẹdọ n’Ẹ; U f’ẹ jama ñọ jama. Jisọs, Jisọs, ONDU Jisọs, D’ẹdọ ñwumi k’u k’ẹdọ n’Ẹ *2 Ek ẹdọ no ONDU Jisọs Jẹ ñwẹdọ onẹ ch’afu. Ef ek ẹdọ no u roko Tef ẹbiẹ-Wñ ki f’umi gwẹ *3 Ek ẹdọ n’Owñ arinyọ gbẹ, Kp’ewe ch’ẹwñ ku na ach ẹñọ-wñ; K’u gb’im̃i, uyọ kp’urẹdọ kw’ọwọ Jisọs ONDU-mi. *4 Na ayọ ẹdọ k’u ko n’Uwẹ ONDU Jisọs, Ọm ỌJỌ. U cheema k’Ẹ d’ugbo-mi fai, Uw ad ugbo-mi gbegbelẹ. === code 204 title A MIND AT PERFECT PEACE *1 Ẹdọ ỌJỌ la bọ r’umi Ọla k’l ka lẹ gbẹ! Ẹnadure k’ẹbiẹ-Wñ ñọru, Urẹdọ dọmọ gbẹ! *2 Ẹdọ-mi kpai ukọlọ-mi Le jiji ru ỌJỌ; Ufẹdẹnyọ-Wñ la fa mi wa Lef ẹdọ k’u ko n’O. *3 Emẹ k’u mẹru ỌJỌ fai, Ma mẹr U t’ee-lẹ le n. Todu abu k’u def Ọma-Wñ, Owñ mẹr U t’umi le n. *4 Efẹdọ k’ỌJỌ afẹdọ mi, Ma afẹdọ t’ee-lẹ le n, Ufẹdọ k’l nẹ fẹd Ọma-Wñ, Oñ I n’afẹdọ mi. *5 Ẹwñ chi k’omi ad ejiji Abu k’Owñ ch’ỌJỌ-mi? I ade mi iko t’iko duu; Ẹwñ duu aña mi gẹ n. === code 205 title I AM SO GLAD THAT MY FATHER *1 Ẹdọ-mi bọ ab Ata-mi, ỌJỌ, D’ọl ufẹdọ-Wñ tef ọtakada ñw aa. Ẹwñ awuwu ef ọl ỌJỌ u li, Ufẹdọ Jisọs lẹ f’uma du pee. *ref Ẹdọ-mi bọ – omi I afẹdọ, Jisọs fẹdọ, Jisọs fẹdọ. Ẹdọ-mi bọ – mi I afẹdọ Jisọs afẹdọ mi. *2 Jisọs fẹdọ mi, u la fẹdọ Owñ Ufẹdọ d’Owñ kw’efojale w’emi. Ufẹdọ jẹ ñw U lekwu oji oli Efẹdọ Jisọs fẹdọ mi gbalii. *3 Ẹ tẹn em alu k’i le k’omi ma, D’ojima ñwu Jisọs, u f’ọpioo-wñ ma mẹ. Afu Kiafọ ajẹ kp’afu-mi kakini, Jisọs afẹdọ mi pioo. *4 Ef ugbẹdọ ki dẹ, omi am̃i, Na ak ẹdọ no Jisọs ki d’ẹnyọ ñwumi lẹ. K’u ka ñw u ki Jisọs afẹdọ mi gbẹ, Setan ar ailo, ara b’umi tẹ. *5 Ichẹwñ k’eli k’u kọ bọ okate Ẹgba k’u f’eju do ONDU Onu, Eli ku na akọ efojale dẹ: Jisọs, Ọm ỌJỌ, afẹdọ mi gbẹ. === code 206 title DO YOU FEAR MAN? *1 Onukwu ẹ r’ailo onẹ T’ỌJỌ ki ch’ọna wẹ lee Ẹwñ duu k’ẹ nẹ ache lẹ, ỌJỌ m’ọchakaa-wn t’ẹẹ le *ref Ẹwñ duu k’ẹ nẹ… ẹwñ duu k’ẹ nẹ… Ẹwñ duu k’ẹ nẹ ache lẹ, Ef ỌJỌ lẹ… Ef ỌJỌ lẹ… Ef ỌJỌ lẹ i abitẹ *2 Mẹ lewa k’a d’ojima Ñw ỌJỌ ki ch’ọna wa lẹ, I f’Ọma okpono-Wñ kpẹ wa K’awa ki k’ẹdọ no pioo. *3 Ẹnẹ duu ki def ONDU Ma f’uu nyi etitọ mẹ. Ẹwñ igbele legwudu, Ẹwñ duu mud etitọ mẹ. *4 Jẹ ñwỌJỌ ki ch’ọna wẹ, K’I n’ọda ẹdọ-wẹ duu Ibe duu k’uwẹ akpẹ; Owñ lẹ cheema chakaa duu *5 ONDU awa k’abo-Wñ duu I n’ẹwñ k’ẹ che ñw ONDU mẹẹ? Ẹwñ duu k’uwẹ che ñwONDU; Ee-le oñ uwẹ anẹ === code 207 title PRECIOIUS PROMISE *1 ỌJỌ k’ọl akoko tanẹ Ñwabo-Wñ duu k’uhia hia ma Ej ọọn ojale kakini; “Na an eju-mi n’uwẹ le” *ref Na an uwẹ le, na an uwẹ le, Na an eju-mi n’uwẹ le. Ej ọọna kw’ilẹi ny’ojale Na an eju-mi n’uwẹ le *2 Ẹgba k’ajam ache ki d’ẹẹ, K’amonukwu-wẹ duu ra, Ọl ukatanẹ-I dago kpọ “Na an eju-Mi n’uwẹ le” *3 Ẹgba k’ukibeno-wẹ duu takpa r’anẹ eju-wẹ; Gwọny ọla ukatanẹi waa, “na an eju-Mi n’uwẹ le”. === code 208 title WE ARE CHILDREN OF GOD *1 Awa ch’amọma ỌJỌ Ata-wa la n’ugbo duu Awa ki n’at akoya, Akajọ-Wñ awa piopio. *2 Akajọ lẹ ch’ONDU-wa I n’ẹbiẹ-Wñ f’uwa la mẹ. I m’uwa ko ch’anọla-Wñ Ọwọ-Wñ kp’ẹrẹ-Wñ awa che *3 Onẹ b’Ọ ch’ọbata fai Ẹgba lẹ i aj ojima-Wñ Ẹnẹ ki mud ọm ỌJỌ, Ẹnẹ lẹ aj ẹwñ ogwu-Wñ *4 Ofu duu ki b’uwa fai, ONDU m’ugba ko maja Ukọlọ duu k’a ache ñwU fai Ọmọ tak a agb’uloko-Wñ *5 Ẹgba k’eju-wa la de, Tak ẹwñ duu amunẹ pee A la ad ojima ñw U ilẹi I an urọmẹ-Wñ gbẹrẹ wa. *6 Ẹnẹ ki du agwanẹ Oj ede ONDU many Owñ; Alu k’Owñ du k’I gwanẹ Oj ede Ata-Wñ kpai Owñ *7 Uwẹ k’ẹ la d’ỌJỌ re, K’ẹdọ n’O k’I jadu wẹ. Eñini ch’ỌJỌ ujadu; Ẹ ma jẹ n, e lenyọ pioo! === code 209 title TIS THE PROMISE OF GOD *1 ỌJỌ ka k’I adu ujadu ñw ẹnẹ duu Ki jẹ k’im’ẹdọ ko n’Ọma-Wñ ONDU Jisọs *ref Halelluya! Omi m’ẹdọ ko n’Ọma-Wñ mẹ Ma f’umi jadu lef ẹbiẹ oli ukwu-Wñ! *2 Dagba k’omi kate al ọọna ubailoi Jisọs kate bọjọ ki anẹ mi ny’anẹ *3 Ab ufẹdọ-mi jọ efojale atẹ Ma j’am̃i ef ojima; ma la ak eli-i gẹ; *4 Na ali aabimọtọ ku ma jọ kpeny Onu I la ayọ ñweli ujadu ku ma j’akọ *5 Amakachẹ kp’Onu jef abo k’a aka lẹ Ma la ak eli abu ku ma j’ale ọmọ *6 Omi kp’uwẹ n’ukpẹ ef eli-ma lẹ gẹ, Ẹtẹ ujẹnyu k’a jẹny U ọpioo ache === code 210 title GOD IN HEAVEN HATH A TREASURE *1 ỌJỌ Ata n’ẹwn ojale, Ẹnẹ duu ma anana-Wñ n, Ẹdọ-Wñ abọ ogbegbelẹ I afẹd Ọma-Wñ ONDU-wa. ỌJỌ ñọ m’ẹwñ ef ilẹi, Owñ kate cheem alaja-wñ Ẹwñ uyọ-Wñ ki tabale che Kraist k’I ali ef abo-Wñ *2 ỌJỌ gwọru kw’efojale K’I k’ẹwñ akoko danyu abo-Wñ k’I chi ma ẹkefu a d’uu ch’ẹwñ, ila dabu n! ỌJỌ dọmọ ache kw’atẹ k’I d’uu dany u ki kọ pioo I ad unana ufẹdọ-Wñ lẹ Dany abo ki ñej Uwñ *3 Dagba k’uhia ki f’uwẹ hia Ukpẹ ẹnọlọJọ gbẹ! ONDU ki li kak ẹ tene K’ẹ ch’ẹtọ ki kad oli Uwẹ k’abilẹ ch’ẹdẹtẹ uwñ K’ẹ ma w’ẹnẹ duu eju n, Uwẹ n’ẹwñ ki m’ỌJỌ ẹdọ Owñ ch’ẹwñ Kraist ki d’ugbo-wẹ *4 ONDU, che k’u hi ọla wanẹ K’abilẹ ki k’umi ru Ku ch’ẹwñ ekwu k’ỌJỌ nekwu, Kraist kate ki k’umi efu. Ẹwñ ilẹ duu ki dam ọ n, Ẹwñ ọrẹla ki kwo duu K’u d’inabali-Wñ ka dufu, Kwef ẹdọ ki kọ ñwONDU === code 211 title O GOD, OUR HELP IN AGES PAST *1 ỌJỌ, Atẹko kw’igbele, ukibeno’wa pioo Ẹ ch’ebo b’uwa oji ma, Kp’unyi-wa gbegbelẹ *2 ỌJỌ, olubọ, ẹdọ-Wẹ, Abo-Wẹ jọ tọkọọ Ọwọ-Wẹ kate b’uwa jọ Uwẹ ch’ok ubi-wa *3 Ọgba taku ma ñw ẹr ilẹ, K’uwo duu la dago Uwẹ ch’ỌJỌ ogbegbelẹ Ọdọ-Wẹ n’ukade n. *4 Eju-Wẹ, ọd icham icham Dab ỌJỌ okate Ukpọkpẹ-Wñ dab akw inajọ Gbogbo ny’ọjọ ẹñwa *5 Iko ak onẹ m’ẹdọ alo, Dab aji ki acha Ma takpa r’anẹ dab ọna K’onẹ ana odu *6 ỌJỌ, atẹko kw’igbele, Ukibeno-wa pioo D’ide wa ef ọbata duu, K’Ẹ mud unyi-wa pioo. === code 212 title GOD LOVED THE WORLD *1 Abu k’ỌJỌ afẹdọ ilẹ K’uñwananẹ kp’uma biẹ, I n’ọwọ-Wñ dala ñwẹnẹ duu, I ajadu ma ofo *ref Ufẹdọ lẹ la tabale, ỌJỌ afẹdọ mi! I d’Ọma-Wñ kw’efojale wa K’I lekwu koji mi *2 Na ak ẹdọ n’ONDU Jisọs mẹ, Ọm ỌJỌ ki kwanẹ, Ukwu-Wñ la m’oji-mi gba tẹ; Ẹbiẹ-Wñ la f’umi gwẹ *3 Abo ki k’ẹdọ n’O, mẹ yọ; ỌJỌ ad uyọ ñwumẹ K’amẹ ki j’ẹwñ urinyọ ma Tak amẹ ny’ojale *4 Abo ki bọ, mẹ k’ẹdọ n’O, I lekwu todu mẹ. ỌJỌ tene ki kp’ẹnẹ duu n, Ibe-mẹ ki rida === code 213 title ARE YOU WASHED IN THE BLOOD? *1 Ẹbiẹ Jisọs f’ẹẹ gwẹ mẹẹ? K’ẹ t’ONDU-wẹ ubii? K’ulẹ-wẹ ki t’ọkpakpaa? Alu k’ONDU Jisọs che, eki che… *ref Ẹ ki che… k ki che.. Alu k’ONDU Jisọs che, ẹ ki che… *2 Ẹ ki t’ọla-wẹ ene Ab ẹ dẹ ñw ONDU-wẹ? M’ọwọ gwọ b’ẹwñ ilẹ tẹ Alu k’ONDU Jisọs che, ẹ ki che *3 M’ẹdọ-wẹ du ñwONDU-wẹ k’ẹ t’ale ñw Afu-Wñ lẹ K’ẹ deju ñwONDU kate Alu k’ONDU Jisọs che, ẹ ki che… *4 Ẹgba k’ọbata lewa Tod odu Jisọs lẹ M’u du r’odubọ Ata Alu k’ONDU Jisọs che, ẹ ki che === code 214 title THE CHURCH’S ONE FOUNDATION *1 Ẹran ujej abudọ Che Jisọs Kraist, ONDU Owñ ch’ẹwñ k’I nyi etitọ Lef omi kpai ẹbiẹ-Wñ I kw’efojale wa lẹ k’I m’u du ch’ọya-Wñ pioo I n’ẹbiẹ-Wñ fuu la tanẹ, I lekwu k’I deju *2 I ch’onẹ kwef ichi duu, Ma muda ch’okate Ọchakaa-ma k’ẹdọ no ONDU k’I f’uma bi Ma k’ele Ọdu-Wñ kate, Ujẹwñ-ma la ch’oka, Ukẹdọno-ma lañọ Che Kraist ki def uma *3 Dagba k’amonẹ k’icha-wñ Ku ma la ch’o ọbata; Dagba k’i kpẹr ojoji K’ẹdọdudu ach oo. Ab ỌJỌ jọ ad ide; Ma d’Ọ k’I dabiwa; Akwu erọ k’a jef uwñ Amud eli ekọ *4 A jeju j’ilẹ fai ta, A muda f’ỌJỌ ma Ẹdọ-wa duu cheebọr U Many abo ki j’ọgba Abo ki kwu j’am̃i lẹ, ONDU ma j’ugbo-Wẹ I bọ ree tak a aw ọmọ K’a jọ ogbegbelẹ === code 215 title THE LORD’S MY SHEPHERD *1 Jihofa ad eju tẹ mi gbẹ Ekwu ẹwñ akw umi gẹ n I anẹ mi ny’ugbo ujẹwñ ki nyọ; Omi la t’ọmọ nukwuu *2 I ajẹ ñwim̃i-mi ruko gẹ I ajẹ ñwumi l’ulẹ fai Ej ọọna duu ki chọkpakpa Tod odu ONDU-wa *3 U chaka lef ojiji ukwu, na ar ailo ẹwñ bibi duu n; Todu, Uwẹ d’ugbo-mi ta, Ọkpa-Wẹ any umi ẹdọ. *4 Uwẹ f’ujẹwñ ñwọch tẹ ñwumi Eju amenuja-mi Uwẹ f’ekpo ba t’umi oji; Ago-mi akparinyọ *5 Ẹnyọ-Wñ kpai ufẹdọ-Wñ kate Aleb umi ỌJỌ duu Na añọ gwugwu ogbegbelẹ Ef uny ONDU Jisọs === code 216 title JESUS MY LORD WILL LOVE ME *1 ONDU afẹdọ mi t’ogbegbelẹ, Ẹwñ bibi duu neke f’uwa daru n; I d’im̃i-Wñ tanẹ k’I l’onugo-mi Fai Owñ lẹ la nẹ mi-i *ref Fai ONDU Jisọs nẹ mi, Omi la nẹ Jisọs I ch’iko-mi ilẹi kate n Amaa, t’ogbegbelẹ! *2 Omi tẹtẹ lenyọ ef adure, Oñ Jisọs gwọru wa ki jadu mi; Kwef ọbata kp’akany adure-mi; Fai Owñ lẹ la nẹ mi! *3 Uyọ-mi gbẹ, ab I f’umi jadu M’umi gba kwef ech adu adure; I n’ẹbiẹ-Wñ akoko f’umi la Fai Owñ lẹ la nẹ mi === code 217 title ALL THE WAY MY SAVIOUR *1 Jisọs Kraist anẹ mi m’ọọna Ẹwñ ñọ d’umi ẹdọ gẹ? Ejiji u we eda mẹ. Owñ tẹt ad eju tẹ mi Urẹdọ kpai ẹdọ enyi D’ugbo-mi ef ONDU fai Ucheema ẹwñ duu ki che mi Jisọs ach ẹwñ ki nyọ *2 Jisọs Kraist anẹ mi m’ọọna Alu duu k’amuna-wñ dẹ I ad ufẹdẹnyọ-Wñ ñwumi gbẹ I ad ujẹwñ im̃i ñwomi Dagba k’uhia ki f’umi hia Dagba k’olugbẹ ki kpa Na ali okwuta ọgba-mi K’omi im̃i abi kwef uwñ *3 Jisọs Kraist anẹ mi m’ọọna Ufẹdọ-Wñ la tabale! Umi lẹ I kak I adu ñwumi Efunyi Ata-Wñ ọmọ Ẹgba k’omi ny’efojale K’u n’añọla etitọ Ẹgba lẹ na añọ k’eli-i gẹ; Jisọs nẹ mi gboogbo wai === code 218 title O CHRIST, IN THEE *1 ONDU, ẹdọ-mi kwodachi, u n’um̃i ef Uwẹ Urẹdọ kpai uyọ k’u nẹ Onẹ ma mama tan *ref Fai ONDU kate b’umi jọ, U n’ekwu ẹwñ onẹ gẹ n Ẹnyọ uyọ, kpai im̃i ochochi Kraist Jisọs ko ñwumi mẹ *2 U tene uyọ kpai um̃i; I ch’Uwẹ u tene n Abu k’u le k’u ker Uwẹ Ufẹdọ-Wẹ gba mi *3 U f’akanugba jama mẹ; Omi-wñ ru rinyọ kpa U le k’u d’uu kad alu-mi I l’owe-wñ kwodafo. *4 U r’akwu ẹwñ ki lenyọ lẹ; U r’akwu Kraist mama n Tak ufẹdẹnyọ ch’eju-mi K’u li ufẹdọ-Wẹ === code 219 title THE LOVE THAT JESUS HAD FOR ME *1 Efẹdọ Jisọs fẹdọ mi, I jẹ ñw U lekwu oj oli, K’I gba mi tanẹ kwef ukwu I gbẹgbẹ, ijẹ ka n *ref Ufẹdọ Jisọs nana gbẹ. Efẹdọ k’Owñ afẹdọ mi, I gbẹgbẹ, ijẹ ka n. *2 Ọbata nana Jisọs li, Ikeke ma du t’ikẹbẹ-Wñ K’omi ki n’im̃i ogbegbelẹ I gbẹgbẹ, ijẹ ka n *3 ONDU-mi jẹ ñw ẹdọ-mi nyi Owñ ach ologwu-mi b’ỌJỌ Ẹwñ ẹnyọ k’u li kwef ẹbiẹ-Wñ I gbẹgbẹ, Ijẹ ka n *4 I d’ugbo-mi, ẹdọ-mi bọ; I jẹ ñwumi m̃i, u ch’okpo gẹ n Ẹnyọ ki bọ k’u ma gba ta n, I gbẹgbẹ ijẹ ka n === code 220 title WALKING WITH JESUS, DAY BY DAY *1 Elulẹ kp’ONDU ỌJỌ duu, K’Owñ ki nẹ mi m’ọọna; Ab I ad ọwọ d’umi ọwọ Na ala b’Ọọ tẹ jiji n *2 Ek ejur ONDU ỌJỌ duu Ar umi ọla ko, I ach ẹdu r’ed ẹnyọ ñw umin, Ẹnyọ kate I ache *3 Ek ẹny ONDU, ỌJỌ duu, Kp’ọla ẹwñ k’I che duu Ab onẹ che ki wa f’ọọna ma I ñ’ahi onẹ t’ọọna *4 Ek eli ONDU, ỌJỌ duu En eli jẹny odu-Wñ Kp’eyọ ñw ekọla ufẹdọ-wñ Ch’uyọ-mi ẹgba duu *5 Edeju ñw ONDU, ỌJỌ duu, Emanany ufẹdọ-Wñ Kp’en ina-Wñ ajẹ ñw a mananyu Uyọ-Wñ efojale === code 221 title O, WALK WITH JESUS *1 L’ulẹ kpai Jisọs, tak ẹ ẹma Unefu kp’unabẹ ufẹdọ-wñ; Amalulẹ ọọn adure Neke ma unef ufẹdọ-Wñ nn *2 L’ulẹ kp’Owñ; ọọn uganẹ dẹ Ọọna ki bọ duu ch’ẹchubi; L’ulẹ kp’Owñ ọọna lẹ ch’um̃i Ẹnyọ def ọọna ki bọ duu n. *3 L’ulẹ kpai Jisọs, tak ẹ ẹli K’I ach ẹwñ duu etitọ ñw ẹ; Ẹwñ duu ki ma tẹtẹ w’ẹ eju n amud ẹwñ akoko ñw ẹ fai *4 Jisọs, ẹwñ k’a an eju-wñ nana Ch’elef akany ilẹ-i kp’Uwẹ, Tẹmẹr uwa, t’uta kp’awa, K’Ẹ t’ale kp’awa ỌJỌ duu === code 222 title JOY TO THE WORLD *1 Mẹ n’ayọ fai k’ONDU le’a mẹ Ilẹi ki m’Onu-wñ gba! Ẹd ẹnẹ duu ki f’uña ñwU Ẹwñ duu ki n’ak ele-wñ *2 Mẹ n’ayọ waa, k’Owñ ch’Ajadu, Onẹ ki f’eli-Wñ da K’oko kp’uwo kpai okwuta Ki gba eli lẹ jẹ *3 I wa k’I kp’oji adure Lef ukwu k’I gba kwu K’ẹnyọ-Wñ ki cha nyi ugbo duu K’ama lẹ tẹ kade *4 Ọda-wñ k’I nẹ ch’ufẹdẹnyọ I ajẹ ñw ichi duu ma Ojima ee-ọkpakpa-Wñ lẹ kp’aye ufẹdọ-Wñ lẹ === code 223 title O COME ALL YE FAITHFUL *1 Mẹ le’a abo duu ki ak ẹdọ n’Ọm ỌJỌ lẹ Mẹ hianẹ wa Bẹtlẹhẹm kp’ẹdọ ẹbọ Go, Onu ojale mud Ọma dach –i Mẹ le’a k’a dannyekwu gwa Kraist ONDU *2 Uganẹ ee-uganẹ, ỌJỌ ee-ỌJỌ, I ch’ẹdẹtẹ elef onobulẹ wa n; ỌJỌ gboolo ma f’U bi, ma la nyi n Mẹ le’a k’a danyekwu gwọ Kraist ONDU *3 Amonuchẹ ỌJỌ mẹ d’omu-mẹ k’eli ñwU; Abo-Wñ efojale ki k’eli Jisọs Mẹ diba ñwu Jisọs, Ọm ỌJỌ ogboolo Mẹ le’a k’a danyekwu gwa Kraist ONDU *4 Ami! A ak ele-Wẹ, Ọm ỌJỌ kpai onẹ Jisọs, a añwulọ Wẹ ogbegbelẹ Ọl ỌJỌ Ẹ che, ỌJỌ ef ọrẹla Mẹ le’a k’a danyekwu gwa Kraist ONDU === code 224 title BEHOLD GOD WHO BECAME MAN *1 Mẹ g’alu k’ỌJỌ mud onẹi Owñ ki ch’ọna amẹw duu lẹ Owñ mud onẹ ilẹi *2 Owñ lẹ tano oji ọkẹkẹtẹ, ỌJỌ hi ọla-wñ wanẹ abẹi Oñ I le tu Jẹrusalẹm *3 Hosanai ñw Ọma Defid Ek ele ma ak ele OoDU-wa ogbegbelẹ nyilẹwa *4 Mẹ jẹny ONDU ki fẹdọ wa ONDU-wa m’ọla-Wñ du ch’ofofo Oñ I lekwu todu wa *5 ONDU kwanẹ kwefu ukwu mẹ ONDU nẹ edu t’ogbegbelẹ Ujẹnyu ki ch’ee-ONDU *6 Owñ lẹ ch’Onu ee-amonu duu, Owñ ñọ ch’ONDU ee-amoodu duu Owñ lẹ ki n’ojima duu === code 225 title WHILE SHEPHERDS WATCHED *1 Abu k’amadidala de Amala-ma odu Onuch ỌJỌ kw’ojale wa, Ẹgahi wñ f’anẹ mu *2 Mẹ ki r’ailo n, owñ kakini Na ak ọla’ka ñw umẹ; Ọl ẹnyọ ki ajẹ ñw umẹ yọ Amẹ kpai ẹnẹ duu *3 Eñini ewo Bẹtlẹhẹm Ma f’Ọma oka bi; Owñ ch’Ẹnajadu kpai ONDU Ọm ỌJỌ kpai onẹ. *4 Ọmekpa lẹ amẹ ali Abu k’I la dachi Ef uny amẹwñọrẹ lẹ; Ukpo ch’ẹweñy Ọla-Wñ *5 abu k’i fọla lẹ ka kpa Ababalẹ ma li Amonuchẹ ỌJỌ wewe, Ki j’ọmọ ak eli-i *6 “ỌJỌ kate ki n’ojima Abilẹ ki n’um̃i ỌJỌ am ọla ñw ẹnẹ duu Ki k’ẹdọ n’Ọma lẹ” === code 226 title THOU DIDST LEAVE THY THRONE *1 Uwẹ t’ede-Wẹ kpai ukata ee-onu nọ, Ẹgba k’Ẹ wef ilẹ tod umi; Ef unyi duu muda d’ewo Bẹtlẹhẹm Ugbo ku ma abi Wẹ tẹ n Ẹ ki wef ẹdọ-mi ONDU Jisọs (wa) Uña def ẹdọ-mi ñw Uwẹ *2 Amonuchẹ k’eli efojale m’u gba jẹ, Ma d’ojima-Wẹ lẹ ka dufu Ẹnọtalaka ‘ka muda f’Uwẹ bi ilẹ, Uwẹ hi ọla-Wẹ wanẹ gbẹ, Ẹ ki wef ẹdọ-mi ONDU Jisọs (wa) Uña def ẹdọ-mi ñw Uwẹ *3 Amajo la n’unyi oñ amẹwẹ la rujọ Olubọ oli ki hidu k’a; ONDU Jisọs, Ẹ muda dachi anẹpẹtẹ Egbili anẹ Galili Ẹ ki wef ẹdọ-mi ONDU Jisọs (wa) Una def ẹdọ-mi ñw Uwẹ *4 Uwẹ m’ọla im̃i du wef ilẹi, ONDU Ọla ki agb amọma-Wẹ tanẹ; Ma ch’Uwẹ ukẹ, ma k’ikeke d’Ẹ oji, Ma d’Uwẹ le ti Kalfari Ẹ ki wef ẹdọ-mi ONDU Jisọs (wa) Ukwu-Wẹ ñọ ch’ukibeno *5 Ab ojale ach ọga, oñ ọmọ agbajẹ Iko k’Ẹ f’amẹnẹbi-Wẹ du; Omu-Wẹ ki dọ mi, kak uña-mi cheebọ ta Uña ugbo-Mi dọmọ ñw ẹ Ẹdọ-mi abọ ONDU Jisọs (Kraist) Iko k’Uwẹ lewa dọ mi === code 227 title ANGELS FROM THE REALMS *1 Amonuchẹ ki w’ilẹi kwef ojima ojale; Ama ki tẹt ajẹny ỌJỌ Ñọ d’uwil Ọma-Wñ kpogo *ref Wa… k’a jẹnyU Jẹnyu Kraist On etitọ Wa.. k’a jenyU Jẹny Kraist On etitọ *2 Amadadala ki ad ide Amala-ma odu lẹ, Gbọ abu k’amonuchẹ ka K’ỌJỌ dẹ kpai onẹ fai *3 Amakwuli lẹ ch’eju go Awo ki anẹ ma ny’ọmọ; Oñ ma le n’afej Ọma lẹ, K’abuchẹichi duu ñej Uwñ *4 Abo kiafọ k’eju j’ọọna Ef ukiben anej Uwñ Owñ agwọru wef ilẹi K’I t’ejugede ef unyi-Wñ === code 228 title O LITTLE TOWN OF BETHLEHEM *1 Bẹtlẹhẹm ewo kekele A li ab ẹ t’ọmọ choo Ilawo tinyọ j’ojale Al oji-wẹ atẹ. Ugan ogbegbelẹ muda M’anẹ nẹ ñw uwẹ mẹ; Ukibeno ee-iko duu F’oji nẹ odu lẹ *2 Amonuchẹ lẹ d’uwilẹ Ọma kiafọ kpogo Ma kak ỌJỌ ki n’ojima, Urẹdọ ki d’ilẹ Todu Meri fu Kraist lẹ bi, Ab amon al olu Amonuchẹ ef ufẹdọ D’atẹ ad ide Owñ *3 Ma m’ele akoko lẹ du Ñw onẹ ochochi yẹẹ, Ab ỌJỌ ad el efojale-Wñ Tef ẹd onẹ lẹ dẹ Eti duu neke gb’ewa-Wñ no, Amaa, il adurei Ẹdọ chikimi ki m’Ugba Kraist agwudu tef uwñ *4 Ọma Kiafọ ee-Bẹtlẹhẹm, gwugw ugbo-wa ọpioo K’adure ki we n’ọda-wa, D’ibe-Wẹ tef uwa A gbọ abu k’amonuchẹ D’uchẹnyọ lẹ kpogo Tẹmẹru wa, l’ulẹ kp’awa, ONDU Imaniuẹl === code 229 title THE FIRST NOWELL *1 Eli k’amonuchẹ lẹ wa kọ, Ñw amadidala ku ma j’egbili odu Ade amala-ma ik afu Ch’eli uyọ kp’urẹdọ ñw ẹnẹ duu *ref mẹ yọ! Mẹ yọ! Mẹ yọ! Ma f’Onu Israel bi mẹ *2 amakwuli ñọ ch’eju-ma go, Awo ki afanẹ ọwọ olodudu lẹ, I t’uma ọgba ej ọọna-ma I la nẹ ma le odu kp’ọrọka *3 amakwuli t’awo lẹ ubi, kw’ojanẹ ki d’ọnajiji w’atene Ọma ku ma bi Onu titọ Todu ma cheema kak awo-Wñ ma li-i *4 awo lẹ le gboogbo w’adago Atẹ uny amẹwnọrẹ ewo Bẹtlẹhẹm, Ugbo k’Ọma kẹkẹ lẹ dachi Ef akpati ujẹwñ amẹwñọrẹ *5 tak amakwuli lẹ mugwudu Ad oji kanẹ ñw Ọma lẹ, d’ojima ñw U, Ma k’ẹwñ ele ojamalia Frankinsẹs kp’otulale mur-ma ñwU *6 abẹlẹ a ki dama k’eli Ñwulọ ONDU-wa ki d’efojale atẹ Owñ lẹ kate ch’achọna ẹwñ duu I an ẹbiẹ-Wñ ki cha l’onẹ tanẹ fai === code 230 title UNTO US A CHILD IS BORN *1 Ma f’Ọma ‘ka bi ilẹi Onu ki f’ẹwñ duu nyi tẹ I wef ilẹ ulenyọ K’I ch’ONDU anẹ chakaa *2 Ma bi U ef unyi ẹwñọrẹ Anya kpai ala j’ọmọ Ẹnẹ duu ki lew ọmọ Li kak Owñ nyọ t’ẹwñ duu le *3 Ailo f’onu Hẹrọd mu Iko kuma bi Ọma lẹ I f’amọm ẹnẹkẹlẹ kpa Tod uwẹdọ-wñ tabale *4 ONDU Jisọs wef ilẹi Ef ufẹdẹnyọ gbalii K’I jẹ ñw ẹdọ-wa ki bọ Emi kpai efojale *5 Kw’abakwanẹ t’ukpoji ONDU Jisọsi deju Awa jẹnyu ñw U ẹgba duu Emi kpai efojale === code 231 title SHEPHERDS WERE AMAZED *1 Ailo m’amadidala Odu igbegbele lẹ Ma t’ẹwñọrẹ-ma nọ ny’ag Ọma K’ojale kpẹ wef ilẹi Ma le t’uny amẹwñọrẹ Kwodag al ọọna yẹyẹ Ma g’ab Ọma Kiafọ lẹ dachi K’ojale kp’il añwulọ Uwñ *ref Haleluya, ch’el ojale, Urẹdọ dẹ ñw ope fai Haleluya, ch’eli-wa gẹ Ọma ku ma bi ñw aa lẹ. *2 Ma go ọwọ Bẹtlẹhẹm Ọmọ ma li awo lẹi Ma t’ọ ubi ny’ugbo k’I na ma le Afej Ọm Onu titọ Amakwuli lẹ ki wa, N’ẹwñ akoko-ma wa ñw U D’oji kanẹ ef unyi ẹwñọrẹ Ñw ONDU ki gwudu w’ilẹi *3 Ọma lẹ ch’ONDU ilẹi K’I wa tef añọl onẹ, K’I d’oj ọla-Wñ tanẹ todu wa; K’I ch’udu adure-wa Ma n’Owñ le ti Kalfari M’U du kam oli ọmọ K’I lekwu k’I r’ọmẹ k’awa jẹ, Ñ’ỌJỌ t’Ọ nọ tinyọ lẹ *4 ỌJỌ d’Owñ daji kwanẹ, M’U du le t’efojale. Fai abo duu ku ma ak ẹdọ n’O, Amud amọma ỌJỌ Ch’eju g’ojale fai ke G’ab I gwugw awọt ỌJỌ Ma m’odu ki t’odu duu le du ñwU K’okwukwu duu ki tẹkpẹ ñwU *5 Owñ lẹ adabiwa gẹ K’I d’abo-Wñ inya kw’emi Any ajọ kp’Owñ ef ojima lẹ Agogbod Ọ gbegbelẹ I la at ejugede, Ef ukpahiu ugbim̃i-Wñ An achẹ oji abo ki kọ K’ẹdọ n’O ef ilẹi === code 232 title JESUS, MY SAVIOUR *1 Jisọs, Ajadu mi, wa Bẹtlẹhẹm; I li ọbata ma ñọ ch’Oo ukẹ Ee-lẹ tabale, Owñ kate n’ugwa-wñ I lewa tene mi *2 Jisọs, Ajadu-mi f’ọmẹ-mi ra. Oj oli lẹ I m’onugo-mi gba Ee-lẹ tabale, mẹ g’ab I che ta; Ukwu-mi I gba kwu *3 Jisọs, Ajadu-mi tene mi kpọ Abu k’omi t’ale onajiji, I tẹt atene tak I f’umi li; ufẹdẹnyọ-Wñ gbẹgbẹ *4 Jisọs, Ajadu-mi, adabi wa. ọla k’I ka ñwumi i rinyọ ñwomi Eju-mi meji ali Owñ faifai, I awa k’I m’umi du === code 233 title SEE HIM LYING ON A BED OF STRAW *1 G’ab I dach oj atẹ egbe, Uny amẹwñọrẹ ugbo k’af akpa Meri la n’ad Ọma-wñ lẹ m’ẹdọ K’odu-Wñ kọ Onu Ojima *ref Nẹ mi ef afu nyi Bẹtlẹhẹm K’u li ONDU ki w’ugb onẹ, Ki m’ọla-Wñ du ch’ẹnale dachi Owñ ki ch’Onu Ojima lẹ *2 Awo’ka dufu efojale K’i d’ugbo ki Jisọs dachi lẹ ña Amadidala hianẹ ny’ọmọ Ku ma li ẹnajadu ilẹ. *3 Amonuchẹ ki lañọ k’ele-Wñ, D’ojima ỌJỌ nẹ r’onẹ eju, K’eli kak Ọma ee-Bẹtlẹhẹm Neke jad Onugo onẹ *4 U ch’anana lef ale ki m’Ẹ Tod ukwu-mi k’Uwẹ wa k’Ẹ kwu lẹ U f’utadurenọ nẹ pioo mẹ Iwọ-Wẹ lẹ mud uyọ-mi === code 234 title LOOK UPON THE HOLY BABE *1 K’ejur Ọmekpa Kiafọ Ef uny amẹwñọrẹ. Ẹnẹ ki ny’ẹwñ duu I che Ọm ỌJỌ chamachala Agba-oo, ẹnawuwu! agba-oo On Urẹdọ! ma fu Kraist bi Bẹtlẹhẹm ỌJỌ ujadu muñwa *2 Kejur Ẹnẹ nazarẹt K’I t’ale ach ẹwñ ẹnyọ I n’amebili dufu K’I ch’ọga amonẹ kpa Agba-oo, Onu im̃i! Agba-oo Ẹnukpahiu Uwẹ t’adure duu nọ Ñwabo ku ma k’ẹdọ n’Ẹ *3 k’ejur Ẹnẹ ki tẹkpẹ f’ẹrẹ iwa abo-Wñ gwẹ. Tak I m’akala du ñw uma Ku ma rewa Uwñ l’ọọna lẹ Agba-oo, Ẹnufẹdọ Agba-oo, Ẹnumọla Ẹ fẹdọ wa t’ukpoji A aneke gbenyọ Wẹ gẹ n *4 k’ejur ẹnẹ Kalfari, Ikẹb ikeke d’oji-Wñ Amonẹ f’Uu ch’ukata, ỌJỌ la t’Ọ nọ tinyọ Agba-oo, ẹnọbata! Agba-oo, Ajadu-wa! ỌJỌ n’ọkpa f’Uwẹ gwo K’ẹ f’udu duu k’a fẹ chi *5 K’ejur Ẹnẹ ki kwanẹ, Amẹ agbe d’ọla-Wñ ta, Ata-Wñ hi Uu ne t’at atẹ I f’ẹwñ duu kamuhitẹ ñw U Agba-oo, Ẹnuwohi Agba-oo, Adokanya! Uwẹ k’Ẹn’ọda duu-i Uwẹ ki n’ọda-mi duu === code 235 title LOOK AT THE LORD JESUS tune Original *1 G’ONDU Jisọs, k’I ch’ỌJỌ pee G’abu k’I hi ọlaWñ wanẹ; I kw’efojale wef ilẹ I la m’ọlaWñ du ch’adu I m’ojimaWñ duu ko janẹ, Chai ufẹdọWñ kenehi *2 I w’ugbo ẹwñ eeWñ k’I nẹ Abo-Wñ muda k’Ọọ tinyọ; I m’ọda du ñw ẹnẹ duu ki M’Owñ gba ki mud ọm ỌJỌ Abo duu ki m’Ọm ỌJỌ gba N’ugbede ki ma jẹ ka n *3 Mẹ gi Luku ẹkẹgwẹla Ọgbọ meji ny’oke ‘ka; ONDU r’akw amaJu ọmọ Tod ema k’ama ma ma n Onẹ f’Uu ma, m’ẹdọ ko n’O, f’um̃i ogbegbelẹ nẹ *4 ỌJỌ m’odu ki t’ee-duu le Du ch’Owñ ele ufẹdọ; Todu k’ẹwñ duu k’ỌJỌ-wa nyi Ki wa d’oji kanẹ ñwU ỌJỌ Ata m’Owñ du j’Onu K’I ch’Onu amonu duu chuu === code 236 title WHEN I THINK UPON HIS GRACE tune Original *1 Ẹgba ku na akp ibe ufẹdeny ỌJỌ. Awuwu-wñ gbẹ t’umi le Ẹwñ chi k’I f’Ọma-Wñ okpono Kp’uchẹ wef ilẹ-i atene mi? Tod umi… Oñ I wa lẹẹ? O! ufẹdẹnyọ-Wñ tabale *2 Ẹgba ku na akp ibe ufẹdọ Jisọs, Awuwu-wñ gbẹ t’umi le; Owñ k’Owñ kp’ỌJỌ Ata ch’oka Jẹ ki wa k’I m’ọla-Wñ du ch’adu-ii? Tod umi… I mud adu-ii? O! ufẹdẹnyọ-Wñ tabale *3 Ẹgba ku na akp ibe ufẹdọ Jisọs, Awuwu-wñ gbẹ t’umi le, Abile k’I hi ọla wanẹ Gboogbo tef ukwu tod umi taa? Tod umi …I wa k’I kwu-ii O! Ufẹdẹnyọ-Wñ tabale *4 Ẹgba ku na akp ibe ufẹdọ Jisọs, Awuwu-wñ gbẹ t’umi le Udu adure duu k’u ta, Oñ I wa f’uu chi tod umi lẹẹ? Tod umi… I ch’udu lẹẹ? O! ufẹdẹnyọ-Wñ tabale === code 237 title TWO THOUSAND YEARS *1 Dab ọd icham ny’ọgwọkọ meji dẹ; k’I l’ulẹ Galili, ỌJỌ ogbegbelẹ gwọru wa Tef ojibo onẹ Ọm ẹn ọwọ ofo f’Uu bi, Ikapita ch’obe k’I ache, I gwọru igbelegbele lẹ *ref Abo k’Owñ kpai ama de lẹ K’ọl ojima k’I nẹ I la ch’ọhial ofo iche n K’I la deju ef umi fai I ad urẹdọ ñwumi fai Kp’ukpahiu ki ch’etitọ pioo I gwọru igbelegbele lẹ *2 Dab ọd icham ny’ọgwọkọ meji dẹ, K’I lekwu Kalfari, I ch’ọbata lẹ tod adure, I n’udu duu k’Owñ fẹ n I m’adure-mi gba n’oji; Udu k’u fẹ I gba chi lẹ I li uwa igbelegbele lẹ *3 Dab ọd icham ny’ọgwọkọ meji dẹ, K’oji lẹ tẹ ofo Ma f’okwuta li kw’al ura lẹ Setan gbogilitẹ. ONDU-mi la d’at atẹ fai, I deju fai k’aa ki w’ekwu, I f’uu du igbelegbele mẹ. === code 238 title ONCE IN ROYAL DAVID’S CITY *1 Bẹtlẹhẹm ki ch’ewo Defid onu, Uny amẹwñọrẹ def uwñ; Ugbo k’iye d’Ọmekpa-wñ lẹ dachi Ef akpat ujẹwñ amẹwñọrẹ; Meri ch’iye yaala lẹ, Jisọs Kraist la ch’Ọmekpa-wñ ree *2 Abu k’I dachi agbẹdọ iye-Wñ; Eju-Wñ koru enufẹdọ-Wñ lẹ; Iko agbadufu Jisọs chakaa, I gb’ọla abo ku ma f’Uu bi; Abimọtọ abo Kraist, Ọchakaa ma ki dab Owñ tilaa *3 Owñ ch’imọtọ kekele dab awa, I la cheema akwu kpai anyi; Owñ kwula ọbata duu ki d’ilẹi n. Owñ ch’ẹnẹ k’abo-Wñ awọli Uwñ pioo Ẹdọdudu-wa ach Oo Ẹdọ bọ, Owñ la ab uwa yọ *4 ỌJỌ’ka eju-wa ado Jisọs, Lef ufẹdọ-Wñ ki gba wa tanẹ; Imọtọ ki d’ilẹ ẹgba’ka lẹ Mud ONDU-wa efojale fai Jisọs la ak amọma-Wñ lo, T’uñ ugwugwu k’Owñ ñwọche jọ ñwuma *5 Awa ali u ef uny amẹwñọrẹ Ugbo amẹwñukpa ọmọ gẹ n; A muda ali Owñ efojale, I gwugwu ọw awọtọ ỌJỌ: Oñ awa aj ugbo Owñ pioo Awa la adab Owñ ogbegbelẹ === code 239 title DOWN FROM HIS GLORY *1 I kwu’ugb ojima-Wñ ọlai ch’etitọ pioo Oj Ajadu-mi wa, odu-Wñ la kọ Jisọs; Eju abilẹ I ch’ẹnejaduña, I ch’ẹnọbata kpai ẹnẹ iwọ *ref Omi afẹdọ Uwñ! Omi añwulọ Uwñ! Owñ ch’ẹwñ duu ñwomi t’ogbegbelẹ ỌJỌ ki gbẹgbẹ, mud Ajadu-mi Ek ỌJỌ chakaa gwugwu ef Uwñ *2 I hi ọla-Wñ wanẹ ki d’ujadu ñwawa K’a ma n’ukibeno n jọ ef ẹchubi gbẹm; Oj ejumomi m’ọla-Wñ du ch’akpokpo, K’I l’iwọ lẹ f’onugo-mi jadu *3 I la himama ed ọrẹla kp’ẹbiẹ n I m’ojib onẹ du, m’ẹwñ ki maja bitẹ, Awuwu-Wñ gbẹgbẹ, ichẹbọ Kalfari k’odu-Wñ tẹtẹ kọ, “Omi dẹ” lẹ dẹ === code 240 title WHO CAME DOWN FROM HEAVEN *1 Ẹnẹ kw’efojale wa? Jisọs, ẹnajadu Ma f’Uu bi dab imọtọ, Jisọs Ẹnajadu *ref A d’omu dago k’eli Alu k’I ajadu wa; Owñ d’ukpẹ k’a fẹdọ fai; Jisọs, Ẹnajadu. *2 Ẹnẹ ma du kam oli? Jisọs, Ẹnajadu. Ẹnẹ r’ọmẹ ẹbiẹnẹ-wa? Jisọs, Ẹnajadu *3 Ẹn at adure nọ ñwaa? Jisọs, Ẹnajadu K’a k’ẹdọ n’O k’a n’im̃i? Jisọs, Ẹnajadu *4 Ẹnẹ d’efojale fai Jisọs, Ẹnajadu I nyọ k’awa d’ojima ñw U Jisọs, Ẹnajadu *5 Ẹn adakwubi wa gẹ? Jisọs, ẹnajadu K’awa kp’Owñ ki kpẹrẹ alo? Jisọs Ẹnajadu === code 241 title WHO IS HE IN YONDER STALL *1 Ẹnẹ d’uny ẹwñọrẹ lẹ? K’amadidala j’agw Ọ? *ref Jisọs dẹ, Onẹ efojale Jisọs dẹ, ọhiala awuwu A n’agw Ọ, a danyekwu, a agwa Jisọs, ONDU ilẹ. *2 Ẹnẹ dẹ ajẹtachi K’ebili wa j’Ọ ma lẹ? *3 Ẹnẹ dẹ, k’I ak Ọl ỌJỌ, Ọl ẹnyọ ñw amonẹ duu? *4 Ẹnẹ dẹ, k’I afẹdọ wa, K’I ach ọga amonẹ kpa? *5 Ẹnẹ r’akwu al oji Lazarọs ỌJỌ lẹ taa? *6 Ẹnẹ dẹ, k’ọwọ onẹ N’ach ọga led O lẹ taa? *7 Ẹnẹ gwugwu odu lẹ, Ef uchẹ Gẹtsẹmani? *8 Ẹnẹ dẹ, k’I d’oj oli, K’I lekwu ef ọbata? *9 Ẹnẹ dẹ, k’I kwef oji, K’I ch’Ajadu ẹnẹ duu? *10 Ẹnẹ dẹ, k’I ny’ojale Agwugw ọw awọt Ata? *11 Ẹnẹ dẹ, k’I adabi wa, K’I m’abo-Wñ duu k’I nẹ ko? === code 242 title CAME HE TO BETHLEHEM *1 I lewa unyi Betlehem. Ọma kpai ONDU Onu; I dago ef uny ỌJỌ Ak ọla ẹwñ awuwu. I hi ọla-Wñ wanẹ ch’ukọlọ. Ẹwñ ilẹi b’Owñ ma I naju n, I k’ọla yẹyẹ I tunyu akanya-wa *ref Ufẹdọ jẹ ñwu Jisọs w’emi; Ufẹdọ d’wa kw’ojale Efẹdọ k’Owñ fẹdọ abilẹ Jẹ ñwU ch’ọbata ukwu *2 Ebili fu Jisọs jama Owñ kate ma n’unyi duu n Amonẹ fu Owñ k’akọru Ẹdọdudu-wa I gba I lewa uchẹ Ọlif lẹ I f’omi ago lẹ m̃ọ Ma f’awo kọ Ẹnẹ Kiafọ; I la t’ọla-Wñ nọ ñwuma *3 I ny’ugbo Pailat kpai Hẹrọd Owñ gb’edili kpai ale I gb ọkọb Ata-Wñ k’I t’abo Ku ma du Owñ kpa lẹ nọ I dachi ur Ononojo; I kwanẹ kpai ẹgahi I le k’I ñw uñ ẹnyọ che ñwa;; Awa k’a k’ẹdọ no Owñ === code 243 title JOY FILLS THE INMOST HEART *1 Uyọ ch’ẹkọ ef ẹdọ-wa Ma f’ẹnajadu bi; Amonuchẹ ñọ b’uwa yọ, Todu k’I gwọru wa *ref Awa ayọ tod Ọm ỌJỌ Ki gwọru w’ilẹi I n’odu duu ki ñ’arinyọ Dab Imaniuẹl gẹ n *2 Awa danyekwu ñw ONDU-wa Bum Ọ, d’ojima ñw U, ỌJỌ ku ma bi uyọ tẹ Ma f’ẹnajadu bi *3 ONDU, ỌJỌ ku ma f’Ẹ bi A f’ẹnajadu nẹ, Uwẹ kiafọ, Ẹ dẹ yọọ, D’efọ-wẹ b’uwa ma *4 ỌJỌ ONDU m’Ẹnajadu K’ekwu-Wñ tẹt akwu wa, Du ch’uwa el ufẹdẹnyọ Uyọ lẹ jẹ ka kpa n. *5 ỌJỌ m’Ẹnajadu du ñwaa ỌJỌ kate n’ugwa-wñ; Ekwu Ẹnajad omunẹ I la n’akwu wa gẹ n === code 244 title JOY FILLS THE INMOST HEART244 *1 Odu kiafọ, ki la dẹ choo! Anẹ la cheebọ choo, Le Meri kp’Ọma Kiafọ lẹ de Kraist kwo b’uña ojima lẹ tẹ, K’I d’urẹdọ wa ñw onẹ *2 Odu kiafọ, ki la dẹ choo! Ọl amadid aga Noj ojima ki kw’ojale wa Amonuchẹ kọ, Haleluya Ma fu Kraist ONDU bi mẹ *3 Odu kiafọ, ki la dẹ choo! Ọm ỌJỌ dẹ hioolo, Ufẹdọ-Wñ lẹ d’uganẹ w’ilẹ K’abo duu ki f’ujadu nẹ uyọ ỌJỌ lẹ gbẹgbẹ === code 245 title HARK! THE HERALDS ANGELS SING *1 Gbọ! Amonuch ak eli, D’ojima ñw Onu titọ Urẹdọ ki b’ilẹ-i ma K’Ọjọ kp’onẹ ki ñọru Abo duu ki kwanẹ kp’uyọ Ku ma d’omu-ma ch’oka Ku ma k’eli kakini, Ma fu kraist bi Bẹtlẹhẹm. *ref Gbọ! Amonuch ak eli, D’ojima ñw Onu titọ. *2 Kraist ku ma ñwulọ-wñ at atẹ Kraist, k’I ch’Ondu gbegbelẹ, I wa ik otitala-i Ọma e-agbatanẹ; G’o, Ọjọ ef ọrẹla Owñ ch’Ọjọ ki mud onẹ; I ayọ egwugwu kp’onẹ; Jisọs ch’Imaniuẹl wa. *3 Mẹ n’ayọ ñw On urẹdọ Owñ lẹ ch’Olu ọkpakpa, I n’uganẹ kp’im̃i wa, Ọg echekpa def ika-Wñ, G’ab I d’ojima-Wñ tanẹ W’ilẹ k’onẹ ki we ekwu; K’I k’onẹ daji kwanẹ K’I ch’ọọn ebi on etitọ. *4 Wa k’Ẹ gwugwu ef uwa, Uwẹ k’ilẹ añeju Ñwu. Uwẹ ch’ugbẹ onobulẹ, Ki foj ejo gwenunu. A k’eli kp’amonuchẹ Ojima ch’ee On etitọ Ojima d’efojale Urẹdọ la dẹ ñw ilẹ-i === code 246 title BEHOLD! BEHOLD THE LAMB *1 Ẹ g’Oo, ẹ g’Oo, Ọmal ỌJỌ, oj oli oj oli I d’ẹbiẹ-Wñ dafo tod uwa, oj oli oj oli Ẹ netiru ukwa k’I kwa Ilai Lama sabaktanai! Tẹwa, k’ẹ g’ab Ajadu kwu, oj oli, oj oli! *2 Ẹ g’ab ọwọ-Wñ nadala jo, oj oli, oj oli G’ẹrẹ-Wñ kpakolo-Wñ ki gb’ẹbiẹ, oj oli oj oli Olu la m’eju-wñ du maja, Ẹchubi ñọ b’ojale ma, Ẹgba ki Jisọs f’uja du, oj oli, oj oli *3 A li Owñ lef ẹdekono, oj oli, oj oli I f’ago ẹrikoko m̃ọ, oj oli, oj oli! Okwuta kpana, uwo ga, Ẹgba ku Jisọs ch’udu-wa Owñ ch’ukwu-wa k’I mugba kwu, oj oli, oj oli *4 I la f’ukọlọ lẹ che kpa, oj oli, oj oli I f’ogwu ja, I f’uma du, oj oli, oj oli Tak I r’eju-Wñ da g’ojale! I n’omu da kak i takpa I d’oji-Wñ lọ, I tim̃i-Wñ nọ, oj oli, oj oli. *5 Fai tak I f’ojima duu nẹ, oj ede, oj ede Uña ọgba Owñ katẹ nẹ, oj ede, oj ede! A ad oji kanẹ ẹrẹ-Wñ fai, A an omu da, a agw owñ ugwa Ọmal ỌJỌ b’ojima jọ, oj ede, oj ede! === code 247 title ACCORDING TO THY GRACIOUS WORD *1 Alu k’ẹ ka oñ na achei Omi la b’ọ jọ ree n; Ewñ k’Uwẹ ka, Kraist, ONDU-mi, Urewa-wẹ na ache *2 Añọla-wẹ k’Ẹ du ñwomi Ch’ujẹwñ ki kw’ojale Ago ibenu lẹ na agba Ku na ach urewa-Wẹ *3 Gẹtsẹmani na agbẹnyọ gẹ n Na ali uja k’Ẹ ja, Ọbata kpai ugwu ẹbiẹ, Oñ na ach urewa-Wẹ *4 Ẹgba k’u m’eju-mi rida Ag oli Kalfari Ọmal ỌJỌ, ichẹbo-mi Uwẹ na ach urewa-Wñ *5 Na arewa Wẹ kpai iwo-Wẹ Kpai ufẹdọ-Wẹ gẹ; Gboogbo abu k’u def ilẹ, An ache urewa-Wẹ *6 Tak ẹgba k’Uwẹ dabi wa, K’u f’ojima-Wẹ li, Ọmal ỌJỌ ku ma f’Uu kpa Na añọ ch’urewa-Wẹ === code 248 title WE SING THE PRAISE OF HIM WHO DIED *1 A ak ele Ẹnajadu-wa Todab I kwu oj oli lẹ Owñ kate ch’ukibeno-wa; Ẹwñ ilẹ duu mud ibẹtẹ *2 Ol ukwu lẹ ajẹ ñw aa ma Alu k’ỌJỌ afẹdọ wa Ọmala ki lekwu ọmọ Du ejumomi ỌJỌ wa. *3 Oj oli lẹ Kraist f’udu chi Ee-lẹ jẹ ñw onẹ n’ẹdọ gbẹ Ẹwn ch’ee-wa kpai ẹdọdudu? Ọbata ilẹi ch’ọpẹẹ *4 Ukpahiu ỌJỌ def oli lẹ; Lugb owñ Jisọs f’Ebili du Ichẹwñ k’awa la k’ẹdọ n’O A an ewñ ẹnyọ f’ẹbiẹnẹ du *4 Oj oli lẹ Jisọs lekwu; I f’ukwu du k’a ki n’im̃i Tod ee-lẹ oñ a ma ar ailo n; A chaka kwu, ugb Owñ a anyi. === code 249 title LAMB OF GOD, OUR SOULS ADORE THEE *1 Ọmal ỌJỌ, a agogbod Ẹ Abu k’a j’ak eju r’Ẹ Eju-Wẹ je ñw aa m’ufẹdọ Kpai ojima Ata-wa. Ẹgba k’ẹ gwọru kw’ojede Ẹ m’ọla-Wẹ du ch’ofo; Tod amonẹ ki f’udu fẹ Ẹ mud Ọmala k’Ẹ kwu *2 Ef akpati amẹwñọrẹ Ẹ ch’ọmekpa Bẹtlẹhẹm Ẹ ch’Ononojo ef ilẹ K’Uwẹ onugo nyi lẹ. Ẹgba k’a ag Ẹ Gẹtsẹmani K’a ay aye ugwu ẹbiẹ, Ugbagbọ-Wẹ kpai ufẹdọ Ch’ẹwñ awuwu eju-wa *3 O Ẹnọbata Kalfari, kuma kaba m’oli lẹ! Tod udu k’a fẹ ma kp’Uwẹ, Uwẹ gb’abi-wa duu jẹ ONDU-wa, a aka kpai ẹdọ, Ukwu b’ufẹdọ-Wẹ jọ n; Ojima ki ch’ogbegbelẹ Uwẹ, Ọmal ỌJỌ nẹ! *4 Ọmal ỌJỌ, fai Ẹ gwugwu Oj ede Ata-Wẹ lẹ ONDU, Ẹ m’ọla ñw aa kpa mẹ; Ẹ f’ogwu ee-ilẹ du Okwukwu duu, efojale Atẹkpẹ ñw Ọmala lẹ Omu kp’ubọ j’akọ taa ka K’Ọmala b’oj ede jọ === code 250 title BLESSED BE GOD, OUR GOD *1 A ak ele ỌJỌ-wa K’I m’Ọm ufẹdọ-Wñ du ch’uwa ele; Ele ee-le, k’ele duu def Uwñ A ak ele ỌJỌ-wa! *2 Ẹwñ I akọ edu ñw aa? Owñ ki m’ele inaina lẹ du ñw aa, Anyọ bọjọ n, ala tẹtẹ tene n Ẹwñ I akọ edu ñw aa? *3 I d’ọwọ m’Ọma-Wñ lẹ n! Kraist f’udu chi kailo ki we ba wa, Ufẹdọ lẹ jẹ ñw ẹdọ-wa lọla; I d’ọwọ m’Ọma-Wñ lẹ n *4 Ẹn akp awa abi? Jisọs lekwu, I kwanẹ I ny’atẹ I d’ugb Ata fai, ach ologwu-wa Ẹn akp awa abi? *5 ỌJỌ f’ale da ñw aa Ẹnẹ ab uwa gb’ufẹdẹnyọ lẹ? Ẹnẹ ak agba ny’uwa ọwọ gẹ? ỌJỌ f’ale da ñw aa! *6 Edu k’I du, a adu! Tod awa, Emukpahiu le dufu; I f’ogwu ja, I f’amenebi-Wñ du Edu k’I du, a adu! === code 251 title FAIREST OF ALL THE EARTH *1 Uw Ẹnutọ ki t’uma le Abo-Wẹ duu añwulọ Wẹ Ukefu ỌJỌ def uwẹ, Uwẹ, Ẹnutọ Kalfari *ref Ẹnẹ kalfari lẹ Lam umi ẹdọ gbẹ I lekwu koji mi; Mẹ gw’Ẹnẹ Kalfari *2 Jisọs, Wẹ ku ma kam oli, F’ago ẹrikoko lẹ m̃ọ Iwọ-wa duu Ẹ la mugba. Uwẹ ẹnọbata kalfari *3 Uw ad im̃i ñw ẹnadure; Uw at ẹnamu nọ tanẹ; Ẹbiẹ-Wẹ cha ki r’ọmẹ mi. Ẹnejumomi Kalfari *4 Uw any mi ẹdọ ilẹi Jisọs na ali eju Wẹ chuu Ujẹnyu duu la ch’ukpẹ-Wẹ Uw Ẹnawuwu Kalfari *5 A ajọ kp’Uwẹ efojale; A am ufẹdọ-Wẹ ny’anẹ kpa; A adab Uwẹ ogbegbelẹ Uw ẹnojima Kalfari === code 252 title THROUGH THY PRECIOUS BODY BROKEN *1 Lef agbe ku ma ch’Uwẹ lẹ, a d’ejefu; Uw ak ọla umọla ñw aa, k’a d’ejefu; ẹbiẹ ki la wa ch’akoko, Ufẹdọ ki li wai mufu, A afọ dab Ọmala ki nẹ wa w’ejefu. *2 Ẹgba k’a li ufẹdọ-Wẹ lẹ, ọdọd akwu; Onẹ k’Ẹ ru, ỌJỌ t’Ẹ nọ, ọdọd akwu. Oli ukwu-Wẹ ch’utọ ñw aa Anyọ ach uwa I chẹ gẹ n A ayọ et Uwẹ ubi fai, ọdọd akwu *3 Aw agwudu lef Ọmala, ny ejefu; Ẹ f’uwa gwẹ oñ a agwudu, nyi ejefu; Ẹnyi etitọ aa che fai Ujadu ki mufu ch’ee-wa; Aw atẹkpẹ gogbod Uwẹ, ejefu fai *4 T’ugb Ilowa ki ma n’unyi n’ ọdọd akwu; Ail aba wa n, ugb Owñ a any ọdọd akwu Ina-Wẹ ch’ẹwñ akoko ñw aa T’ẹwñ ubẹdọ Ijipt duu le; Ufẹdẹnyọ-Wẹ adọ wa t’ọdọd akwu *5 I bọ pẹẹ k’Ẹ k’abo kiafọ, ny’ejefu pioo A la ñ’ach ẹkpatuka gẹn, j’ejefu pioo Ẹwñ duu ñ’ad awa kp’Uwẹ ru n Awa ñ’akp Uw ẹdọ biẹ gẹ n, A jẹny Ọmala gbegbelẹ, ọgba-Wẹ pioo === code 253 title WHEN I SURVERY THE WONDROUS CROSS tune Hamburg *1 Ẹgba k’u k’eju ru oli Ku ma d’OOD ojima kaba m’ọ Ilẹ-mi duu mud ofofo Uba-mi duu mud ibẹtẹ *2 ONDU-wa, che k’u we eb uba; Ukwu k’ẹ kwu mud uba-mi Ẹwñ ofofo ki ab ẹdọ-mi, na ako rinyọ tod ẹbiẹ-Wẹ *3 Mẹ go oji-Wñ kp’ọwọ-Wñ, kp’ẹrẹ-Wñ Ọbata kpai ufẹdọ dẹ Agbe ale kpai ikeke Ch’Owñ ọpẹcha k’I d’ẹnyọ ñw umi *4 Ẹwñ ilẹ duu ma ch’anẹ-mi I nya ku na ad u r’irẹ nw Ẹ Ufẹdọ nana ololo lẹ, Jẹ ñwumi m’ọla-mi duu du ñw Ẹ === code 254 title THERE IS A GREEN HILL *1 Oj uwo’ka d’anẹ ọmọ Ej ubi ewo lẹ Ọmọ ma f’ONDU kam oli; I kwu k’I jadu wa *ref A neke ma n, a neke ka n Ọbata k’ONDU li A muda k’ẹdọ no kaki I lekwu tod uwa *2 I kwu ku ma ki tuwa nọ; I kwu k’a r’ibe da Todu k’a ny’unyi ojale K’ẹbiẹ-wñ ki muwa fu *3 Ẹnomunẹ anyọ bọjọ Kir’ọmẹ adure n Owñ kate abi ọọn ỌJỌ K’onẹ ki gwudu wa *4 I fẹdọ wa tabale gbo! I d’ukpẹ k’a fẹd Owñ, A k’ẹdọ no ẹbiẹ-Wñ pioo === code 255 title TILL HE COME *1 T’ẹgba k’I wa, jẹ ñw ọla lẹ Ki kpọkpẹ ef ẹdọ-wẹ Iko ree ki d’agbagba-wñ Ch’uganẹ tod ọla lẹ Ibe-wa ki tẹ abu K’um̃i-wa d’ubi ewa-Wñ *2 Ẹgba k’abo k’a fẹdọ ma Gwud tef um̃i atẹ, Ilẹ adab alachẹ? Uyọ mud ẹdọdudu? Ẹnẹ duu ki we ek ọla; Ee-lẹ atakpa ef ewa-Wñ *3 Ọbata-wñ agwọny uwa? A tene k’I b’ọwọ lọ? Ẹwñ ki awọ wa ẹgba duu Aka ñw aa k’ilẹ ch’ofo Ukwu kpai ẹchubi ka Kẹwñ kate ki bọ chewa-Wñ *4 Mẹ g’ujẹwñ ufẹdọ tẹi f’omi-wñ m̃ọ, f’akala-wñ jẹ Ch’urewa-wñ t’ẹgba k’I wa Adọ wa j’ujẹwñ unyi-wñ T’ee-i, t’ee-ojale, Edaru wa kad ewa-Wñ === code 256 title FOR THE BREAD AND FOR THE WINE *1 Tod akala kpai ago, Tod alo titọ k’Ẹ kpẹ, Tod abu k’Ẹ kak a ch’ei Ugwa-wñ a agwẸ, ONDU *2 I ch’ujẹwñ kp’omi kate, I muda ch’ẹwñ uwọli Ñwẹnẹ duu ki akẹdọ N’Ẹ Ugwa-wñ a agwẸ, ONDU *3 Tod Ọl ỌJỌ ki ajẹ ñw aa Goli ukwu Kalfari K’a tẹmẹr u lef Afu; Ugwa-wñ a agw Ẹ, ONDU *4 Gboogbo tak Ẹ dabi wa Awa aj ẹwñ ki ch’uwọli Uwẹ k’Ẹ ch’ujẹwñ im̃i Ugwa-wñ a agw Ẹ, ONDU *5 Tod ọla uny k’I aka Kp’ọwọ k’I adu n’ojale Mẹ n’ach ei gbẹgba k’U wa Ugwa-wñ a agw Ẹ, ONDU *6 Gboogbo tak Ẹ dabi wa A am̃ ago urewa-Wẹ, Tod ẹbiẹ-Wẹ f’uwa gwẹ; Ugwa-wñ a agw Ẹ, ONDU *7 A neju ewa-Wẹ fai, A ad ukwu-Wẹ ka dufu Tak a an ojima kp’Uwẹ Ugwa-wñ a agw Ẹ, ONDU *8 Tod ewa-Wẹ k’ẹ ka lẹ Ki ch’iko k’ẹnẹ duu ma n Tod ojima kp’ede lẹ Ugwa-wñ a agw Ẹ, ONDU === code 257 title MAN OF SORROWS *1 Ma d’odu-Wñ k’Ẹnọbata, ONDU Jisọs Ọm ỌJỌ Owñ lẹ m’ẹnadure fu, Haleluya! Ẹnajadu *2 Ma k’Ọ ru, ma k’anyọ m’Ọ I ñọ gba abi-mi jẹ Ma t’umi nọ tod ẹbiẹ-wñ Haleluyah, Ẹnajadu. *3 A lenyọ, a f’abi jẹ. Owñ kate ch’Ọmal ỌJỌ K’I m’adure chakaa ko Haleluyah! Ẹnajadu *4 Ma m’U du ka many oli “I takpa” ch’ọla-Wñ k’I ka fai I cheen ojima duu, Haleluyah! Ẹnajadu *5 Ẹgba k’I adabi wa I ako abo duu k’I nẹ, Ẹgba lẹ a ak eli-i gẹ; Haleluyah! Ẹnajadu === code 258 title NAILED UPON GOLGOTHA’S TREE *1 Ma m’U du kaba m’oli G’ab I agbẹbiẹ, Ẹnẹ dẹ? Ma gw’ọwọ-Wñ kpai ẹrẹ-Wñ du D’ikẹb ikeke d’O oji I d’ojale ọgbọgba Ayọ ef ufẹd Ata-Wñ Ọm ỌJỌ, Owñ dẹ, Owñ dẹ Oj oli ee-Kalfari *2 Ma m’U du kaba m’oli F’Uu ch’ukata, Ẹnẹ dẹ? K’akọru, ka ñw U k’I tanẹ, F’ọbata ch’Oo achekpa. Owñ lẹ wa k’I d’ẹnyọ ñw aa Ufẹdẹnyọ-Wñ la k’Ọ ẹchẹi Ọmọnẹ, Owñ dẹ, Owñ dẹ, Oj oli ee-Kalfari *3 Ma m’U du kaba m’oli ch’ẹwñ ichẹbọ. Ẹnẹ dẹ? I n’adure amonẹ F’uwa ki ma jẹ ka n li Owñ ch’ichẹb ukatanẹ F’ọmẹ adure-wa ra Ọmala, Owñ dẹ, Owñ dẹ, Oj oli ee-Kalfari *4 Oj ede ef ojima I f’ẹwñ duu du, ẹnẹ dẹ? Owñ ki wa k’I kwu lẹ dẹ; Ma m’u du gwu gw at atẹ Ẹdọ ki kp’ẹkọ ñw ugwa A anẹ danyekwu ẹrẹ-Wñ ONDU Onu, Owñ dẹ, Owñ dẹ, Oj ede ef ojima === code 259 title MY BLESSED LORD WAS CRUCIFIED *1 Ma m’ONDU-mi du kam oli; Anẹ chubi, ọbata gbẹ; Ẹdọ ch’ẹda, ẹwñ duu ch’ofo, gbogbo taku Jisọs kwanẹ *ref Mẹ f’akoya uchẹnyọ ta; Mẹ d’ọla lẹ dago Im̃i ONDU cheet ukwu le Ukwu-Wñ la ch’ofofo n! *2 I m’ujadu du mẹr uwa; I tene k’a k’ẹdọ n’ọla-Wñ Ẹdọdudu-Wñ d’urẹdọ ñw aa Ọda! I lekwu tinyọ no *3 Uchẹnyọ lẹ la tabale Jisọs deju, I d’ojale; I m’ọọna bi k’a any ọmọ gẹ Ọda! I lekwu tinyọ no === code 260 title WOUNDED FOR ME tune by W. G. Ovens *1 Ma ch’Owñ agbe, todu omi! Ma la m’U du kam oli tod umi Ọla bọ gẹ n, u kwotanẹ fai mẹ, Todu ki Jisọs lekwu koji mi *2 Jisọs lekwu, todu omi Oj oli lẹ I lekwu tod umi Lef ukwu-Wñ lẹ ma f’umi la tanẹ, Todu ki Jisọs lekwu koji mi *3 Jisọs kwanẹ, todu omi I kwanẹ kwef ukwu todu omi Ope ukwu aneke wọ mi gẹ n Todu ki Jisọs kwanẹ tod umi *4 Jisọs deju, todu omi; I deju efojale tod umi I ach ologwu tod umi ọJọ duu Todu ki Jisọs deju tod umi *5 Jisọs awa, todu omi! ỌJọ’ka fai I awa todu omi Ab uyọ-Wñ adẹ eju-Wñ ku na ali? kOmi agogbod Ọ, I awa tod umi === code 261 title JESUS, SOURCE OF LIFE ETERNAL *1 Jisọs, Im̃i ogbegbelẹ Jisọs, k’Uwẹ ny’im̃i wa Ẹ f’amẹnẹbi lẹ duu du Lef ẹgbo kp’anyọ kp’ukwu Ẹ lef iwọ inaina K’Ẹ f’ọọna ujadu che ñw a Egwa a gw’Uwẹ ugwai Uwẹ ONDU Ojima *2 Uwẹ, Ọm ufẹdọ ỌJỌ N’akoru kpai ulaka; Todu wa, Uw On Ojima, F’ikẹbẹ ikeke do Ukwu-wẹ lẹ la m’uwa fu B’agba adure-wa tẹ pioo. Ogbegbelẹ awa agw Uwẹ *3 Anyọ duu k’onẹ ko m’Uwẹ, Ẹf ẹdọ jẹ k’ẹ mugba Iwọ ukwu neke gb’ọọna Ny’ukọlọ k’Uwẹ che lẹ n Ọla k’Ẹ hiwanẹ abu K’Ẹ ch’ọọn ujadu ch’awuwu Ogbegbelẹ awa agw Uwẹ Ajadu Ọmẹmẹlẹ *4 Egwa a agw Ẹ a añwulọ Wẹ Uwẹ Ẹnajadu-wa Tod ọla k’Ẹ hiwanẹ lẹ, Kp’ukwu-Wẹ ki d’im̃i ñw aa Uwa lẹ ẹ f’uu li chakaa K’urẹdọ-Wẹ ki mud ee-wa Ogbegbelẹ awa agw Uwẹ, A agwa ñọ gwa ONDU-wa === code 262 title JESUS OUR LORD, WITH WHAT JOY *1 Jisọs, ONDU, awa agogbo Uwẹi A an alu-wa gw’Uwẹ oj ede-Wẹ Ẹdọ-wa bọ oñ a ad oji kanẹ ñw Ẹ i Uwẹ kate la nyọ b’ojima-wñ jọ *ref ONDU, Ẹbọjọ, Ẹ bojima jọ ONDU, Ẹ bọjọ owñ ch’Uwẹ kate Ẹdọ-wa bọ oñ a ad oji kanẹ ñw Ẹ i Uwẹ kate la nyọ b’ojima-wñ jọ *2 Uwẹ, k’ẹ ch’ỌJỌ mud onẹ ochochi Ẹ hi ọla wanẹ k’Ẹ kwu koji wa Uwẹ ugbẹ If k’ỌJỌ katanẹ lẹ, Ẹ f’oji ejo lẹ gwenunu mẹ *3 Ẹ hi ọla wanẹ k’amonẹ ki m’ẹ du, Amonẹ k’Ẹ nyi la ch’ulaka wẹ; ỌJỌ t’Uwẹ nọ, onẹ f’ẹ kam oli; Ama k’ỌJỌ na, Ẹ mugba n’oji *4 Ẹ fuma duu chakaa, ojima-Wẹ gbẹ! Ẹ ñọ f’ukwu du kp’ukpahiu setan A neke w’ej uchẹnyọ-Wẹ r’onẹ gẹẹ? ONDU Ẹ f’ukwu kp’ọjegwu du mẹ. === code 263 title BY CHRIST REDEEMED *1 Kraist gba wa tanẹ, todulẹ A ach ẹwñ ki dẹ k’a n’arewa K’a n’ad ukwu lẹ ka du fu Gboogbo tak ONDU dabi wa *2 I d’ọla-Wñ chele tod uwa Ujẹwñ ki dẹ owñ ch’ujiwe-wñ Ufẹdọ-wa ki ruko gẹ Gboogbo tak ONDU dabi wa. *3 Omi ki dẹ la ch’ujiwe Ẹbiẹ-Wñ ki cha oj oli lẹ A aj ujẹwñ-i, a am̃ omi-i gẹ, Gboogbo tak ONDU dabi wa *4 Gbẹgba ku ma f’ọkakachi Gbẹgba k’ura abo-Wñ mubi A ki ch’urewa-i ẹgba duu, Gboogbo tak ONDU dabi wa *5 Che k’a ñọ nede iko lẹ, K’a f’ẹdọ-wa lichi alo, K’a fẹdọ jẹ, k’a ak ẹdọ n’O Gboogbo tak ONDU dabi wa. === code 264 title I HEAR THE WORDS OF LOVE *1 Na agb ọl ufẹdọ lẹ, Na ak ejuru ẹbiẹ-Wñ na al ichẹbọ inaina lẹ, Oñ omi ma kp’ỌJỌ *2 Ema-wa ch’ochochi Dab odu Jihofa, I dab ede-Wñ, in’ega reen ema-wa ch’ogboolo *3 Na arida, I arida n; Kraist ñ’akwu gbegbelẹ n Umi-mi dẹ ef ufẹdọ-Wñ Ochochi-Wñ m’umi nẹ *4 Ọl ukwu-Wñ dago ta Owñ muda ny’ojale Okwuta lẹ mu li ubi Al oji-Wñ ch’ẹchitẹ *5 Urẹdọ ee-mi dẹ; Ukwu anẹ mi gẹn U ma k’Ọm ỌJỌ lewa mẹ, I kwu I mudaji *6 U ma k’I deju fai I d’ọw awọt ỌJỌ U ma ede k’I gwugw oji-wñ, Kp’ochochi-Wñ, kp’ufẹdọ-Wñ *7 U ma k’I adabi wa Jisọs onugo kai I le k’I ñw’un ugwugwu che Tod awa k’a ch’abo-Wñ === code 265 title I GAVE MY LIFE FOR THEE *1 U m’oji-Mi du tinyọ Ẹbiẹ-Mi cha dufu, K’uwẹ ki nẹ im̃i K’ẹ kwef abo ukwu Oji-mi k’U du tanẹ ñw ẹ, Ẹwñ uwẹ che ñwOmi? *2 Ef uny Ata-Mi Oj ede ojima, U kwo k’U wef ilẹ, K’U t’ale al ubiẹ Ede k’U tọnọ tod uwẹ, Ẹ t’ẹwñ nọ tod Umii? *3 Omi k’ọbata-wẹ Ọchakaa-wñ t’eka le Iwọ-wñ la tabale, K’U gba wẹ kwef una, Ee-le Omi li tod uwẹ Ẹ li ee-duu tod Umii? *4 Omi la k’im̃i wa Kw’unyi-Mi ojale Kp’ujadu ogboolo, Kp’um̃i kpai ufẹdọ Ele lẹ duu k’Omi ch’uwẹ, Ugb ẹwñ k’ẹ du ñw Umi dẹ? === code 266 title RISE MY SOUL! BEHOLD TIS JESUS *1 Ẹdọ-mi ki go Kraist Jisọs, Ẹwñ duu k’omi li la ch’Owñ Goo, abu k’I gwugw ugb ỌJỌ Adure any ọmọ gẹ n *2 Ẹwñ ọkpakpa ọmọ gbẹ gbẹ Jisọs dago ojale Ẹbiẹw-Wñ ki cha oj oli lẹ D’ọda ñw umi k’u ny’ọmọ gẹ *3 Ma m’adure-mi ko n’oji-wñ oj oli I m’u gba nẹ, ỌJỌ gwejugede ko n’Owñ K’u k’ẹdọ n’O k’u tanẹ *4 Fai ỌJỌ adọ mi m’unyi I k’ujẹwñ uyọ jọ wñumi I la ayọ ñwumi, I kakini Ujẹwñ im̃i dọmọ ñwumi *5 Eju k’ỌJỌ li mi lẹ dẹ Ufẹdọ ỌJỌ Ata Um̃i ọmọ ch’ogbegbelẹ Ẹwñ duu mufu ugb ỌJỌ *6 Ogbegbelẹ k’I ka rinyọ! Ogbegbelẹ, ochochi! Ẹwñ duu neke f’abo-Wñ daru n Ed ugb ONDU lẹ ch’ọpioo === code 267 title AND CAN IT BE *1 I neke dẹ k’omi anẹ Ukpẹ ef ẹbiẹ Jisọs lẹẹ? Ekwu k’I kwu, I koji mii? Omi, ku f’Uu ne nyef ukwuu? Ufẹdọ-Wñ gbẹ! Ab Ẹ dẹ taa? *2 Awuwu dẹ; Akwu n lekwu Ẹnẹ neke gw’ili ofe wñ Amonuchẹ la ch’ajama-wñ Ku ma f’unef ufẹdọ-Wñ gwa; Ejumomi ONDU-wa li Owñ ki n’ele emi kp’ọmọ *3 I t’ede Ata-wñ ọmọ nọ,, Ufẹdẹnyọ-wñ la jẹ ñw U che I k’ẹwñ duu janẹ chai ufẹdọ-Wñ Ẹbiẹ-Wñ dafo tod ab Adẹm; Ejumomi-Wñ ch’ọgbajẹjẹ O, ỌJỌ-mi, ee-k’I che gbẹ! *4 U dachi ef amu odu, Og adure kp’umi olu, I f’umi li, ọga takpa U m’olu ji, eju-mi nẹ; Ikwu jada, u kwotanẹ; U kwanẹ hiaa u t’Ọ ubi *5 Ama ñ’akpa mi abi gẹn ONDU Jisọs la m’umi fu U deju fai, Kraist def umi, Ọkpakpa-Wñ la ch’ọkpakpa-mi U n’ẹdọ k’u tẹmẹr ỌJỌ K’u gb’uloko-wñ ef ONDU-mi === code 268 title KING OF MY LIFE *1 Onu im̃i Uwẹ che fai, Ojima lẹ Ẹ nẹ Todẹgba k’u gbeny ukwu-Wẹ Nẹ mi nyi Kalfari *ref Ibe-mi tẹ Gẹtsẹmani Ibe-mi tẹ ọbata lẹ; Ibe-mi tẹ ufẹdọ-Wẹ Ki n’Ẹ nyi Kalfari *2 Jẹ ñwumi li ugbo k’Ẹ dachi Ọmọ na any ar akwu Amonuchẹ kw’ojale wa Ma f’Uwẹ de ọmọ *3 Jẹ k’omi wa dabu Meri K’u n’ẹwñ ele-mi wa Du oji lẹ ki tẹ ofo Ña mi eñini gẹ *4 Jẹ k’omi n’ẹdọ eñini K’u n’oli ukwu’mi Jẹ k’u f’airẹ ọla-mi rẹ K’omi ku t’Ẹ ubi === code 269 title WE WORSHIP THEE *1 Ọma ỌJỌ akw igbele Wẹ kp’ẹr ilẹ kp’efojale Uwẹ m’ẹwñ duu k’Uwẹ nyi jọ-i Gbanẹ kp’ọla ukpahiu-Wẹ *ref A agogbod Ẹ, OOD ojima, A añwul odu-Wẹ gbegbelẹ A agogbod Ẹ, OOD ojima A añwul odu-Wẹ gbegbelẹ *2 A at ẹrẹ-Wẹ, Ọmala ỌJỌ Unekw Ata ch’uyọ-Wẹ pioo A at ọ gbogbo nyi Kalfari Ojima-Wẹ k’a li gbẹgbẹ *3 Uwa k’ẹ li ch’utodu wa ẹchubi lẹ la ch’ukpẹ-wa Ufẹdọ ee-ki ma jẹ ka n, Jẹ ñw Uwẹ, ONDU kw’ukwu-wa *4 Ẹ d’at atẹ oj ed Ata, Ojima ch’uloko-Wẹ fai; Abo duu ad oji kanẹ Agb alu kak Uwẹ ch’ONDU === code 270 title FATHER AND GOD, IN GRATEFUL *1 ỌJỌ Ata, a gbede Wẹ, A adanyekwu ñw Uwẹ, Abu k’ẹdọ-wa kọ ñwugwa, Ele ki ma jẹ ka n, Ọm Okpono ee-uyọ-wẹ Kw’ẹgba igbegbelẹ Ef ufẹdọ Ẹ m’U du tẹ K’I kwu tod ab ubiẹ *2 Ẹ m’Owñ du ch’ele ab Ẹ ma Imeli k’Owñ ali Iwọ ale kpai ikeke Oj oli ukwu lẹ, Kp’iko uwa ki toji lẹ ẹgba k’I ch’udu-wa Uwẹ t’Ọmala Kiafọ lẹ Nọ tinyọ todu wa *3 Ata awuw ufẹdọ-igbẹ T’ele k’on aka le Alu onẹ kp’onuchẹ duu, Aneke gw’ili-wñ kpa n Todu ẹwñ awa onẹ che K’Ẹ jẹ fẹdọ w’abẹi? A an ẹdọ ki kpẹkọ ñwuyọ Añwul Ata kp’Ọma === code 271 title WHAT WAS IT, O OUR GOD? *1 Ẹwñ ch’Uwẹ, ỌJỌ-Wa, K’Uwẹ d’Ọma-Wẹ lẹ; Owñ ch’Ọm ufẹdọ-Wẹ, Koji ẹnadure? Todu ufẹdọ, oñ Ẹ jẹ K’Ẹ d’Ẹnufẹdọ-Wẹ w’ile *2 Owñ ch’ẹwñ jẹ ñw Ọm ỌJỌ Ki’ kwo b’oj ede tẹ? K’I wa k’I ch’ọbata? K’I m’ẹbiẹ-wñ du dafo? Todu ufẹdọ, oñ I jẹ K’I wa k’I kwu todu onẹ *3 Ẹwñ jẹ ñw Ẹ d’Afu wa? K’I d’odo ef uwa? K’ẹdọ-wa ki kpẹkọ Ñwu urẹdọ kpai uyọ? Todu ufẹdọ oñ Ẹ jẹ D’Afu-Wẹ ñw awa k’a ch’onẹ *4 A j’ọmẹ ufẹdọ K’a ra ñw Uwẹ, ỌJỌ I d’ukpẹ k’alu-wa Ki k’ele ẹgba duu Tẹko, ONDU, k’a k’eli ñw Ẹ tod ufẹdọ-Wẹ tabale === code 272 title WAS IT FOR ME? *1 Todu omi, omi kate, Ajadu-mi kwo b’ede-wñ tẹ? I kw’ugbo alifia lẹ Todu omi I wa k ‘I kwu? *ref Todu omi, omi kate? Ufẹd ỌJỌ la nana gbẹ Eyọ na ayọ, na ach ọga-Wñ pioo Todu omi ONDU lekwu *2 Todu omi, Ọma ỌJỌ ka, Du oji-wẹ ki awọ wẹ wa N’agbẹdọ-Mi k’ẹ kẹdọ no Todu omi? U neke gba *3 Todu omi, I f’akwu rọ? Adure-mi I k’eju ru Odu efu Gẹtsẹmani? Todu omi ma f’ONDU mu? *4 Todu omi, oji-Wñ dalọ? Oj oli lẹ oñ ẹbiẹ-Wñ cha Ẹbiẹ lẹ nyọ, if’umi gwẹ Todu omi, Jisọs lekwu === code 273 title NOT ALL THE BLOOD OF BEASTS *1 Ẹbiẹ amẹla duu Ku mako ch’ichẹbọ; I neke jẹ ñwonẹ jale n; I ajẹ ñwẹdọ-wñ ki fẹ n *2 Jisọs, Ọmala ỌJỌ, M’ọla-Wñ du ch’ichẹbọ; Ẹbiẹ-wñ lẹ ki f’ẹwñ duu du pioo Agwẹ onẹ ẹdọ *3 Ẹgba k’u gb’ọla lẹ Ibe-mi murida; U gbalu kak u d’ỌJỌ re Owñ du ch’umi ele *4 Abu k’omi y’aye Jisọs ki d’oj oli, Ẹwñ ọmẹmẹlẹ k’u ma dẹ; Jisọs gb’abi-mi jẹ *5 Abu k’u k’ẹdọ n’O Ama d’oji mi gẹ n; Na agw Ọmala ki d’oj ede-Wñ U l’ajẹny ufẹdọ-Wñ === code 274 title NO BLOOD, NO ALTAR NOW *1 Ẹbiẹ kp’ubọ dẹ gẹ n, Ma f’ichẹbọ che kpa, Ẹwñ egujo ñwỌJỌ dẹ gẹ n Ọmala ñ’akwu gẹ n Ẹbiẹ ki nyọ tule cha janẹ mẹ, K’I f’onẹ gwẹ b’ud adure k’I fẹ duu tẹ *2 A agw’Ẹ tod ẹbiẹ lẹ; Owñ ch’ẹbiẹ Ọma-Wẹ; K’a n’urẹdọ kp’ỌJỌ lef Uwñ Ẹ f’ogwu du ñwuwa, Ẹ f’ọjegwu, adure kp’uwa du I n’edabi ja gẹ n, ẹnọl omunẹ dẹ n *3 Awa agw Uwẹ ugwa, Tod ufẹdẹnyọ-Wẹ, Ki b’adure-wa chakaa ma Ufẹd Ata gbẹgbẹ Kp’ufẹd Ọma ee-Ata ogbegbelẹ Kp’ufẹd Afu Kiafọ ki ch’ẹta efoka *4 A agw Ẹ, ukibeno ogboolo k’Ẹ duñwaa I ar onugo onẹ ko Gbẹgba k’ỌJỌ l’añwa Ukibeno ewa Kraist n’uyọ gbẹ, Ef ẹdọdudu kp’ọbata-wa duu ilẹ-i *5 A agw Ẹ tod ikẹbẹ Ee-ojima kp’im̃i; I che uloko ee-ilẹ K’aw aja tod uwñ dẹ n Ee-k’a kai achẹ n, dab ede ỌJỌ Ojanẹ ỌJỌ-wa kp’ee-Ọma ufẹdọ-Wñ === code 275 title WHILE GOLDEN MOMENTS *1 Ujejui n’uyọ nana Tod ukwu-Wẹ k’a aka dufu M’uwa gba tanẹ, ONDU. A an alu kate k’eli ñw Ẹ, A agogbod Ẹ, oñ alu k’Ẹ ka A ach urewa-Wẹ emi *2 Jẹ ñw Afu-Wẹ k’I nẹ wa le Alu k’I n’ogijo lẹ le Ala Patmọs igbele Jẹ ñw a gbeny ọla-wa emi K’a kp’ibe ẹwñ efojale Tak eju-Wẹ ano wa. *3 Ẹd ekono-wa ag ubi K’a g’uwa-Wẹ Getsemani, Oñ a arakwu Gọlgọta Ef akala-kp’ago kidẹi a l’ufẹdọ inaina-Wẹ Oñ ẹwñ ee-wa mud ofu *4 Ib ekono-wa ag ọgba Oñ a ach ẹwñ-i gbẹgba k’Ẹ wa, Tak Uwẹ ako wa lo A al eju alifia-Wẹ Oñ ẹdọ-wa ach ẹkọ ñw uyọ, Awa la adab uwẹ pioo *5 O ỌJỌ-wa, ufẹdọ-Wẹ Cheenefu gbẹ, it’eema le, I la arida gbegbelẹ n Jẹ ñwee-lẹ m’uwa nẹ gaga K’I t’ejugede ọla-wa K’a d’ojima-wẹ kpogo === code 276 title HERE, O OUR LORD, WE SEE THEE *1 ONDU, eju-wa kp’ee-Wẹ de emi Dagba k’a ma li wen, Ẹ d’ugbo-wa Emi a agwọny ufẹdọ-we tule, Uhia ki hia wa oñ a dachi n’Ẹ *2 Akalai ch’ujiwe añọla-Wẹ Omi kidẹi la jiwe ẹbiẹ-Wẹ Emi a neke k’adu duu janẹ; Emi a ayọ ef ale k’Ẹ da ñwaa *3 A ch’amẹnadure, ẹ ch’ọkpakpa A f’udu fẹ, ẹbiẹ-Wẹ f’uwa gwẹ ỌJỌ-wa, ọkpakpa kp’ẹbiẹ-Wẹ lẹ ch’otogbo ka ko ny’ọla ọpioo-i *4 Ujeju-i ch’iko ujẹwñ uyọ, Ma m’ẹwñ ojale bi tẹ ñw aa emi Ẹ dọ wa k’a j’ọfẹ kpanẹ-wẹ Oñ ef uwñ a an uta ata kp’Uwẹ *5 A akwanẹ, ujiwe la akpatuka, Ufẹdọ-Wẹ muda l’uwa de kpọ Dagba ku ma d’akala kp’ago lo Uwẹ k’ẹ ch’ugbẹyọ-wa mẹr uwa *6 Ech urewa-Wẹ k’a ache ñọ chei F’ọwọ ñ’ujẹwñ elile ojale Urewai jẹ ñw aa j’uyọ lẹ ma, Owñ ch’ujẹwñ ọya titọ Ọmala === code 277 title TO CALVARY, LORD *1 Ef afu-wa awa anyi Kalfari fai, ONDU; K’a yay ufẹdọ-Wẹ ee-ki Jẹ ñwUwẹ kwu ọmọ *2 Ẹdọ duu ki m’ọg adure Ali um̃i ọmọ Abu k’I f’uyọ inaina ee-ured ỌJỌ ma *3 Ọmọ Uwẹ f’ọpẹcha li Iko iwọ-Wẹ lẹ Ufẹdẹnyọ f’ogwu lẹ du Ufẹdọ j’ẹdọ gbẹ. *4 Ọmala ỌJỌ ẹbiẹ-Wẹ Ch’ik ufẹdọ k’ỌJỌ Nẹ f’ẹdọ ki jẹ ji m’Uwẹ, K’imanany im̃i-Wẹ *5 Ẹñọ-wñ ache wa, ka ki go Oji alifiya Ki li uwa inaina lẹ D’ọkẹb ojima fai *6 Ukibeno-Wẹ duu ch’eewa ONDU, a añej eli Abu k’ẹnyọ-Wẹ b’ẹwñ duu ma Efojale kp’ilẹ. === code 278 title O, CHRIST! WHAT A BURDENS *1 ONDU, adu ki d’oji-Wẹ, Owñ ch’adure k’u ta Uwẹ kpji ẹnadure Ẹ li ọbata-mi Ma f’Uwẹ mu k’Ẹ n’adu-mi Fai adu bọ ñwomi n *2 Ukwu kp’ama oñ awa nẹ; ONDU b’uwa gba mẹ Jisọs ch’ọbata tod uwa, Fai ee-lẹ duu bọ gẹ n Ẹwñ biẹnẹ lẹ ufẹdọ jẹ, I t’ufẹdọ nọ wñ a *3 ỌJỌ Ata la m’ọkpa du ONDU, I f’Uwẹ gwo Uwẹ oñ ỌJỌ du tinyọ, Omi I la mugba Ẹbiẹ-Wẹ cha tod ọkpa lẹ; Agbe-Wẹ m’umi fu *4 Omi Kraist Jisọs kwu tod uwñ; U lañọ kwu kpai Owñ I kwanẹ mẹ, agba-Wñ mutu, Fai Kraist la def umi Eju Ata ki ch’anyi fai, D’ugbo mi ẹgba duu === code 279 title AROUND THY GRAVE, LORD JESUS *1 A dago l’oji-Wẹ de, Ef Afu ONDU fai; Kp’ẹdọ ki kpẹkọ ñw ugwa K’a ch’ẹwñ k’Ẹ ñwatẹ lẹ Ef ẹdekono ayọ Et ọkpa ufẹdọ-Wẹ; Lef uwa ukwu k’Ẹ li T’oj ede-Wẹ atẹ. *2 Kraist Jisọs, awa rewa Ọbata k’Uwẹ li; Alu k’ẹ l’ejumomi K’ẹ gb’uwẹdọ ỌJỌ Uwẹ tuny ukwu ogboolo Tod uwa Uwẹ kwu; Tod uwa, ONDU Jisọs Ẹbiẹ-Wẹ cha dufu *3 ONDU, Ẹ kwanẹ fai mẹ Ọbata-Wẹ takpa Ẹ kwu tod adure-wa Fai ukwu ad Ẹẹ gẹ n T’ukwu, t’una, Ẹ f’uu du Uwẹ k’Ẹ ch’ONDU-wa. Ẹwñọgwu, a kp’Uwẹ nẹ Uwẹ, Ẹ t’ukwu ma *4 Aa tunyu ukwu-Wẹ lẹ; Aa ma k’ukwu-wa dẹ, Aa kp’Uwẹ kwanẹ fai mẹ; Aa ñọ tuny ojim –Ẹ Kw’ọwọ setan kpai ilẹ, Ẹbiẹ-Wẹ la wa tẹ Emi a ch’Ononojo; A adeju ñw ỌJỌ mẹ === code 280 title ON CALVARY’S BROW *1 Oj oli lẹ ONDU lekwu; Ọmọ ma kpa Ọma ỌJỌ Oj oli lẹ ẹbiẹ-Wñ dufu, I f’umi la tanẹ ọmọ *ref Go Kalfari, go kalfari Ugbo k’Ọmal ỌJỌ lekwu Go Kalfari, go Kalfari Ọmọ Ajadu-mi lekwu *2 Okwuta ga, anẹ chubi Ajadu-mi f’oji-Wñ dalọ Ukp ọọna bi k’omi ki le Ọọna ỌJỌ tefu im̃i *3 ONDU Jisọs, abi dẹ ta, K’Uwẹ jẹ du oji-Wẹ tẹ? K’Ẹ n’adu kpai ọbata lẹ Akoji mi oj oli lẹ? === code 281 title GIVE ME A SIGHT O SAVIOUR! *1 M’eju-mi chi, ONDU-mi K’u li ufẹdọ-Wẹ Ufẹdọ ki d’Uwẹ w’ilẹ K’Ẹ kwu oj oli lẹ *ref Che k’omi ku ma oji-wñ K’ẹdọ-mi ki mugba, Alu k’i dẹ ñw Uwẹ ONDU, K’Ẹ m’adure-mi ko *2 Ale ku ma gwuny Uwẹ, M’Ẹ nẹ oj oli lẹẹ? I ch’ale lẹ n, chai ufẹdọ K’Uwẹ nẹ fẹdọ mi *3 ONDU, ee-lẹ ch’awuwu owñ ch’ukwu-mi k’Ẹ kwu, Ẹ neke t’adure-mi nọ, Ẹ neke jẹ ñwumi fu *4 F’ẹdọ-mi yọ, Ajadu, f’umi oji dalọ; Gbẹgba k’u d’Uwẹ ch’ONDU-mi K’Uwẹ mud Onu-mi === code 282 title ON THAT SAME NIGHT, LORD JESUS *1 Odu lẹ, ONDU Jisọs, Ẹgba k’ọbata duu Kpai ojiji ukwu lẹ F’ẹbọ-Wñ da n’ẹdọ-Wẹ, A gb’omu-Wẹ, ONDU-wa Che ku mẹ rewa Mi A ache kpai ẹdọ yaala A che urewa-Wẹ *2 Ukade ọbata-Wẹ Ẹnẹ duu neke ma n Ago k’uwẹdọ ch’ẹko-wñ Ẹ mugba koji wa ỌJỌ m’Uwẹ du tinyọ Oj oli ukwu lẹ Ugwa lẹ a agw Uwẹi Urewa-Wẹ a ache *3 A go ẹchubi chakaa Ki b’Uwẹ ma ọmọ; Ọpẹcha kpai imeli Ki n’Uwẹ m’anẹ lẹ A li k’Ẹ l’ejumomi; A li ufẹdọ-Wẹ Uyọ kpai ẹdọdudu A anẹ ch’urewa-Wẹ *4 Gbogbo tak Uwẹ wa ke K’Ẹ ko wa kw’emi lo, K’a m̃i ef unyi ỌJỌ Ugbo k’anẹ nẹ foo A d’ukwu k’ẹ kwu ñẹña A ñọ f’ọla-wa mu K’a biu akẹdọn Uwẹ Ab a ach urewa-Wẹ === code 283 title ALAS AND DID MY SAVIOUR BLEED? *1 Ẹbiẹ Ẹnajadu-mi dufu ONDU-mi la lekwu; Oji-Wñ I mudu tẹ todu Omi idenekwu *2 Todu ẹwñ ebita k’u che, Owñ f’ifi oj oli, Ejumomi Kraist Jisọs kpai ufẹdọ-Wñ t’ẹwñ duu le *3 Olu la m’eju-wñ du maja, ọrọka kwochubi, Ẹgba k’Imaniuẹl kwu Tod adure onẹ. *4 Anyọ ch’ukpẹ ki f’umi mmu Ẹgba k’u li eju-Wñ Ẹdọ-mi ki ch’ugwa kate; Eju-mi ki ch’akwu *5 Ugwa egwa muda b’ọmẹ Ufẹdọ k’u jẹ jọ n ONDU, u t’ọla-mi nọ ñw Ẹ U n’ẹwñ duu t’ee-lẹ le n === code 284 title BENEATH THE CROSS OF JESUS *1 Ẹr oli ukwu Jisọs na atene k’u dago Olubọ dẹ tod ẹnẹ duu Oj anẹ ọbata Owñ ch’unyi ef ajẹtachi-i Um̃i ej ọọna-wa Ọmọ olu akpa mi gẹ n Ọla-mi aruko *2 Oj oli ukwu Jisọs, I n’ẹgba ku na ali K’I dabẹnẹ k’ONDU Jisọs Lọkọli ọmọ ta Ef ẹdọ-mi ki mukpabiẹ Aye meji dọmọ; Ufẹd ONDU ki tabale, Kpai ẹfulẹfu-mi *3 Ol ukwu-Wñ ch’okoubi-mi Na ara t’ọ ẹgba duu Ọmọ ọkpakpa kpurẹdọ Falu-ma k’omunẹ Ufẹdẹnyọ kpai ochochi De kp’ọla-ma ọmọ. Uwẹd ỌJỌ d’oji-mi gẹ n Tod udu-mi k’Owñ chi *4 Ẹr oli ukwu Jisọs, Ọmọ na agwugwu pioo U tene ẹwñ uganẹ duu T’eju-Wñ ki d’anẹ le n Ẹwñ ilẹ ki lale rinyọ! Ofu-wñ ab umi gẹ n Anyọ-mi ch’adure k’u ta, Uba-mi ch’oli ukwu-Wñ === code 285 title WHAT BROUGHT THE LORD? *1 Ẹwñ chi k’ONDU ỌJỌ-mi jẹ k’I wai ke? K’I wa ki kwu tod umi aye-wñ jẹ ñwumi n; K’I m’oji-Wñ du kpail ee-mi? ọlai gbẹgbẹ; Ẹwñ chi k’Owñ ki ch’ỌJỌ chẹchẹẹ jẹ wai taa? I kw’ejojale wa! *2 Ukwu k’ONDU-wa kwu lẹ m’ọọna bi mẹ, K’omi ki ny’ugbo ỌJỌ efojale I la f’umi ẹdọ gwẹ hioolo ñw ọla-Wñ Ukọlọ k’ONDU che nana tabale Tabale, tabale *3 Amọmaye ef ONDU mẹ kwanẹ wa K’aki d’ojima ñw ONDU ki jadu wa Awa ki jẹnyu ñw ONDU ẹgba duu ke Owñ lẹ ki n’ojima kpai ubumọ duu Gbegbelẹ gbegbelẹ === code 286 title LOOK YE SAINTS *1 Abọlọjọ amẹ ki g’oo Ẹnẹdọdudu lẹ fai I doji kw’okogwu wa mẹ; Okwukwu duu atẹkpẹ ñw U *ref B’ojima m’Ọ! b’ojima m’Ọ Ojima ch’ukpẹ Jisọs *2 Ẹnajadu lẹ n’uloko-Wñ Ẹwñ k’ogwu-wñ jẹ, igbẹgbẹ Ma d’ugwugwu ojima ñw U, Ọga ma achi ojale *3 Ẹgba k’I d’ilẹ, ma ch’Oo ukẹ Ma fi Jisọs k’akoru Abọlọjọ dony U daka Ma kak ONDU-ma I che *4 N’etir abo ku ma gw’oye N’etir abo ku ma chi! Jisọs m’ọgba ẹnẹ du du Uyọ t’ọmọ tabale === code 287 title ONE DAY WHEN HEAVEN *1 ỌJỌ k’uñwulọ-Wñ ch’ẹkọ efojale, K’adure ch’ẹdu b’ilẹ ma tẹ gbẹm Jisọs wa k’agbatanẹ’ka ki f’Uu bi I b’onẹ gwu, na atene k’u wọli Uwñ *ref ONDU fẹdọ mi, lekwu k’I gba mi Ma d’Uu ji, oñ I m’adure-mi ko; I kwanẹ k’I d’ale ñwonẹ gbegbelẹ I adabiwa chuu, uyọ lẹ gbẹ *2 Ọjọ ka, ma n’Owñ le tu Kalfari Ọjọ lẹ, ma m’Owñ du kaba m’oli Uwa k’I li kp’akoru ku ma k’O gbẹ I ch’udu-mi, mud agba mi tanẹ *3 Ọjọ’ka ma t’okwu-Wñ nọ tef oji Ọjọ lẹ, I mi ñw uwa k’I ali lẹ Amonuchẹ wa f’ide oji-Wñ lẹ de I ch’ukibeno kp’Ajadu-mi pioo *4 Ọjọ ka, oji le neke m’Owñ nẹ gẹ n Ọjọ ka, Okwuta mu li b’ọọ tẹ Tak I kwanẹ abu k’I fukwu du lẹ I d’at atẹ fai, mud ONDU-mi pioo *5 Ọjọ’ka, ọkakachi ak ọl ewa-Wñ Ọjọ lẹ, ojim am’ojale gba, Ẹnufẹdọ-mi an ọj uyọ lẹ wa Ajadu Ọmẹmẹlẹ ichee-mi === code 288 title THE HEAD THAT ONCE WAS CROWNED *1 Oji ku ma k’ikeke ny’u F’ukat ojima do Ikẹbẹ onu la d’oji Ẹnẹ ki f’ukwu du *2 Uña ki d’ate ojale Owñ n’ọda-wñ chakaa duu Onu ki t’amonu duu le Owñ j’ọfẹ ojima *3 Owñ ch’uyọ ab ojale duu Ab ilẹ n’omunẹ n Owñ ch’uyọ ẹnẹ ki fẹd Owñ Ki la k’ẹdọ n’odu-Wñ *4 I m’oli ukwu many anyọ-wñ Ko ñw abo-Wñ ef ilẹ. Odu-ma la n’alenyọ gẹ n Uyọ-ma d’ojale *5 Ma b’Ọ ch’ọbata an ilẹi Ma n’ab Ọ j’ojima-Wñ Ile-wñ kp’ojima-wñ k’a anẹ Maja ef ufẹdọ-Wñ *6 Oli ukwu-Wñ la ch’im̃i ñw aa Agba-Wñ la m’uwa fu Ukibeno abo-Wñ gbegbelẹ === code 289 title LOW IN THE GRAVE HE LAY *1 I dachi ef ura, Jisọs Ajadu I adeju ỌJỌ ki ñwa, Jisọs ONDU *ref I kwanẹ kwef oji lẹ; I n’ukpahiu t’ee-Ebili le; Ef ojegwu neke gwọnyu Jisọs lẹ n Oñ I deju fai k’I ch’abunẹ abo-Wñ ONDU-wa mudaji mẹ Haleluya! Owñ ch’ONDU *2 Ede ma de ofo, Jisọs Ajadu Uhiukọ lẹ ch’ofo, Jisọs ONDU *3 Ukwu n’ukpahiu gẹ n, Jisọs Ajadu I kp’ọda ukwu biẹ, Jisọs ONDU === code 290 title JESUS LIVES! THY TERRORS NOW *1 Kraist deju! Ailo ukwu Neke ba wa abajọ-i gẹ n Kraist deju! Lef e-i a ma, K’ef oji neke gwọny uwa n Haleluya! *2 Kraist deju! Fai, ukwu che Alakwu tef im̃ ogbegbelẹ; Ọlai ki nyi wa ẹdọ Ẹgba k’a al alakwu lẹ Haleluya! *3 Kraist deju! I kw’ukwu-wa A ki deju ñw Owñ kate fai Ẹdọ-wa ki n’adẹ foo, K’a n’ad ojima ñw Ajadu, Haleluya! *4 Kraist deju! A cheem ọpioo-wñ Ẹwñ duu ad awa kp’Owñ ru n T’im̃i, t’ukwu, t’amukpahiu, Neke d’uwa inya b’Ọọ tẹ n Haleluya! *5 Kraist deju! Ma m’edu duu Ilẹi ko ny’Owñ ọwọ fai mẹ, Awa ki l’ugbo k’Owñ le K’am̃i k’a j’ọfẹ kpOwñ atẹ Haleluya! === code 291 title CROWN HIM WITH MANY CROWNS *1 Mẹ k’ikẹbẹ wewe Ñw Ọmala oj ede-Wñ Gbọ, abu k’eli ojale Af eli ki bọ du Ẹdọ-mi ki kwanẹ Ki gw’Ẹnẹ ki lekwu; On ojima kate n’ugwa-wñ; Ọda-Wñ ch’ogbegbelẹ *2 D’iba ñw OOD ufẹdọ Goo ọwọ-Wñ kpai ẹrẹ-Wñ Agbe-Wñ ku ma li ojale I n’ojima ñw ONDU Amonuchẹ ỌJỌ Aneke go eju-Wñ n Ma f’eju b’anẹ ma ñwu Jisọs Awuwu-Wñ t’uma le *3 D’iba ñw ONDU im̃i! I m’al ura lẹ bi Abu k’I f’uj ujadu ja Tod abo-Wñ chakaa duu A k’eli ojima Ẹnẹ ki kwanẹ lẹ Owñ lekwu k’I du im̃i wa; I f’oji ukwu kpa *4 Mẹ gw’ONDU ojale! Owñ kpai Ata ch’oka, Kpai Afu ku ma du ñw aa lẹ Kw’oj ede ỌJỌ-wa Eli-mẹ ki n’uda n; Tod uwa I lekwu Uwẹ k’Ẹ ch’ONDU Jisọs Kraist Awa agogbod Ẹ === code 292 title CHRIST THE L ORD IS RISEN TODAY *1 ONDU Kraist mudaji mẹ; Haleluya! Amonuchẹ ỌJỌ kai Haleluya! Mẹ yọ abu mẹ k’eli, Haleluya! Ab ojale kpai ilẹi Haleluya! *2 Jisọs f’ọm adure ra, Haleluya! Jisọs la f’uja lẹ du, Haleluya! Goo, ọbata kraist takpa, Haleluyah Goo, ẹbiẹ-Wñ neke cha gẹ n Haleluya *3 Kraist kwef oji dufu mẹ Haleluya Ede ma de ofofo, Haleluya Ukwu neke gwọny U gẹn Haleluya Kraist m’ọọna ojale bi Haleluya *4 ONDU-wa ñọ deju fai Haleluya Ukwu la n’ukpahiu gẹ n Haleluya I lekwu onu kate Haleluya k’I mud ẹnajadu-wa Haleluya *5 Jisọs, Ẹ n’ojima duu Haleluya A ad ọla-Wẹ r’ochochi Haleluya A afẹdọ Wẹ, a n’agw ẹ Haleluya A la n’im̃i ogbegbelẹ Haleluya! === code 293 title I KNOW THAT MY REDEEMER LIVETH *1 U ma k’Ẹnajadu-mi deju K’I la adago anẹ ilẹi gẹ; U ma im̃i k’I adu ñw onẹ Kp’ufẹdẹnyọ ki def ọwọ-Wñ *ref Omi cheema ki Jisọs deju K’I la adago ilẹi gẹ; Omi cheema im̃i k’I du ñwumi Kp’ufẹdẹnyọ ki def ọwọ-Wñ *2 U ma k’ọla k’I ka tan achi n K’ọla k’Owñ ka aneke kwu n Ukwu ki kob añọla-mi ke n Omi ali eju Owñ chuu *3 U ma k’I le n’añw unyi che ñwumi K’omi ki de ugbo k’Owñ dẹ Ibe-Wñ t’omi, awuwu-wñ gbegbe, I awa todu k’I m’omi du *4 Abo Kraist, mẹ t’akoya Jisọs, Abu k’I kwu k’I jadu wa, K’I gba wa b’adure-wa tẹ fai I li iwọ ki ma jẹ ka n === code 294 title THE STRIFE IS OVER *1 Uja takpa, ogwu kpoji, Fai im̃i la f’ukwu du mẹ Ma j’ach ọga ogwu lẹ mẹ Haleluya *ref Haleluya… Haleluya… Haleluya… Haleluya… *2 Ukwu f’ukpahiu ee-wñ che kpa, Kraist la f’uu gbogili tẹ mẹ: Mẹ d’ugwogwuyọ-mẹ kpogo Haleluya *3 Ọj ibi mẹta lẹ le fia I kwanẹ kwef abo ki kwu; Ojima duu ki n’ach ee-Wñ fai! Haleluya *4 Owñ f’agba ọjẹgwu kpọfọ I f’ẹnọla-wa gbogili tẹ; D’edu k’I du tef eli ka! Haleluya *5 ONDU, agbe ku ma ch’Uwẹ M’ope ukwu chi tinyọ ñw aa Awa deju agogbod Ẹ! Haleluya === code 295 title THE VEIL IS RENT *1 Ukpo ugbona mukpana; Goo! Jisọs gwugw ubi-wñ Otulale ki def ọwọ-Wñ Akpo ọgb ỌJỌ-wa *2 Ede mud ee-ufẹdẹnyọ Ab ẹbiẹ-Wñ ch’udu-wa; Oñ amẹ-Wñ k’I nẹ ojale kak I m’uwa gba mẹ *3 “I kpoji mẹ” ch’ọla k’I ka Ef uwa Kalfari I muda agb ọkọ b’ỌJỌ ta Tod abo-wñ ki j’ilẹ *4 Awa kp’ỌJỌ k’I ñọru lẹ Abiẹ ogbegbelẹ n Lef Atama-wa kp’ichẹbọ-Wñ Aa lew ọgb ỌJỌ fai *5 Ejef uña kiafọ atẹ A agwudu kp’ọl efẹ, Ogb ede a ad oji kanẹ, A ak ele-Wẹ, ONDU *6 ỌJỌ Ata, a atẹmẹr Ẹ Ej ọọna ki n’im̃i i Lugb Atama-wa inaina Ẹ jẹ gb’ujẹnyu-wa === code 296 title HE DIES, HE DIES *1 Ekwu I kwu! Jisọs Ẹnẹdọdudu Ma m’ẹd ẹkpa ee-wa ko n’oji-Wñ Udu I chi tod adure ee-wa lẹ; I ñọ f’amẹnẹbi-wa du chakaa *ref U ch’ẹnẹ k’U deju, k’U kwanẹ kwef ukwu Mẹ la goo, Omi deju, ogbegbelẹ Mẹ goo, Omi deju ogbegbelẹ! U ch’ẹnẹ k’U deju, k’U kwanẹ kwef ukwu Mẹ la goko, Omi deju ogbegbelẹ *2 Jisọs deju! Ẹdọ ẹbọ wa la dẹ I gwugwu ọwọ awọtọ Ata-Wñ mẹ; I agb ọkọ b’Ọ, oñ ọkọ k’I agba b’Ọ lẹ Ad ukpahiu ñw abo-Wñ kiafọ ilẹ-i *3 Ewa I awa! Ibe ekono-wa-i gbẹ I ache t’ikpa alu k’I ka ñw aa lẹ; I ako wa lo t’ugbo Ata-Wñ ojale; I ad uwa inya k’a j’ugbo-Wñ ọmọ pioo === code 297 title COME YE THANKFUL PEOPLE *1 Abo ki gbede lewa K’a agw ỌJỌ tod ẹwñ oko, Ku ma ako w’unyi fai; Ọgba tak afọwẹ ju; ỌJỌ Achọna-wa lẹ Ak ẹwñ ekwu duu ñwuwa; Abo ki gbede ki wa Jẹny ñw ONDU ỌJỌ-wa *2 Ilẹi duu chuchẹ ỌJỌ I d’ukpẹ k’i r’ẹro ñw U; Ọka kp’ẹkwẹ muda jef uwñ; Uyọ kpai ẹdọdudu Ẹgba k’ẹwñ oko-Wñ lẹ biẹ, Tak ọk at ejugede ONDU oko, che k’aa ki Ch’ọka ki aar ogwumẹlu *3 ONDU ỌJỌ-wa awa, K’I k’ẹwñ oko-Wñ lo t’unyi, ỌJọ lẹ, I agb ẹwñ bibi Duu rinyọ kwef uchẹ-Wñ I añwa ñw amonuchẹ-Wñ Ku ma k’ẹkwẹ nyef una, Owñ la ak ẹro ọmẹmẹlẹ Nyef aka-Wñ ogbegbelẹ *4 Ami, ONDU, wa piopio, Guwdu wef uchẹ-Wẹ fai, K’Ẹ k’abo-Wẹ duu ny’unyi, Ugbo k’adure ma dẹ n Aw aj ọmọ kp’Uwẹ pioo; Ab Ẹ f’uwa gwẹ hioolo Wa kp’amonuchẹ-Wẹ duu K’Ẹ k’ewñ oko-wñ ny’unyi === code 298 title THERE’S A LAND THAT IS FAIRER THAN DAY *1 Anẹ dọmọ ki nyọ t’uma le A f’uu li lef ẹdọ ekono Ata-wa d’ọmọ aneju wa; Uña-wa ch’ẹñwọche t’an ọmọ *ref I bọ pẹẹ tak ali; Awa kp’ONDU ade ochochi I bọ pẹẹ tak a ade, Awa ade ef afu ojale *2 Aw ak eli oj anẹ ọmọ, Eli abo k’ỌJỌ d’ẹnyọ ñw uma Ẹnẹ duu ach ẹdọdudu gẹ n; Um̃i abo kraist an ifi duu n; *3 Aw agw Ata umọla atẹ-i Ele-Wñ awa aka ẹgba duu, Todu ufẹdẹnyọ-Wñ k’I du ñw aa Kpai ẹwñ duu k’I adu wñ aa ọjọ duu === code 299 title OUR LORD IS NOW REJECTED *1 Ma kọ ONDU abajọi, abo ilẹ la m’Ọọn Abo ki bọ la nyeti n; abo ree k’ẹdọ n’O I muda adabi wa fai, iko lẹ mẹr ewa, Todu ku Kraist ki wa j’ọfẹ-Wñ Ugbo duu *2 Oñ iko k’ONDU Jisọs aj ọfẹ awa fai fai, Owñ ch’iko k’Ọmala ỌJỌ awa ef ukpahiu-Wñ Ẹwñ k’eju onẹ ali ab abo-Wñ ẹdọ lii, Ẹgba ki Kraist f’ọfẹ-Wñ jẹ Ugbo duu *3 Ojale adẹ ñaña, abo-Wñ la an ojima Ki n’anana t’ee-lẹ le. Kraist Jisọs ad u ñwuma Ẹgahi Ẹnajadu ab eju onẹ jẹ Owñ ch’ẹgba ki Kraist f’ọfẹ-Wñ jẹ ugbo du *4 Iwọ ẹwñ duu awọ wan, a ñ’ad ỌJỌ re gẹ n Ẹdọdudu kwot ubi, uyọ kate d’ọgba Uyọ lẹ defu Jisọs, oñ a aj ọfẹ kpai Owñ, Owñ ch’ẹgba ki Kraist f’ọfẹ-Wñ jẹ Ugbo duu *5 Ẹnẹ duu ki la nej Uwñ ki takpa f’ọla mu K’im’ẹdọ du tẹ ñw ONDU, f’ulẹ le t’Ọ ubi M’abo ki lenyọ ko wa, I lekwu todu ma; Todu ku Kraist ki wa j’ọfẹ-Wñ ugbo duu === code 300 title WHEN THE TRUMPET OF THE LORD *1 Egba k’ọkakachi ONDU ka, k’iko ma ñọ bọ gẹ n K’ọjọ ogbegbelẹ muñwa pee ọmọ; Ẹgba k’abo k’ỌJỌ jadu ajeju ej udaba Ku ma chan ed odu onẹ, na ad ọmọ *ref Ẹgba ku… ma d’odu onẹ, Ẹgba ku ma fonẹ dọ lẹ, na ad ọmọ *2 Ẹgba k’abọ ki m’olu du efu Jisọs akwanẹ Ku ma many udajikwanẹ ee-Wñ ọmọ; ẹgba k’abo-Wñ k’I chi jeju ef unyi-ma ojale Ku ma chan ed odu onẹ, na ad ọmọ *3 Ẹgba k’ọjọ ONDU lewa k’iko duu ma ñọ dẹ gẹ n Ẹgba k’awa ajọ kp’ONDU-wa ọpioo, K’I la f’uwa rida tef ojibo ojima ee-Wñ lẹ Na adef abo ku ma ad odu-ma ọmọ *4 A ki ch’ukọlọ ñwONDU-wa kw’odudu gbogbo d’ọjọ A ki n’oluka ufẹdẹnyọ-Wñ ache Tak ẹgba k’ẹwñ ilẹ kpoji k’a f’ukọlọ-wa che kpa Ku ma chan ed odu onẹ, an ad ọmọ === code 301 title WHEN JESUS COMES *1 Ẹgba ku Jisọs awa k’I r’ọmẹ, Ab I akẹrẹb uwa? Aw ach ubi-Wñ j’agwẹkẹ ad ide K’ẹmu-wa am anẹ nẹẹ? *ref O! ọmaye, ọla-wa ch’ẹmu mẹẹ? K’awa ki ny’efojalee? I akẹrẹb uwa ab a j’ad idee? Nede Uwñ, nede uwñ, ẹgba k’ONDU awa? *2 Ichẹwñ k’ichi’ik inajọ I adọ wa K’awa ki k’ohi wa ñw U I aneke d’ohi ñw uwa kakini Adu ki nyọ, ẹ che gbẹẹ *3 Awa f’ubi-Wñ che ef ẹwñ k’I ko ñw aa? A ch’eju kpolo ef uwñ? Ichẹwñ k’ẹdọ-wa ma kpa wa abi n Awa am̃i ef ojima-Wñ *4 Abo duu ku ma j’agwẹkẹ, gbede; Ma amana ny’ojima-Wñ Ichẹwñ k’I w’inajọ abek odu I akẹrẹb ide k’a adee? === code 302 title WHEN HE COMETH *1 Ẹgba k’I awa, I ak abo-Wñ duu Ny’unyi ajọ kp’Owñ pioo Ama ch’okwut akoko k’I Afẹdọ t’ẹwñ du le *ref Ma adab ilawo jọ Ọl ikẹbẹ Onu-Wñ lẹ ma ade ef utọ-ma Tod ojim ONDU. *2 Okwuta lẹ, I aya jọ J’ojanẹ Onu-Wñ lẹ Ee-du ki afẹ, k’ila dẹ gẹ, Ch’abo ufẹdọ-Wñ *3 Abimọtọ ku m’afẹdọ Ẹnajadu-ma lẹ, Che okwuta akoko k’I Afẹdọ-wñ t’ẹwñ duu le === code 303 title WHEN MY LIFE WORK IS ENEDED *1 Iko-mi ilẹi jọ kpa, k’u m’ọgọ ukwu daba, Ẹgba k’ọjọ ogbegbelẹ muñwa pee U la ama Ẹnajadu ẹgba k’u tanẹ ọmọ; owñ la ch’Ẹnẹ ki agwa mi “Agba oo” *ref U la am ONDU, ONDU Jisọs; Owñ gba mi, oñ na adago akolo-Wñ Ula am ONDU, ONDU Jisọs Lugbo amẹ agbe ki jef ọwọ-Wñ lẹ *2 O, ẹdọ-mi ki ñ’abo ẹgba k’u f’eju-mi d’O Eju anyi-Wñ k’omi ali ach uyọ Ẹdọ-mi kp’ẹkọ ñw ugwa tod ejumomi k’I li, Tak I ñwuyi-mi che tanẹ ojale *3 Abufẹdọ-mi ọmọ chakaa adọ mi k’u lewa U cheerewa ab a daru ọgọ lẹ Ma ki n’eli ledo mi ku ma gba mi w’Idẹn lẹ, Eju ẹnajadu mud ano mi kpọ *4 Na any afe efufu le gwu alakwu lẹ du; I anẹ mi ny’ugbo k’akwu erọ ma dẹ n Tak eli ogbegbelẹ at omi kp’ama alu Ẹnajadu-mi k’u li, ẹdọ-mi bọ === code 304 title WHEN ALL MY LABOURS *1 Ẹgba k’ukọlọ kp’ọbata takpa, Ku ma ñọ m’umi du t’anẹ ki nyọ, Na ad ugbo Jisọs tak ẹdọ-mi abọ; Eju-Wñ ku na ali ach ojima-mi *ref Eju-Wñ k’u li ch’ojima-mi Ojima-mi, ojima mi Egba k’u k’eju ru Jisọs ONDU, Eli ku na ali ach ojima-mi *2 Ẹgba k’u m’ele ufẹdẹnyọ-Wñ gba Ma d’ale ñwumi tak u mud imọtọ-Wñ Na ayọ ef ilẹ, amaa, ef ỌJỌ Eju-Wñ ku na ali ach ojima-mi *3 Abo-mi j’ọmọ k’u fẹdọ kwoubi; Uyọ dab omi acha l’umi de Jisọs ayọ ñwumi, I adọ mi w’ugb Owñ Eju-Wñ ku na ali ach ojima-mi === code 305 title FACE TO FACE *1 Omi ali eju ONDU- Eju-Wñ lẹ ab idẹ taa? Ẹdọ-mi abọ tabale Eju Jisọs ku na ali *ref Eju ẹnajadu-mi lẹ, Na ali efojale chuu. Eju-i ali ojima-Wñ Jisọs awa m’umi du *2 I dabẹnẹ k’ukpo ọọna D’agbagba eju-wa fai Amaa, ọj uyọ lẹ añwa, Tak omi ali eju-Wñ *3 Uyọ d’ọmọ ugbo ONDU Ẹdọdudu dọmọ gẹ n Ọọna fiili mud ọọn ẹnyọ Ẹwñ ki firu, nẹr eju *4 Eju ku na ad ONDU Jisọs, Amẹ agbe-Wñ ku na ali Ẹgbalẹ tak omi agwa Jisọs Kraist ki fẹdọ mi === code 306 title FOR ALL THE SAINTS *1 Todu abo-Wẹ chakaa ku ma m̃i, Jisọs, a ak ele-wẹ ogbegbelẹ Ma k’ẹdọ n’e eju amonẹ duu Haleluya! Haleluya! *2 Ẹ ch’Ẹnajadu-ma kp’ukpahiu-ma ONDU Jisọs, Uwẹ ch’agboji-ma Ẹ ña ma ọọna ki nyọ ku ma le Haleluya! Haleluya! *3 Awa k’a j’ilẹ, a jef uja ta; Abo lẹ j’ugbo-wẹ, ma n’uyọ fai Chakaa wa ch’oka, abo-Wẹ a che Haleluya! Haleluya! *4 Ọjọ adu, olu mud ol ọba mẹ; Ukwu abo ki k’ẹdọ ñọ d’abẹi; Ma n’ojima kpai ẹnyọ ugb ỌJỌ Haleluya! Haleluya! *5 Amaa, mẹ go, ọjọ bọ ẹñwa ta K’abo ỌJỌ ku ma mudaji gẹ Tak ONDU Jisọs aw aj ọfẹ pioo Haleluya! Haleluya! *6 Abo ki ny’efojale ẹrẹ ỌJỌ an alukan, ma kw’ugbo t’ugbo duu Ma ak el ỌJỌ, Ata Ọma, kp’Afu Haleluya! Haleluya! === code 307 title THE SANDS OF TIME ARE SINKING *1 Ọjọ ilẹi adu mẹ, ọj añwa ojale Iko ẹnyọ k’u tene, iko-wñ lẹ mẹ ewa Emi itẹtẹ chubi, ọmọ ache ki nẹ Ẹwñ ilẹ anẹ r’eju an Imaniuẹl *2 ONDU ch’ẹbi om im̃i, obuga ufẹdọ U d’u kad alu ilẹ, ọmọ na m̃’omi-wñ pioo Ọmọ i-ch’ohimini; omi-wñ la n’edabu n Ẹdọ onẹ abọ chuu, an Imaniuẹl *3 Ejumomi-Wñ kpai ajọ-Wñ la tẹtẹ f’umi de Oñ ẹdọdudu ilẹi ufẹdọ-Wñ kpẹgwa ny’u Ọwọ-Wñ ki nẹ mi ilẹ, ẹwñ duu k’I che ñwumi Na ak ele ONDU Jisọs an Imaniuẹl *4 Ẹnufẹdọ-mi nẹ mi, omi lañọ n’Owñ gẹ I ad ẹnẹbiẹnẹ kidẹ gwudu wef unyi-Wñ lẹ Udago-mi ch’ukwu-Wñ lẹ; u n’udag omunẹ n I chaka ch’ef ojima, an imaniuẹl *5 Omi ago ẹwñ ọla k’I ko ñwumi b’ọla ma n Eju-wñ la f’ẹwñ awuwu ojale du chakaa Na ag uloko k’I du ñwumi n, chai ọwọ-Wñ ki gwudu Ọmala lẹ ch’ojima, an Imaniuẹl === code 308 title O, CHILD OF GOD THERE IS FOR THEE *1 Ẹnẹ ỌJỌ, ukibeno D’ọmọ ñw uwẹ ef ẹchubi Ukibeno uyọ iche ONDU-wẹ awa tod uwẹ *ref I awa, ii, I awa, I ach ẹdu no I awa, iawa, iawa, I ach ẹdu no *2 Ma li uña todu Jisọs no Ẹgba k’I def ilẹ k’I nyi-i Ibẹ uwo ch’atẹ k’I nẹ Fai Owñ awa ef ojima *3 Ma m’Owñ du gwugw at atẹ mẹ Ajadu amẹnadure I d’ọmọ añeju abo-Wñ I la awa tod uma chuu *4 Ẹnẹ ỌJỌ, ukpẹ-wẹ che Ọbata kp’ẹdọdudu fai N’ẹdọ, ẹdọ-wẹ ki kpabiẹ n Ọla-Wñ kak I afọkpanẹ no === code 309 title MIDST THE DARKNESS *1 Ef ẹchubi kpẹdọdudui, u n’ukibeno. U cheema k’ọjọ ọna Kraist awa tod umi Ef urẹdọ kpai ojima ef unyi Ata Kraist gwugwu agwẹk ad ide nede ewa-mi *2 Ẹn adufu w’alẹdọ mi ọọn ajẹtachii? Dab aw ina, I akak ọjọ ee-ỌJỌ mẹ eñwa Owñ lẹ wa k’I je mi ñwọla-Wñ oj oli anyọ lẹ U cheem Ọọ ef ojima-Wñ gẹ, k’I n’arida pioo n *3 Uyọ k’a anẹ ẹgba k’a ade, ab iadẹ taa? Ugwa k’I agwa wa ọjọ lẹ, i ñ’an ẹgọ gẹẹ? Owñ kp’omi dama gwudu tef uny alifi atẹ Owñ kp’omi amanany ufẹdọ Ata chakaa *4 Ẹwñ ẹchubi duu ad ọmọ n, ọmọ ch’uganẹ Ef uña kiafọ jali lẹ, omi kp’Owñ ale Ma m’umi du ch’enumana ONDU Jisọs fai Ku ma d’ojim ufẹdẹnyọ-Wñ na ef umi pioo *5 Owñ ki ch’udu-wa k’a fẹ lẹ ef uwa k’I li; Omi k’u le ẹrẹ-Wñ k’I le ajẹtachi lẹ Owñ kp’omi ef ojima lẹ akpẹ ny’uyọ’ka; Ee-mi ch’edẹ kpai Owñ pioo, ee-Wñ ch’omi ku d’ọmọ === code 310 title JERUSALE THE GOLDEN *1 Jerusalẹm ojale ẹnyọ ọmọ lẹ gbẹ, Ibe-wẹ k’u dag akpẹi aye-wñ la t’umi le Omi ma n, omi ma n Uyọ ki t’ọmọ ñwumi Uganẹ kp’ojima la J’ọmọ anej uwa *2 Uny ỌJỌ ojale Ach ekwukwu eli Amonuch ỌJỌ-wa Kpabo-Wñ k’abilẹ kpa Kpai ONDU Onu jef uwñ; Ọjọ muwña ọmọ. Ujẹwñ abo k’I d’ẹnyọ Ñwuma ch’ọbẹlẹkẹtẹ *3 Ọmọ lẹ ch’ede ONDU Ọmọ abo-Wñ j’ami; Ọmọ abo-Wñ j’ach ọga, Ọmọ abo-Wñ jọ ak eli Abo-Wñ kpai Onu ogwu Ku ma f’uja lẹ du K’ukpo efufu ny’ọla Ajọ ogbegbelẹ *4 O, anẹ ọmẹmẹlẹ Unyi ab ỌJỌ dẹ, O, anẹ ọmẹmẹlẹ Uwẹ a ak ibe no, Wa, ONDU Jisọs, wa ke, K’ẹ ko wa kw’emi alo ONDU, Uwẹ kpai ỌJỌ Kpai Afu ki nele === code 311 title JERUSALEM MY HAPPY HOME *1 Jerusalẹm, uny uyọ-mi, Odu-wñ arinyọ gbẹ; Ẹgba k’ukọlọ-mi akpoji Uyọ-mi at ei le ta *2 U f’ojanẹ ỌJỌ li mẹ, Ẹnyọ-wñ ch’ogbegbelẹ ONDU ak abo-wñ ny’ọmọ chuu Ku ma b’Owñ gwogwuyọ *3 Abu k’u def ONDU ilẹ-i Ufẹdọ-Wñ m’umi nẹ, T’uwa, t’ukwu, t’ẹwñ ubailo Ad omi kp’Owñ ru pioo n *4 Ẹgba k’u le tanẹ unyi, Ẹwñ duu amunẹ foo; Akwu ujadu l’oo daka Ọọna-wñ ch’ojamalia *5 Amakachẹ kp’amakọchẹ Dony Ẹnajad ọmọ; I bọ pẹẹ tak ab ONDU du Aj ọmọ ayọ gẹ *6 Jẹrusalẹm, uny uyọ-mi Na an eju-wñ tabale Ọmọ ẹwñ duu amufu kpa Uyọ-wñ ch’ogbegbelẹ === code 312 title JESUS IS COMING *1 Jisọs awai! Mẹ ch’ọga led O I awa tod abo k’ẹbiẹ-Wñ gba ma tẹ Kraist awa j’ọfẹ k’ỌJỌ Ata du ñwU Jisọs adabi wa gẹ *ref Jisọs awa lẹ, I awa ochochi Jisọs adabi wa gẹ Mẹ ki t’akoya Uchẹnyọ kidẹ; Jisọs adabi wa gẹ *2 Jisọs awai! Abo-Wñ ki lekwu Adajji kwanẹ, ma agbẹrẹ ONDU Awa kpaii ama aled Owñ ojale: Jisọs adabi wa gẹ *3 Jisọs awai! K’I m’abo-Wñ duu ko; I awa k’I f’uja abilẹ duu ba Ẹbiẹnẹ, ọbata chakaa awe; Jisọs adabi wa gẹ *4 Jisọs awai! Ọla ochochi dẹ Ugbo abo-Wñ ku ma m’ọla-ma jọ? Abẹtutanẹ ch’abo ki adej Uwñ Jisọs adabi wa gẹ === code 313 title JESUS SHALL REIGN *1 Jisọs aj onu-Wñ ugbo duu K’olu ọrọka fu kade Ojanẹ-Wñ agb anẹ ny’ọwọ T’ẹgba k’ochu ki we edufu *2 Ma ch’aduwa ñw U ogbegbelẹ ma ñ’ak ele-Wñ ọkọkọlọ odu-Wñ akpo riny ọjọ duu, I akpẹgwa nyu ugwa abo-Wñ *3 Ugbo k’I d’ọw ukpahiu-Wñ dufu Ukwu kp’am ena d’ọmọ gẹ n Ef Owñ onẹ neke n’ẹnyọ T’ẹnyọ k’Adẹm du tinyọ le *4 Amonẹ duu kpai ichi duu Eli ufẹdọ-Wñama akọ Amọmekpa an omu da, Ma la ak aduwa ñw odu-Wñ *5 Ẹnyọ kwutẹ ugbo duu k’I j’ọfẹ; Ẹnamu roko b’agba-wñ tẹ; Uhia añọ hi ẹnẹ duu gẹ n; Amẹnale agbede gbẹ. *6 Ẹwñ duu k’I nyi awa b’anẹ ma Ku ma d’ojima ñw ONDU-wa; Amonuchẹ ñ’ak ele-Wñ kwọọ, Oñ ilẹi duu ajẹ, “Ami” === code 314 title LO! HE COMES WITH CLOUDS *1 Go! I agworu wa oj akpa, Owñ ku ma tẹtẹ kpa lẹ Ọwọ abo kiafọ dony U Agw oye ogwu r’Ọ ubi Haleluya! Kraist awa j’ọfẹ ej ọja *2 Alonẹtanẹ awa fai, Ef ojima kp’ẹgahi-Wñ Abo-Wñ kiafọ k’onẹ ko ma Ade kp’Owñ ef afu atẹi haleluya! ỌJọ ONDU lẹ añwa fai *3 Eju duu ali Owñ ẹgba lẹ, Ef ẹgahi-Wñ inaina T’abo ki ker U, m’U du ta F’Uu kam oli, d’ẹwñ gwuny U Ma adaidọ, Mẹsaya-ma ku ma li *4 Ii, abo duu ki ñwulọ Wẹ Oj ede-Wẹ atẹ ONDU, gb’ọda kp’ojima-Wẹ, M’ojanẹ duu gba ch’ee-Wẹ Haleluya! ONDU ogbegbelẹ, wa ke! === code 315 title I KNOW NOT WHY *1 Omi m’ẹwñ ki chi k ‘ỌJỌ jẹ D’ufẹdẹnyọ-Wñ ña mii n K’I m’omi k’u ma nyọ bọjọ n Du ch’ẹnẹ ee-Wñ ọpioo *ref U muda m’Ẹnẹ k’u kẹdọ n’O lẹ Ẹdọ-mi mugba kak I la neke F’ẹwñ-mi k’u kony Owñ ọwọ de Tod adiko ọjọ lẹ *2 U m’ab I d’edekono ñwumim n, K’I ñọ f’umi jadui Abẹk alu k’ẹgb ọla-Wñ gbọ Jẹ ñwumi n’urẹdọi *3 U m’ab Afu ad adure Bi onẹ lef Ọla ỌJỌ n Ad ONDU t’ejugede ñwu K’ik’ẹdọ no ọpioo *4 U m’ẹnyọ abẹk ẹbiẹnẹ Ki afi ọgba ọọna-mi dan Owñ ch’ọj uhia bẹk ọj ura Taku na ali eju-Wñ *5 U m’ẹgba k’ONDU-mi awa K’I du mi kw’emi alo n Abẹku na ale ukwu lo Bẹk a ade ef afu === code 316 title WE SHALL STAND BEFORE THE KING *1 Aw adag ọgba Onu K’a b’abo-Wñ chakaa k’eli Iko lẹ, iko lẹ Aw at ale ọgba Owñ A ak ele-Wñ ogbegbelẹ Iko lẹ, iko lẹ. *ref A adago… ọgb Onu K’a b’abo-Wñ chakaa k’eli Ojima ki ch’ee-Onu Haleluya! Haleluya! A adago ọgba ONDU. *2 Mẹ n’an ẹwñ efojale K’ab’abo-Wñ chakaa k’eli Iko lẹ, iko lẹ Ọm ọbata-w’atakpa Aw añwulọ Odu-Wñ pioo Ikolẹ, iko lẹ *3 Onugo-mi, m’olu ji Uwẹ adag ọgb Onu Iko lẹ, iko lẹ, K’ẹ k’uloko-wẹ j’ẹrẹ-Wñ Abu k’I jẹ nw ẹ mufu Iko lẹ, iko lẹ. === code 317 title ALL MY THOUGHTS ARE SET ON THE COMING *1 Ibe-mi duu kad ewa ONDU Jisọs, U j’ag ẹwñ utọ ilẹ-i duu gẹn eju-mi t’atẹ ugbo k’ONDU-mi dẹ *ref Ọla duu k’ONDU mi ka tanẹ ñwumi, U k’ibe no kak i-anoji chuu U k’ibe no ewa ONDU Jisọs, U k’ibe no ogbooolo kaki ONDU-mi awa dabalu k’I ka lẹ *2 Omi ch’ala k’ONDU ade ẹgba duu, Ẹwñ ubailo ilẹi ki wa ke Na ach okpo n, todu ONDU d’ugbo-mi pioo *2 Na ak ẹdọ n’ONDU ki ad ide mi pioo Ilẹi ki k’ẹwñ ejufufu wa, Eju-mi t’atẹ ugbo k’ONDU nyi lẹ *3 Ukibeno-mi def ONDU gbegbelẹ Onẹ chaka ki kọ mi tinyọ ONDU Onu ad umi lo t’unyi-Wñ pioo *4 Abu k’u k’ẹdọ n’ọla k’ONDU-mi ka Na ak ejur atẹ nede ewa-Wñ Ẹgba k’I lea, uyọ-mi amufu kpa === code 318 title FOREVER WITH THE LORD *1 “A ad ugbo ONDU pioo” Ami, k’id’abẹlẹ Ọla lẹ ch’im̃i kwef ukwu Owñ ch’ewe chẹ ọpioo Ajọ ef ebui ta A d’unyi kp’ONDU ta n A mud am ebu an anẹ A mẹr unyi tule *2 Uny Ata-mi atẹi Ki ch’uny onugo-mi I n’ẹgba k’ẹdekon ali Ọọn ajamalia-wñ lẹ Ẹñọ-wñ ache mi k’u Tanẹ ufẹdọ lẹ K’abo kiafọ ajẹ ogwu Jẹrusalẹm atẹ *3 A ad ugbo ONDU pioo I d’Uw ẹdọ, Ata Mak Ẹ f’ọlukatanẹ lẹ Che kpa ugbo-mi fai Dag ọw awọtọ-mi Tak ọwọ-mi anya n Uwẹ ki gwọny umi dago Oñ na adu ef ujai *4 Tak ẹgba k’u d’im̃i Na agwudu nyọmọ chuu Lef ukwu oñ na af ukwỌwọ Aj im̃i ogbegbelẹ O! udajikwanẹ Ch’uta ogwu k’a akpa Awa ad ugbo ONDU pioo Ami, k’I d’abẹlẹ === code 319 title SOON WILL OUR SAVIOUR COME *1 I bọ pẹẹ tak ONDU Jisọs awa; Ukibeno lẹ ki b’uwa ẹdọ Eju-Wñ k’a ali oñ ẹwñ duu d’etitọ Ukpoji ule k’a ara ilẹi dẹ *ref Erida-wñ gbẹ, erida-wñ gbẹ Ẹgba k’uli Ẹnajadu-mi Erida-wñ gbẹ, erida-wñ gbẹ Ẹgba k’u li eju-Wñ *2 Eju-Wñ ano mi n, na akwo b’Ọọ tẹ gẹ n, Na ad ọnajiji n, na agwanẹ ẹrẹ-Wñ Abo ki l’olu adaji kwanẹ Abo ki deju ad alu k’Owñ dẹ *3 Ọjọ ki añwa lẹ, anẹ anẹ; Odu ọjọ lẹ ad ọrọka gbaa Utu ki da fai, anọmọ ch’ọyọọ Akwu a arọi, a ak eli ọmọ *4 Ẹgbo chef ilẹ, ukpahiu ch’ọmọ Ọwọ ki nya fai, ọmọ i amufu Ẹdọdudu-i amud ogwuyọ; Ẹwñ k’eju ma lin, a af eju-wa do. === code 320 title A LITTLE WHILE *1 I bọ pẹẹ tak ONDU awa, Aa la ñ’achila emi gẹ n I ako wa lo t’unyi Ata-wñ Ugbo k’Owñ d’ọgba-wa nyi lẹ K’a ki jọ kp’Owñ, k’a li eju-Wñ K’a k’el ojima ufẹdẹnyọ-Wñ *2 I bọ pẹẹ tak I adabi wa A ki f’iko ki bọ-i la tẹ Ekp Ẹ ẹdọ biẹ ch’ẹwñ ki awọ wa Et ọ ubi ch’uyọ ñwuwa A ki n’agwẹkẹ adide Dab abo k’ej OND ano ma *3 I bọ pẹẹ tak ẹwñ duu ada Ẹwñ chi k’a ch’any oli ukwu lẹ? A ki n’ad ẹrẹ m’ej ẹrẹ-Wñ F’ẹwñ duu lor ofu tod Odu-Wñ Eju anyi-Wñ ch’urọmẹ-wa Tod ọbata k’a li iko ree-i *4 I bọ pẹẹ ta, O, ONDU-wa Awa neju Wẹ gbanẹ mẹ Wa, k’amilowa-Wẹ ny’unyi K’a k’el etit ogbegbelẹ; K’a ki li ojima-Wẹ, k’a dẹ Ef ẹwñ duu dab Uwẹ kate === code 321 title DEEPER GROWS THE DARKNESS *1 Ọjọ ñ’achubi ny’ọgb alo, Ogwu n’akpa wa A mud agb om ONDU-wa gbọ A dago kpakaa *ref “Mẹ gwẹkẹ k’Omi awa lẹ” Ch’ọla k’I ka lẹ Ẹdọ-wa la jẹ kpai uyọ, ONDU, a agwẹkẹ *2 Abogwu Setaan dony uwa F’okwu bane jọ; Ma ch’alu duu ki jẹ che ñw uma Ku ma f’uwa du *3 Ẹdọ ada, eju l’akpa, Abu k’a ad ide-i; Amuda ma k’ọj ojima Añwa ñwuwa chuu *4 Ẹgba lẹ ide atakpa, Ogwu l’akpoji Tak Ondu ad uloko ñw ẹ Kaki “Ẹ che gbẹ” === code 322 title HARK! TIS THE WATCHMAN’S CRY *1 Gbọ, Adidọna kai; mẹ m’olu ji Jisọs ONDU awa, mẹ m’olu ji Abodu j’al olu Amẹ ch’amọm uganẹ Amẹ n’ojima lẹ, mẹ m’oluji *2 Abo ki m’olu ji, mẹ f’ide-wñ de, Ẹwñ k’ONDU ka tẹ pee, mẹ f’ide-wñ de Ọla-mẹ ki ch’ẹmu Ku mẹ dago j’alakwu ONDU akpọkpẹ gẹ n, mẹ f’ide-wñ de *3 Netir udọ ONDU; mẹ ch’ẹwñ ñw ỌJỌ Uña añ ẹnẹ duu n. Mẹ ch’ẹwñ ñwỌJỌ Mẹ ki n’at akoya K’ọla uchẹny ONDU K’abilẹ duu ki gbọ. Mẹ ch’ẹwñ ñw ỌJỌ *4 A gb’om Adidala, mẹ ch’aduwa; Che k’I n’ẹdọ ẹbọ, mẹ ch’aduwa Adur an ailo wa Ẹgbo la nekw Agbiti Gbẹgba k’ONDU ad udọ, mẹ ch’aduwa *5 Ef ẹwñ duu ku mẹ che, mẹ k’el ONDU ỌJỌ kiafọ dẹ. Mẹ k’el ONDU Mẹ k’eli ef ilẹi mẹ n’ak eli ojale Owñ cheen ojima duu. Mẹ k’el ONDU === code 323 title SING THE WONDROUS LOVE *1 D’ufẹd ONDU t’eli akọ Kp’ejumomi k’I li; Owñ añw una che tanẹ ñw aa Unyi Ata-Wñ ojale *ref Ẹgba k’a… ny’efojale Eyọ k’awa ayọ lẹ agbẹgbẹ! Ẹgba k’a… li Jisọs, Chai ọga a achi ọjọ lẹ *2 Awa ch’amilowa ilẹ, Akpa d’ebo no wa tẹ; Awa muda ny’efojale Ẹchubi duu at ọmọ n *3 Awa ki n’ach ubi ONDU A ki k’ẹdọ n’O ọpioo; Eju-wa ki la ad ojima-Wñ Akp ọbata ilẹ lu *4 Awa ny’ọgba k’a gb’uloko A ali alifia-Wñ faifai; Ọọn ojale mubi tẹ mẹ, Ẹrẹ-wa at ọmọ chuu === code 324 title OUR BLEST REDEEMER *1 Ab Ẹnajadu kwef ilẹ I t’uwa nọ ofo n; I jẹ ñw Afu Kiafọ wa K’I d’ugbo-wa *2 I wa dabẹnẹ k’ọg una K’I f’eju abo-Wñ nẹ Owñ ko ma ẹwñ Uchẹny ỌJỌ. Ku ma gbagbọ *3 I wa k’I def ab ONDU-wa; I ach abunẹ wa gẹ; I anẹ wa l’ọọna ochochi; Anyẹdọ dẹ *4 I ak ọla yẹẹ ef ẹdọ-wa A gb omu-Wñ ẹgba duu, K’a we edure, k’a we ech okpo, K’a f’ọla mu *5 Ẹwñ ẹnyọ duu ki def uwa, Ọkpakpa duu k’a nẹ, Ukpahiu ki af Ebili du Kw’ugb Owñ kate *5 Afu ỌJỌ, k’Ẹ dẹ hioolo; Li ejumomi wa M’ẹdọ-wa du k’Ẹ gwugwu pioo; M’ọchakaa-wñ du === code 325 title HERE FROM THE WORLD WE TURN *1 A muna w’emi fai, k’a gw’ONDU-wa Omu-Wñ ki rinyọ lẹ ki k’’ọla ñw aa Jisọs, Onukwu-wa, a atẹkpẹ ẹrẹ-Wẹ Eju-Wẹ ano wa, a atene Wẹ *2 Ẹnugbẹdọ Kiafọ, Afu ONDU Kwanẹ k’Ẹ m’anẹ nẹ ef ẹdọ-wa D’ukpahiu-Wẹ ñwuwa, k’Ẹ d’uwa kwanẹ gẹ Iko k’a jọ emi ki n’uyọ ñwaa. *3 ONDU, ch’ukọlọ-Wẹ, che k’aa ki li Abo ki lekwu le ki kwanẹ gẹ Wa, k’ẹdọ-wa ki bọ, k’Ẹ b’adu-wa wanẹ Kwot ejugede ñw aa, a nekwu Wẹ === code 326 title OPEN MY EYES *1 M’eju-mi chi k’omi ki li Ẹwñ k’Uwẹ nẹ k’Ẹ du ñw omi M’igede lẹ du tuny ọwọ-mi K’u nẹ m’ọọna ọla-wẹ bi *ref U hi alu de k’u nede Wẹ K’omi ki ma unekwu-Wẹ M’eju-mi chi, d’uganẹ ñwumi, Afu ỌJỌ *2 M’eti-mi bi k’omi ki gbọ Ochochi ọla k’Ẹ ka jọ Omu-Wẹ lẹ ki atuny eti-mi Ẹwñ Ebili ara dabi *3 M’alu-mi chi k’omi ki jẹ Uchẹny ỌJỌ ugbo k’u dẹ M’ẹdọ-mi bi k’Ẹ f’umi ñwọche K’u fẹdọ abimọtọ Wẹ *4 M’ibe-mi bi k’omi ki gba Ọl ufẹdọ k’Ẹ che ñwọnẹ; Ẹ nẹ mi le, na ar ailo ẹwñ duu n Ebi uganẹ oñ na abii === code 327 title BREATH ON ME, BREATH OF GOD *1 Afu ỌJỌ, jẹ ñwumi Kpẹkọ ñw ukpahiu-Wẹ, K’u fẹdọ ẹwñ k’Uwẹ fẹdọ K’u ñọ ch’ẹwñ k’Ẹ nekwu *2 Afu ỌJỌ, jẹ ñwumi K’u n’ẹdọ ki fẹ kpa Tod k’ẹwñ ki d’Uwẹ ẹdọ Mud ẹwñ unekwu-mi *3 Afu ỌJỌ, jẹ ñwumi K’u mud ẹnẹ-Wẹ kpa, Todu k’añọla-mi ilẹi Ki rida ej onẹ *4 Afu ỌJỌ, jẹ ñwumi K’u d’abẹlẹ ñw Uwẹ K’u l’ulẹ kp’Uwẹ ilẹi Kpai efojale gẹ === code 328 title FAR, FAR AWAY *1 Amonẹ j’ọnajiji ef ẹchubi Onẹ wewe j’alenyọ gbegbelẹ Ẹnẹ jẹ lo ki j’Uchẹnyọ lẹ r’uma? Ab i agi Jisọs, k’ofu duu ki b’ọọ *ref Ma m’ọda duu ko nyUmi ọwọ Ma m’ọda duu ko ny’Umi ọwọ Mẹ n’alo tef ilẹ duu, j’Uchẹnyọ r’uma Omi d’ugbo-mẹ ogbegbelẹ *2 Ọọna ilẹi wewe ch’ẹbitẹ ñwumẹ Mẹ ki gwudu, amisoja ONDU Mẹ ki k’ukpahiu-mẹ dama ku mẹ ki N’Uchẹnyọ f’agba adure jada *3 “Ẹwñ chi k’ẹ ẹkwu?” Omu ỌJỌ ad udọi “Ẹwñ chi k’ẹ ẹkwu”? Mẹ gbajẹ ef Odu-Wñ Jisọs lekwu k’I jad onẹ kwef ukwu, Mẹ t’akoya im̃i kp’ujadu lẹ *4 ỌJỌ ki che k’ọjọ k’abuchẹichi duu Ad ojima ñw U ki hika ñw ke K’abo k’I la ma tanẹ lẹ ki ch’ọga “Halleluya, ONDU f’ọfẹ jẹ mẹ!” === code 329 title WE HAVE HEARD THE JOYFUL SOUND *1 Awa gbọ ogwu uyọ; Jisọs Kraist agb abo-Wñ D’ọla lẹ fia ugbo duu; Jisọs Kraist agb abo-Wñ J’uchẹnyọ-i r’ojanẹ duu, M’uwo-wñ gwu, m’omi-wñ daba; Mẹ ny’ọgba! ONDU-wa kai Jisọs Kraist agb abo-Wñ *2 Mẹ k’eli eju omi; Jisọs Kraist agb abo-Wñ Mẹ ka ñw amẹnadure; Jisọs Kraist agb abo-Wñ I afẹdọ abilẹ duu Owñ ajadu t’ukpoji Ilẹ-wai an ọj uyọ; Jisọs Kraist agb abo-Wñ *3 Kọ ef ogwu ku mẹ ja; Jisọs Kraist agb abo-Wñ Lef ukwu-Wñ I f’ukwu du; Jisọs Kraist agb abo-Wñ Mẹ kọ yẹẹ ef ẹchubi, Ẹgba k’ẹdọdudu wa I mudaji kwef ukwu; Jisọs Kraist agb abo-Wñ *4 Afu duu ki n’agba jẹ; Jisọs Kraist agb abo-Wñ Uyọ dẹ ñw ab uchẹichi Jisọs Kraist agb abo-Wñ D’ọl ujadu lẹ kpogo Ojuwo kpai ef ọgọ-wñ El ẹnẹ ki ach ogwu dẹ; Jisọs Kraist agb abo-Wñ === code 330 title HE LEADETH ME *1 I anẹ mi le, na agbed ỌJỌ, Ugbẹdọ dẹ ef ọla lẹ Ugbo k’u dẹ, ẹwñ duu k’u che, ỌJỌ d’ọmọ k’I anẹ mi le *ref I anẹ mi le, I anẹ mi le Egwọnyu, Owñ agwọny umi U chenekwu ku na at Ọ ubi Todu ọwọ-Wñ gwọny ọwọ-mi *2 I n’ẹgba ki ch’ẹdudu I n’ẹgba ki ch’ẹdọ ẹbọ Ẹdọ kpabiẹ, ẹdọ enyi ỌJỌ d’ọmọ k’I anẹ mi le *3 ONDU, na agwọny Uwẹ ọwọ; Ma agbọ em̃ini alu-mi n Ẹwñ duu k‘u li cheeb umi jọ Abu k’ỌJỌ anẹ mi le *4 Ẹgba k’ukọlọ-i kpoji, K’ukpahiu ONDU b’umi che, Ukwu ki wa, na af ule uwñ n Abu k’ỌJỌ anẹ mi le === code 331 title GO LABOUR ON *1 Kp’ẹdọ r’ukọlọ ỌJỌ fai Ẹki ch’ẹwñ ki d’Ata ẹdọ; Ọọna k’ONDU-wa t’ale dẹ I d’ukpẹ k’adu-Wñ ki l’ikpa-Wñ *2 Kp’ẹdọ r’ukọlọ-Wñ, ich’ofo n Ofu emi ch’ile ọmọ Ẹ ma w’onẹ eju emi n ONDU jẹny uwẹ, onẹ ch’ẹwñ? *3 Ọjọ du ta n, ch’ukọlọ ta Ọkpanachi-i mud alo mẹ F’ọwọ gbo ke! Ẹki ch’okpo n Etakpa che agb onẹ tẹ *4 Amonẹ j’akwu r’ẹchubi, Uganẹ duu def ura-ma n D’ẹmu Uchẹnyọ dago pee Ẹmu lẹ b’ẹchubi gbẹm jọ *5 Gwẹkẹ, ad ide k’ẹ ch’aduwa; Ib ibe ma m’ẹnadure; Ny’ugbo abilẹ ugbo duu Ẹ kwutẹ ma ku ma lewa *6 Kp’ẹdọ r’ukọlọ ONDU waa, A akpọkpe an ẹnẹbi-wai n; A f’om ọkọya titọ gbọ, Elo a alo k’a b’Ọ j’onu === code 332 title WORK FOR THE NIGHT IS COMING *1 Ch’ukọlọ k’odu awa, Che iko odudu; Che ẹgba k’eli achi, Ẹgba k’ẹwñ duu ara ch’ukọlọ ik ọrọka Ẹgba k’ol akpa lẹ Ch’ukọlọ k’odu awa K’ukọl akpoji. *2 Ch’ukọlọ k’odu awa Che iko k’ol afu F’iko-wẹ kpẹkọ ñw u fai Um̃i awa chuu Iko-wẹ duu ẹ nẹ k’ẹwñ Maja efojale Ch’ukọlọ k’odu awa K’ukọl adẹ gẹ n *3 Ch’ukọlọ k’odu awa Olu-wẹ l’alo mẹ Fai anẹ cheenẹ pẹẹ ta, Ewo-wñ mud alo Che gb’iko k’olu w’efu Ki kwotuny anẹ pioo Ch’ukọl abu k’ọj adu-i K’ukọl atakpa. === code 333 title ANYWHERE WITH JESUS *1 Ugbo duu ki Jisọs anyi, inyọ ñwumi; Ugbo duu k’I anẹ mi le ef ilẹ Ugbo duu k’I ma dọmọ n, uyọ ñọ dẹ n Ugbo duu ki Jisọs dẹ, na ar ailo gẹ n *ref Ugbo duu t’ugbo duu Ailo aba mi n Ugbo duu ki Jisọs dẹ Na any ọmọ chuu *2 Ugbo duu ki Jisọs dẹ, I at umi nọ n Onẹ duu ki ra lẹ, Jisọs bọ ñwomi Dagba k’Owñ ki d’umi le ọọn okwuta Ugbo duu ki Jisọs dẹ, na ak el ONDU *3 Ugbo duu ki Jisọs ka ñw umi ku na ale, K’u f’Uchẹnyọ ỌJỌ jẹ ru abilẹ Ọla-mi ch’ẹmu tẹ ẹgba t’ẹgba duu; Ugbo duu k’I chaka che, Jisọs d’ọmọ. *4 Ugbo duu ki Jisọs dẹ k’u m’olu du, Ẹgba k’anẹ chubi b’umi ma ilẹi U cheema ku na aj olu ẹrẹ ỌJỌ Ugbo duu ki Jisọs de ọmọ ch’um̃i === code 334 title WHERE HE MAY LEAD ME *1 Ugbo k’I anẹ mi oñ na ale Todu k’u kọch ek ẹdọ n’O Na arewa k’I ch’utodu mi Oñ ma kpa Jisọs Kalfari *ref Jisọs anẹ mi l’ọọna duu I anẹ mi le ogbegbelẹ Owñ ch’onukwu ọlali ñw umi Tod na arewa Kalfari *2 Omi ayọ ñw ukọ ki tẹ Na ayọ todu k’I anẹ mi le Ẹwñ ki d’Owñ ẹdọ omi ache, Todu k’ẹbiẹ-Wñ cha kalfari *3 Ọgba na anyi na ar ail ẹwñ duu n Ẹnajadu ale kp’omi U ma ku na ali Jisọs chuu, Onukwu-mi ee-Kalfari === code 335 title MUST I GO, AND EMPTY HANDED? *1 Komi ki gb’ọwọ ofo lo Tugb Ala-mi tanẹ lẹẹ? Ki n’ukọlọ duu k’u che ñw Owñ nn? K’u k’uloko duu j’ẹrẹ-Wñ nn? *ref K’omi ki gb’ọwọ ofo lo K’u dẹ kp’Ajadu-mi abaii? Ki n’onẹ k’u jẹ ñw ONDU-mi n K’ugb’ọwọ ofo aloo? *2 Omi ad ejiji ukwu gẹ n Todu kraist ajadu mi Amaa, k’u dẹ kp’Owñ ọwọ ofo Ch’ejiji ku na ada fai *3 Ọdọ k’adure chihi lẹ I ma jẹ dọ dabi wa, U ma ko ñw Ẹnajadu-mi K’u nẹ ch’ẹwñ ki d’owñ ẹdọ *4 Abo Kraist, mẹ kwanẹ fai ke! Ku mẹ ch’ukọl ọrọka I dẹ yẹẹ, iko ñ’adẹ gẹ n, Ik ukọlọ atakpa === code 336 title STANDING BY A PURPOSE TRUE *1 Ma dago tod ochochi, ma gb’ỌlỌJỌ gbọ Bu m’amẹnẹdekono Ki ch’abo Daniẹl *ref N’ẹdọ dabu Daniẹl K’ẹ dago kpakaa f’ibe ẹnọlọjọ mu Jẹ ñwẹnẹ duu ki ma *2 Amọga wewe gwegbo Ma n’ẹd edago n; Ma ma k’ẹdọ no ONDU Setan ma b’uma jọ n *3 Amakachi wewe ki T’ale ilẹi Ma ma de kp’abo Daniẹl Ma ma kw’atẹ ule *4 M’Uchẹnyọ Kraist du kpogo, K’ẹnẹ duu ki gbọ; Aa ki n’ak ẹdọ n’ONDU K’a dabu Daniẹl duu === code 337 title SPEAK JUST A WORD *1 K’ọla ‘ka todu Jisọs; K’ab I kwu todu wẹ, K’ọla lẹ ọgbẹnugbẹ Ọla awuwu iche *ref Ka ọla’ka, ch’ubi ONDU-wẹ pioo Ka ọla ‘ka, ka ẹwñ k’I ache ñw uwẹ *2 K’ọla’ka todu Jisọs K’alu k’I atẹko wẹ; K’ọl ukpahiu kp’ugbẹdọ K’I adu ch’onẹ ele! *3 K’ọla ‘ka todu Jisọs, Ẹ ned ẹnomunẹ n; yọ ñw ed uchẹ lẹ kpogo Ọgba tak ewo-wñ le *4 K’ọla ‘ka todu Jisọs, Ẹwñ chi k’ẹ d’ejiji? I ad ẹnyọ ñw ọla lẹ, Ẹnẹ’ka agba gbọ *5 K’ọla ‘ka todu Jisọs, Ọla ufẹdẹnyọ-Wñ Ẹnẹ’ka ajẹ neti K’iak ẹdọ n’ONDU fai === code 338 title HARK THE VOICE OF JESUS *1 Gbo omu Jisọs ki ad udọ-i “ẹnẹ j’ach ukọlọ fai? Ẹwñ oko biẹ aned eja, ẹnẹ j’ak uti-wñ w’unyi?” ONDU oko ñ’ad udọ fai Ẹwñ akoji k’I adu ñwẹi gbẹ Ẹn ad ohi kp’uyọ kaki “Omi dẹ, ONDU kpẹ mi?” *2 Ẹ ma neke daba omi K’ẹ t’anẹ amachode n; Tẹk abo ki jọ kpeny uwẹ K’ama jọ alenyọ duu Ẹ ma n’ejika k’ẹ du ñw U n, M’ee-ọyaukwọkọ lẹ du ñw U; Ẹwñ ee-ree k’ẹ che tod ONDU cheew Owñ eju ololo *3 Ẹ ma chaka neke k’ọla Dab amonuchẹ ỌJỌ n K’ẹ ma la mej et akoya ONDU Jisọs dabu Pọl n; Ẹ muda neke kakini, “Jisọs afẹd amonẹ duu, Tod amonẹ duu I kwui” Ẹ ch’ẹdu, ma aleny pioo *4 Ẹma chaka ch’adide’ka Ki dag oj akwu Zayọn n, d’ọwọ ñ’ọọn ojale ki che Ọọn im̃i kpai urẹdọ Nẹ aduwa-wẹ kp’ẹwñ ele-wẹ Che ẹwñ k’ỌJỌ-wẹ nekwu lẹ Ẹ neke che dabu Arọn, K’ẹ k’ọw akachẹ dago *5 I chẹwñ k’ẹ ma neke k’ọla Ñw abogijo nyọnyọ no, Kraist kak “e k’ujẹwñ ñw amala-Wñ, Che k’i nat uma ọwọ.” Abimọtọ k’uwẹ nẹ wa Ef ailọ kp’ọla ega lẹ, neke ch’uyọ kp’uloko-wẹ Ọgba ONDU ef ewa-Wñ. *6 Onẹ ki gb’ab ẹ ch’ọkpọ ka K’I n’ẹwñ k’u neke che ni n Abu k’amonẹ j’alenyọi K’OOD oko ñ’ad uwẹ udọ-i Yọ ñwukọlọ k’I du ñwuwẹ, Ukọlọ-Wñ ki r’uwẹ ẹdọ; D’ohi piopio ab I ad udọ-i “Omi dẹ, ONDU kpẹ mi.” === code 339 title DOWN IN THE VALLEY *1 Na atene k’u nyef ọgọ kp’Ẹnajadu-mi Ugbo duu k’Owñ dẹ r’umi ẹdọ edẹ gẹ Ugbo duu k’I anẹ mi le na at Ọ ubi alo Na at ikpa-Wñ ale gbẹgba k’u gb’uloko *ref T’Ọ ubi! T’Ọ ubi! Na ati Jisọs ubi Ugbo duu, ẹgba duu, na at Ọ ubi *2 Na atene k’u nyef ọgọ kp’ẹnajadu-mi Dagba k’afu ki ju k’omi ki m’anẹ ko Ọwọ-Wñ ki nẹ mi le dee, maku na ar ail ẹwñ duu n Ẹgba lẹ ẹbiẹnẹ duu neke che mi n *3 Dagba k’u t’ale ọgọ uwo ọgọkpẹ, Na atene k’u dẹ kpeny ẹnajadu-mi lẹ Oñ I ade mi, nẹ mi l’ọọna k’Owñ tẹtẹ le lẹ, gbẹgba k’a wa ajeju ọgba ỌJỌ-wa === code 340 title SOWING IN THE MORNING *1 Odudu a agb ẹyọ, ẹyọ ufẹdẹnyọ; a n’agbẹ ọrọka kpai ẹgb anẹ gẹ Tak a anede iko ku ma f’uu ja w’unyi A awa kpai uyọ, uti-wñ a ako wa *ref Uti-wñ a ako wa, uti-wñ a ako wa A awa kpai uyọ, uti-wñ a ako wa *2 A agbẹ ik ọbata kpai ẹgba k’anẹ bọ A ñ’ar ailo onẹ kpai ọpẹcha gẹẹ? Eja kpa-wñ bọ ree ta, akanya atakpa. A awa kpai uyọ, uti-wñ a ako wa. *3 Lo kpai akwu erọ, f’ẹwñ gbẹ todu ONDU, Dagba k’ofu ki bu kp’uwa ẹdọ biẹ, Ẹdọ-wa ñ’abọ fai, ONDU-wa ayọ ñw aa a awa kplai uyọ, uti-wñ a ako wa === code 341 title FAR AND NEAR *1 Ọnajiji kpai ananẹ, Ẹwñ oko ỌJỌ biẹ mẹ. G’ab ibiẹ jọ hia anede Abo ku ma aja w’unyi *ref ONDU oko, kp’onẹ uchẹ! Netir ukwa k’a akwad Ẹi Kpẹ ma lo ku ma ja w’unyi ọgba tak ewo-wñ lale *2 Kpẹ ma ny’oko ik inajọ, Ñọ kpẹ ma iko ọrọka, Ẹgba k’ol atuny anẹ gẹ Ku ma ja kw’ugbo duu wa. *3 Mẹ hianẹ ku mẹ j’ọka ke, Ku mẹ y’uti ẹwñ oko jọ; Ẹgb anẹ mẹ ak o w’unyi Ef uyọ ki ma jẹ ka n === code 342 title THERE’S A CALL COMES RINGING *1 Ama jef ekwukwu ilẹ ad udọ Kakini, Tẹko wa! A lenyọ, ekwu ujadu akw uwa, Mẹ lewa, tẹko wa *ref Mẹ j’uchẹ, Uchẹnyọ Jisọs lẹ, K’uganẹ-wñ ki m’anẹnẹ Mẹ j’uchẹ, Uchẹnyọ Jisọs lẹ K’a aganẹ ogbegbelẹ. *2 Awa gb’udọ Masadonia eñini Kakini, Tẹko wa! Aw ak ẹwñ ete-wa wa ch’ẹwñ atẹko K’uchẹ lẹ ki kpogo *3 A ki bi ỌJỌ k’ọl ufẹdẹnyọ-Wñ lẹ K’I t’onẹ duu eti, K’abo Kraist ki n’anyi ugbo t’ugbo duu Aj uchẹ r’ẹnẹ duu *4 A ki ch’uba ef ukọl ufẹdọ lẹ n, J’uchẹ lẹ alo waa! K’a ki m’onẹ ñw ỌJỌ iko t’iko duu J’uchẹ lẹ r’ugbo duu === code 343 title FORTH IN THY NAME, O LORD *1 ỌJỌ na ad odu-Wẹ t’ọgba, Abu na ach ẹwñ-mi eñini. Ibe k’u kpẹ, ọla k’u ka Odu-Wẹ ki ch’ukpahiu-mi *2 Ukọlọ duu k’Ẹ du ñwomi Jẹ k’omi che kpai ẹdọ foo, K’u r’Uwẹ eju ẹgba duu Ku na ach ẹwñ duu k’Uwẹ nekwu. *3 Uwẹ ki d’ọw awọtọ-mi Uwẹ cheema ef ẹdọ-mi Na ach ẹwñ duu todu ọda-Wẹ Ukọlọ duu na amudu r’Ẹẹ. *4 Todu ọbata-mi k’Ẹ che, Ẹ che k’omi ki m’ọla nẹ Che ku na ak ejur ẹwñ ọgba, Ẹwñ ki d’ọmọ ogbegbelẹ *5 Abu k’u def ilẹ kidẹ, Che k’omi gb’ele ẹnyọ-Wẹ; Che ku na al ul ọọna ọkpakpa, Gboogbo tak omi t’unyi-Wẹ === code 344 title HOW I PRAISE THEE *1 Na ak ele-Wẹ ẹnajadu K’ufẹdọ-Wẹ d’ọ’ọ do mi Wẹ jadu mi, f’umi hiukọ K’u mud ọcha omi ñw Ẹ *ref Ọcha omi kate, ONDU, K’ukpahiu-Wẹ ki gbẹgbẹ N’acha lef uwñ, k’Ẹ ne ch’ekwu, Ọjọ duu kpai iko duu *2 Ọcha k’ẹnyọ-W’acha lef uwñ Ñw abo k’olugb akpa ma K’u d’uchẹnyọ-Wẹ lẹ kpogo Owñ ch’ọla ufẹdọ-Wẹ *3 M’umi du ch’ẹwñ ekwu ki fẹ Ef ọwọ-Wẹ kiafọ lẹ U n’ukpahiu n, chai ele-Wẹ Ele ufẹdẹnyọ-Wẹ *4 Uwẹ f’umi la k’Ẹ nẹ mi, Gwudu wa k’Ẹ kpẹkọ mi Ku t’akoya ukpahiu-Wẹ Ki gba mi b’adure tẹ *5 Ẹdọ duu ki tẹ ñw Uwẹ fai Ki kpẹkọ ñw Afu Kiafọ K’ohimini ee-om im̃i Ki n’acha kwef uwñ ñw onẹ. === code 345 title GUARD THE BIBLE WELL *1 F’id ỌlỌJỌ de, f’amẹnọla-wñ du, K’ọla ẹrinyọ ONDU lẹ; D’id ẹwñ k’ỌJỌ du’a ki ch’ugbẹyọ-wa Ẹ ki f’ọwọ d’ọla-Wñ gbegbelẹ *ref Kwan abo Kraist! Dony Otakad ỌJỌ! Ch’aduwa, che waa, d’Ochochi kpogo Dago kpakaa, gwoye edu k’I adu Ọtakada ỌJỌ f’ee-duu du *2 Ọtakad ỌJỌ, ọl akokko lẹ Ki n’am anẹ nẹ ugbo duu. A ki n’aja waa, ef ukpahi Afu K’ochochi ỌJỌ ki gb’anẹ nyọwọ *3 K’el ỌlỌJỌ taa, mẹ d’ọla-wñ kpogo F’ẹdọ gbo todu ochochi Mẹ ch’aduwa ñwỌJỌ, ogwu ku mẹ jai K’ẹwñ ogwu ỌJỌ chakaa ny’ọla *4 Mẹ dago kpakaa tod Ọla ỌJỌ Mẹ ki la gb’ọwọ ẹlọ no N’abogwu alo k’ogwu ki takpa K’ONDU la f’amẹnọla-Wñ du pioo *5 Nẹ ugbad Afu ki ch’Ọla ỌJỌ Ny’okogwu duu k’ẹ che k’ẹ ja; Ọla ỌJỌ ñọ ch’una ki agw ẹwñ jo I la ch’utumu ki akp ẹwñ fọ === code 346 title CLING TO THE BIBLE *1 Gwọny ỌlỌJỌ, ofu duu chaka b’ẹẹ Ẹ jẹ k’ofu ukọ k’I tẹ ki b’ẹẹ n; Uchẹ k’iajẹ aj amonẹ duu olu Ọla-Wñ ad onẹ kwef ukwu ny’im̃i *ref Gwọnyu ỌlỌJỌ, gwọnyu ỌlỌJỌ Gwọnyu ỌlỌJỌ ki anẹ wa m’ọọna *2 Gwọnyu ỌlỌJỌ, ẹwñ akoko iche I ch’ọla im̃i ki ajadu onẹ Ẹnẹ duu neke k’alaja-wñ gbegbelẹ n Onugo-mi ki n’aten ẹnyọ-wñ fai *3 Ẹmu iche ki ad ẹrẹ ki la t’ọọna I ch’añ imọt ọọna k’I we wanẹ I lañọ ch’ukibeno ẹnadure Ọkpa k’ogijo alọn o iche === code 347 title WHEN WE WALK WITH THE LORD *1 Ẹgba k’awa l’ulẹ ef uganẹ ONDU Mẹ go abu k’anẹ munẹ pee. A che ẹwñ k’I nekwu, I la d’ugbo-wa pioo I la d’ugbo ẹnẹ ki agbagbọ *ref Ọla-Wñ a agbọ todu k’a ki n’uyọ, Todu ọọna duu bọ gẹ n Chai ọla-Wñ egbagbọ *2 Ẹdọdudu lewa, kpai akanya ilẹ, Eju Jisọs anẹ b’uwa tẹ Ailo duu aba wan, ifi duu akpọkpẹ n; Ọla-Wñ a n’agbagb alo waa. *3 Adu ki t’uwa le, ichaka f’uwa ka, Owñ ar ọmẹ ee-lẹ chakaa duu, Ofu duu ki b’uwa, eju duu ki ch’ẹkpa, Owñ ad ẹnyọ ñwa kwef ee-lẹ duu *4 I n’ugbo duu k’a ama alu k’Owñ fẹdọ wa n, Chai ẹgba k’a k’ẹwñ duu ny’Owñ ọwọ Todu eju k’I li, kpai uyọ ONDU-wa ch’utod abo ku ma agb ọla-Wñ gbọ *5 Abẹk a agwanẹ yọọ, k’awa gb’ọl ONDU-wa, Abẹk ulẹ a ale t’Owñ ubi; Ẹwñ k’I ka, a la ache; uchẹ k’I kpẹ, a ajẹ; ONDU kate oñ a agb ọla-Wñ gbọ === code 348 title THOU WHOSE ALMIGHTY WORD *1 Uwẹ, k’ofu ọla K’Ẹ ka jẹ ñwẹchubi Kp’ọjugwuu ra Gbomu wa, a abi Uwẹ Jẹ k’ugbo duu k’ọjọ Uchẹnyọ ma ñwa ta n Ki n’uganẹ *2 Uwẹ, k’Ẹ wef ilẹ, Ef ujadu k’ẹ che, Ẹ ch’ọga kpa Ẹ ch’eju afeju Adẹrẹ la l’ulẹ Che k’ẹnẹ t’ẹnẹ duu Ki n’uganẹ *3 Af ochochi kiafọ, Ẹ’Ẹ wa dab ikede, Wu alo waa; K’Ẹ t’al ej omi lẹ Kp’ufẹdẹnyọ ỌJỌ K’uñ ẹchub ilẹi duu Ki n’uganẹ. *4 Ẹta ef oka lẹ Ch’ukpahiu kp’ufẹdọ Kpai ochochi Ata, Ọma kp’Afu Ki k’anẹ alo waa K’ugbo duu ki d’ilẹ Ki n’uganẹ === code 349 title BREAK THOU THE BREAD OF LIFE *1 M’ujẹwñ im̃i bu ñwumi, Jisọs ONDU, Alu k’Ẹ bu ñwuma ọl ohimini Na ag ọtakada-Wẹ, na afej Uwẹ Ẹdọ-mi anej Uwẹ, Ọl ỌJỌ *2 M’ujẹwñ im̃i bu ñwumi, Jisọs ONDU, K’ọla-wẹ ki maja ef ẹdọ-mi Fibe ku na akpẹ nyi, gba mi tanẹ; Ẹrẹ duu ku na achi ki ch’ee-k’Ẹ ñwa. *3 Uwẹ ch’ujẹwñ im̃i, ONDU ñwomi Ọla-Wẹ kiafọ lẹ ajadu mi bu ñwumi ku na ajẹ fai, k’u deju ñw Ẹ Na afẹdọ Wẹ, ONDU, k’Ẹ ch’ufẹdọ *4 M’ọla ochochi bi k’omi ki li Uchẹ k’Ẹ kpẹr umi, k’inẹr eju Tak uta ku na ata, Uwẹ kp’omi Amonẹ duu ali k’ẹ def umi === code 350 title STANDING ON THE PROMISES *1 U dag oj ọla k’ONDU-mi katanẹ, Na agogbod Ọ t’ogbegbelẹ ny’ilẹ wa Na ad ojjima-Wñ ki d’at atẹ kpogo pioo, Na adago oj ọla k’I ka lẹ *ref Da…go, da…go na adag oj ọla k’Ajadu-mi katanẹ; Da…go, da…go U dag oj olukatanẹ ỌJỌ *2 U dag oj ọlukatanẹ ki ma chi n, Ẹgba k’afu ejiji kp’ailo aju; Lugb ỌlỌJỌ ki deju lẹ oñ na adu, Na adago oj ọla k’I ka lẹ *3 U dag oj ọlukatanẹ oñ na ali Egwẹ hioolo ki def ẹbiẹ lẹ ñwumi Dago ef ọmonẹ ku Kraist ko wa che Na adago oj ọla k’I ka lẹ *4 U dag oj ọlukatanẹ ONDU-mi, Ufẹdọ-Wñ f’umi ji m’Owñ ogbegbelẹ Na an ugbada Afu adu ọjọ duu Ab u dag oj ọla k’ỌJỌ ka *5 U dag oj ọlukatanẹ, na awanẹ n Na anetir udọ Afu lẹ iko duu Na ami ef Ẹnajadu-mi ef ẹwñ duu Na adago oj ọla k’I ka lẹ === code 351 title WE THANK THEE, LORD, INDEED *1 ONDU, aw agw Uwẹ, Ọla-Wẹ k’Ẹ du ñw aa Ki m’anẹ nẹ ñw aa ef ilẹi Anẹ wa ny’unyi-Wẹ *2 I la anẹ wa m’ọọna K’a ki w’ed Uwẹ re I anẹ wa l’ọọna fiili lẹ K’a r’Uwẹ ẹdọ pioo *3 D’ẹny ñw abo k’ama Kp’awa ag Ọla-Wẹ K’awa dẹdẹ ki mananyu Ech ẹwñ ki d’Uw ẹdọ *4 A aten ọl ukọ-Wẹ Kwef uwñ ọjọ duu fai Kọ wa unekwu-Wẹ kwef uwñ Che wa k’a gbagbọ gẹ *5 D’ibe ekọchẹ ñw aa K’a ma unekwu-Wẹ D’ukpahiu ñw aa, che k’a yọ ñwu ech unekwu-Wẹ pioo *6 Awa cheem ẹgbo-wa Ẹ muda d’ugbo-wa N’ọla-Wẹ d’ugbẹdọ ñw aa fai D’ukpahiu-Wẹ ñw uwa *7 Ẹgba k’omi ch’ẹgbo, Tak u ch’enukpahiu-i Ufẹdẹny ONDU b’umi jọ, Na ar ailo ẹwñ duu gẹ n. === code 352 title THY WORD ABIDETH *1 Ọl ONDU adẹ pioo, I la anẹ wa m’ọọna Ẹnẹ ki agbagbọ Fuganẹ kp’uyọ nẹ *2 Ẹgba k’amẹnọla Mẹr uwa; Ọla lẹ Ki ch’ujadu onẹ Ad ugbẹdọ ñw uwa *3 Ẹgba k’omi alọ K’ojale ch’ẹdu tẹ, Uganẹ-wñ aña wa Ọọna, ad ide wa *4 Ẹnẹ neke k’uyọ-wñ Anana-wñ t’eka le Owñ ch’ẹwñ k’Ọla ONDU du ñw amẹnẹdọfoo *5 Ọl ejumomi lẹ, Atẹk onẹ ilẹi Ọla im̃i anyi Ẹnẹ ki akwu ẹdọ *6 Ọla lẹ ki kọ wa, ONDU ema tule K’a n’afẹdọ Uwñ ny’ọgba, K’a n’atẹmẹr U pioo === code 353 title BURIED WITH CHRIST *1 U bọ Kraist kwu, u b’Ọ kwanẹ duu, Ẹwñ ñọ bọ k’omi k’u che m’ọ gẹ? Chai ewe uj oji-mi eja K’omi ki l’ulẹ ọọn etitọ *2 U b’Ọ kwanẹ, Owñ lẹ ch’oji-mi Fai omi ale ọọna kiafọ mẹ; Omi n’ib ẹnyọ akpẹ alo Kak u def ọwọ adure gẹ n *3 U bọ Kraist deju, I n’akwu gẹ n Kraist t’umi ọgba oñ omi alei I gba mi kwef adu eche mẹ U f’ọla-mi lo r’abo ki kwu *4 Na adeju ñw ONDU, t’oji, t’ẹrẹ U ch’ad ỌJỌ, I f’umi hiukọ Ọda nẹ mi n, chai ufẹdẹnyọ Kraist f’adure du I f’ọfẹ-Wñ jẹ *5 Kraist ch’im̃i-mi; omi ñ’ad odu Ẹwñ anyọ t’alu ad ọ fai gẹ n Ero Kiafọ omi aro ñw ONDU kraist ki def umi na ak ibe n’O === code 354 title I’M NOT ASHAMED TO OWN MY LORD *1 Na ach anyọ egbal ONDU-mi n Na adago tod Uwñ pioo; K’u d’Ọla-Wñ kp’ojim oli ukwu-Wñ Kpogo ef ilẹi duu *ref Ugb oli ukwu lẹ, ugbo lẹ eju-mi ne Tak adure k’omi ta kwotinyọ; Ugbo lẹ, omi k’ẹdọ no Jisọs Fai ẹdọ-mi la ch’ẹbọ ọjọ duu *2 Omi cheema ONDU Jisọs Owñ lẹ na ak ẹdọ n’O-i Owñ ak anyọ m’onugo-mi n I l’ajẹ ñwumi lenyọ n *3 Ọla-Wñ dago dab ede-Wñ lẹ I neke ch’ichẹ ree n Owñ ad ẹwñ k’u ko ny’Ọ ọwọ gb’iko ỌJỌ ONDU *4 Ọjọ lẹ tak Owñ agbalu Odu-mi ọgba Ata-Wñ Tak I d’una ñwumi efu Jẹrusalẹm titọ === code 355 title IS IT THY WILL? *1 ONDU, id’Uwẹ ẹdọ ku Ma m’omi du ji many Uwẹ; Lef ujiwei na aka ñw ilẹ Kak omi ch’ee-Wẹ ọpioo fai *2 Na ayọ et ọla-mi nọ ñw Ẹ K’u che ẹwñ duu k’Uwẹ nekwu; Ef uhiọlawanẹ na ale Ọọna duu k’OOD anẹ mi le *3 Ujiwe oji ee-omi-i Ad ufẹd Ẹnajadu ña, Na arewa abu na atunyu Ọmẹ-mi k’ẹnajadu ra *4 Abu k’Ẹ f’efọjegwu du Na akwanẹ kp’Uwẹ, ONDU fai; Omi n’ukpẹ duu ilẹi gẹ n Todu u manany im̃i-Wẹ *5 U f’uu lo kak omi lekwu Ñw adure ki ch’Uwẹ agbe; Na aka ñw ẹwñ ubẹdọ ilẹ-i K’u deju ñw Ẹ, ONDU kate *6 Uyọ ku na anẹ ẹgba k’u K’ejur ẹ ef ojima-Wẹ At anyọ ku ma ko m’umi Tod odu-Wẹ le olofo === code 356 title TODAY IS THE DAY OF OUR JOY *1 Eñini ch’ọjọ ugwogwuyọ Ugwogwuyọ, ugwogwuyọ eñini ch’ọjọ ugwogwuyọ Owñ ch’ugwogwuyọ iyawo *2 Igbegbelẹ ma tẹtẹ ch’eji… eñini ma mud okate *3 Eñini ch’ọj eko ma dama… ỌJỌ ki f’uma gwodama *4 Abo k’ỌJỌ la ko gwodama… Onẹ ki gbẹdọ d’uma ru *5 ỌJỌ Ata ki d’ẹnyọ ñwuma… K’unyi-ma ki n’urẹdọ pioo *6 M’uma ko che ajuchẹ-Wẹ… K’abo duu ki gbọ uchẹnyọ === code 357 title GOD BE WITH THEM *1 ỌJỌ, Ẹ ki d’ugbo-ma che k’ẹdọ-ma ki dama, Abu ku ma akp alo Ufẹdọ ọgba-Wẹ fai *2 ỌJỌ, Ẹ ki d’ugbo-ma, Abu m’akw emi alo, Ma ki n’ach ẹwñ k’Uwẹ ka Ma ki fẹd ọla-ma pioo *3 ỌJỌ, Ẹ ki d’ugbo-ma Ku ma b’omunẹ che pioo Ma ki m’ọla ñw omunẹ, K’uyọ ki kpẹk ẹdọ-ma *4 ỌJỌ, Ẹ ki d’ugbo-ma Ku ma j’ẹdọ kp’omunẹ; Ma ki mana ny’ech aduwa Ef ẹwñ duu ki aw ugbo-ma *5 ỌJỌ, Ẹ ki d’ugbo-ma Ẹnyọ-Wẹ ki d’unyi-ma che k’ẹdọ-ma ki ch’oka Gbẹgba k’ukwu da ma ru *6 ỌJỌ, Ẹ ki d’ugbo-ma Gbẹgba ku ma t’ilẹ nọ Ku ma ny’agwugw unyi-Wẹ Ogbegbelẹ nyilẹwa === code 358 title HAVE THINE AFFECTIONS *1 Ẹ t’ẹwñ ẹdọ-wẹ duu nọ ñw ONDU mẹẹ? Ẹ mufu ej ỌJỌ? Ilẹ-i b’ẹẹ ofu tod ONDU-wẹ mẹẹ? Ẹ mufu ej ỌJỌ? *ref Ẹ mufu ej ỌJỌ? Ẹbi ONDU f’ẹ gwẹ mẹẹ? Ẹfu kpa, kp’efọ, kp’ehiọla-wẹ wanẹ Ẹ mufu ej ỌJỌ? *2 Ẹ n’ọda adure kp’ọla-wẹ mẹẹ? Ẹ mufu ej ỌJỌ? T’ẹwñ ejef ẹdọ t’ẹwñ ej ọdọda? Ẹ mufu ej ỌJỌ? *3 Abi ekpa tod adure dẹ gẹ nn? Ẹ mufu ej ỌJỌ? Jisọs n’ọda ẹdọ-wẹ chakaa mẹẹ? Ẹ mufu ej ỌJỌ *4 Ukpahiu-wẹ duu ch’ẹkamuhitẹ ñw Uu? Ẹ mufu ej ỌJỌ? I agwugw ef ẹdọ-wẹ ỌJỌ duu fai? Ẹ mufu ej ỌJỌ? *5 Ẹ n’al ul ef uganẹ ki kw’atẹẹ? Ẹ mufu ej ỌJỌ? Ẹ m’ọkpakp ỌJỌ kony ọla fai mẹẹ? Ẹ mufu ej ỌJỌ? === code 359 title PRAISE THE SAVIOUR, O MY SOUL *1 Jẹny ONDU, onugo-mi I f’ọgẹlẹ lẹ m̃ọ kpa Ch’udu-wẹ, m’ẹ gba tanẹ N’ugwogw uyọ wa jẹny U *2 Awuw ufẹdọ-Wñ gbẹgbẹ, G’ab I gwọru kwo’ojale; K’I kwu ki ch’udu k’ẹ fẹ N’ugwogw uyọ wa jẹny U *3 G’akpoli ki chi b’Oo ma Owñ ki ma f’udu duu n lẹ Todu wẹ I kw’ukwu lẹ N’ugwogw uyọ wa jẹny U *4 A n’ayọ ajẹny U fai Gbẹgba k’a kp’abo kiafọ Aj efojale ọpioo N’ugwogw uyọ wa jẹny U === code 360 title JESUS! THAT NAME IS LOVE *1 Jisọs ch’od ufẹdọ, Jisọs ONDU! Jisọs t’odu duu le, Jisọs ONDU! Owñ lẹ ch’ẹwñ duu ñwuwa, awa n’ẹwñ ẹnyọ duu n, A la nee-duu t’Owñ le n, Jisọs ONDU *2 Abu k’ẹ ch’Ọm Onẹ, Jisọs ONDU Ẹ d’oji-Wẹ tanẹ, Jisọs ONDU Ufẹdọ-Wẹ nana t’ufẹdọ ki bọ le I kwo t’ejugede, Jisọs ONDU *3 Uwẹ ch’ọkpakpa-wa, Jisọs ONDU Ẹ ñọ ch’okoubi-wa, Jisọs ONDU Ail ẹwñ n’aba wa gẹ? I neke n’ee-duu gẹ n K’awa n’Uwẹ mẹ lẹ, Jisọs ONDU *4 Ẹ edabi wa fai fai, Jisọs ONDU Aw ayọ ọjọ lẹ, Jisọs ONDU! K’a j’ag eju-Wẹ lẹ, k’a ñọ dab Uwẹ gẹ Aw ajọ kp’Uwẹ pioo, Jisọs ONDU === code 361 title I HAVE HEARD OF A LAND *1 U gb’ọla ojanẹ ee-ọnajiji lẹ Ojanẹ ọmẹmẹlẹ iche Jisọs f’unyi lẹ kọ, ugbo k’on akwu gẹ n Ojanẹ ugbo k’onẹ ma gbo n *ref I n’egbo duu efojale n Ojanẹ ugbo k’onẹ ma gbo n I n’egbo duu n, in’egbo duu n Ojanẹ ugbo k’onẹ ma gbo n *2 Unyi ọmẹmẹlẹ, ugbo k’aa ñ’ala gẹ n Awa any ojanẹ ki nyọ lẹ; A aj ọmọ ak eli, jẹny ONDU gbegbelẹ Ojanẹ ugbo k’onẹ ma gbo n *3 A fule ra kpoji, a agb uloko ọmọ, Ọbata kp’ajama duu takpa Ẹdọdudu takpa, omu-wa ach oka Kp’abo ku ma d’ọgba wa le lẹ *4 Jisọs f’unyi lẹ kọ, tod abo kiafọ duu Ẹd ẹkpabiẹ duu ñ’adọmọ gẹ n Akany ilẹ kpoji, afu fẹ r’uw ọla, A ajọ ogbegbelẹ kp’ONDU-wa *5 Ọmaye ufẹdọ, f’ẹdọ jẹ alo waa, Jisọs adabi wa faifai lẹ Aw ach ọga led O, I agba wa m’ẹdọ K’I d’um̃i ogbegbelẹ ñwuwa *6 I anẹ mi w’unyi-Wñ, k’u li amọmaye duu, T’ab ee-ki kwu, t’ab eel-ki deju; Uy ọmọ agbẹgbẹ, na agw ONDU-mi ugwa Ojanẹ ugbo k’onẹ ma gbo === code 362 title GREAT GOD OF WONDERS *1 Ọj awuwu, Uwẹ gbẹgbẹ Ọọna-Wẹ duu ad Uwẹ ña Ojim ufẹdẹnyọ-Wẹ lẹ Ad Uwẹ ñẹña t’ee-duu le *ref Ẹn atọnọ ñw onẹ abẹ-i? Ufẹdẹnyọ-Wẹ, I n’ẹgọ n *3 Udu ki gbẹ, Ẹ tọnọ ñw aa Ẹ d’ọwọ mọ amafudu Ukpẹ-Wẹ kate ee-lẹ che Ojima-wñ duu ch’ee-Wẹ kate *4 ỌJỌ tọnọ ñw uwa fai mẹ Adure-wa ki gbẹgbẹ lẹ Lefu odu ONDU Jisọs I m’uwa gba m’ẹdọ pioo mẹ === code 363 title BLESSED BE THE NAME *1 Mẹ k’ele odu-Wñ, mẹ k’eli odu-Wñ Mẹ k’ele odu ONDU lẹ; Haleluya! Haleuya! Mẹ k’ele odu ONDU lẹ *2 ONDU Jisọs du, ONDU Jisọs du, Owñ n’ukpahiu t’ee-setan le Haleluya! Haleuya! Owñ n’ukpahiu t’ee-setan le *3 Awa ñ’adu gẹ, awa n’adu gẹ, Awa ñ’adu efu ONDU; Haleluya! Haleuya! Awa ñ’adu efu ONDU *4 I m’oji da mẹ, I m’oji da mẹ ONDU d’oji kw’ok ogwu wa; Haleluya! Haleuya! I m’oji da kw’ok ogwu mẹ *5 Awa n’uyọ gbẹ, awa n’uyọ gbẹ Awa ayọ todu k’I du Haleluya! Haleuya! Awa ayọ todu k’I du === code 364 title THERE’S A FIGHT TO BE FOUGHT *1 Uj eja dọmọ ñw aa, ogw eko dọmọ ñw aa, Ẹwñ ubailo ñọ d’ejọọna gẹ; Amaa, ONDU ch’im̃i-mi kpai uganẹ-mi, ONDU lañọ ch’ukpahiu-mi gẹ. Na ak ẹdọ-mi n’ọla ẹnẹ ki jadu mi, Na ak ẹdọ n’O, agb ọla-Wñ gbọ Todu ONDU ch’im̃i-mi kpai uganẹ-mi ONDU lañọ ch’ukplahiu-mi gẹ. *2 Ufẹdọ ONDU, d’Owñ kw’efojale w’ilẹi K’I li ọbata ukwu oj oli; I f’ọda duu nẹ efojale k’I nyi lẹ Uña d’ojanẹ-wñ lẹñw omi duu Aw ak eli-i alo, “I afẹdọ wa nana!” I n’ugbo k’a alenyọ ej ọọna n, Todu ONDU chim̃i-wa kpai uganẹ-wa ONDU lañọ ch’ukpahiu-wa gẹ *3 ONDU an ukpahiu ee-Wñ ko wa lo t’unyi-wñ Ugbo ki nẹ pee t’ọrọka lẹ; Todu ONDU ch’im̃i-wa kpai uganẹ-wa ONDU lañọ ch’ukpahiu-wa gẹ Aw ajẹny U tule, ọjọ otitala Ọọn ubailo duu k’a chaka le ONDU Jisọs ch’im̃i-wa kpai uganẹ-wa, ONDU lañọ ch’ukpahiu-wa gẹ === code 365 title THERE SHALL BE SHOWERS *1 “Eny awa dab omi ki alọ” Ufẹdọ ka tanẹ lẹ; Ọla eruko ñ’ad ọmọ Kw’ugb Ẹnajadu atẹ *ref Omi ee-ẹnyọ Ch’ekwu ki akw uwa ñini ejumomi n’akitọ fai Aa mud abi omi lẹ *2 “Ẹny awa dab omi ki alọ”; Ọl eruko akoko. Omi akiliwo awa: Oji uwo kp’ef ọgọ *3 “Ẹny awa dab omi ki alọ;” F’uu kp’uchẹ wa fai, ONDU Jẹ ñw ọla-wa ki ruko fai Wa k’Ẹ d’ẹnyọ ñw ọla-Wẹ *4 “Ẹny awa dab omi ki alọ;” Che ki n’alọ eñini Abu k’a n’agbalu ñw ỌJỌ K’a n’adọ Jisọs udọ === code 366 title WE’LL SING OF THE SHEPHERD *1 A ak el Adidala ki kwu, Ki kwu tod ujọ amala-Wñ Ma j’ufẹdọ-Wñ ma t’ukpoji. I dago ka, dab apata *2 Ẹgba k’ẹbiẹ d’ukpẹ ki cha, Adidamala kwo dago Agbagba-wa kp’ẹnọla lẹ, G’ẹd ọl-wñ m’ukwu-wa gba kwu *3 A ak eli Adidala lẹ, Ki d’ọla-Wñ ch’ele tẹ abẹi I n’ẹnuwohi duu dab Owñ n I n’ẹwñ ki ach ekwu ñw aa t’Owñ le n *4 A ak eli Jisọs kp’ufẹdọ-Wñ Ujẹny-Wñ ad alu-wa pioo, T’ogbegbeilẹ nyi’ilẹ wa El uyọ uganẹ atẹ === code 367 title THERE IS A NAME I LOVE TO HEAR *1 I n’odu ku na ayọ ñw egbọ Na ayọ ek unyọ-Wñ dufu I dab eli eti-mi pioo I arinyọ t’odu duu le *2 I ak ọl ufẹd ẹnajadu Ki kwu ki gba mi tanẹ I ak ọl ẹbiẹ ọmẹmẹlẹ Ki b’udu k’onẹ fẹ jọ *3 Jisọs ch’odu ku na afẹdọ-i U la ayọ egb odu-Wñ lẹ Ẹnẹ duu neke k’alaja-wñ n I cheet ibe ọnẹ le *4 Ẹkpo odu lẹ adẹ pioo Ej ọọna duu ku na ale I añw ọọna che ñw umi alo, Tuny ỌJỌ efojale *5 Omi kp’abo k’ẹbiẹ-Wñ la lẹ Kwef ọbata adure Ak eli etitọ gbegbelẹ, Efẹdọ k’I fẹdọ wa === code 368 title THAT NIGHT OF DEEPEST WOE *1 Odu iwọ lile iche K’anẹ chubi gbẹmm tẹ lẹ Ẹgba k’Ẹ lef unefu lẹ Ach udu adure-wa ONDU afeju k’a n’ẹdọ Ki kọ ñw uyọ ch’urewa-Wẹ *2 Ẹnẹ neke k’unef iwọ K’ẹ li ọmọ tod uwa? Ufẹd ỌJỌ f’ukpahiu ki M’ẹdọ-wa nẹ lẹ kpofo Ẹdọ kp’ibe k’Ẹ gbatanẹ Oñ a anẹ rewa Wẹ kp’uyọ *3 Ibe-Wẹ ch’akoko ñwuwa Unekwu-Wẹ ch’awuwu K’Ẹ f’ẹdọ agbọgọ-wai jẹ K’ufẹdẹnyọ ki r’ọ ida Ki fej ed ojima ñw Uwẹ De ọla-Wẹ, fẹd odu-Wẹ *4 A cheema fai, k’Ẹ d’at atẹ Ma m’uwa gba ef Uwẹ A aned iko ki mẹr ọwọ-i Owñ ch’ik edabiwa-Wẹ Gbẹgba k’Ẹ wa, a atene ka Nẹdọ ki agbede rewa-Wẹ === code 369 title JESUS GAVE HIMSELF FOR ME *1 ONDU ufẹdọ-Wẹ f’awa li, ab a t’achila ale Ẹm’ọwọ-Wẹ ko l’uwa de, f’iw ukwu li tod uwa. K’eli taa, I afẹdọ-wẹ, Jisọs m’ọla-Wñ du ch’ele *2 Neti r’akwu anyanyi lẹ kwef uchẹ Gẹtsẹmani ONDU-wa gw’ad ide ọmọ, abu k’abo-Wñ j’al olu I afẹdọ onugo-wa, oñ I m’ọla-wñ du ch’ele *3 I dọmọ ak ọla ñw Ata-Wñ, am̃ ag ẹrikoko lẹ G’ab I mu gba m̃ọ tod uwa, k’I we kad awa alu O’efẹdọ k’I fẹdọ wa, d’ọla-Wñ ch’ele tod uwa *4 Tak ef ekpoji uwa lẹ, akpol ỌJỌ chi b’Oo ma, Ma t’Owñ kate nọ ñwiwọ lẹ, k’I ch’ọọna ujadu mi Ufẹdọ-i abi dẹ taa! Todu mi I li iwọ lẹ *5 N’eti ta, ukwa-Wñ n’adufu, ef ẹchub oj oli lẹ O, ỌJỌ, Uwẹ la t’Owñ nọ! owñ ki ch’unekwu-Wẹ duu Onugo-mi tod uwẹ, oñ I m’ọla-Wñ du ch’ele *6 OOD a ayọ, k’uwa-Wẹ kpoji, k’ọbata-Wẹ lale mẹ. Wẹ le toj ed Ata-Wẹ mẹ, k’Ẹ deju k’Ẹ ma ñ’akwu n Ii, Ẹ deju tod uwa, Wẹ k’Ẹ d’ọla-Wẹ ch’ele *7 OODDU a ad oji kanẹ ñw ẹ tod ufẹdẹnyọ-Wẹ lẹ A amufu ef uy ọgba-Wẹ, ẹgba k’a ali eju-Wẹ T’iko lẹ a ak elii gẹ, Jisọs m’ọla-Wñ du ch’ele === code 370 title MIGHTY ARMY OF THE YOUNG *1 Ab ogwu ee-Jisọs Kraist, d’omu-mẹ dago k’eli D’ọl ọmẹmẹlẹ-i kpogo, Kraist deju, I kw’onu ‘ka tod uwa, n’adure-wa toj oli I agba wa tanẹ fai k’I dejui *ref Ẹ ki ned iko ki lale, kẹ mud ogijo n Kwanẹ fai k’ẹ k’eli Jisọs, ugbo duu k’ẹ ẹnyi; D’om uyọ-wẹ nyatẹ fai, k’ilẹ duu ki mugba jẹ *2 Ukpalu abokobia, kp’ukpalu abigbẹlẹ K’el uyọ-i ñw ẹnẹ duu gbọ, Kraist deju, Uganẹ dẹ ñwẹnẹ duu k’adure f’e eju chubi Im̃i dẹ ñwẹnẹ duu fai, Kraist deju! *3 Jisọs deju uyọ dẹ, Ch’On amonu OOD ẹwñ duu! b’uba ef oliukwu-Wñ fai, Kraist deju G’ab I kp’akw adure fọ, m’amẹnamu gba tanẹ, F’ukwu du ọpioo-wñ la dẹ, Kraist deju